輝記快餐

Open Now

Now Closed

大角咀出名多小店，呢間嘅芝士辛辣麵真係ok喎🍜🔸味道🔸唔知點解，喺街食芝士辛辣麵硬係覺得好食過屋企煮😂湯底非常濃郁，麵底質地啱啱好。雞扒煎得好好，外皮有少少香脆。腸仔就普通廚師腸仔，冇乜特別。淨麵$33，再加配煎雞扒($12)，腸仔(+5)，凍飲(+$2)。份量對一個正常食量嘅人嚟講，的確係唔夠，建議再嗌多少少。🔸環境🔸始終係小店，所以環境方面不能咁大期望。店內座位唔多，所以坐得唔耐。

喺附近買嘢，朋友介紹我嚟呢間快餐，店面好細，所以要等一陣先入座，店主好好，唔會有位就俾啲一或者兩位嘅客人入去先，會留枱俾先到嘅三或四位客人，值得讚賞我哋點咗煎雞扒芝士辛辣麵、煎豬扒煎蛋湯烏冬同一份燒賣，飲品就點咗紅豆奶茶雞扒同豬扒都煎得好香，味道都好好，食完就明點解賣快餐嘅鋪仔都要排隊，芝士辛辣麵好夠芝士，湯烏冬嘅湯清甜，烏冬有咬口，燒賣冇影相，但好好味，點埋啲辣油真係好好味，杯紅豆奶茶都好好味，凍飲都好滑，又唔會太甜，紅豆軟硬適中好好咬，有機會都想試其他嘢食