輝記香港仔魚蛋粉

Open Now

Now Closed

呢間又係位於水車館街嘅麵店，本身睇上去門面冇乜特別，點知內裏裝修非常古色古香，有大大個簷篷在廚房門口。先睇吓餐牌，原來有酸辣、牛雜以及牛腩，不過酸辣牛雜都聽落唔錯， 一次過就可以試佢嘅酸辣湯底以及牛雜的味道。我叫了酸辣小酸，的確不算太酸，酸辣味道的辣味還是夠勁秋，吃到後來都要喝點東西才能解辣；麵條好像份量都不算太少，最令人吃驚的，反而牛肚非常之出色，辣得來又入味，叫你喜出望外的那種味道。其他牛雜就沒甚麼特別，就是湯底襯在牛雜特別，吃得過癮店內還有一隻相當可愛的小貓咪，間中會在店內穿梭每個角落，相當惹人憐愛

抵食抵食三十幾蚊一個雲吞麵再加十幾蚊有個菜勁大碗食多啲菜先健康 所以叫左兩個菜心😂😂勁抵食 自己煮都要時間啦買外賣 價錢又差吾多仲吾洗自己煮又吾洗洗野仲好味啲😌

又係中午同同事出去食午餐，香港仔魚蛋粉呢個牌頭相信好多人都唔陌生，今日行過元朗呢間輝記字頭既就入去試試，先講門面招牌就一如既往大大隻字，鋪面都算幾大座位都唔少，中午都有好多人黎食午餐，由於都幾多人所以餐廳環境就唔影啦。睇下餐牌午市都有飯食，仰合返d鍾意食飯既朋友，而且價錢都係42蚊包熱飲，凍飲加2，飯餐黎講算幾抵，粉麵類都好多款，價錢有平有貴，係睇自己鍾意食邊款。生菜六寶河六寶分別有牛腩，牛肚，牛筋，牛肺，粉腸同牛膀，先講講個河粉啦，河粉質素幾唔錯，幾實淨唔會煮到散晒斷晒，至於六寶黎講我覺得等於牛什，價錢就貴左成11蚊，唔知個分別在那，咁講下質素，牛膀我個人就唔太鍾意食，呢份牛膀就比平時食既較乾身同硬身d，同食果陣唔算熱，似擺埋一邊放乾左切出黎，牛肚有2塊正正常常，算幾腍，牛筋我個人覺得就太腍，個人比較喜歡有咬口少少，牛肺口感都可以，味道算正常，牛腩都算幾淋，有d咬口，粉腸就食落有dd怪味，腍就幾腍，陣味唔太喜歡，湯底黎講都唔算好濃味，我另外再加d潮式辣椒油落去成個唔同晒，基本上成碗野都靠個辣椒油撐起左，6寶個質素麻麻，係個河粉同辣椒油幾正。另外粉麵加飲品就加8蚊，冷熱同價，我就加杯凍

原來已經好耐冇入嚟元朗國，陪媽媽到他小時候住的地方行吓，天口熱好想食河粉。就隨便行入呢間香港仔魚蛋粉，兩點過咗中午時間，都依然有人流。媽媽食牛腩湯河加牛肚$27+$6 湯底非常之濃，先飲一啖湯頭，湯底很鮮甜，色澤很好看，沒有味精味道。牛腩很是有口感，牛肚非常軟林入味我就食酸辣菜肉雲吞轉米粉$30酸菜就有啲似雪菜醃好咗，林上堂之前，就不一匙羹落碗度，味道就還可以，酸菜口感就一般。菜肉雲吞不算很飽滿，但味道還可以。難得可以喺$80內食到兩個午餐，確是好抵食。

今天瞓晏咗，唔知食乜好， 咁就行下街先啦，去到 谷亭街， 見到間粉麵店門面特別，裝修好有中國風格，咁就入咗去食嘢好有中國feel 一坐低叫咗碗牛筋雲吞河，咦! 估唔到都幾大碗喎，啲餸又多有三粒雲吞，四五塊牛筋 ，份量十足，絕對食得飽，最特別係個碗，公雞碗嚟啊雲吞一口一啖牛筋軟腍適中， 但鹹咗啲值得一講就係食麵梗係要加辣啦，佢哋就有兩款，一款係潮州辣椒油，一款係有蒜蓉嘅辣椒醬，對我嚟講食麵一定要加辣才對味，才有靈魂，個蒜蓉辣椒醬辣得啱啱好，好蒜香味咁大碗，份量十足，味道唔差，實有下次

今日經過元朗，入到這間鋪頭食碗魚旦粉加油菜味道很好，也有服務態度👍來也匆匆去也匆匆，回到家突然發覺唔見了電話，時差兩個多小時，嘗試回來這間鋪問一問，原來留在這𥚃，後來店員給回我了，好人有好報謝謝🙏👍👍👍

呢日一行二人嚟到呢間位於元朗谷亭街嘅輝記香港仔魚蛋粉諗住是是但但解決一餐。一入舖頭就見到裝修走中國古典風格，牆上貼有王羲之嘅蘭亭序做裝飾，典雅舒服。叫左一碗牛雜米($27), 本來都無太大期望，但估唔到有驚喜，一上嚟就見到夠晒大碗，米粉同牛雜都好足料，牛雜夠晒入味，牛肚、牛膀、牛肺件件大大件，比例亦好平均，唔會話多肚少膀或肺，米粉亦唔嚡口。分量夠足、味道好，二人一人一碗埋單都只係$54, 平、靚、正，當之無愧！

今天晚上天氣非常熱，唔想食飯，於是去左元朗谷亭街的輝記香港仔魚蛋粉食牛雜湯米粉。門口招牌好搶眼，行過見到都想入去幚襯。裝修企理，古色古香，牆身一大篇王羲之的蘭亭序作裝飾十分雅緻。餐牌多款美食任君選，價錢都好平民化。主角出埸，牛雜湯米粉($27)，大大碗又好多餸，湯底味道清香，米粉口感一流，份量又夠多，差點食唔晒。牛雜款式夠多，每個部位都有，夠入味好香口，口感適中，$27碗真係超抵食，女仕們一個人未必食得晒。