轉素快

Open Now

Now Closed

尋晚買素咕嚕肉便當做晚餐,姐姐話湯賣晒,我問是否可以有飲品代替,但姐姐說唔可以,求其俾多再條菜心,極之失望,因為湯或者飲品係好重要,我屋企都有菜心啦,駛乜你俾果兩條菜心仔而且仲係收返原價,之前買過幾次晚餐都覺得呢位姐姐麻麻,今次再次認証呢位姐姐對客嘅需求真係好求其,做完就算.坦白講食物質素係幾唔錯,不過店員態度真係唔得,當時真係唔想買,不過因為時間關系所以買咗,冇計下次會唔唔再幫親要再睇下..................

外賣之前有試過幾間素食都有叫咕嚕肉 但呢間嘅素食咕嚕肉有點失望 佢係用好似麵筋嘅嘢整 但係成舊打咗芡 🥲🥲🥲有啲似食膠嘅口感🙁🙁而且味道好淡有啲後悔總之試佢嘅鰻魚飯 反而係三色豆有啲驚喜 成碗飯都係用三色豆嚟送 😂 鹹鹹地幾送飯 碗湯正正常常 嗌多咗個蘿蔔墨魚丸同魚蛋個口感有少少奇怪不過個自製XO醬味道尚可枝茶好淡味 白桃烏龍 冇白桃味極品金宣茶 都無咩茶香 🥲🥲🥲同埋個茶包未泡開 建議提早處理冷泡茶 食物質素有待改善 🥲

今日見得閒，周圍食下嘢及行下，就走左出嚟港島。試左呢間位於北角嘅鋪頭，因為心血來潮想食素食。味道都算幾好，最少都有湯飲，個飯都夠熱，屋企飯餸味道，店員用心介紹，可以再試

第一次試呢間轉素快素食店 個名好有趣 店舖好細間 主打開做外賣，每日都有唔同款嘅便當。便當款式同平時啲素食好唔同，有好多唔同款式素食便當同關東煮，而且份量好多。每個便當都有兩條菜，小店用嘅飯盒係玉米澱粉製造的，關東煮都好出色，湯底整得唔錯仲有辣椒醬提供，啱曬我呢啲中意食辣嘅人。有超多唔同款式嘅關東煮任君選擇，冬天食真係一流。小店雖然空間比較細，但裝修都好有環保及素元素，呢間店仲係一間社企，一定會再嚟幫襯

是次係openrice落單外賣自取，跟預定時間出現店舖時，外賣已準備好，跟要求一樣，無附上餐具我話走膠袋時老闆娘高興地講左句「多謝支持環保」，估計老闆娘同我一樣係支持環保人士😆打開飯盒，份量標準，對於我咁大食既人一定唔多，但起碼冇令人覺得「嘩，咁小既！」既感覺。價錢$45有埋野飲，有配菜，有配料，加多兩條菜心比你，算抵食！係其他店搵到咁既配餸小之有小。今次叫左曼魚飯，外貌還原度都高，配埋曼魚汁，味道唔錯。飯係紅米飯，有住家味道又健康。最appreciate佢地既配菜，十分有驚喜及誠意😆首先係深啡色、有陣陣豆豉香既配料，雖然唔知係乜，但一食，撈飯一流。繼而係兩條足料菜心。最後要讚佢三色豆，三色豆撈埋麵根碎一齊煮，面頭加小小黑/白芝麻做點綴，唔喜三色豆既我發現原來係可以咁出色！今次對三色豆改觀。叫左其亞子柚子茶，第一次試，清清淡淡幾好飲。轉素快唔貴，又足料，唔食素既人都可以去試下。支持小店！

平日久唔久食餐素，但都係覺得比較油膩，我又唔鐘意食沙律菜，變左要跟網站學煮，近日身體不適更不能入廚房煮，阿女見到呢間轉素快，話買返黎比我做晏。本著姑且一試，竟然有驚喜，多款選擇之餘，不油不太咸，看得出心機。紅米飯配魚餅加炒菜絲。一開飯盒見色彩繽紛便覺得開心，魚餅乾身唔似街個D一多油，味偏泰式對我來說稍辣，但惹味，而炒菜因有椰菜紅蘿蔔加上黑白芝麻，覺得比自己煮更能做到五色平衡，飯是紅米飯，飯旁邊有些㰖菜更送飯，整體覺得以今時今日既外賣，既低食，又營養，重點係不油膩。

飯盒幾好味，淨喺肉燥已經好食，建議叫幾串菜類關東煮食，會更加好，（海帶結、娃娃菜、蘿蔔）聽講之後仲會有台灣冷泡茶，依家得奇亞籽柚子蜜。食完腸胃比較明顯有比以前好

今日經過北角，見到呢間細細地嘅素食，最近食濟咗好多，無意發現呢一間，💪食咗佢嘅素玉魚柳，超級好味，員工態度亦都非常之好，超快手腳就整好俾我，極之推介👍👍👍

你有轉素快嗎?感謝同事&相當多好友留意到, 北角有間新開素店, 新素專員唔敢怠慢, 即刻去探一探店先first things first, 要去嘅朋友, 千祈唔好信openrice個location(地址係啱嘅, 地圖起碼暫時係錯嘅), 我跟Openrice個地圖都兜過幾個圈😂係近炮台山好多, 直頭喺城市花園商場對面店剛開張, 款式都唔少, 便當有五款揀(慘喇, 我選擇困難, 要店員幫我揀😅), 出線佳麗係鹽酥雞, 見到炸得一嚿嚿以為係芋頭, 原來係豆狀物體, 紅米飯同素肉碎都欣賞嘅, 反而個”關東煮”呢..咦到底係邊門邊派嘅關東煮會有烘過嘅痕跡然後無湯呢?🤣🤣🤣奇亞籽柚子蜜糖水係refreshing嘅最重要嘅部份, 字就食咗嘞, 不過店家係連個人轉數快, 又或payme都唔收, 淨係收現金😂估得到佢仲係食神咩😂😂去之前㩒定錢啦🤣🤣🤣

今日過咗去北角搵朋友傾野，無意之中俾我發現咗喺北角城市花園商場對面新開咗一間北角新派素食店（轉素快）今日試咗素肉燥魚柳紅米飯便當另外加咗一串蘿蔔👍👍味道一流舖頭環境很整潔，服務員態度很好會長期幫襯👍，