Video
7-min walk from Exit A3, Sheung Shui MTR Station
continue reading
Introduction
主打藥材湯底火鍋，但入口全無藥材味，味道與養生功效兼備。最常叫的豬骨湯是由新鮮豬骨、筒骨，再混入淮山、五指毛桃等藥材熬製而成，有減輕濕熱的功效，火鍋料亦混合健康食材製成，如花旗參丸。而其他海鮮料、本地牛頸脊，則是每天從九龍城街市選購回來，保證材料新鮮。
continue reading
Opening Hours
Mon - Sun
12:00 - 01:30
Above information is for reference only. Please check details with the restaurant.
Recommended Dishes
辛鮮食物質素、味道、環境、服務、招呼、價錢都非常滿意，可以添食翻兜再翻兜，推介！還可以致電要求另類食材，龍蝦、鮑魚、蟶子皇、皇帝蟹、等等。朝日，冰凍到樽面都結，酒杯從雪櫃取出，倒下啤酒一飲而盡，透心涼！調味架，基本已足夠，不用太花巧太復雜。生蒜、蔥花、芫茜、指天椒、蠔油、麻醬、豉油。雷式混醬，我特定火鍋的靈魂，沒有她不如不要打邊爐，豉油、生蒜、蔥花、指天椒，天作之合。青芥辣青瓜，多汁爽脆青瓜碰上微辣芳香芥辣，清爽味道潔淨味蕾，開胃開腦作好準備開大餐。室溫有點欠佳，冰凍一點會更可口。麻辣花生，外購小老闆嗎？味道外觀都同出一徹。惹味麻香脆卜卜，辣味醒神，連我不愛花生的都食到停不了啊！辛鮮滾熱辣雞煲半隻中辣，文廸抗辣能力不太高，但依然捨命陪曉奧，辣到雙脣通紅像膶腸般性感，真的非常感動！特意要求加豬膶一齊兜炒，猛火啫啫去，滲出甘甜香味，使得更鮮甜，更香噴噴呀！濕雞煲不是艷紅的醬汁，偏黃帶啡不太辣，味濃清香不嗆喉，微辣帶甜散發香菜香料多種薰芳。雞件斬得剛好不過碎濕濕，有肉咬而嫩滑多汁，雖然白肉無醃無味，幸好捲上醬汁仍是美味。韓國烏冬，質素極高，還以為是日本品牌手打烏冬呢！自創麻辣啫啫乾炒烏冬，天煞的色香味俱全，無敵的演繹！彈過嚥韌米香非凡的烏冬熱騰騰，雞煲精華完全滲入其中，鳳脂油香膶甘豬甜，還有香菜麻辣，複雜的味道不能形容。絕對的珍味，大啖大啖地啜，食左先講！辛鮮滾熱辣雞煲半隻中辣，滑雞全部消滅掉就可以進入下一階段，加上高湯跟麻辣雞煲精華混和滾開，火鍋時間。黑牛柏葉，鬆軟微爽有咬口，索盡麻辣靈魂又不失天然牛柏葉甜味，蠻喜歡吃啊！蟹棒，耐心等待剛剛散開的一刻，變得軟綿綿，吸得麻辣雞汁透切，甜辣香麻交融，當然好味道。緊緻不易散，本身魚肉甜美清新又係吸汁高手，熱燙燙過足癮。萵筍，油麥菜粗粗的莖，削走厚皮便是翠綠如寶石的萵筍。微灼像筍爽甜，深灼變得軟腍像瓜多汁，兩種食法一樣美味。手打四味墨魚丸，貪心的當然來個四味嘆嘆啦！青芥辣、黑松露，顏色明顯有別，不過混入的材料味道微弱不突出。手打牛肝菌墨魚丸，陣陣肝菌清香不特出，彈滑真材實料，墨魚味濃無野好講。反而原味墨魚丸最出色，墨魚味濃郁甜美，仲有墨魚肉粒添呢。招牌本地牛頸脊例牌，色澤鮮明油潤，牛肪豐富閃亮，新鮮度無可挑剔，感覺係未曾雪藏的即日鮮牛。拖到滾湯涮兩涮，淺粉紅色最佳時機即入口，嫩滑彈彈牛甜味濃，油脂甘香非凡，厚薄適中充滿肉汁，餘韻無窮舔舔嘴。珊瑚蚌，鮮明水潤的色彩，灼灼捲曲吸盡湯汁，爽爽脆脆鮮味十足。福袋醉雞鍋半隻，外觀演繹有卓頭，用腐皮包著雞件及藥材，大大袋放在火鍋正中問，視覺效果加分不少。就連文廸姐見慣世面既都為之陶醉，望到眼定定。開火已幾分鐘，等了再等都沒什麼反應，肚仔餓到有點不耐煩。都係決定蓋住煲，快快滾先得，等死人咩！腐皮福袋自行破開，雞件及藥材跟其他才料立即融為一體。特濃雞湯味道散發鳳肪甘香，還有豐富的藥材味及甜甜紅棗味，已酒香貫通，湯汁美味飲完暖笠笠，渾身是勁！雞肉嬌嫩可口，身體適中無黐肥，胸綿髀滑，心滿意足。醉雞子，沒有的骰本地甜美鮮雞子，就算只有雪藏火雞子都照食啦。吃不到的酒香，質素大跟皮脆肉嫩水潤，咬開爆汁甜美，滾上辣椒豉油仍是可口地不停進食。一口鳳城水餃，皮薄滑嫩，包得餡料實淨脹卜卜，豬肉香甜、蝦仔彈滑、木耳爽脆，接出精采的味道。醉雞湯浸著全部倒入口，特別的食法換來獨特的味道，好食喎。鮮墨魚，擺位精緻獨特，別具一格，靚靚啊。灼兩灼即起，沾點辣椒豉油吊出鮮味，先彈滑後嚥韌，好野黎喎。鮮象拔蚌仔，蚌味非凡，使得每顆味蕾陶醉欲眠，純天然鮮甜味，質感微爽略脆，有著添食的衝動。牛肩胛例牌，瘦猛猛顏色暗啞，其貌不揚。肉質有嚼勁而彈彈，不嫩滑但牛肉味強烈霸道，另有翻風味。白菜仔，放湯浸耐一點，讓菜身變得乾腍更爆汁更水潤更爽甜。
continue reading
今日食午飯，喺上水行左好耐搵到居然有一間火鍋店有午飯供應，睇番價錢＄40樓下都算可以，咁就同女朋友入去食下試吓，帶咗個藥膳雞湯飯同埋一個胡椒豬腸飯，之後先發現原來仲有小菜客飯可以食，40幾蚊左右年紀平就嗌多兩個小菜食，等待食物期間發現原來火鍋店應該有好多漫畫嘅朋友幫襯過，因為見到好多香港漫畫家嘅親筆畫都掛咗係上面，相信都會令到啲客人等候期間可以去欣賞下。食物上枱味道ok，藥膳湯飯有幾香嘅藥材味，兩個小菜都炒得出色，雖然個豬扒有一件係小部份未熟透。但都完全可以接受。服務態度兩位小姐都幾好值得推介大家下次再嚟食飯。
continue reading
上年食過黃酒雞湯煲一直覺得好好味今年再食過，已經係另一樣野。尋晚外賣黃酒雞湯煲返屋企打邊爐，點知一打開就係普通既雞煲。以為舖頭搞錯比錯左湯底我打返去舖頭問，佢話黃酒雞一直都係無湯煮法，但明明我上年食過3次都係黃酒湯底之後加生雞落去煲但今次係成隻熟既黎到唔知係咪轉左手煮法唔同左隻雞食落無黃酒味，加水打邊爐就完全無味舖頭叫加雞粉先有返啲味好失望我以為佢係比錯我但佢堅持話係岩無錯即係可以唔洗再去食黃酒雞⋯
continue reading
昨晚去辛鮮吃飯，食到一肚火約了8點十五分，未到8點十分辛鮮已打電話來問"喺咪行緊來", 我以為有枱便急急腳來說"係", 準時來到見地下有空枱便入內説訂了枱，點知俾個男服務員趕出門口，叫我們出門口等，天寒地凍，在門口吹風吹了20分鐘，之後叫我們三人上樓上10人大枱，和其他客人分享大木枱，枱布都冇張，明明樓下有位又不給坐，仲要打話來趨，來到又要在門口吹風，火都嚟坐低見餐牌轉了，價格上漲了，叫了個鴦鸯鍋，每邊湯只有三分一，似炆嘢多過打邊爐，甘大個仔未見過，又叫了個海鮮拼盤，的蠔是冰的，帶子小得可憐，大部分份都是雪藏的，談何新鮮？？？最慘價錢一點都不便宜，環境差，食物差，份量少，服務態度-100最後埋單改了只收現金，不收信用咭！而且得知是換了大廚，懷疑是租約期滿，只收現金，食老本，準備走佬，大家千其吾好去，食到一肚火，簡直不知所謂
continue reading
1. 5点56分到齐了仍不可入内。当時店里店外並冇任何客人。早4分钟坐下影响誰了? 什么待客之道? 什么不得了的食店??2. Openrice 2O17 4月的menu 和 当日的出入很大。店主話每月不同。优惠冇哂不在話下。3. 牛拼盤包含了牛骨髓和牛栢葉十其他2样牛肉。 伏味極濃!4. 要光顧請想清楚和問清楚以免中伏!5. 同样價錢, 有很多任食火鍋店的食物質數都比它出色。非常失望。
continue reading