辣媽酸菜魚麵 (元朗安寧路)

Open Now

Now Closed

上午11點，除了茶記，好多食店都未開門。途經呢間辣媽，愛辣的我便行入去一試。叫了一個酸菜盧魚飯，賣相相當不錯，大大碗盧魚配白飯一碗。啖湯望落去好油，但飲落又唔覺，重有一股香氣。飲多幾啖都唔膩。推介是酸菜，咸咸酸酸但又不會死咸。平時d酸菜我只會食幾舊，呢間我成碗食哂，就係呢碗酸菜，我要為佢寫篇正評。可能時間尚早無乜人，班呀姐服務態度良好，無話其他食評咁話態度差。要改善的係清潔，唔係話污糟，但周圍都好似好油咁。抹嘢係要加洗潔精清潔劑的，不能只用清水。

琴晚同朋友傾開辣媽酸菜魚咁我哋由馬鞍山出發去元朗食啦,我哋就一行三個人入到鋪頭裏面,侍應就求其叫我哋坐低,之後我哋落order叫左5個餸,分別有酸菜桂花魚,炒肥腸,炒土豆絲,包心菜,蒜泥白肉。上菜慢都算,整碗白飯都要三四個人去整,又要落order,酸菜魚肉多菜少魚,肥腸食落有沙嘅添,包心菜咸行到盲都睇到嘢,土豆絲就酸到五官那埋一碟,以前都幫襯開都唔係咁樣,真系吾掂....吾去穩陣.完.真心吾推薦去,川菜同酸菜魚全元朗吾系得佢一間

唔會再幫襯！外賣自取食過幾次覺得味道唔錯份量都多，但係上一次落單嘅時候個收銀員態度超差搞到唔想再幫襯今日心血來潮想食酸菜魚所以諗住比多次機會佢，點知又係同一個收銀員。。態度依舊咁差，黑口黑面講野又細聲到好似同自己講野咁，聽唔到所有好有禮貌咁叫佢講多次佢就極度唔耐煩態度差到爆，覺得俾錢買難受🙂食食下仲發現有條粉紅色面😂總結：呢個價錢可以有更多更好嘅選擇，就是佢啲野幾咁好食以後都唔會幫襯呢間👎🏻👎🏻

我明白外賣係需要等待，但係服務員嘅態度令到我真係要話俾大家聽，實在太差，主要喺呢一間餐廳度工作嘅都係中年大媽，我唔知發生咩事，佢哋啲態度真係差到不得了，佢令到我唔會再幫襯佢哋第二次！

次次去辣媽都係食酸菜魚，水煮魚類今次試下佢個酸辣米線除左手撕雞同娃娃菜之外，其他都係本身酸辣米線包左，手撕雞夠滑身，好食，娃娃菜正常上菜之後，估唔到係甘大碗，絕對可以食飽兩個人我叫左小辣，有辣味但唔多夠，下次再食會叫中辣。酸味都係差少少，但整體湯味黎講都ok其他配料都夾得唔錯，估唔到本身都跟兩條菜心桂林米線係比譚仔雲南個種幼身少少，但韌dd, 個人鐘意食依種口感寫明桂林米線，真係同其他米線有分別加左兩個送，$55, 最後d 米線係食唔哂熱飲都係加多$3~~ 依個價錢同味道我覺得都合理

因為小朋友要返學校，每星期六都吃一次！酸菜桂花魚麵，未試過就點這個吧！不似其他地方，這裡的麵是沒有太辣。加一杯凍檸茶少甜剛剛好。喜歡辣嘅朋友可以加辣或試吓水寫魚麵！

係因為屋企人想嚟先食，因為原本都唔鍾意食又油又辣嘅川菜。點知嗌咗一個唔辣嘅養生藥膳雞湯麵幾有驚喜，幾大碗，湯好香（雖然都唔會飲），面嘅軟硬程度適中，雞都幾滑。價錢就偏貴

住在元朗一年多，每次經過這餐廳，睇到出面的食物相片都想試下，這日終於搵到機會試試。餐廳格局似一般麵店咁，整體感覺乾淨企理，係d姐姐們會時不時就傾下計咁，不過服務係ok既。叫左餐牌封面的兩樣推介麵，酸菜桂花魚麵、養生花膠雞麵。落單後不久就有野食，個碗好大個，份量就一般啦。酸菜桂花魚麵中，桂花魚片好滑好味，麵質就兩碗一樣，酸菜我覺得可以再酸少少。養生花膠雞麵中，有一片花膠，雞件數量ok,肉質唔錯，係個湯有少少油，算係可接受的，仲有紅棗等配料，感覺上都真係幾養生。兩碗麵的湯底都唔錯，雞麵湯底幾好飲。價格接近$70一碗，算係一般。下次想試埋個水煮牛肉，唔知會唔會好辣。

朋友介紹話呢間野幾好食，好似返大陸食川菜咁，宜家因為疫情冇得返大陸，專登由港島去元朗試下……點知好失望……2碗面，加兩個小食2杯凍檸茶……成291蚊……藥膳雞面……湯頭好淡……完全唔似藥膳“燉”雞湯……似藥膳滾雞湯……啲雞又超多碎骨…差啲咬崩我個friend隻牙……酸菜魚湯麵……又係好淡……冇酸菜味……得少少魚味……真係自己買個鯇魚頭返屋企係咁易滾下都有味過佢仲要成68蚊…酸辣土豆絲，有d勁粗，有啲勁幼，得個酸字完全無辣……仲要炒得熟過籠…好鬼冧一啲都唔爽口…係得個麻辣豬紅好的…有麻有辣有香…但食完之後我同我個friend都超口渴…完全唔明點解咁淡嘅湯……都要咁重味精……食完之後每人飲咗兩支烏龍茶都仲覺得超口渴。

鋪名就聽得耐，今日終於有機會去試吓，餐牌內啲嘢食款式真係幾多，花多眼亂，樣樣都嘗試，結果揀咗雞麵，同麻辣魚片，原來魚片係可以揀生魚片或加少少錢轉桂花魚片，其實我就冇所謂嘅，不過姐姐推介桂花魚，一於又試吓啦！雞麵其實如果加少少錢可以加花膠嘅，但係我冇叫到，啲面係好爽身彈牙，雞湯濃郁有藥材香味，至於雞肉都好好食，但下次唔好俾咁多雞胸我就會好啲囉！至於麻辣魚片，我揀咗小辣，原來已經好夠辣，我有試過啲湯，亦都好濃郁用嚟送飯一流，至於魚片的確好滑好鮮好好味，但係如果有多幾快就開心啲囉，眨吓眼就食晒！

非常差的一次體驗！首先是侍應態度很差，野食又上唔齊。點了水煮魚（76$）和水煮牛肉（65$）超油超咸魚同牛肉都只有幾片肉碎好似人地吃剩的！剩菜！其他全部都是芽菜！90%都是芽菜水煮湯底說不上正宗 但不是死辣湯底我會比合格 但無咩肉食都唔知要個湯底做咩以我經常買貓罐頭的經驗 依度既一份水煮牛肉的肉應該不足50g 即係半個貓罐頭，貓都食唔飽但矩係一個收65$ 既午市套餐一定是不會再來了失望+餓住走，出去即刻搵其他野食

在香港還是第一次吃酸菜魚，友人說這間不錯，所以就來到試試，就點了一大碟酸菜桂花魚，肉嫩，但吃到兩、三條魚骨，味道不算辣，酸菜咸咸酸酸，正好配白飯吃，份量剛好兩個人食另外還點了菜，好夠火候味，再加上微辣，好惹味，我比較喜歡這碟菜整體覺得不過不失的味道，沒有太大動力會再來吃，不過想止下口痕可以來吃喔。

⭕️所有侍應帶上口罩⭕️早上12時，少人⭕️店內多座位，座位尚算有空間感星期六來到元朗搵食被酸菜魚和花膠雞湯面吸引了這是新店，價錢相宜，選擇很多水煮類，小炒類，酸菜類可自選粉面飯，而且有套餐供應我們三人行，點了兩個套餐，兩杯飲品和追加兩個小食蒜泥的白肉蒜十分足夠，蒜中加了少許紅油，不辣的用心的白肉和一片薄薄的青瓜片卷著大大減低入口之油膩感皮蛋一般水煮牛正常辣，食得辣都食到流晒鼻水🤪肉質ok減辣酸菜魚不太酸，微辣，味道ok魚還可以水果茶有驚喜！以熱情果，菠蘿為生果底我無走冰，水果茶是室溫，太好了！整體推介以這價錢，食到這麼多東西滿足的一餐

見到呢間野可以係短時間係元朗內開第二分店，一定有佢既厲害之處。圖為酸菜魚配飯，酸菜魚咸咸酸酸，令人十分開胃，食慾大增。將飯倒進湯裡成湯飯後更能讓白飯完全吸收酸菜魚湯既味道。唯一要彈既地方係d魚好多碎骨。

同男朋友去南生圍踩完單車出來搵食見到有酸菜魚又好耐無食就揀左呢間 兩個人叫左個酸菜魚跟飯share 有得揀生魚同桂花魚 桂花魚貴dd 我地揀左桂花魚因爲怕生魚多骨 魚既份量都算多 但個湯好淡味 得陣酸味 完全唔係食開果種酸菜魚有d怪怪地咁 同埋魚肉好似乸過咁 有d怪味 成75蚊 唔係太抵食另外叫左口水雞同尖椒皮蛋 兩個小菜反而比酸菜魚仲好味