辣媽酸菜魚麵 (元朗安寧路)

Open Now

Now Closed

小抄會跟飯?感覺好似好少……價錢打錯原價89他退番九蚊比我但係自己䏲單安全d正常叫個小抄會那麼少我又是叫肥腸飯感覺是下午飯的餐……堂食時都叫好少少……宜家味道比之前差了

周圍食係一種樂趣，亦是一種享受！美味嘅食物會帶來一種滿足，如果食中唔好食嘅食物，會覺得中伏，甚至乎可能會帶來一些埋怨🤣我不吃辣的，水煮桂花魚我不評語了😂但見到碗麵其實都幾油！藥膳養生麵，好大塊花膠😍，材料有雲耳，杞子，蟲草花，准山，紅棗，雞......湯底我覺得無想像中濃味，蟲草花吃去時無咁爽！整體來說，環境不錯，有卡位坐幾舒服，不迫狹，花膠幾大不錯，但湯底不夠濃味！花膠養顏，有好多骨膠原，尤其對女性好好的！

行過見到係食酸菜魚麵覺得幾吸引就忍唔住入去試下點知原來個日兩款魚都無晒 所以無得食魚既情況下我地就求其揀左兩個麵黎食下啦ㅇ桂林米線加兩個餸 揀左滷雞翼同鴨血兩樣 $53麻辣既味唔係太濃 但勝在夠香口但係可惜既係個湯實在係太油 好倒成半碗都係油咁但整體都算係唔錯ㅇ牛筋牛腩蔥油撈麵 $52佢個牛筋得兩細舊呢件事真係令我超失望本人覺得比較適合稱為牛筋腩 而唔係牛筋牛腩面底係幼身既面 都唔係我口味。另外加飲品無論係加特飲定普通檸茶都係加9蚊所以就加左兩杯特飲🤣🤣🤣

星期六朋友過來元朗探我，突然想吃辣嘢，見辣媽係元朗都有幾間分店，就帶朋友試一試啦！下午3點幾唔算多人，可能這段時間了一些自由行。本來叫了酸辣米線，點知來了一碗全是油的麻辣米線，我問侍應阿姐這碗是咩嘢?佢話係麻辣米線，我俾張單佢睇，我叫嘅係酸辣米線，點知阿姐即刻話係酸辣米線，咁都得?我吃了幾口，真係吃唔落，返到屋企即刻肚痛。埋單時更激氣，見有支付寶就試下用啦，嘟完俾完錢我同朋友就行出門口，點知俾個唔知係唔係老細嘅阿姐叫住我咪走，話我未俾錢，當時見個阿姐只顧睇電話，態度差到爆，唔會在幫親。

星期四的中午，正值繁忙的午飯時間，店內坐滿食客，有很多學生光顧。我和男朋友兩人分別點了滷水雞翼撈麵$43和酸辣桂林米線+手撕雞+水餃$56。滷水雞翼撈麵的調味很好，有豉油的鹹味再加上葱油好好食，另外有4隻雞翼亦都非常入味。酸辣米線上菜時有一點嚇怕，因為看到成碗都是紅紅的辣油浮面，幸好其實不是太辣，手撕雞有點肥膩和難咬因爲好「鞋」好「un」，水餃一般因爲它的皮很厚。兩碗麵的份量非常足夠，我們兩個吃飽捧肚離開，總括來說，我們都很喜歡滷水雞翼撈

今日拉左兩個朋友仔入元朗覓食🥢之前黎過呢到食野😊今次又再黎試下其他湯麵養生藥膳雞麵🍜「養生藥膳」呢4隻字好吸引女生😍小妹係其一🙋🏻‍♀️嘻嘻啖湯濃郁厚實嘅藥材味😌眼見有紅棗、杞子、蟲草花等等...🤗但又散發出香純雞湯味道😚飲起黎覺得用左好多時間熬製⏰麵食揀左刀削麵🔪每條都超長入味😉富有彈牙口感😙滿足哂小嘴巴木耳係食物當中好難入味🤭但呢到嘅木耳出奇地入哂味😝菇菌就更加唔洗講😋

因為電影場次的問題，今天跑了比較老舊的元朗戲院看電影，小編挺喜歡吃酸菜魚的經過這家用酸菜魚做主打的小店，怎麼可以不進來嚐一嚐呢😄～2人餐單參考（飽足程度：★★★☆☆）：酸菜鱸魚麵 x1-手工麵-少辣熱飲 x1No Service ChargeTOTAL HK$52👆酸菜鱸魚麵 $52（推薦指數：★★★☆☆）湯底味道偏鹹了些，基於普遍酸菜魚這類的川菜都屬於重口味餐點，所以鹹是可以接受的！但是這個湯底的鹹偏於【死鹹】，缺乏了一點鮮味，魚肉不夠新鮮Q彈，非常鬆散。此外手工麵還算可以，幼細口感，讓湯汁吸收，可是湯底不行就.....嗯嗯最後，這間店我估計不會來了，不是因為餐廳的食物遜色，是店員的服務態度極差，點菜慢，下單講了幾百次也點錯🙍

每次經過都想試，昨天終於入去一試，order 了一個酸菜魚面$68，老婆㨂了「炸醬云吞水餃撈面」$56。先先老婆想吃湯面，問能否轉湯面，待應話要加2蚊。咁老婆話加2蚊吾洗轉。最後佢在等緊時睇單又見加左2蚊，話比侍應知不要湯面，個女侍應黑面，不下10次地講「你冇同我講，我一定冇聽過！」服務真的差到冇人有！而碗所謂「酸菜魚面」，真係咸到不得了，裏面主要係一大堆咸酸菜+冬菜粒+幾片桂魚，最主要個湯底係味精勁咸，食完飲幾杯水。呢一間野又貴又吾好食服務又差，一定不會再來！

由佢開業得一間鋪果陣已經光顧，一直至佢開分店都有keep 住幫襯，以往佢嘅酸菜魚煮得好好食，湯底唔會死酸，有魚嘅鮮味。可惜最近周末午市時段去，如常點了酸菜魚麵，發現雖然賣相一樣，但魚片用酒醃到冇晒鮮味，湯底變得十分酸及稠，味道令人失望。😓當日所見，餐廳經常接近坐滿嘅狀態，有本地及內地客，生意十分理想，可惜食物質素已不復當初，短期內唔會再食。

Have never thought that we can have noodles in different kinds of SiChun style. It is a very good idea!The soup is not that sour and it is not spicy at all but there is a awkward taste which I believe is from the veggie. It is generally nice. I would score it 7 out of 10.

之前睇電視節目，極有興趣，第一次係係千色附近果間食，覺得好好味，呢間開得近西鐵於是想再試多一次，點知真係一試難忘，好失望我地兩個人點左酸菜魚麵同豬肚麵，酸菜魚揀左價錢較貴的桂花魚，點知無論望落定食落都更似平價果款（鱸魚），肉質好老，一d都無桂花魚的鮮滑，另外叫左杯少冰既飲料，點知差唔多大半杯都係冰，如果係無少冰呢個選項，咪直接話無得少冰咯，咁樣可能我地會揀唔飲服務方面，叫左好耐都無侍應理你，明明已經眼神接觸左都當睇你唔到估計係一門絕技唉，難怪個個都嘆香港服務業變質到如斯田地。唔會有下次

之前試過佢嘅酸菜魚麵覺得唔錯！所以今次就黎試吓佢嘅下午茶今次就試咗一個孜然炒牛肉刀削麵同埋滷水雞翼拌麵 下午茶嘅份量嚟講佢真係夠晒大碟如果勁鍾意孜然味嘅朋友 佢嘅孜然炒牛肉刀削麵就啱晒你地喇！因為孜然味好重但我就略嫌佢重左啲！相反雞翼拌面嘅味道就恰到好處 值得一試另外佢下午茶加$6就可以有一杯特飲！佢嘅特飲都係大大杯 今次我哋就叫咗杯冰爽青檸七喜 味道就不過不失 不過勝在大杯我哋叫咗兩個餐 加咗兩杯特飲 每人平均$45都算係咁啦

一向鍾意食酸辣野 今日叫另一半去元朗食元朗辣媽搵食環境還可以 裝修得偏向簡潔風下午茶時段 唔需要等位兩個人一去到walk-in 即刻可以食老壇酸菜魚*****大大的一碗 一嚐湯頭好濃郁厚實 覺得係有花時間熬出!!酸菜味好出 不是簡單沖粉普通湯 重點係魚都好新鮮 無急凍雪味 同湯底非常夾豬手麵豬手炆得夠腍入味 不過得兩件 湯底就係豬骨濃湯味 尤其要提及手工麵 爽口彈牙 不覺意已掃光一碗綜合水果茶有真正水果切粒 加$6轉特飲 幾大杯下可以share飲埋單1百蚊有找 下次可以試試鑊氣小炒附近有元朗小巴站食完去南生圍大生圍都方便

星期日嘅一個晚上，去完住喺元朗嘅朋友屋企，夜晚同屋企人會合一齊食晚飯，走喺街上面，唔知食乜好，有人又話唔係好肚餓，有人又話未食野，正在諗食乜好之際，行下行下就黎到安寧路呢間《辣媽酸菜魚麵》，見佢平時另外一間分店成日都大排長龍，呢間唔算多人等喎，咁就攞左張飛等位啦，等左大約15分鐘左右就有位。座位逼夾，肥少少想行入去坐都有啲難度。我嗌左佢個招牌野辣媽酸菜魚麵，過左陣就黎到。賣相唔錯，個碗好大，麵唔算少，但一啲都唔彈牙，酸菜冇香味，湯底唔甜，只係食到一味嘅咸味；魚肉尚算滑，不過冇乜魚味。人地《魚X》啲魚同湯底好過佢好多囉！

喇沙海南雞米線 $52 (新年期間要加一)呢款喇沙湯底好似toast box款喇沙湯，唔辣但味道夠濃，個人幾鐘意😁而海南雞方面非常肉質好鮮嫩，有驚喜，值得一試，份量又岩岩好😇雖然呢間鋪頭出名酸菜魚，但因為個人唔太鍾意食魚所以揀咗其他款黎試😆鋪頭有嘅湯底同配菜都有好多款選擇，唔鍾意食魚嘅大家都可以黎試吓🤩下次本人再去都會試下其他款🥳.味道:😋😋😋😋😋😋😋😋😋(9/10)推薦度:👍🏻👍🏻👍🏻👍🏻👍🏻👍🏻👍🏻👍🏻👍🏻(9/10)環境: ⭐️⭐️⭐️⭐️⭐️⭐️⭐️(7/10).當日朋友都有試佢地既酸菜魚湯麵評價都唔錯，但就覺得貴左少少🙈都要$69起跳