辣媽酸菜魚麵 (Closed)

今次試咗元朗呢間 辣媽不過唔食得辣嘅我就係揀養生食物今次試咗養生雞湯藥膳面超級足料喎 紅棗杞子蟲草 都有真係真材實料而且雞湯我係經過好多個鐘熬製唔錯唔錯 而且雞肉都滑再試埋佢嘅特飲有我最鍾意嘅百香果感覺好清新好Fresh

真係未見過有水煮魚的魚片數量少得咁可憐，努力一番都找不到一塊完整似様的魚片，豆芽是水煮魚必有的配菜....sorry 欠奉，裡面可以搵到黃芽白，如果鍾意食黃芽白絕對可以滿足你.........收咗 $73連白飯一碗。再叫了一客蒜泥白肉，嘩！完全唔係箇回事。。。。點解白肉完全唔係白色嘅，仲要係圓碌碌一卷，不過咪以為成卷都係肉。不過話時話我真係唔知係乜，食完可以肯定咁講同蒜泥、白肉完全冇關係，多謝 $19三卷 ！

我同男朋友好鍾意係元朗食野，今次就黎左元朗呢間辣媽到試試佢，因為我男朋友鍾意食麻辣野，一入到去真係好有川味既感覺，成間鋪都好大陣麻辣味，超正。佢最出名就係個酸辣肥腸麵，之後我就叫左佢黎試試，果然名不虛傳好入味好正酸辣度適中，肥腸好彈牙，價值亦都合理👍🏻👍🏻👍🏻推介大家去食

禮拜六lunch時間，位於老馮茶居隔離嘅呢間辣媽午飯時間人少少坐得幾舒服，點知覺得中咗伏。藥膳雞米線：之前食嘅份量比今日多，無論雞、配菜嘅菇，虫草花同米線嘅份量都係明顯少咗，另外，個湯只覺得有咸味無藥材味，以前都唔係咁。而雞佢就比左不同嘅部位我，大約係每個部位一舊咁，但係有過一半都係un嘅，似煲湯肉囉。加9蚊飲珍珠奶茶，杯茶除咗得幾粒珍珠之外，算係正常㗎喇。總之就樣樣都縮水，以前我飲哂個湯㗎，唉！

原來呢間阿媽都算幾出名今日先第一次試味道還可以好夠辣鍾意食辣嘅朋友可以試吓不過我自己就覺得夠啦但係唔係太夠香價錢都唔算好平可能已經出咗名啦但賣相就幾吸引突然之間辣引起，試吓都無妨

平時北上都會食酸菜魚烤魚乜乜乜第一次係香港食 叫左招牌嘅酸菜桂花魚麵碗麵上枱果刻，我嘩左一聲(因為碗野實在太樣衰😵😵😵)除左個賣相似嘔吐物起晒泡咁🙈其實個味道都唔差嘅 魚塊都好味唔腥酸菜唔係幾夠酸 同有少少微辣的 (辣度可自選)麵份量都幾多夠飽肚 係唔係幾值$69姐另外叫多左一份鹽焗手撕雞小食$32望落份量唔多，仲要一堆青瓜絲墊底但原來食落又幾多下，夾極都仲有😋麻油味好香不錯吃，連埋生青瓜絲食都幾正題外: 好搞笑店員聲稱呢間係台式餐廳除左飲品係有賣珍珠奶茶之外我覺得都唔似台式😂·消費: hkd 170/2人

好耐無返大陸食酸菜魚，今日同男友係元朗睇完裝修野之後經過呢間餐廳突然酸菜魚癮起，所以入去試下。。。我哋叫咗一個酸菜桂花魚刀削麵同埋一個雞絲木耳桂林米線微辣～第一次落單店員落漏咗木耳呢個配料，跟住同佢講係木耳加雞絲米線，佢又同我落咗個雞絲米線加小食涼拌木耳🙄🙄🙄🙄 又唔問清楚，救命🤦 轉個頭又俾左一碟無叫過既小食我地。。。。個酸菜桂花魚一黎到已經見到啲麵煮得太耐淋到一pat pat就知唔方好食🤦 果然不出我所料。。。。而啲桂花魚味道同份量都算正常但個米線就幾唔好食，同出面食既小鍋米線差好遠， 完全係餸還餸，麵還麵，湯底還湯底，而且個湯底似係辣椒油調製出嚟完全唔香唔好食。。。木耳其實係雲耳，雞絲其實係雞肉。。呢個價錢完全唔知食左啲咩落肚，唔會有下次👎

因為疫情無得返大陸,但好掛住大陸嘅酸菜魚,惟有食碗麵補番數酸菜桂花魚麵蕃茄桂花魚麵兩碗都係桂花魚,只係湯底唔同。魚嘅肉質鮮滑,但多骨,食嘅時候要小心。酸菜湯底-唔辣、夠酸幾好味。蕃茄湯底-酸酸甜甜味道濃郁。

真材實料！食材新鮮！味道配合香港人口味！湯都差點喝完。我點酸菜魚！魚肉滑嫩！更海底撈一樣好食。我朋友點藥膳雞湯面，雞肉勁新鮮，不是雪雞。值得再來！給我很大的驚喜。

花膠藥善雞湯麵同蕃茄湯底麵呢兩個都係必食之選其他麵就無乜太特別推介都比較個人化口味同普通湯底濃厚比想像中更好雞比預期滑藥善味令雪雞無左雪味直得一讚想食米線可以一試會回頭食

平時夜晚想食下麵線，第一時間諗到都係”譚Son”，但食得多都會悶，但又想坐得舒服價錢合理，一家大小吃個飽，就去左辣媽度食啦，可能元朗生意幾好，前後見佢都開左兩三間分店，一間千色後面，一間朗屏站附近，所以話，川菜在香港的市場真係幾大。千色後面呢間店內光猛舒適，菜式幾有深圳食＂大二＂既味道，知道老闆應該是內地人，價錢算合理，餐牌招牌都推廣酸菜魚，應該是酸菜魚麵線最拿手，不能不試。整體味道平均，沒有什麼驚喜，成本考慮，魚肉當然非新鮮割製，相信是使用包裝魚製品現貨現煮，味精更加少不了，如果是連鎖店鋪講求SOP是可以理解的，沒想到小店亦會如此，但如果追求快餐店質素，這裡完全可以滿足你。

今日在元朗去了這間餐廳，因為它是藥膳湯。我們叫了酸菜桂花魚，養生藥膳雞湯麵，蒜泥白肉，和一杯珍珠奶茶。藥膳湯底較清淡清淡，但雞都算滑，它的手工麵像拉麵，味道不錯。酸菜魚湯有驚喜，味道有輕微辣，仲有魚鮮味👍。蒜泥白肉雖然加19蚊，但得三塊😧，不過味道不錯。

同男朋友落街食飯,見到menu個酸菜魚好想食,就如左去不過入到去又想食魚麵,最後男友食酸菜魚我食魚麵,魚麵都幾鮮甜,但係油左少少酸菜魚辣到一個點,但係係應該咁辣gei,上面仲有我鍾意gei午餐肉,所以我都幾滿意.

之前吃過安寧路分店感覺麻麻，服務態度都唔得，今日經過見有下午茶就試下哩分店如何啦！首先，服務唔錯，姐姐態度親切，店鋪感覺也比另一分店感覺企理。下午茶選擇唔多，只有幾款，亦無招牌藥膳雞麵，有點失望。撈麵比較乾，如果用雞油撈應該好吃好多，口水雞及格。冬陰功豬肚湯麵個湯都幾辣，而且偏酸，如果換成胡椒豬肚湯會更吸引。

相信好多人都有北上食過酸菜魚，雖然女好食，但唔係經常有時間可以北上食，加上一大煲酸菜魚自己一個一定食唔晒又要約班老死，如果一個人突然好想食又唔想北上？辣媽幫到你😂😂酸菜魚米線酸菜魚我認為非常適合配白飯，做成湯麵真係第一次試，或者係因為變成米線湯，所以辣道同酸道同平時食既有d分別，兩者都唔夠味，如果可以再酸同辣d就好了。 不過對於一般唔可以食太辣既香港人來講，就應該岩岩好，味道的確唔可以同深圳比，不過係香港過下口癮都唔錯。推介指數: