辣媽酸菜魚麵 (Closed)

知道此店很久，但一直沒有機會嚐試，今次終於一嚐滋味。當日，店面只有一位店員營運，所以招待店內堂食的客人，也分身不暇到收銀位置幫客人點外賣。引致流程不順暢，作為客人只好耐心等待。第一次光顧，我點了手工麵，外形像港版拉麵，咬口易斷，如果再光顧我會選擇薯粉，可以吸盡湯汁的味道。今次分別點了兩碗麵和一個小食。酸菜生魚手工麵如果元朗區吃酸菜魚，這不是第一選擇。沒太大特色，魚肉內有骨，不是一咬即溶的龍脷柳。藥膳養生雞手工麵第一口我是嚐湯頭，眼見湯底材料包括有紅棗、蟲草花、雲耳，酒味香濃，雞肉和麵量都不算少，，女士完成一碗應是十分滿足。芥末魚皮爽口彈牙，辣度點了小辣，感覺辣味突出，下酒一流，個人認為比麵更出色。📍元朗大棠路48-72號安福大樓地下9號舖

難得入到元朗行吓，見肚餓剛巧見到這間便入去試一試！見到牆上面有炸酥肉，但問店員原來話已經無再出到另一款酸菜桂花魚麵都係已經無再出，估唔到全店掛係牆度既poster都係裝飾用，橫掂都係又唔明點解唔掛個漢堡包poster囉😂咁我地唯有叫餐牌上面既鱸魚酸菜魚麵，湯底偏酸同埋味道好腥，差到食左一半就決定影相一定要企出黎寫吓食評😶‍🌫️呢個係難食到食淨左一半既口水雞，雞件雪味濃，入口鞋過牛肉乾，得個辣字難得入到元朗行吓，見肚餓剛巧見到這間便入去試一試。叫左呢個紅糖糍粑，食完唔知食左乜，入口一陣油益味，應該用千年油炸，總之就唔知想點估唔到喺今時今日咁多競爭對手時年代都竟然可以有間咁難食既食肆，真係好驚起，仲要價錢一d都唔平，今次當做一次傻仔，但一定一定唔會再食🥵

每次去到辣媽都係叫呢兩樣嘢酸菜生魚麵同埋藥膳雞湯麵但今次嚟到一上菜覺得點解咁醜樣酸菜生魚面都還可以魚片份量都係咁上下 但係多咗好多生粉嘅口感仲好似多咗骨雞湯麵賣相差咗好多得返兩三舊雞 面質亦好似冇以前咁出色

今日去左元朗做野，做完野好肚餓，所以係附近兜下睇吓有咩食，一見到辣媽個logo，唔知點解透露一種好正宗嘅四川菜氣息😂當下搞到我有少少想食辣野😆所以就入咗去🤩果然一見到兜麵，我就知我冇黎錯😍（我叫左小辣，因為呢排要養身）但真係好香🤤🤤 啲魚肉都算幾滑🥰🥰性價比都幾高💕

辣媽酸菜魚麵地址:元朗安寧路41-45號安定樓地下B舖第一次入來食，可能太早啦，好多野都未有。只可以點左個招牌酸菜桂花魚麵及牛筋牛腩湯麵。酸菜桂花魚麵 🍜 $69酸菜湯底比想像中更濃厚，而且唔辣又有少少鮮甜味，幾好。但酸菜份量咗少少，對於酸菜控來講會有少少失望。魚肉質都算鮮滑而且又無骨，不錯。牛筋牛腩湯麵 🍜 $52麻辣湯底唔太濃味，但勝在夠香口。牛筋牛腩正正常常，無咩太大特別。手工麵非常幼細彈牙，似拉麵，味道不錯。#nicefoodie元朗 

晚晚放工經過都想試吓呢間辣媽有幾好食，開咗幾年都冇幫襯過近排見重新裝修好已經開業，原本諗住應該冇乜人坐依食，點知8點門口都有人等緊位，唯有外賣返屋企食！揀左晚飯套餐藥膳養生雞麵配紅薯粉+62加多杯特飲水果茶+$17外賣分湯上又多個盒➕$3返到屋企打開見到雞都算多同滑，啖啖肉有成6嚿、藥膳湯底見到有紅棗、蟲草花、雲耳，有少少藥材味，如果可以再多少少就更加正水果茶特飲，味道尚可，有百香果、菠蘿、蘋果響入面都算足料今晚冇試其他小食，見到佢有個糍粑同夫妻肺片加$30好似幾正，下次再去試吓🏨辣媽酸菜魚麵地址：安寧路41-45號安定樓地下B舖電話☎️：28876868

諗住去元朗覓食 見到門口招牌幾吸引 而入面都坐滿客就忍唔住去試下☺️ 話哂都星期五晚 😄 成份menu都紅卜卜🤩❤️好期待之叫左個酸辣肥腸紅薯粉 友人叫左水煮爐魚麵 （手工麵）🈴 酸辣肥腸紅薯粉 （小辣）😍 個樣勁正！ 夠哂大陸風味😙食落就都重調味料味 唔係真正酸辣個種感覺 同埋個湯唔夠熱 🙁 整體感覺唔夠重口味（雖然個樣好🥲 肥腸都算唔錯 份量都多 有少量生菜 就係覺得唔惹味 滿足唔到想食辣既心情🥺 水煮爐魚麵（小辣） 呢個就重口味過我個個紅薯粉 不過個湯都係唔熱... 爐魚份量都足夠 （以$66黎講）都新鮮既 不過有骨 所以食落唔太方便....... 所以要留意返 食得小心d🥶 整體感覺 都係一般般 。。。唔會再返黎了 🥺 不過員工大部份都好好禮貌😙😍

昨天我和朋友到了元朗一間以辣為主的麵館，叫了兩款麵，價錢算係中規中舉。一款名為水煮鱸魚麵，另一款係酸辣肥腸薯粉。先講下水煮鱸魚麵， 湯底都幾入味，好有傳統辣野味道，好似海底撈麻辣湯底。 鱸魚份量偏少，而且完全冇魚味，好大機會係雪魚撈湯煮 ， 入唔到味。 另一款係肥腸酸辣薯粉， 好多大腸份量唔錯， 而口感都幾有咬口，真係可以稱得上肥腸。 麵配以薯粉，好似大家食傳統酸辣粉咁，不過不失。最後叫左杯凍檸茶，可能我地去已經係夜晚8-9點 ，杯凍檸茶完全冇茶味，難聽講唔知自己飲緊乜。

幫襯咗都好耐嘢食真係唔錯尤其是嗰個麻辣雞絲麵係佢fans環境都ok位置都好好價錢合理不過服務都係有啲差要佢杯水 係唔會比水你叫幾多次都冇人睬你畀錢又係一個問題淨係得支付寶冇八達通冇credit card喺香港呢個唔係有啲奇怪咩

翻睇過以往食評，很多人都不約而同將元朗辣媽的酸菜魚跟深圳的作比較而大部分人認為元朗的不夠正宗、湯底不夠濃郁、魚份量太少、配菜欠奉云云但由於本人鮮去大陸，亦不好辣，從未食過川菜的酸菜魚（請不要驚訝）因此這篇絕對是無比較、無傷害下的食評今次點了BB辣級別的酸菜魚，餐廳特別標明是採用桂花魚桂花魚素有「平民石班」之稱，肉質鮮嫩即使在味道十分濃烈的酸菜湯底下，仍能品嚐到鮮甜的魚香而酸菜湯底蠻開胃，可以清哂成碗白飯唯一美中不足如之前食評所說，酸菜湯底配菜只有黃芽白坦白說連譚仔米線的配菜都多過佢＝＝＝＝＝＝＝＝＝＝＝＝＝＝＝味道：6.5/10環境：6/10性價比：6/10＝＝＝＝＝＝＝＝＝＝＝＝＝＝＝

見到千色後面開左間新大舖星期六lunch 時間12 點半黎到岩岩好唔駛等位一人叫左一個set服務好快手而且幾好態度，好過舊店太多而且人手分配做得唔錯口水雞飯set 有埋例湯個湯都有d 湯渣比埋，但味道比較重味精口水雞份量都ok, 比左近翼位同胸位，都尚算滑，胸位就鞋左dd但個汁好食，好好送飯酸菜魚set 應該係比較多人叫標明用桂花魚，都算滑，只係食得出仲有少少泥味，依樣差甘d好多酸菜同薑打底， 但無寬粉既，所以佢跟埋個飯都合理我叫左bb 辣但一d 都唔辣甘飯口感唔錯，只係無乜米味set 加熱飲只係$4, 叫左杯熱柑桔，好酸，唔似出面甜爺爺甘整體食物同服務都ok, 所以會encore

佢地水煮魚片用的花椒品質唔錯,果朕麻辣味好正。芥辣魚皮微酸辣,夏天食會超正超開胃,但切得有d太碎。酸菜肥腸飯d肥腸鹵得夠味夠淋,酸菜爽口唔過咸,香口惹味價錢又唔貴,特登揸車入元朗食都覺得ok

一直我都好鍾意食酸菜魚，有一日行過呢間餐廳都想搵日試下，所以今日就專登收工過黎試下，點知可以係咁難食。一入去坐低，睇完個餐牌就嗌左碗酸菜魚紅薯粉中辣，首先呢度既侍應係無咩禮貌，我嗌完碗酸菜魚後諗住睇下有咩飲既時候，個侍應就無聲無息咁走左去，到我再叫另一個侍應落飲品既時候，個個侍應係完全聽唔明我講咩，又唔識落單，我好奇點解會咁既時候，原來佢係一個淨係識講普通話既姐姐，咁佢係樓面又點樣招呼客人呢。幾經艱辛，我點個碗紅薯粉終於上黎，一放低個陣臭味係我完全形容唔到既臭，我係香港同大陸都食過唔少次酸菜魚，但係就從來未聞到呢陣味，簡直係令我無意慾食。我試下第一啖湯，唔酸，唔辣，仲有陣頭先講既臭味，到食一舊魚，無魚味既，到試下舊酸菜，無味，到試下紅薯粉，啲紅薯粉又林又軟，完全唔彈牙。到我叫個杯咸檸7黎，我飲一啖，係水加七喜加好弱既青檸味，無任何咸味。呢碗粉我食左3份1就已經食唔到落去，5分鐘就埋單100蚊走人，掉錢落海都無咁肉痛。我建議大家真係唔好去呢間辣媽，附近無野食都唔好去，我唔想再有受害者，最後我仲要係屋企樓下食個麥記先得。PS 埋單時，我前面個位客人都投訴碗飯入面係有一條膠繩，但係個侍應都係

喺香港地想搵一間似樣嘅酸菜魚真係要撞彩🙄有時都唔知去邊間食??但係自己住屯門又唔想去到咁遠。 知道元朗有間辣媽酸菜魚， 於是就去試下食個lunch！1） 港式酸菜魚老實講如果同深圳比較，呢個一定唔夠好食。不過我都收貨啦....佢個湯底唔係好夠酸，不過又唔係好辣😂完全係香港人嘅口味。裏面有薯粉，金菇，支竹，蓮藕。 魚片亦都滑，全部都係我喜歡嘅食物！2) 好耐冇食過田雞，雖然知道泡椒好辣，不過都想試一試。 田雞係滑嘅， 雖然我覺得好辣，不過我都食曬3） 乾扁四季豆：嗰啲肉碎係超級無敵鹹！4） 海南雞飯普通水準🤔雞又唔係好滑， 反而油飯又做得幾好食喎！ 5） 叫咗兩兜不同款嘅炒乾鍋：應該都係川菜好出名嘅，佢裏面係好多唔同嘅辣椒，我哋食完之後，全部打返打包返屋企，然後再炒薯仔絲，係非常好食！

今年好少出街食飯，lunch突然諗起好耐冇食「養生葯膳雞湯麵」，好掛住佢嘅葯村濃湯味！雖然每次食完之後都必定會爆1-2粒暗瘡！😅咁即刻表示d湯真材實料。平時會叫幼麵可以吸晒d湯好好味，點知今次叫佐薯粉就真係差天共地⋯⋯薯粉不單止吸唔到湯，仲鬼咁粗...總之完全唔夾啦！下次都係乖乖地叫返幼麵！