迎樂

Open Now

Now Closed

食物唔錯, 幾好食, 老闆同店員都幾好, 服務態度唔好. 食過好多次, 價錢適中, 啲嘢幾好食, 飲品都唔錯. 間店地方都算大, 坐得幾好.唯一係落單後要等15分鐘先有得攞, 可能係客人多. 

今日行完山落左黃大仙搵野食🤭搵到呢間超正！好抵食既車仔麵！誠意推介！。呢度車仔麵可以擇2/3/4餸，4餸只係$46，但有啲食材會再加$1-$3咁。我叫左個四餸麵「甜酸齋,瑞士雞翼,滷水豬大腸,柱侯牛腩」呢碗四餸麵真係勁足料！各款餸料都好豐富！甜酸齋帶出酸甜嘅滋味，瑞士雞翼炆得又林又多汁，滷水豬大腸醬汁入味，柱侯牛腩肉鮮嫩多汁。湯底擇咖喱汁超惹味！出前一丁另加錢但索晒個汁真心好食。。另一碗就叫左四餸麵「清甜羅蔔,蠔油香菇,咖哩魷魚,豬頸肉」清甜羅蔔鮮甜多汁超多舊，蠔油香菇鮮香滑嫩又夠厚身，咖哩魷魚超香咖喱香辣味，豬頸肉肥瘦適中。湯底擇沙嗲麻辣醬十分推介！辣得黎好好食！最正係麵底可擇銀針粉！好特別好好食！。魚肉春卷 $25：小食類選擇唔少，呢款魚肉春卷香脆可口！魚肉鬆軟，春卷皮炸得金黃酥脆，外脆內嫩。。炸韮菜餃子 3隻 $22：韮菜餃子外皮炸得脆，韮菜內餡鮮香多汁。每一啖都有炸韮菜餃子嘅香氣同口感！真心唔錯！。食到勁飽！超滿足！黎開呢頭既真心要食佢個車仔麵🤭🤭

迎樂 (黃大仙)黃大仙銀鳳街9號鳳凰邨大廈地下3號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：四餸麵 $46，+$3餸四款 $12，紅豆冰(跟餐半價) $10，麻辣雞腎 $28四餸麵 $46：麵選了粗麵，麵條夠彈牙！湯底選了沙爹麻辣醬，大辣，味道非常濃厚！四餸選了肥牛、秘製牛筋、柱侯牛腩及滷水豬大腸，豐富得很！❤️❤️❤️肥牛：肉質嫩滑，肥瘦適中，帶有豐富的牛肉香氣！👏🏻👏🏻👏🏻秘製牛筋：牛筋夠粗大，經過精心烹調後變得柔軟，滑溜有咬口！😋😋😋柱侯牛腩：牛腩肉質鮮嫩多汁，脂肪含量適中，吸收了柱侯醬汁後味道變得更加鮮美！😄😄😄滷水豬大腸：豬大腸夠肥美，有彈性，口感煙韌，有嚼勁，充滿濃郁的滷水味！👍👍👍麻辣雞腎：雞腎是少見的大碟，非常抵食，切成小塊，更能充分吸收麻辣醬汁，惹味可口！😍😍😍

🌟四餸車仔麵 $46呢個價錢真心抵，基本配料其實都有唔少嘅肉類，如果大家想食啲好少少嘅都係加一蚊至兩蚊左右。.先講講我嗰碗車仔麵有豬皮、咖喱魷魚、柱侯牛腩、滷水糖心蛋，豬皮同魷魚都好爽口，柱侯牛腩雖然唔算大嚿但係份量都多。滷水糖心蛋真係要大大推薦，好少可以做到呢個糖心咁靚，流心得嚟又唔會太流質，大推！.至於另一碗就選擇咗豆卜、肥牛、麻辣雞腎、豬頸肉，麻辣雞腎係另外分碗上，用特製辣汁同芫荽蔥撈埋，味道又香又正。我至於其他配料份量都算多，湯底有腩汁加秘製辣醬，豆卜吸晒湯底日月精華更加正。.🌟炸粟米餃 $22/3隻一上台熱辣辣仲要炸到金黃色，外皮炸得好香脆，入面有粟米蘿蔔同少量肉，點埋泰式辣醬更正！

今日去開雙鳳街買餸，自然又會係附近搵食，天氣熱到爆，冇咩胃口食飯，簡左間車仔麵食，都係果句，通常見到門面OK唔會中伏先入，咁間車仔麵店光光猛猛，裝修又OK，望落又乾淨，最緊要係見到入面都多人食，應該唔會伏。叫左兩碗車仔麵同埋兩杯特飲！先講講野食先，D份量同賣相都可以，我加左個沙嗲麻辣醬，都夠麻同香，而又有沙爹味，所以湯底個湯底一食都唔錯！，講埋D配餸先，亦尖都幾淋，但又有咬口，牛筋都一樣，最緊要講既係朱大豬，又係夠淋冇渣，正，豬頸肉都算爽口同焦香。而另一碗有豬紅，牛柏葉，牛肚，魷魚。這些餸往往靠新鮮取勝，D間車仔都都做到！同埋想讚一讚D豬紅，都幾滑同入味！！飲品叫在兩杯特飲，阿華田脆脆同涼粉冰！正常水準！整體來說是OK的！同埋價錢都合理，都可以再次去食！

屋企附近新開的車仔麵舗，最特別係有車仔飯，街坊們有口福了今次試咗車仔麵同車仔飯，好飽肚又抵食 老闆十分友善，熱情招待 餐廳環境乾淨企理，食物選擇多 更有自家製 配料及醬汁，價錢親民，用心製作 質素很不錯𝑭𝒐𝒐𝒅車仔麵四餸 油麵配沙爹麻辣醬(小辣)+牛腩汁 滷水豬大腸、咖哩魷魚、瑞士雞翼、生菜 油麵軟硬適中，沙嗲汁十分香濃惹味，想再辣啲可以加辣菜脯 彈，特別推薦豬大腸軟嫩又入味 及雞翼肉質嫩滑車仔飯套餐瑞士雞翼、豬軟骨、蠔油冬菇、時菜 份量多好飽肚，特別推薦豬軟骨 煮得好軟腍又入味𝑫𝒓𝒊𝒏𝒌涼粉冰 好甜，好好味凍咖啡

今日在黃大仙打完波，就在附近(迎樂車仔麵)開餐車仔麵食物種類多不勝數，剛剛做完運動也特別開胃，而且店舖有自家制秘制醬汁辣菜脯、麻辣醬和沙爹麻辣醬...等等❣️淨餸一碟🌟牛腩燘得好入味，肉質軟嫩🌟牛筋質感好膠，最佳骨膠原也是平民恩物👍👍🌟豬手帶淡淡香料清香，肉香軟🌟豬腸清洗好乾淨，口感煙韌，沒有油膩感🌟魷魚質感Q彈爽脆，醮上秘制醬汁更加惹味❣️大盛(白蘿蔔、豬皮、豬紅、牛拍葉和溫泉蛋)車仔麵+粗麵🌟白蘿蔔清甜鬆化，而且無渣🌟豬皮特質有點爽，唔黏口，入口還品嚐濃郁的湯底👍🌟豬紅口感細嫩爽滑 🌟溫泉蛋的蛋白像豆花一般嫩滑🌟牛柏葉口感爽脆配上秘制沙爹麻辣醬更加“正” ❣️咸檸七在炎炎夏日最佳飲品能清潤順喉加上咸檸檬的檸香味更增添風味

聽講呢頭附迎好多車仔麵，今日就嚟呢間新餐廳試下。環境新淨整潔，最驚喜係黑木耳分量大、有蒜香👍🏻其他餸都好入味，溏心蛋都好食，但相對淡味。另外，咖喱魷魚如果分碟上會好啲，可以保留到啲汁，依家放喺湯度呢就沖淡左個味道。

最近和朋友傾開我鐘意食溏心蛋，即刻約我去黃大仙附近食車仔麵。真心有驚喜喎💓估唔到車仔麵舖頭都咁有heart ，呢個滷水溏心蛋嘅滷味拿捏得很精準，不會蓋過本身蛋味，而溏心嘅半生熟度更是我最喜愛的，正。加埋杯紅豆冰，好滿足啊！呢度D侍應姐姐好細心，我叫少冰，佢提醒我要唔要連埋少甜我嗰friend 叫咗鹹檸7飲，佢話好少見車仔麵檔咁豪氣成支雪碧放上枱，可以翻倒多一杯飲，好抵飲。魚皮餃內有麻油，即時昇華了質感仲有黑木耳加咗蒜蓉醃制，好野味又健康值得ㄧ讚嘅係秘制鳳爪，不會炆得太淋太梗，口感ㄧ流。

最近屋企附近新開左一間車仔麵店, 呢度仲有車仔飯都幾特別。同一條街仲有好幾間車仔麵店，不過呢間就坐得最舒服,而且個冷氣真係好夠凍.先試下個車仔麵湯底，加咗腩汁味道唔錯.蠔油冬菇真係超大隻同埋勁厚，而且好入味。蘿蔔腍甜，牛腩爽口唔痴牙，瑞士雞翼都唔錯。食車仔麵好少可有溏心蛋， 個蛋真係好流心，仲好滑。最鍾意玻璃樽裝汽水，夠晒氣牛筋都係我其中一個最愛, 勁腍充滿骨膠原又係好入味。最後叫咗個車仔飯，雞扒好味啖啖肉唔乾身, 個咖喱魷魚好爽口, 咖喱味仲好香好惹味， 魚腐大大粒脹卜卜。 老闆仲會好nice 出黎同我地呢d 街坊傾下計😆，整體質素唔錯，下次想食車仔麵又會多個選擇

老闆好熱情咁推介我哋有咩好食 我哋叫咗兩碗四餸麵第一碗係蘿蔔，蠔油冬菇，瑞士雞翼，滷水豬大腸米線，加腩汁湯底冇味精 蠔油，冬菇好大隻 炆得好入味 瑞士雞翼都唔錯 蘿蔔份量多而且幾甜可以叫麻辣醬另上 落左呢個醬更加惹味！另一碗係，油麵，豬頸肉，煎雞扒，糖心蛋市面上冇乜邊間車仔麵，係有得食糖心蛋，而且佢係好入味，而且真係流心蛋黃！煎雞扒都好大塊 食完成碗麵，超滿足！加埋凍飲都係$50幾蚊 呢個價錢好抵食！而且店員都好細心 上野飲時見到杯凍奶茶望落太多奶 主動問我會唔會想加啲茶 係一間有人情味既街坊小店！