迪士尼中菜廳(美心)

Open Now

Now Closed

過咗食晏時間先入去，門口帶位嘅姐姐好好笑容同服務，不過入到去落單嘅職員，做到好厭世，唔知係唔夠人手定做得唔開心🫢 蝦餃🙂正常 厚皮甫魚燒賣🙂 正常 細粒帶子菜苗餃🙂 一般煎蘿蔔糕😟冇餡勁厚粉黑毛豬叉燒酥🙂 正常雞包仔🙂 味道正常叉燒🙂拼油雞❤️ 叉燒好嚡 油雞好好味拍蒜炒菜心 😟衛生麻麻地經理幫我哋換過碟鮮菌干燒伊麵 😟冇咩調味 好油膩楊枝甘露 🙂正常發揮椒鹽魷魚鬚😟 好乾好嚡冇乜味道鮑汁炆鳳爪 🥰好味 不過份量少 底下有厚身柚子皮墊底棉花雞 🥰好味鮮蝦韭菜餃 😟餡料較小欖豉蒸排骨 🥰惹味可口韭黃鮮蝦腸粉 😟正常發揮雨花海蜇頭 😟唔似海蜇頭 食落好軟身豉蒜炒虎皮尖椒 🥰好惹味

從迪士尼主題樂園酒店check out 後，我哋一家就嚟咗迪士尼樂園入面嘅🥢名為”陶園”嘅中菜館食嘢。之前都嚟過好幾次，鍾意呢度坐得夠闊落，冷氣又夠大（因為出面真係好熱）😂😂而且食物好好食！當日我哋叫咗一籠小朋友最鍾意嘅豬仔包🐷🐷🐷佢哋食到愛不釋手🤩另外仲叫咗個牛腩麵比佢哋🍜呢個牛腩麵超級適合小朋友食，因為啲牛腩炆到好腍好腍👍👍佢哋唔會咬唔開啲牛肉，好容易就食得到！而且個湯底唔會太鹹，麵條又煮到好腍好好味，一碗我兩位小朋友分，食唒😂完美😍大人方面，因為我哋唔算太肚餓，所以就叫咗隻炸子雞，配碗白飯就ok!隻炸子雞基本上每次入親嚟食呢間都會叫😋炸到每塊皮都係脆卜卜，而且係皮薄肉厚🤤🤤呢個真係必食！餐廳好好，有米奇老鼠嘅餐具比小朋友用🥄🍴🍽️🥣餐廳又有獨立廁所，唔使行返出去樂園，乾淨企理。門口仲要成日都有高飛喺度🤭🐶我哋幾次都有去同佢影相📸所以如果大家入到去迪士尼樂園唔想食西餐，不妨試吓呢間中餐館❤️❤️❤️

喺今次暑假同小朋友去咗迪士尼玩，因為好驚要去唔同嘅餐廳攞位，又要排隊排好耐攞餐，於是就同屋企人嚟咗呢間餐廳飲茶。喺主題公園入面來講，呢間餐廳嘅環境算係幾高質，可以舒舒服服咁食餐飯！打開個餐牌一睇，小朋友就話要食蜜汁叉燒。（原來呢個係招牌菜之一）叉燒以呢個價錢嚟講個份量都算OK，有一半都係屬於半肥瘦嘅叉燒，小朋友食到舔舔脷。但唔知點解另外一半嘅叉燒竟然硬到阿媽都唔認得，連大人都咬唔到，小朋友就更加食唔到（黑人問號？）如果全部都係半肥瘦嘅叉燒就好啦！

今日食評✍🏻迪士尼中菜廳（美心）試食指數⭐⭐店舖衛生⭐⭐⭐⭐⭐侍應態度⭐⭐⭐⭐((每項5⭐️為滿分)) ·入到迪士尼第一件事係搵餐廳食飯周圍都係人食飯時間一定排長龍我哋12點前就入座食lunch1️⃣雲吞麵幾有水準拍得住名牌雲吞麵店2️⃣乾燒伊麵正常3️⃣流沙奶黃包印上Mickey頭升價十倍熱食應該幾好味我要餵小朋友食飯攤咗30分鐘後一樣鬆軟4️⃣咖啡糕有驚喜的甜點香濃咖啡味軟硬適中最怕食擦膠口感的糕點5️⃣蘿蔔糕最吸引嘅係Mickey 頭造型食物質素冇代改善·無論大鋪小店我哋都會盡試盡講

早左入園 但又肚餓 又諗起好耐冇飲茶就去左試迪士尼既茶樓有好多野都好想食 大家都知道迪士尼圖案融合在食物中，又靚又有會唔捨得食既感覺選擇困難下，我揀左個set lunch有湯有肉有菜有飯+包+甜品湯🥣味道濃郁 好creamy肉：滷水味既肉菜：清淡 白烚為主 飯🍚有肉肉既飯香味包：好重奶黃味既包甜品：個賣相好靚既公主啫喱，有3種口味（青檸、芒果🥭、士多啤梨🍓）另一個係芒果楊枝甘露，有芒果香味加上楊枝甘露 甜甜酸酸好好味😋整體：食物環境服務態度都好好👍🏻他們很有善地對待每一個客人

去過香港迪士尼樂園好多次，都吾知道原來裡面有茶飲。那間餐廳就是位於美國小鎮大街的廣場飯店，我們2人叫了4個點心，當中最有特色的是豬仔流沙包，粉紅色的蒸包製成豬仔頭造型，十分趣緻可愛，裡面的流沙饀料又熱又香滑，$68三個也算物有所值。見旁邊的食客都叫了鮮果拿破崙，看似好好味，下次一定要試試。

星期五入迪士尼，點知勁多人，想搵個地方醫下肚都唔易，天氣又熱，想搵個有冷氣嘅地方抖吓，唯有搵間最少人排隊嘅地方食嘢啦。排咗半個鐘多啲，終於入到中菜廳，坐落都舒服，環境唔錯，冷氣好勁。叫完嘢食等左廿分鐘先上第一道。豬仔奶皇包、燒賣味道正常，不過唔太夠熱。暗然銷魂飯份量唔多，好唔好食就一般般啦。再叫咗個鮑魚汁荷葉飯，比想像中細份，不過所有食物加埋哂都好夠飽。總結而言，入樂園食嘢就一定唔抵，中菜廳食物無咩特別，外形無卡通人物Features，唔係為咗休息，喺大街買小食會比較好。

入園搵嘢食，其實有好多選擇，不過如果想坐得舒服啲，又唔太介懷價錢嘅，其實呢個選擇都可以。但係如果以經濟為大前提嘅，就唔好揀。小市民嘅我，都覺得係偏貴。翠園燒雞，講真，真係好食，$250半隻～炒飯，沒有特別， 208$雲吞麵，沒有特別， $98$98 牛腩麵，朋友話好食另外叫咗米奇特飲$68 ，碧螺春茶， $65 ，凍奶茶， $65！（掛住飲，沒有拍照）呢個價錢，唯一可取嘅，真係唔使同人迫，坐得舒服同埋服務良好！冷氣亦都非常充足，出邊真係好熱，好迫，入嚟舒舒服服囉。四個人，平均消費$250左右～除返其實都可以接受嘅。不過如果食點心就唔得啦。

是日中午入到迪士尼，立即搵嘢食。殊不知入面的西餐廳滿座，等位約需時一個鐘，我們立即離開步行到其他餐廳，怎料店外也排了超長的人龍。走完一圈，我們又回到起點，終於決定食中餐。汗流浹背之下，步入餐廳，真是涼風送爽。我們隨即二話不說，坐下便點餐，試一試他的特飲。這間餐廳雖然是茶樓的格局，但是如果不點茶水，是不會收茶錢的。酷熱天氣之下，當然點返杯消暑特飲，$68。我點了個鳳爪排骨飯$78，朋友點了一個紅燒牛肉麵$98，相比之下，朋友的那個麵抵食得多，牛肉是大大嚿，我的鳳爪排骨飯比傳統茶樓的點心飯份量還要少。小朋友可點兒童餐， $120 ，有精緻的點心，還包一杯細果汁，小朋友看見米奇頭的布甸十分開心。呢間餐廳的冷氣超級強勁，滿身大汗一下子就乾，好在烈日當空之下及時入座這間餐廳，不然真的中暑。

整個套餐有幾道菜，一碗羹湯，一碟炒飯。叉燒切雞其實幾好食，半肥瘦叉燒，無乜肥膏嘅切雞，只可惜各得兩件，唔多夠喉。個羹湯唔會太咸或太淡，份量亦都好夠。所以吃完不會太失望。中規中矩啦。呢碟菜唯一特別之處就係米奇頭形的胡蘿蔔，佢嘅味道同出面嘅無乜分別，不會留下太大印象的一道菜。返而因爲上菜太快，而入面冷氣太大，到食呢道菜就可能吹凍咗。呢碟炒得好好，帶子好爽口，啲豆又唔會有青澀味，食完多想追加！生炒骨一碟，酸甜度適中，幾開胃。其實仲有碗炒飯，不過無乜特別。其實整體嚟講，呢間吃氣氛多，因為坐入去很放鬆很舒服，不會像普通茶樓咁吵雜。所以，可以慢慢品茶，試每一碟美食。不過，嘗一次氣氛就夠。

今日一家人到迪士尼一遊。中午時份為避人潮，決定到美國大街開餐。可惜入到美心中菜廳，換來嘅竟然係極之失望嘅體驗。入到去拎位，三大兩細，明白執抬需時。但係眼見廳內空枱無人執，帶位小姐只會左顧右盼，與同事說說笑笑嘅態度，即時令人感到無明火起。要顧客不斷跟進先可以幫助入枱，看來美心於迪士尼保護之下絕對唔憂做。三摧四請之下，終於有枱了。但係帶來嘅係無兒童櫈。好明顯，帶枱同侍應無溝通。又再一次三摧四請之下，終於俾左兩張兒童櫈，再一次感到無奈。最後，食完飯當然要埋單。而理所當然的，埋單都係要三摧四請。第一次叫埋單加來埋餐甜品時，明確地聽到服務員哥哥向call台發出要求。但等了近十分鐘，完全未有反應，要再摧。過多五分鐘後，終於埋到單。至於說好的甜品呢？當然等不了。而食飯質素方面，以相關價錢來說，沒什麼亮點，但亦不至於差。以178港元一個午餐套餐來說，溫度，味道絕對合格有餘，而且一個成年男子係可以食得飽的。而20港元一個人嘅茶位來講，啲茶都絕對係好飲嘅。但掛住美心招牌，服務質素絕對不能接受。當中最不滿為帶枱小姐以及兒童櫈嘅安排。以相同價錢，對面嘅西餐廳絕對有禮貌得多。如有機會，排隊排到死都唔會再幫襯。

今日同朋友去迪迪尼玩, 唔知係咪人大左, 都係想坐低飲杯茶, 食個包. 所以我地11點幾第一站就係去美心食飯!呢個時候開始多人入去, 不過我兩個人, 都即刻有位坐. 話晒起迪士尼, 店面都用左極具中國特色既中式桌椅同變色燈籠, 金魚呢d花木蘭主題. Menu方面就普通d, 只係heading既字體轉左做迪士尼字, promo既飲品都無迪士尼特色.唔知係唔係推車仔會食多d野?! 佢一路出你一路諗, 係比較難預算食幾多樣野既. 結果我地叫左蝦燒賣, 叉燒腸, 蒸蘿蔔糕, 奶皇包, 蝦餃同鮮竹卷...蝦燒賣有4件, 底有"棉花", 中間有冬菇, 加上汁, 好入味又唔過實.叉燒腸3條, 不過d叉燒好似又瘦又唔新鮮...加上個粉皮亦做得唔夠滑, 同之前一次食差好遠.蒸蘿蔔糕: 相信食過美心蒸蘿蔔糕既人都知道, 呢個點人十分好食. 好多粗粗蘿蔔條, 咬落有口感, 正!奶皇包: 我地叫既惟一一個有米奇老鼠樣既點心! 其實味道還可以.蝦餃: 呢個點心無推車仔, 要另外叫架...做我頂點梗係好食啦鮮竹卷: 同普通美心鮮竹卷無異.個人認為, 去得迪士尼食點心, 遇左佢貴dd. 但係如果佢同普通一間美心差不

有近3年沒有到過迪士尼樂園，決定豪一豪去食園區內美心中菜一行三人加一個ＢＢ　　點了二人餐加鮑魚荷葉飯二人餐：金粟蟹肉魚肚羹　－　豆粉茨太重手燒味拼盆　－　油雞、燒鵝加叉燒，叉燒少少肥，肉質林, Good !西蘭花炒蝦球雞片 － 蝦球爽口鎮江焗肉排　－　酸甜度得宜，肉排入味鮑菇清菜　－　沒難度的清菜, OK瑤柱蛋白炒飯　－　不肥膩但味度較淡另加的鮑魚荷葉飯　－　超級SIZE MINI　鮑魚沒味，飯淋度適中有清新荷葉味，但定價太高了　茶錢每位$16　－　好貴。所以另外點了兩杯飲品（免兩位茶錢）藍莓沙冰 $3X 紅棗桂圓茶　－　較甜　整體來說食物質數非常一般但定價過高，特別以一向高水準的美心集團出品來說，可為失望！　可讚的地方是舒適（座位安排在包商內），人手雖然不夠但service有禮還可。

設計富有中國色彩，很有心思。 不過略微有壓迫，坐位和坐位之間比較迫。 二歲以下嘅小朋友並不適合坐那裡提供嘅午餐時段由於太多客人，相對服務人員好少，所以場面非常混亂。點心款式選擇頗多，水準幾高。 叉燒腸粉，腸粉滑滑； 蒸燒賣， 粒粒飽滿也足料； 沙律明蝦角，真材實料，蝦新鮮炸得好香好脆； 炸翠麻花，鬆脆香口又甜甜哋，不錯! 朋友真的沒有介紹錯，唯獨服務方面尚有進步空間!

晚餐於園內美心酒樓- 食左廣東米仔鴨... 完來又係片皮鴨?! 不過皮係蛋做既,有蛋香,不過係凍既塊皮,鴨就好大年,唔係片皮囉!另外叫左碟干炒肉片河,味道一般啦,樂園既食物通常都一般,呢個都係一樣!ok啦...全年入場証有8折,樂園入面得呢間有架咋!