通達食店

Open Now

Now Closed

每次進過油痲地都會去通達買燒賣魚蛋食！係油痲地站A2出口一出就係。門口大大個招牌，有兩間店。我每次由地鐵一上黎就聞到咖喱魚蛋的香味我真係好難忍口！！相信經常幫襯的人都會明白。魚蛋燒賣：每串$10蚊！比其他小食店貴少少，未算貴到離地。咖喱魚蛋個汁真係好好味！！又香又濃，魚蛋彈牙有魚味。燒賣蒸得剛剛好，不會太淋同乾，撈埋咖喱汁同豉油一齊食。除左魚蛋燒賣之外，小食店仲有好多其他野食的，例如：生菜魚肉，粥粉等等....好多元化。

今日同瑞典朋友逛街逛到一半突然肚饿想揾少少嘢食，霖住就脚就起地铁站边边食啦。一开始点左两份鱼蛋霖住坐低啦，结果都未入店门口就俾阿姨拦住“你哋剩叫两份鱼蛋就唔好坐起度食啦，我哋尼度要消费满三十先有位坐”我都知店家唔中意人地消费少少就坐好耐，但系你间店仲有咁多位使唔使咁啊而且真系话唔中意既咪贴张街招咯，保证无人话点唔够三十就入去坐啦。咁都算啦，鱼蛋仲要成阵腥味，一咬落去成嘴粉！连7-11鱼蛋都不如！！外国人无食过好食既鱼蛋姐，但系我有啊嘛。勉强食完，friend话仲想试下碗仔翅，拦唔住，无奈之下去点左个碗仔翅捞面。结果仲衰，我去落单结果阿姐凶神恶煞同我讲“点单去入边啦”仲要一手推我入去搞到差少少扑起度！！！！你话我无事就算啦，如果真系有事系咪你赔啊！！！态度粗鲁都算啦，食物质素仲要咁差！！叫左走葱仲要落葱！！！好彩我唔系对葱过敏！！！连我个friend听唔明粤语都feel到阿姐态度恶劣！！！唔知咁样既铺点开到咁大既！唔通全部都系做游客生意无回头客？？？再讲啦，香港作为国际化大都市就系咁样对待自己同胞同埋外国友人？？？？？

又黎到搵食時間，因為本身會係油麻地上堂，一出地鐵就係呢間永遠都好多人排隊既鋪頭。每次上堂之前都會黎呢間醫肚。呢間最出名應該就係魚蛋燒賣，但我自己就鍾意佢既面食。二送面無記錯都只係27,28蚊，30蚊有找，實在好抵食。而我今次食既送係木耳絲，魚子丸同埋蘿蔔。木耳絲係我第一次試，好爽口，用黎配面食一流。而魚子丸就係普通打邊爐用既丸無咩特別。我最想介紹既係豬紅! 呢間鋪頭既豬紅係我食過最好食既，大家不仿一試。不過如果腸胃唔係咁好既，可能要小心，唔好食太多!

今日一早出門口去旺角覆診太早起身 無咩胃口 所以諗住去到旺角先買早餐醫肚。。。。。到油麻地站lu~~~ 睇見地鐵站內兩間麵包店，可能太早...... 或好多款麵包都被賣得7788。。。無咩心水選擇。。。哈哈~~~~ 靈機一觸😎😎醒起通達即刻買番個粢飯食 邊行邊食 趕去覆診早上食個即叫即整 熱辣辣的食物好滿足飯 夠熱 夠軟 有咬口粢飯內有肉鬆 榨菜 油炸鬼雖然油榨鬼不脆口 但依舊好有童年回憶簡簡單單又一餐。。。早餐食完好滿足😍😍

《通達食店》 #食在油麻地📍油麻地碧街48號地下-🔹辣魚蛋 $10/6粒然而我唔知點解佢咁出名🤷🏻‍♀️ 好多人同我講去油麻地要食佢辣魚蛋唔辣 反而有d甜甜地魚蛋唔算好彈牙 但魚味係有嘅 價錢唔算好貴但都唔平 雖然d魚蛋都大粒嘅不過不失 咁岩經過又餓餓地未食飯嘅可以整返串🍡.6/10

應該不少模型迷都會去現時點買figure之類的，我們家肥膏也是，常常都會去逛逛，看看有甚麼可以收藏的公仔模型。而我這種跟得女朋友當然也會陪他周圍去搜尋，雖然是有點不太情願啦。不過兩個人逛街，做甚麼都好，還是很開心的。平時都會經過「通達」，當然也會吃一些小食，補充一下腳骨力！咖喱魚蛋依家魚蛋越食越貴，所以食到吾好食既魚蛋，真係會嬲！通達的魚蛋就沒有這個問題了！因為他們家的魚蛋是很好吃的，每次經過都一定會忍不住。魚彈好彈牙，最正是咖喱汁夠辣夠惹味！辣魚蛋就是多人喜歡！買完之後還是大排長龍！現在做小食生意，也真的幾搵錢！

哩間舖位置係油麻地地鐵站A2出口，一出來就可以見到啦，經常經過都見好多人係度買魚蛋燒賣，入邊裝修好有道地小店的特色，因為舊我嗌左哩碗招牌油渣麵，有辣有唔辣任君選擇。哩碗辣菜脯超多，入邊有冬菇，火腿，仲加左蒜蓉蔥花，D豬油渣又唔會好肥，好正。辣魚蛋同腸粉，細細粒辣魚蛋，彈牙好食，辣度岩岩好，辣中帶甜味，哩個咖喱汁無得輸。熱辣辣嘅豬腸粉，蒸得岩岩好，好滑溜，蘸上豉油，甜醬同埋麻醬，好惹味，腸粉上面撒上的芝麻增加了賣相，食落仲香D添。

一出油麻地地鐵站，正是肚餓的時候，最方便去通達食店吃些咖哩魚蛋和小食暫解饑餓之苦，上桌快，又美味，吃完後可以直接付款離開。由於待會和朋友吃飯，所以我只吃咖哩魚蛋和碗仔翅。咖哩魚蛋10元6顆在油尖旺區還好吧，好吃的普遍都賣得不便宜。咖哩魚蛋相當入味，辣得過癮，愛吃辣的這魚蛋絕對符合我的口味，魚蛋具彈性，不會軟腍腍的。至於魚肉碗仔翅非常的足料，滿滿的魚肉，幾乎每口都可以吃到魚肉，魚肉彈牙得很呢。碗仔翅鹹度得宜，沒有那種立刻想喝水的死鹹，當然如果想口味豐富些可自行添加醋，麻油，胡椒粉吧。

遠近馳名粢飯 ❤️ ($18)評分：7/10.終於有機會試下佢地好出名嘅粢飯，入面有肉鬆同油條，油條都幾大條但係唔脆 😐 如果可以加番啲脆片或者炸蒜片落個餡到應該會更出眾。其實飯嘅份量都幾多，食吓食吓會悶 😛 不過香港地出名粢飯嘅地方好似冇幾多間 😶 佢係正地鐵出口嘅隔離所以行開油麻地過嚟食吓都幾方便香茅雞翼 ❤️ ($19/3隻)評分：8.5/10.因為口痕嘅關係叫多咗客雞翼嚟食。香茅味好出而且煎到邊邊位啱啱好係脆口嘅 😍 可以隊多幾隻都完全冇問題

早餐要食呢度pack好嘅三文治 11蚊 (我估都大量出面買）， 有麥包款 / 白麵包款揀，餡就有碎蛋 ，青瓜蕃茄絲，吞拿魚等等。不過我鍾意碎蛋多啲，加野飲就加12蚊左右。凍奶茶少甜，滑有茶味👍另一樣要食:蠔油魚蛋，真係有魚味，而唔會得堆粉。加少少甜醬更好味，撈埋淡淡蠔油味，十蚊六粒貴左少少但值啲人話辣魚蛋都好食，不過我唔食辣

突然間好想食粢飯豆漿，走左去油麻地通達，呢間舖一向幫襯開，有時去花園街嗰間，但想坐得舒服就要黎油麻地呢間舖。兩個人，二話不說整個粢飯、油渣麵、四條腸粉加串辣魚蛋。粢飯雖然唔係心中最好食嗰間，但解解饞黎講都收貨，即叫即整、油炸鬼雖然唔夠脆，但飯唔太淋又夠多肉鬆，都叫唔錯。至於油渣麵，唔知點解今日湯唔夠熱，料包括火腿絲、冬菇絲、豬油渣、辣菜甫同蔥花，好惹味。腸粉$14四條，不過不失。呢餐埋單唔駛一百。

$18原本想食桃園眷村嘅但係見到太多負評搞到唔太想去🤣因為好想食飯糰所以最後決定去通達食粢飯😙雖然油炸鬼已經唔脆但係成個飯起碼係熱辣辣嘅☺️好想知最港最好食嘅粢飯喺邊到事關我真係好鍾意食粢飯🤤

好耐之前食過呢間，覺得唔錯就帶台灣朋友黎食下。坐低咁啱我朋友想食粥，但阿姐話過左3點無粥食，坐左陣又睇唔啱其他想食嘅野，唔好意思就咁走左去，就起身外賣左串魚蛋。點知另外個阿嬋串串貢，眼超超咁話：下乜你地未嗌野㗎？坐咁耐（坐左5分鐘都唔知有無，仲要間舖入面d位吉左8成）淨係嗌串魚蛋？坐喺度傾計阿？ 姐係我都知就咁坐左陣唔幫襯唔係幾好，咪買左串魚蛋囉==，仲想點，洗唔洗買起埋你間鋪先走得啊？串魚蛋仲有d腥tim⋯咁做生意賺多左嗰百幾蚊會發達咩🙉呢間請我都唔會再食！

凍凍地，想食少少嘢取暖一下，今日搭巴士去旺角在碧街落，行經通達，便諗住試下生菜魚肉……同姪女一人一碗，我姪女話佢只鍾意食呢度嘅生菜魚肉，啲魚肉係切粒粒，同食開果啲一條條吾同，生菜也是切細上，姪女話呢度一向都是這樣的，我覺得雖然怪怪，但形狀不是最重要，最緊要係味道，飲了啖湯都幾好，我加咗啲麻油及胡椒粉，湯夠熱辣辣，魚肉也煙靭，份量ok，咁經典嘅兒時街頭小吃，值得一試，比起我上次嚟食嘅咖哩魚蛋、魚蛋好食……

趕住返學又吾知食咩，出地鐵站見到呢間於是就食呢間。見油渣麵好似幾出名，但都係想食車仔麵，可以自己揀咩餸。車仔麵$36--要左爽口魚肉、雞翼、豬紅、油麵、牛腩汁。都唔錯，雞翼係滷水雞翼，好入味。魚肉真係爽口彈牙，一粒粒份量又多，好耐未食過咁好食既魚肉。整體上都吾錯。