通達食店

Open Now

Now Closed

今日夜晚要去油麻地上堂，上堂前食小小野頂肚，本身想食下腸粉、魚蛋、燒賣果啲，但得一個人，免得眼闊肚窄，都係叫碗油渣麵算。入到鋪頭，環境都算乾淨企利嘅，一坐底啊姐就問你食咩，好彩一早諗定姐，叫完唔洗1分鐘，碗油渣麵就出現左係你面前，快到呢賣相唔錯啊，我揀左要辣，原來辣同唔辣嘅分別，係在於個菜甫，其餘湯底、配料係一樣嘅，啲麵軟硬適中，食得慢都唔會索哂湯，不過油渣得幾塊，姑寒左啲喎，話哂以$30黎講，都偏貴，應該大方啲囉，不過其他配料:冬菇、蔥果啲就好香嘅，湯底偏淡，配埋菜普就啱啱好，食完唔會話好口渴，整體黎講都ok嘅

早2日喺油麻地出job，咁岩喺呢間舖附近，其實每次經過都好想試下佢嘅油渣麵，咁岩今次有機會就入左去食。首先黎左份魚蛋，$10/6粒唔算平，但真係好好食！唔會好似出面果啲咁冇味。第一次食油渣麵，$30碗，原來碗麵係完全唔油！啲豬油好爽口，湯底麵好好飲，有少少炸蒜，最估唔到係個麵底，我以為係烏冬，食落原來係一種好爽口嘅麵底！真係好特別，真心推薦！由於太好食，我第二日都係黎多次食油渣麵😂 平時好少可同一樣野食2日，但呢個堅好食冇後悔。

呢排自己無故追捧油渣面，春潤堂都食左三次。今朝去左呢間通達食店試左招牌油渣麵。生意唔錯，星期天上午都好多人外賣。拿拿聲左油渣麵要辣嘅，辣菜圃係店家分配，無得自己加(呢樣巳扣分)。麵上枱時面頭係辣菜圃，下面無啦啦有大堆火腿！之後係薄薄菇片，最後只得三幾塊油渣。湯頭唔算好喝，辣菜圃夠咸香，油渣較淋無乜咬口，D火腿太多太多，格格不入，唔知想點！成個感覺係去錯地方食錯野，唔想浪費時間，、食剩半碗走人………………

外地朋友來香港, 好想食香港地道的食物, 但係在旺角真係人多車多, 天氣又熱, 好難有心情係街上掃街.咁就帶佢地黎呢間人流多, 效率快的鋪頭.大家又唔想食得太飽, 就決定只叫餸唔叫麵啦.腸粉好滑....配豉油麻醬甜醬好好食咖哩魚旦佢地話好彈牙, D 汁可以再辣D 就好(我都唔食得辣, 好, 即刻叫一個辣的比佢地試, 佢地話真係辣, 不過真係好好食)東菇豬皮好入味, 又"淋". 豆漿好濃味, 本身諗住食吓野醫吓肚, 點知太好食再追加, 最後食到大家飽晒, 

今晚要上瑜珈堂，因為唔可以空肚上堂，所以要食啲嘢，行開油麻地，好耐冇食過通達豬油渣麵，就過去食一食我叫咗辣味魚肉豬油渣麵，有辣菜甫，魚肉，豬油渣，火腿絲，冬菇絲，湯底好鮮甜，麵條好有口感，魚肉好彈牙，豬油渣好煙un，辣菜甫好爽口，整體上都好食，32元都算抵食。

星期日係附近開工，買早餐，又唔想食快餐，好彩呢間老字號有開(^_^)v。每次經過呢度，係返學嘅味，會係度食個下午茶，飲杯豆漿。（＾◇＾）真心早，7點半就到，好彩有開門，都有附近嘅遊客嚟買早餐。對上一次食已經係幾年前食魚蛋。炒麵$17，仍然都係呢個味道，蔥同芽菜分開上。不過略微油得濟。。。腸粉（4條$14）真心一般，皮略薄，甜醬唔夠甜，份量算少。。。魚蛋燒賣各一串（一串10元5粒），辣味都ok，正常，唔特別，不過確實貴左啲。整體只能說食回憶，不過可能幾年後先再光顧(^^;;

每次經過往油麻地地鐵站，無論小小餓或多多餓，也會很自然幫襯吓！小小餓我喜歡吃魚蛋燒賣，餓餓哋就會吃腸粉！這裡的腸粉夠熱夠滑！當然要加甜醬麻醬，味道一流，相比旺角的小食店，這裡較整潔衛生，店外常常有大堆客人，但怕熱又有時間可以坐店內加杯飲品慢慢吃。另外，這店的豬扒味道很好，我老公每次必吃！話醃得好好吃不仿一試！街邊小吃消費有限，如果遊客當試試香港特色小食也很適合（有得堂食嗎！），所以我有朋友也會帶他們試試！

呢間通達食店位於油麻地A2出口門口位置便利，而且主打速食小食，經常經過都會見到好多人聚集篤串魚蛋燒賣今日經過附近見有啲肚餓，好想速食一個下午茶，便入店內坐下店內只有簡陋裝潢，餐桌同餐牌都係油油的，充滿道地小店特色諗緊食咩好，發現佢啲小食都幾貴，$10/5粒魚蛋，但佢既咖哩魚蛋入味彈牙，值得一試最後決定叫一個性價比算高既車仔麵有多款餸菜可選，選擇魚蛋比單叫平$1最少要叫兩菜一麵，最低消費$27仲可以加咖哩/沙嗲或牛腩汁揀左加沙嗲汁，叫左魚蛋木耳河粉魚蛋一貫入味又彈牙，必食！木耳切絲，非常爽口，不錯加埋沙嗲汁成碗車仔麵濃郁惹味，係一個令人滿足既下午茶

去開油麻地,餓餓地,就嚮近港鐵出口既通達堂食,食佢既咖喱魚旦 (以前講到好似名物咁)其實佢個味除左甜甜地,無咩特別,而且上枱時咖喱魚蛋已經凍冰冰縮左水,我仲叫左個伏中之伏既生菜魚肉翅...個碗野好似好多料,但好水,好淺色,應該豉油都好少,無咩味......拌勻左之後見到有木耳絲,生菜同魚肉,佢啲魚肉切到正正方方,咬落去完全無魚味,個口感怪怪地,好明顯麵粉俱多,我個碗既魚肉差唔多全部都無食,完全唔好味!

收工做完facial, 一個人是但食就走黎hea 食啦，咁耐無食過，照舊一碗二溝加燒賣魚蛋，魚蛋香辣，燒賣一般。枱面有齊調味料，自己任溝，粒粒魚肉依舊少少彈牙，仲好多下添，碗仔翅不變都算足料，食飽去對面新開既天仁整極奶茶完滿哂。

已經是第二次都是這個情況,叫了燒賣腸粉,回到公司打開都只見到腸粉,是否外面個收錢阿姐定整腸粉既阿姐有問題?希望此店的老闆注意返,我應該唔會再食,因為錢就誻收,點知又係漏左,一次都算,已經隔了好耐才食多次,都係咁

清明節當日，前度男友約了我出來聚一聚！拍拖期間，我們在晚上經過好幾次油麻地碧街的 <通達食店> 都是座無虛席！甚至店外大排長龍！有見及此！我們通常都會走人！所以至今一直未幫襯過！意想不到！跟他分手後首次來到這裡！與他再續「味」了緣！這裡地方淺窄！ 桌上已齊備餐具及調味料。供應：小食 $10~$29、湯麵 $26~$45、三文治 $13~$27、飲品 $8~$19，大思眾化價位！魚肉翅兩溝 $24魚肉很粉腍，毫無咬感！碗仔翅撈麵 $30份量充足， 意想不到配料如此豐富，包括：木耳絲、肉絲、火腿絲、筍絲…等，略嫌粉絲偏少！整體質感濃稠！調味濃而不重口味，很合胃口！令人回味！香滑腸粉 $14/ 4條雪白的腸粉油潤軟滑！拌勻花生醬及甜醬，倍添風味！勁辣魚蛋 $10/ 6粒見店子門口有個魚蛋檔，有兩款口味的魚蛋，分別是蠔油及勁辣！食落爽口彈牙！相信甜醬中和了辣度，就算勁辣我怕辣都接受得到！燒賣 $10/ 5粒檸檬黃色的外層，包住柔軟略帶彈性的魚肉粉糰，不過不失！熱豆漿 $8入口頗甜兼很熱燙！

朋友每次在附近出席商會活動,完結後一大班人例必相約到這間小店食咖哩魚蛋.我自己也是多年來支持者,經常見到很多食客在門外等候,購買魚蛋燒賣各樣小食,小弟每次都會食辣油渣麵.要是說他們味道很好吃,我覺得不是,但是多年來都令我有特別的感覺.所以有時候人總是想吃熟悉的味道,而不是什麼名貴食品.有辣油渣麵,很多菜莆,冬菇,豬油渣.魚蛋很彈,彈力十分不真實,魚肉燒賣有一點腥好像很普通的街頭小食,但是就是我們香港特色.

回頭指數 🌕🌕🌖🌑🌑想找類似茶餐廳那種便宜親民又好吃的在油麻地地鐵站後面有兩家車仔麵，其實是一家店外面放著大大的咖喱魚蛋鍋決心一試店裡姐姐態度正常老闆（應該是），比較友善招牌是生菜、魚肉、翅可兩溝亦可三溝，三溝26HKD價格合理，選擇也比想像中多兩人一人叫了一碗，他要麵我要湯only再加一個小吃腸粉還算滑，魚蛋口感尚可，貌似八角味有點重雖說並非特別出色，沒有特別香滑或彈口但兩項都非常對得起價錢油渣魚肉麵，還可以上面的辣榨菜為它拉高了不少分魚肉超！級！多！有點像介於魚滑和魚腐中間的感覺有一點點軟身，不是很爽口生菜算新鮮，但是份量太少兩人埋單91元，算是OK因為座位算多不用等，位置方便加上味道正常，價錢合理平日Hea 食都可以納入選擇之一

港女其實邊鍾意喺街邊篤魚蛋，通達就啱心水D，有得坐，又多野食揀，唔係淨係得魚蛋。辣魚蛋加腸粉是常識吧！辣又夠辣，滑又夠滑，港色小食真係我致愛！再加埋碗沙嗲汁炸魚皮撈麵，真係冇得頂！加埋佢個 prime location (一出港鐵就係)，真係贏晒！