那個ㄋㄚˋ ㄍㄜ (翠和里)

Open Now

Now Closed

其實無誠意不如唔好做下午茶，叫左左豬頸肉飯$53，**得三片簿切配條唐生菜**同滷水汁白飯。大癲！ 除咗讚美餐廳好刀工之外，咁嘅份量真係求其一間餐廳都唔會咁操作啦。真係貪你杯珍珠奶茶咩，檢討吓啦。積分系統又西，問咗你先換台灣腸，你叫我自己掃QR code 落單，埋單時你先扣。但埋單嗰陣又同我講積分只係換一條(**落單只可選兩條)，送得咁寒酸不如唔好送啦。食物溫度管理又差，似預制菜！無咩建議大家都唔好黎食一定好失望！

早前和朋友在附近晚餐，經過那個ㄋㄚˋ ㄍㄜ，見到有不少人排隊等位，於是和朋友也來嚐嚐。反而這個星期日晚卻沒什麼食客，不用等位便能入座。店內卡座的墨綠色梳化位，帶點復古的味道。紅燒牛腱湯麵，與平時吃的紅燒湯底不同，這裡的湯有較強烈的藥材味，帶點回甘的甜味，味道不錯，但不是人人接受這陣藥材味。牛腱有4大件，大塊得來又帶點嚼勁，不會太韌。風琴豆腐尤其吸湯。扁身的關廟麵幾彈牙，惟份量不多。那個滷香雞球便當 ($75)，另加溏心蛋及滷肉，每款各加$12。食物賣相一般，不太吸引，雞球好大件，但炸漿比較厚身，又不夠鬆脆。整體調味略鹹，口味偏濃厚。夜市小吃拼盤，有4款小食，包括地瓜薯條、甜不辣、蝦卷及台灣腸，地瓜薯條澆上黑糖並灑上梅子粉，味道酸酸甜甜，幾有趣。甜不辣夠煙韌，但沒什麼味道，只有那些許的椒鹽味。小吃拼盤的質素正常，惟這個定價，會預期有較多的份量。加配飲品$21，選了大埔店限定的青森蘋果翠玉 (75%糖)，只得甜味，嚐不到蘋果香。食物的味道偏濃，而且定價較高，小食比起主食還要貴。便宜又抵食的台灣菜是不乏，相信那個ㄋㄚˋ ㄍㄜ的食物味道要更突出才可。

小編之前就同大家介紹過，台南古早味料理 那個ㄋㄚˋ ㄍㄜ˙ 副線品牌，主推台式甜品，健康便當既 一 松義仙草 那個平衡便當 今次小編就帶大家黎到大埔，同大家介紹主打台南古早味料理人氣店 一 那個ㄋㄚˋ ㄍㄜ˙ 🌟自家制 菠菜雞肉餅配紅米飯及沙拉菜 $62菠菜雞肉餅健康之餘，仲好有飽足感，搭配埋健康紅米飯🤤👍🏻👍🏻🌟熱炒三杯雞飯 $66經典台菜三杯雞，雞肉燉滑，搭配埋三杯醬汁，絕對系白飯殺手🤤👍🏻👍🏻🌟葡萄柚花檀翠玉 $40葡萄柚味道酸中帶甜，甜中帶酸，好開胃🤤👍🏻🌟大埔限定 台灣金鳳香檸茶 $38採用台灣金鳳香檸，清新之餘帶金鳳香檸獨有香氣🤤👍🏻🌟芋圓紅豆鮮草凍 $36經典台式甜品，一碗有齊芋圓、地瓜圓、紅豆同鮮草，好滿足🤤👍🏻🌟招牌楊枝甘露 $40雖然楊枝甘露系港式甜品，但那個ㄋㄚˋ ㄍㄜ˙ 亦做得非常出色，芒果比得非常大方，成碗都非常足料🤤👍🏻📍那個ㄋㄚˋ ㄍㄜ 地址：翠和里5號麗和閣地下D1號舖#大埔 #那個ㄋㄚˋ ㄍㄜ˙ #芋圓 #仙草凍 #三杯雞 #留港消費 #支持小店 #楊枝甘露 #台式料理 #覓食大埔 #食在大埔 #為食關注組 #大埔食乜好 #熱炒三杯雞 #古早味料理 #

今晚約咗舊同學食飯傾偈，佢介紹我去呢間新開嘅舖頭，講到個面好好食咁，咁真係要試下先😋環境唔錯，光猛整潔，有啲卡位仲寬敞，好啱朋友小聚一齊坐😎紅燒牛魔全席湯麵（$101）牛丸，爽口彈牙，真係真材實料，唔係普通街市買嗰啲牛丸，似係手打嗰種，正😍玖香啤酒豬軟骨湯麵（$86）個面都幾大碗！份量大😗菠菜麵有菠菜菜麵裏面，軟硬度適中，非常好食，好大碗，湯底有少少甜+鹹，豆腐卜索晒這個湯底汁，10分好食，豬軟骨非常之大嚿，又琳又入味，果然好食到不得了！😍大滿足夜市脆雞6件（$72）雞塊好軟腍唔會韌，酥炸好脆，唔算厚，亦都唔係好鹹，所以唔會覺得好頸渴，但有海苔味，好香口，典型台灣食物😋黑糖波霸奶茶（$30 ）奶茶香滑，黑糖味重，珍珠好有咬口，岩晒黑糖控🧋夜市青蛙下蛋（$44）有啲似仙草奶茶，裏面有珍珠，珍珠煙韌彈牙，非常好食，帶有綠茶香味，超級大杯，呢個價錢真係好抵喎！兩個人都未必飲得晒😂

.#foodie #hk #hkfoodie#HTB美食推介【大埔古早台灣菜｜🍤巨大炸物便當湯拌麵】🐨香酥脆雞便當 $75+12推薦度：⭐️⭐️⭐️⭐⭐️黎到食台灣菜唔可以唔試吓啲炸物！！叫咗香酥脆雞有三大件咁多，枱上仲有麻辣、海苔粉提供，可以一次過試晒唔同味道😋便當仲可以加錢轉滷肉飯，滷肉肥瘦分明，撈埋飯食認真高質！仲有蔬菜、雞蛋同粉絲作配菜，營養滿分～.🐨香酥排骨湯麵 $84推薦度：⭐️⭐️⭐️⭐見免費所以轉咗秘製撈麵，試試佢！！！餐廳係用鮮關廟麵做，麵質有咬口，醬汁微微帶甜，有豬油香又有光澤，仲有埋炸乾蔥、炸蒜等，口感更加豐富更有層次～.🐨香酥魷魚足（大） $68推薦度：⭐️⭐️⭐️⭐魷魚切開一件件蘸上炸粉直接炸，唔會炸到太乾身，一上枱聞到勁香魷魚味～配嘅醬汁少少辣少少甜，好特別，絕對值得一試😋.🐨脆薯起司蛋餅 $38推薦度：⭐️⭐️⭐️⭐⭐好少何見蛋餅會有脆薯呢一個餡料，脆薯雖然包喺入邊，但係都保持到外脆嘅口感，食落好香口！蛋餅芝士味濃，而且煎得啱啱好唔會好油，味道極佳😍.🐨黑糖波霸牛乳 $40推薦度：⭐️⭐️⭐️⭐⭐️牛乳採用維記牛奶，非常香濃有兒時回憶！整體黑糖味重，珍珠有咬口唔會好黐牙🧋令人想一杯接一杯飲

開咗好耐但一直冇機會試，今次係出面泊到車位終於食到，估唔到有驚喜。本身價錢唔算貴，飯/麵餐會包一杯凍/熱茶，可以加配嘅小食都幾平所以冇抱太大期望。冇諗到真係有台灣古早味，幾個菜式都有少少炭燒味，茶都好好飲。滷肉飯唔係hea嘅肉碎，係肥瘦相間嘅肉粒，好有油香，味道好足。嘉義雞肉飯，明明係加配嘅細碗但好足料，蔥油超香。呢間舖所有嘢份量都唔細，又好味，絕對會再黎幫襯！冇得飛台灣嘅時候可以過下口癮😂（BTW 洗手間雖舊但乾淨唔濕，洗手液幾好聞lol

第一次嚟試揀咗招牌迷你滷肉飯加小吃三星蔥餡餅，係有驚喜。滷肉半肥瘦多汁一啲都唔嚡口，蔥餡餅爆汁。鐘意台式菜要試試。環境方面模仿台式cafe打卡一流，睇得出有心機經營。

最近番工係大埔醫院個頭 不嬲都知大埔醫院附近無咩好食 但係去大埔中心個到又食到悶哂經朋友介紹 去左翠和里附近搵下有咩好野食去到見到有間台灣野新開又裝修幾靚就入去試下叫左個必食嘅那個滷排骨便當 黎到嚇一嚇塊滷排骨仲大過我塊面 但咁大塊又好入味 烤到有少少脆 對於我呢個肉食獸黎講真係無得彈下次一定會再去食多次其他款式

大埔既餐廳食極都食唔完😂😂😂經過見到裝修幾靚就行左入去食🤪🤪（10分為滿分：🌕）味道：🌕🌕🌕🌕🌕🌕🌑🌑🌑🌑紅燒牛腱湯麵($88)配鮮關廟麵及櫻花蝦辣椒湯底係偏中藥既湯底，甘甘甜甜，係比較少見既味道，都算幾特別🤪🤪牛肉都夠腍，關廟麵底麵算煮得剛剛好，不過份量就真係好細份，男仔黎食係完全唔會飽🥹🥹🥹脆薯起司蛋餅($38)食台灣菜一定要食蛋餅，呢到既蛋餅料都尚算充足，但個蛋皮就比較薄，味道不過不失🫣香酥花枝丸($22)都係新鮮炸起夠熱辣辣，不過得3粒2個人分就唔太夠喉🙈🙈香酥臺南蝦卷($28)呢個蝦卷係因為見佢登記會員有coupon free一個$28或以下小食就後加左😂不過就普普通通冇咩特別，似魚肉春卷既感覺不過重口味啲，同花枝丸個味其實差不多😂😂🫣🫣迷你嘉義雞肉飯($38)呢個迷你飯份量都唔算少，如果女仔食唔到一個餐可以叫一個當主食，雞既份量都算足夠，肉質都夠嫩滑，不過佢個汁就咸咸甜甜咁，唔係平時食開既口味😂😂😂😂那個招牌濃厚奶茶($32)+仙草(+$5)茶底揀左綠茶底，綠茶味都幾出，飲落幾清爽，本身係想加珍珠，但點知得黑糖珍珠無普通珍珠，所以就揀左仙草，但加$5份量比想像少唔太抵🥹🥹另

今晚同媽媽係大埔食飯 近近地去左翠和里今次餐廳位於梁省躬草堂行前一個街口 轉右有兩邊餐廳林立 轉右直行幾步就見到我地今日六點半黎到 都唔使等就直接入座卡位數量比較多 兩人檯比較少 都坐得鬆動餐廳做緊1000ml嘅飲品做緊優惠～$31-42好大杯 味道可以 三杯炒蛤蜊最記得係依道 一上檯好大碟 好香 熱辣辣的差唔多隻隻都有肉 同全開 做餸下酒一流起司蛋餅芝士處於半溶嘅狀態 仲要有少少拉絲餅皮唔厚 份量啱啱好香酥排骨湯麵湯頭比較濃味 但唔重味精 飲到有回甘味加左少少藥材 排骨肉質好軟 唔鞋口 💛餐廳都有好種付款方式 另外飲品買一送一

大埔埔新台式餐廳✨再次嚟到大埔搵食啦，今次都係朋友提議試食一間新嘅台式餐廳，估唔到都有驚喜喎🤩⭐️那個滷香雞球便當 $68嚟到嘅時候份量都相當足夠，炸雞球配上味道甜甜嘅滷水汁，而且配料都相當豐富，有粟米同炒粉絲雜菜🥦感好fresh 😍配合埋一齊食相當滿足！⭐️香酥脆雞雞雞便當 $68值得一提佢依度嘅炸雞真係做得好好，酥香鬆脆！完全符合佢嘅菜式名，件件都好大件，非常抵食👍🏻⭐️三星蔥餡餅 $12食落感覺蔥味唔算好突出，冇乜特別，同埋比較油膩！配合返佢提供嘅醬汁嚟到一齊食會較好😄另外朋友都叫咗杯台式青檸冰茶一試，炎炎夏日消暑必備🥰

早排經過舊居見到開咗新餐廳，原來大角嘴間台式餐廳開咗喺大埔！呢日去咗試～裝修都幾舒服，行懷舊輕奢路線，裝修深色木+深綠色為主。叫咗#香酥脆雞湯麵 套餐$68揀咗 鮮關廟麵（扁） 、阿里山蜜香鳥龍個湯好濃好飲！炸乾蔥好香～麵係我鍾意嘅麵質，扁身、有咬口😆不過個雞炸漿有啲厚身同硬咗少少🤏🏻#嘉義雞肉拌麵 套餐 $68+椒麻辣子， 鮮關廟麵（中）、南投炭焙烏龍雖然加咗椒麻辣子🌶️但我覺得唔係好辣～不過雞肉有啲韌，麵係圓同粗身嘅，類似油麵，都唔錯，但我自己鍾意食扁嗰隻多啲～另外同行朋友揀咗呢個#秘製嘉義雞肉丼飯 $62+櫻花蝦辣椒 、冬瓜炭焙烏龍呢日食完，其實我之後喺灣仔encore咗次，嗰次天氣熱，點咗拌麵😂但其實我最鍾意係個湯同扁身嘅 #鮮關廟麵 ，可以encore😂不過唔會再叫雞，兩款雞都麻麻🫢

我想喺度先聲明，呢間台灣餐廳唔係唔好食，只係冇想像中咁好食，如果佢嘅價錢納入計算嘅話，味道普通兼且性價比唔高，始終76蚊一個set lunch嚟講唔算平。第一次嚟幫襯梗係要試佢個招牌菜：那個滷排骨便當個佢個擺盤都幾靚，排骨(即豬扒)大大件，炸出嚟嘅樣好有台灣feel，下面除咗飯之外，仲有粉絲及粟米粒等配菜。豬扒係厚切連骨嗰種，炸完再落滷水汁所以感覺無咁熱氣，佢嘅滷水汁偏甜面而且無乜香味。不過呢間餐廳可能太多野食都要炸，所以d油真係要換得密d，否則就會好似呢舊豬扒咁有少少油益味。餐飲加9蚊試咗佢嘅檸檬冬瓜愛玉，味道都ok。仲加咗個小食，三星慈蔥餡餅，12蚊有2件，無乜蔥味，反而d 油好澎湃。

🥗高蛋白系列-菠菜雞肉餅配紅米飯及沙拉菜 $68+煎太陽蛋 +$4菠菜肉餅配上甜醬油、柚子醋，十分開胃，適合管理身型人士既健康之選。🍳招牌總匯蛋餅 $38蛋餅內涵夠足料，蛋皮煙韌，醬汁偏甜和濃稠。推介指數：💛🧡💛🧡/5

今日早收工，決定到太和看看有什麼好吃快有一陣子沒來這附近，看到這個門口裝修不錯，食臺灣菜而且有空位子，就決定試試店舖環境氣氛良好，看得出來花了心思在環境及用具上很少看到臺灣菜會裝修得這麼漂亮，墨綠色做主調而且空間感大，播放的音樂又chill，很不錯的氣氛食品方面，就是一般的臺灣菜，滷肉飯蛋餅牛肉麵等等我們點了滷肉便當，豬扒，鹽酥雞，蛋餅坦白說，臺灣菜味道到那裡食都差不多通常只有牛肉麵才有較大分別，但係今次沒有嘗試到但我欣賞這裡的便當會附上很多蔬菜我看其他臺，很多點了臺式飲品下次可以再試完全以食品價值來說，有一點偏貴但我欣賞他處理氣氛做得很好，可以再來。我們食完走的時候，已經很多人排隊了，才發現原來是地區名店但畢竟是住宅區，所以大家通常也是食完就快快走了。不會坐很久