那個ㄋㄚˋ ㄍㄜ (將軍澳中心)

Open Now

Now Closed

今日去咗將軍澳嘅「那個ㄋㄚˋ ㄍㄜ」，呢間主打台式風味嘅餐廳，菜式選擇多元化，充滿地道台灣風情。 🍜 黑麻油雞湯麵呢碗湯麵絕對係暖胃嘅選擇！麻油嘅香氣濃郁但唔過重，雞湯清甜而唔油膩，湯底非常滋潤。雞肉嫩滑，麵條彈牙，吸收咗湯底嘅香味，每一啖都好正，係冬天必試嘅台式comfort food！ 🍖 那個滷排骨便當滷排骨係經典台式便當嘅靈魂之一，呢款滷排骨外層炸得香脆，內裏肉質鮮嫩，口感非常豐富。滷汁滲透入肉，鹹香適中，份量十足又飽肚，絕對係地道台灣味道！ 🧀 起司玉米蛋餅呢款蛋餅係輕食嘅好選擇！蛋餅外皮煎得香脆，內裏包住濃郁嘅起司同甜美嘅玉米粒，入口香濃又帶有少少咬口，層次感十足。 🍹 檸檬冬瓜愛玉呢杯飲品清新又解膩，冬瓜茶嘅甜香加上檸檬嘅微酸，口感平衡得非常好。再加上愛玉，增添咗Q彈嘅口感，飲落好有層次感，係一杯令人心情愉快嘅台式特色飲品！ 🧋 那個招牌濃厚奶茶奶茶係餐廳嘅招牌之一，果然冇令我失望！奶茶茶味濃郁，帶有台式紅茶嘅香氣，同時奶香十足，甜度可以按喜好調整。入口順滑，非常推薦！ 📍將軍澳中心-那個ㄋㄚˋ ㄍㄜ將軍澳唐德街9號將軍澳中心B1樓B03C號舖@nagetwfoo

《人氣台式料理❤️》———————————————-#那個ㄋㄚˋㄍㄜ 🇹🇼 -呢間人氣台式小店開到嚟將軍澳，梗要專登去食！水準唔錯，值得推介👍🏻平民價錢而且份量十足，又有多款台灣地道小食可以選擇，有種好似去咗台灣夜市街頭覓食既感覺😗-🍱 那個滷排骨便當滷排骨果然係招牌菜，香而不膩，撈飯食一流😝啖啖肉，炸得金黃酥脆，而且勁大塊超抵食😎-🍻 玖香啤酒豬軟骨湯麵湯底非常濃郁，以玖香啤酒調味層次更豐富～豬軟骨好嫩滑，炆得好淋，唔洗用力已經可以咬開🤤-🧋 特大大1000ML夜市仙草奶茶巨大化咗嘅茶飲好抵飲，一隻手都拎唔起😍真材實料，材料由台灣直送，勁多仙草好足料，口感嫩滑，茶底香濃😆-💰 參考價錢：那個滷排骨便當：$89玖香啤酒豬軟骨湯麵：$90特大大1000ML夜市仙草奶茶：$44台灣腸：$28-🍌抵deal 指數：7/10

那個ㄋㄚˋ ㄍㄜ將軍澳唐德街9號將軍澳中心B1樓B03C號舖味道評分:☄️(必食之選)>☀️>🌤>⛅️>💨☀️那個滷排骨便當 $89那個的排骨未開分店之前已經好出名，今次終於有機會試，果然真係好大塊，舊肉仲要好厚添🤤便當裏有菜莆炒蛋、粉絲、野菜，呢個亦都係便當另一個最吸引人嘅位，配菜好豐富又好食！☄️黑糖梅子地瓜薯條（大） $46大份係真係大份！脆脆的地瓜薯條自帶甜味，加埋酸酸甜甜的梅子粉，令人一口接一口咁狂食🫢☄️大滿足夜市脆雞（3件）•海苔粉 $39炸雞大大件，整得好出色😭炸皮要脆卜卜就基本啦，雞肉滑嫩之餘仲真係juicy!!炸雞可以配搭六款醬汁/調味粉:芝麻、櫻花蝦、海苔粉、酸梅粉、鹽酥粉、香辣粉食用(如果需要可以問店員拎)☀️招牌總匯蛋餅 $38餅皮唔厚夾住肉鬆芝士等配料，點埋甜甜地的醬，有d掛住台灣早餐店lu☀️雙色QQ球 $22每一粒都好Q彈，中間有甜薯夾芯😋我地叫左一份有12粒咁多，幾抵食喎~☀️特濃焙茶歐蕾(25%甜、少冰） $39少甜的甜度啱啱好，濃濃的奶茶味!🌤️嘉義綠豆牛奶沙冰 $42好大杯🙈要撈一撈先飲，味道較淡

自從那個喺將軍澳開咗分店之後，每次諗唔到食咩都會想食佢，每次食完內心只會驚嘆「果然係那個」，可以食無限次都唔厭🤣🌟蔥烤豬頸肉湯麵（轉秘製拌麵）$86‼️嚟琴豬頸肉好幾大塊，份量真係大得驚人。我揀咗關廟扁麵，醬汁係椒麻辣子！平時便當食得多，估唔到佢個拌麵係咁正！最愛最愛佢嘅醬汁，真係夠麻，夠香，夠辣。食完個嘴真係會痹咗，有啲料🌟那個滷香雞球便當 $86‼️滷香雞球又係極大份！外面係好香嘅滷水味，中間雞肉唔嚡。最欣賞便當入面嘅配菜，有滑蛋、蔬菜同粉絲，真心好味😋🌟招牌總匯蛋餅 $38‼️入面齊晒肉鬆、芝士同粟米，加埋醬油膏一齊食，台灣風味出晒嚟～🌟夜市雞皮卷 $28‼️外面嘅雞皮好香脆，面層有大量嘅調味料，入口juicy，果然係經典嘅台灣小食😎

早兩三個月見到將軍澳中心開咗那個已經好想試，不過幾次經過都好多人排隊所以放棄咗😅呢日夜晚特登早少少過嚟排，排咗一陣就可以入座啦☺️🍜紅燒牛腱湯麵 $96紅燒湯底用咗大量牛骨熬製，飲落非常惹味，麵底揀咗要關廟麵，麵條咬落Q彈，牛腱肉質結實，整體幾高質👍🏻🍜古早味手工滷肉拌麵 $76滷肉係半肥瘦，滷得好入味，份量都幾慷慨，足以蓋住大部份麵條，麵底都係揀咗要關廟麵，食落口感同滷肉好match😋🧋黑糖波霸牛乳 $40珍珠煮得煙韌，黑糖味道突出，再加埋口感順滑嘅維記無乳糖鮮牛奶，飲落奶味香濃😋🍹愛文芒果冰茶 $36茶底揀咗要紅茶，愛文芒果甜味同紅茶味完美融合，飲落香甜清爽👍🏻

那個ㄋㄚˋ ㄍㄜ (將軍澳中心) (將軍澳)將軍澳唐德街9號將軍澳中心B1樓B03C號舖在將軍澳中心的「那個ㄋㄚˋ ㄍㄜ」，真係一個唔可以錯過嘅美食天堂！呢間舖位位於將軍澳唐德街9號，B1樓B03C號舖，環境寬敞，座位設計非常闊落，適合同朋友聚會或者家庭聚餐。首先，講返佢哋嘅招牌總匯蛋餅，真係令我一試成主顧！蛋餅外皮金黃香脆，裡面包著各式各樣嘅餡料，無論係火腿、青葱定係芝士，每一口都可以感受到滿滿嘅滋味。特別推薦加埋佢哋自家製嘅醬汁，香味十足，真係好正！再嚟就係阿里山蜜香烏龍仙草，呢個甜品簡直係夏天嘅救星！仙草滑滑嫩嫩，搭配上阿里山蜜香烏龍茶，清新又解渴，甜度剛好，唔會太膩，食完之後心情都好咗好多。至於香烤豬排便當，佢哋用嘅豬排烤得恰到好處，外表微焦，肉質鮮嫩多汁，配上香辣粉，真係好有層次感，食落去每一口都充滿驚喜！而便當裡面仲有白飯、配菜，整體來講，真係好豐富，絕對可以滿足你嘅胃口。最後，不得不提嘅係紅燒牛腩湯麵，牛腩燉得軟爛入味，湯底醇厚，帶有淡淡嘅香料味，令人忍唔住多飲幾口。鮮關廟麵搭配個湯，麵條有彈性，吸收咗湯汁之後，味道更加出色，簡直係一碗暖心之選！總體而言，「那個ㄋㄚˋ ㄍ

位於將軍澳的台灣菜式餐廳，全香港有幾間分店，供應各款便當、蛋餅、台式小食及飲品等等，選擇甚多，味道也很正宗。古早蛋餅：招牌總匯蛋餅蛋餅厚實，內裡包裹著豐富的餡料，有肉鬆、粟米、芝士，還有雞蛋。如果嫌乾口的話，可以蘸點醬汁，味道更加提升。台南麵食：紅燒牛腩拌麵牛腩每塊厚厚的一大塊，炆得很軟腍，麵條用上台灣關廟麵，口感煙韌且彈牙。本身選擇了椒麻辣子，額外還加了櫻花蝦辣椒醬，蝦鮮味突出，非常惹味、開胃。台南麵食：嘉義雞肉拌麵雞肉絲及乾蔥蒜鋪滿麵上，麵條有幾款選擇，關廟麵、蛋拉麵等等，份量十足。雞絲肉質嫩口，扁身的麵條較掛汁，整體味道帶麻香辣，層次豐盛。飲料：特濃焙茶波霸歐蕾台灣菜少不了一杯台式特飲，這杯焙茶額外加添了仙草，茶底醇厚，非常濃香，與牛奶拌勻後，跟仙草一起喝，口感順滑，本身底下也配有珍珠，甜度恰好。

台式餐廳-那個ㄋㄚˋ ㄍㄜ 喺將軍澳中心開咗分店，主打台式鐵路便當🍱另外仲有多款台式特色小食同麵食，食物嘅份量十足，而且價錢合理👐🏻🍴那個滷排骨便當（$89）排骨非常巨型😍先炸後滷，滷汁鹹甜惹味👅排骨外皮半脆半軟，幾香口。便當有唔同嘅配料，包括粉絲、炒蛋同菜等等，令便當更豐富😆🍴紅燒牛腱湯麵（$96）湯底用大量嘅牛骨同蔬果熬製而成，味道濃郁得黎帶蔬果甜味👄牛腱厚切啖啖肉，長時間燉煮，肉質軟腍，有牛香👍🏻麵條粗身，口感煙韌，幾掛到湯汁。🍴特濃抹茶歐蕾（$39）抹茶味道濃郁🍵甜度適中，帶微微抹茶既甘味，啱哂抹茶控😎🍴金鳳波霸奶茶王（$40）奶茶香滑，茶味濃厚😋波霸珍珠煙靭有咬口👐🏻

大角咀名物之一嘅「那個ㄋㄚˋ ㄍㄜ」對於佢嘅便當、蛋餅等台式料理都有好深印象由其係大大塊嘅滷排骨 入味又juicy便當多配料份量又大份 🥢招牌總匯蛋餅👉🏻鍾意食最basic嘅蛋餅就係呢一款 夾著蔥花的蛋餅皮包住粟米粒 和滿滿肉鬆 沾上傳統台式醬油膏 已經係好味嘅 👉🏻多款調味配合不同口味 除咁醬酒膏還有椒鹽粉、海苔椒鹽等 點配都得🥢玖香啤酒豬軟骨便當（加滷肉）👉🏻豬軟骨有淡淡啤酒香 口感軟腍 將豬軟骨點佢嘅麻辣油食 麻香惹味加埋甜甜地嘅豬軟骨 超好送飯🥢秘製紅燒牛腱湯麵👉🏻先選麵底選擇咗闊麵 幾喜歡個麵質有嚼口 配紅燒湯底好適合 牛腱份量都好大份 最開心係有風琴豆卜 可以吸哂啲湯汁食佢係將軍澳都開咗分店 方便哂我又去搵朋友晚飯一聚而且鍾意海棠玻璃與木系設計 環境都靚最近仲做緊外賣飲品優惠 $20 2杯飲品 食完飯買埋外賣最抵了

今日約咗朋友食下午茶，去咗將軍澳中心那個食台灣嘢！環境舒適開陽，卡座坐得好舒服，下午茶仲要幾抵食添！招牌總匯蛋餅食得台灣嘢又點會唔食蛋餅，招牌蛋餅主要係肉鬆和芝士，味道香口，蛋餅皮煙靭，味道不錯！黑糖梅子地瓜薯條超鍾意食地瓜，地瓜薯條香脆香甜，配上酸甜的梅子粉，減低膩感，非常可口。香酥臺南蝦卷呢個好推薦，蝦卷非常彈牙，不用點醬調味已經好足夠！再配上櫻花蝦XO辣椒醬，超級惹味！脆雞起司蛋餅脆雞就算包咗喺蛋餅裏面亦都唔會淋咗，煙靭的蛋餅加上香脆雞卷幾好食！香酥魷魚足份量都唔少，非常酥脆，魷魚彈牙！臺南蝦卷滷肉丼飯這裏的滷肉和出面有些少不同，比較大粒，乾身一點，所以食到粒粒肉粒口感。份量亦都比得好足，加上滷肉汁，味道不錯！黑糖仙草牛乳係同維記聯乘合作無乳糖鮮牛奶，超濃郁奶香，黑糖珍珠香甜，夠晒大杯！那個招牌濃厚奶茶& 臺南鳳梨冰茶奶香味十足，茶底不錯。鳳梨冰茶清新，食咗咁多炸物，能夠減膩感！每個下午茶餐都大約40多元，坐得舒服，性價比幾高！

🍚那個ㄋㄚˋ ㄍㄜ📍見將軍澳新開咗那個🆕，說緊係去試吓啦😍。🍴那個滷排骨便當  $89滷排骨炸到勁酥脆✨，而且仲帶有甜甜地嘅滷味，仲要勁厚📏。我仲加配咗唔同嘅粉，分別有酸梅、鹽酥、海苔、香辣🌶️，嗰人認為海苔仲夾👍🏻。🍴紅燒牛腩湯麵  $90湯頭好濃郁飲落好暖心暖胃🍲，而且啲牛腩燉到軟爛。同樣加咗櫻花蝦辣椒醬🦐同椒麻辣子，兩者都好惹味😋。🍴招牌總匯蛋餅  $38蛋餅外皮包住滿滿嘅肉鬆🤤，再配埋半溶嘅芝士🧀，一啖食落去勁滿足。🍴特大大！1000ML 夜市檸檬愛玉！！！  $42呢個真係超抵飲🤑，一上到嚟勁大杯🍺，啱晒兩個人share 👫🏻，飲落好清爽同解膩🍋。

玖香啤酒豬軟骨湯麵🍜麵有四款，我揀咗鮮闊條麵，麵條入口煙靭，湯底夠濃香而且豬軟骨炆得好香好腍入口即溶紅燒牛魔全席湯麵😋免費轉左秘製拌麵～鮮關廟麵「扁」麵質爽滑，加咗椒麻辣子、炸乾蔥、炸蒜等，仲有豬油的光澤和香，口感更加豐富更有層次黃金流心魚丸👍真流心，還提供幾款不同的調味粉/醬，可以一次過試晒各種不同的風味阿里山蜜香烏龍✨大大杯味道清新，食完炸物解油膩一流而家仲做緊全線分店限定優惠任選兩杯飲品只售$20 👏👏

上排見到外買平台有優惠特定食品有買一送一當日嘅優惠就係🐔秘製- 嘉義雞肉便當🍱$131 兩個便當 （連平台服務費）都ok抵呀！叫外賣之前未睇呢度嘅食評睇完都有機會未必叫🙈送到嚟嘅時候兩個便當明顯有溫差一個係微暖 勉強食都OK另一個已經係室溫到要用微波爐加熱先可以食 三款前菜都幾好食 唔錯個人覺得粉絲嗰個最好味 夠晒香味 而且味道都好濃郁不過主菜嘉義雞肉就明顯較為遜色色澤可以 香味都可以 唯獨是味道淡淡一啲都唔入味，而且雞肉肉質都比較「鞋」，一啲都唔滑 🙁今次嘅教訓係：落單之前要睇吓其他人嘅食評

此店在將軍澳中心, 但位置比較難找, 食物味道都算唔錯, 而且價錢唔貴, 值得一試 食物 : 秘製紅燒牛腱湯麵(套餐) $86 ~ 牛腱煮得好香好淋, 肉唔會好鞋, 個湯好濃, 但唔會過咸, 好味 玖香啤酒豬軟骨湯麵(套餐) $78 ~ 豬軟骨都煮得好淋好入味, 湯底都係一樣, 兩個都好食 三星蔥餡餅(2件) $12(跟餐) ~ 叫咗個小食, 蔥味幾突出, 而且煎得夠香, 唔錯 飲品 : 跟餐叫咗烏龍茶, 唔駛加錢, 茶味幾香, 而且有多個甜度選擇, 適合個人口味 環境 : 餐廳地方唔算好大, 但都舒服乾淨 服務 : 職員有禮貌 價錢 : HK$176 (無加一服務費)

各位食友們，今日想同大家分享我喺「那個」品嚐到嘅美食體驗，「香酥排骨便當」，排骨外層炸得金黃香脆，入口時即時感受到炸衣嘅酥脆同肉質嘅嫩滑，真係一絕！排骨配埋白飯同幾款小菜，營養豐富，令人一食就滿足！😋接住落嚟係「古早秘製牛腩拌麵」，牛腩煮得淋而不爛，醬汁濃郁香醇，滲入每條麵條之中，味道層次分明，令人食指大動。牛腩嘅香氣同麵條嘅彈牙口感真係完美配搭，食完仲想再叫多一碗！🍜唔可以唔提嘅仲有「芋圓地瓜球」，賣相色彩繽紛，每一粒芋圓同地瓜球都係手工製作，口感煙韌有嚼勁，甜度適中，係餐後甜品嘅完美選擇。🍠最後，必試嘅「花枝丸」，每一粒都係滿滿嘅花枝鮮味，炸得外脆內嫩，食落去口感豐富，實在係無得輸！