鄭榮記

Open Now

Now Closed

其貌不楊，地點亦唔就腳，但lunch 炒野會有驚喜。係，真係驚喜，味夠料足唔會貴，而且大排檔炒野本身就一定夠鑊氣，佢嘅鑊氣徐左食得出仲聽得到，真係冇誇張。由於只係食晏時間，好急促，肥老闆講野好L大聲，但唔代表冇禮貌，仲有時攪下笑。忙中有錯，唔緊要，即時補番比你，夠手快。仲要介紹番點樣食先至好食。徐左鍱頭，小菜亦夠特別，饟雞翼相當出名，食晏時間亦好多人叫。小弟才疏學淺，第一次聽聞有大排檔可以訂位再預叫小菜，一放lunch 彈閘出黎有得食。如果有得揀，佢應該係世界上最好食嘅大排檔附近番工嘅人有福了！

我其實極少落街食lunch,因為我大多數自己煮，但煮得太多我都想落街食下。公司樓下其實都有幾多選擇，cafe 、意粉、豬扒飯、炒粉麵、碟頭飯⋯如果行遠d仲有上海嘢同台灣嘢揀！不過，今日唔想行得咁遠，所以就近近哋喺大排檔食，喺鄭榮記通常我只會揀星州炒米或者雪菜肉絲炆米。呢度d炒粉麵份量好夠大，一個普通女仔應該食唔晒，但我就⋯⋯哈哈哈！味道方面，真係幾有鑊氣，上枱果刻仲冒緊煙！即叫即炒，熱辣辣，配料都算幾多，加上呢度例湯可以自己無限添飲！唔錯！

手工之作 - 蝦膠釀雞翼見到隔離枱叫咗一碟，望落好吸引，於是又叫嚟試吓，一碟有六隻，蝦膠新鮮彈牙，雞翼有微微咖哩味，有鑊氣炸得金黃香脆，啖啖肉，幾過癮，期待下次試吓佢嘅蒜香骨。

又一下着雨的下午茶時段，心血來潮想吃蛋牛治，突然跑到鄭榮記試試。熱茶走和凍好奶茶也做得出色茶味香濃，入口順滑。蛋牛治的炒蛋，沒有太油膩的感覺。即叫即整，來到桌上也熱辣辣的。另外他們有鮮牛治，下次可以試試。最後叫伙記大哥取一杯水，出乎意料地佢問我：你係唔係食藥？要凍水或是滾水或是暖水？好多出名的茶餐廳，現在也做不到這樣的服務。還記得最近一次在跑馬地祥x茶餐廳或大型連鎖翠x茶餐廳,佢哋都只會俾一杯滾水你，俾咗杯水你，你都熱到飲唔到。真係冇想過這樣普通的大排檔，會有一份窩心

這間大排檔係公司附近，因為奶茶好滑又香，所以要買回來試下，好香又夠晒熱，用煉奶代替糖，感覺好似健康d，同埋滑d又香濃，好好味！除了奶茶還有好多選擇的，小菜，小炒，飯麵等，早餐有粉麵，三文治，多士，腸粉燒賣，其實想食咩也有。下次要試下其他選擇！

呢個熟食中心有好幾檔野食，其中鄭榮記呢間好受歡迎，由其係夏天個陣，得佢有冷氣開放，要搵位唔易㗎。叫左碟揚州炒飯，連餐飲42蚊，飯碟頭大，炒得粒粒分明，食落唔油膩，有叉燒，火腿，蝦仁同炒，都幾多料，加了鹽同蔥花，夠味又香口，大排檔炒野無失拖。餐飲要左熱檸茶，冷熱同價不用加錢，之前飲過凍檸茶，甜到一個點，少甜都無用，飲凍飲要走甜先得，日日飲呢度杯凍飲肯定會糖尿病。上餐都幾快，啱哂趕時間人事，不過大排檔你都務左無環境，無服務啦，食完即敝s。

今日去左荃灣工廠區見客,直到中午,個客人帶我黎左依度食午飯,我本人無所謂,平時因工作關係,去到邊食到邊,依度地方麻麻,地面經常濕濕的,!我點左肉餅飯食,肉餅食落口感足,因為算有厚度,口感豐富,而肉餅的豬肉味不俗,油脂豐富,配合豉油食落軟腍入味,,食左甘多依d市雜餐廳,雖然外內環境多數給人睇見不討好,但好多時食物的味道,質素...都比大廳的還要好!

西多邊度都有，好多時都係2塊薄麵包就算。但呢間鄭榮記既西多真係跨張，當我order完後，伙記拿上檯，我抬頭一看，足足兩吋厚，我見到真係嚇親。甘厚既、點解既？當我用刀切落去，西多軟綿綿，感覺係新解麵包炸既，炸得都幾香脆。

有一次，無意中在網上看到一篇詳細報導，關於一間經過歲月磋跎仍屹立不倒的低調老店"鄭榮記"的專訪，看完他們一家的奮鬥故事，決定要去潮聖一下！位置在荃灣柴灣角街一處豪不起眼既露天熟食市場，附近一帶全是工廈，相信平常只有附近打工仔光顧。中五12時來到，一進店便看到一個二餸飯corner,$38一個套餐，包括兩款餸，熱湯及白飯，餸菜選擇不算多，但眼看頗美味啊！我們選了一件一份蒸魚，一份炒菜，另加$8多要一個餸，選了豉油雞踙，竟然有三件，抵wor!回坐位時，店員面帶笑容大聲地跟我們說:"這邊有白飯，熱湯，過來取吧，任食！"感覺很親切呀，霎時令我想起媽媽，平常叫我吃飯，也就是語調啊！！我們二人，一邊分享著三餸飯，一邊等先前已order定的乾炒牛河，除了因為報導有介紹，聽就來大排檔就是要吃這些即炒粉麵，看看有沒火喉。結果倒沒失望啊，這碟乾炒牛河，河粉條條分明，有咬口，卻又不油膩，除了鑊氣，也吃出年月的味道。雖知一碟好吃的乾炒牛河，可遇不可求，最常見是極多油，或是河粉黏在一起,炒成河粉碎也是不足為奇。寫食評的今天，赫然發現，這裡竟只有一個食評！這裡食物好，人情味濃，好的東西，值得更多人知道呢

早前常路經柴灣角街熟食市場往香車街街市,黃昏五時多的鄭榮記總飄出陣陣紅茶香,也許正為明天早市的凍奶茶作準備。天氣冷冷的最適宜徒步上班,柴灣角街熟食市場就是最方便買早餐的地點。鄭榮記位處最方便通道其中一家食肆,佔地最大也最多人客,可能除港式早餐外還有在這邊算得少有的燒賣腸粉,多個選擇也是好的。腿蛋治竟有兩片洋火腿,較平時只有一片的更足料,應是較高價的洋火腿有多一點咀嚼勁也略為煎過更為香口,可惜煎蛋則如蛋皮,不是香滑炒蛋但有焦香,不算好吃但久沒吃煎蛋的我也樂意收貨。白麵包不是很柔軟的水準,有點厚度的新鮮麵包竟比平時的烚蛋治更飽肚。某天早上,身旁姑娘的餐蛋包早餐發出誘人午餐肉香氣,二話不說今天要來份餐蛋治作早餐才成。有兩片薄得幾乎可以吹起的午餐肉煎得勁脆,脆卜卜的比厚切的內軟外脆是另一種風味,誰叫現在的罐頭午餐肉價錢一點也不親民唄;今次的煎蛋比上次厚,層層疊疊煎蛋有著厚度但仍是煎得太乾,向另一方面去想就是油份不多嚕。等待早餐之時總看到師傅從大鍋中舀出牛肉,近來總想吃牛的我又來份較貴價的鮮牛蛋治,這份有鮮牛肉在肉的三文治比腿蛋治或餐蛋治貴$3唷。師傅下的牛肉頗多,看似有辣椒在內的沙爹牛,可是卻