鄭榮記

Open Now

Now Closed

喺附近返工, 呢間都有食開嘅, 覺得食物質素都`算唔錯. 有一排無幫襯, 今早去買三文治同奶茶 要35蚊, 因之前買開係30蚊, 我問一句: "唔係30蚊咩?" 點知個收銀阿姐大聲喝我: "無做優惠好耐啦! 咁你而家仲要唔要呀?" 痴線㗎, 問一問啫, 使唔使咁大聲喝人, 以後都唔會再幫襯你啦!

今日嗌咗咖喱牛腩飯，但係佔咗八成都係牛筋，牛腩就剩返兩粒咁樣，呢個比例實在太過分啦吧! 🙈 如果俾咁多牛筋，應該直頭寫咖喱牛筋腩飯啦! 起碼唔鍾意食牛筋嘅人，就唔使中伏！另外食過幾次呢間店，啲飯都係偏乾，一啲都唔軟熟又唔夠熱👎🏻

來到這裡一定要點炒粉麵飯，其實我都黎過好幾次，幾次都keep到品質，真係一D都唔容易，這裡附近是工商區，飯市非常多人來光顧，可能因為真係好食！！相信這個是不二的事實，順帶一提，奶茶非常滑，而且夠濃，又不會太澀，非常正，我今次叫左豉椒骨飯，有大排擋感覺，非常夠火喉，大家黎開D頭可以一試，佢其實係在柴灣角熟食亭的，在入口附近，非常容易找到，佢有戶外位和冷氣房的，由於太熱關係，我都坐左入去，哈哈，坐門口別有一番風味！

要麻甩，就麻甩到盡。荃灣工業區鄭榮記(大牌檔? 熟食中心? 户外街檔?)早餐 餐疍丁 啲丁同餐疍都係即叫即整，正!炸疍丁嘅炸菜肉絲係自家製，好多肉絲非常好味， 當然 疍即煎 丁即淥，勁正!仲有 凍鴦走甜 同 一飛駱駝，凍凍哋喺 室外茶檔 嘅麻甩浪漫。外賣牌個電話係零字頭，40年以上歷史，你見過未？

最近公司搬到附近，今日第一次嚟食，望落室內嘅環境都唔太污糟，而且燈光幾光猛吖，所以就決定堂食。叫咗個雪菜肉絲米粉，另外仲有午餐肉、香腸和牛油多士，都係$43，比我想像中平同埋好食 😄👍🏻 另外要讚一讚就係好夠雪菜(好多茶餐廳都係俾得好Hea…)，同埋杯凍鴛鴦好飲👍🏻

今日去開附近 原來呢度無咩商場在食飯方向嚟講都唔係太方便 不過佢哋有嗰位係一堆大排檔 所以我就去試一試 那時係下午茶時段 所以我未入都問職員有冇下午茶餐 佢哋話有 我就入去準備點餐 進來時發覺根本無所謂嘅下午茶餐 本來想試薯條沙律 這些輕食 但麵餐價錢都合理 我就試一次 這裏標榜自己用出前一丁 但其實如果揀出前一丁係要加錢 但既然佢哋推介 我就轉出前一丁試一試 份量都幾大 足夠一個女仕下午茶份量 配料都幾多 但麵質比較硬身 如果再煮耐啲 應該更好吃 醬汁都足夠 但不太感受到沙嗲味 凍飲無需加錢 茶味都幾濃 一杯滿滿的很解喝 今天不算太熱 所以其實慢慢食都算幾舒服和舒適

柴灣角(不是柴灣！)最出名，並不是有線電視，對荃灣人來說，肯定是這大排檔！偶然我也會在這裏吃早餐或午飯，今午一支公，回公司前來光顧這大排檔“鄭榮記” ... 它招牌上的電話只有七個數目字， 說明它也見證過香港作為“亞洲四小龍”時的風光日子。它坐落於工廠區(當然今天已沒有工廠)，日常來光顧時，也發覺有很多附近的老闆帶同員工來像包伙食一樣圍桌食飯，吃的當然是家常小菜，很夠鑊氣，有酒家水準， 我們一支公點的碟頭飯也很出色， 更特別的是，老闆跟客人混得很熟，在樓面經常與熟客有說有笑，很是融合，“今時今日有咁嘅服務態度”，難得！今午，我點了“男人的浪漫” ... “豆腐支竹火腩飯”！吃這種有些少汁的碟頭飯，不妨來個炒底，飯香特別濃郁，整件事更浪漫！

下午茶時間，黎到呢d大排檔，另有一返味道一坐低即刻叫咗碗鹹牛肉炒蛋辛辣麵，成碗野正常，麵唔會太𣺉，蛋煎得夠香有燶邊，但係應該落咗超多油，一咬成口都係油，所以食咗一半冇食

記得今年6 月時, 試過外賣鄭榮記後, 覺得食物都唔錯。於是同事之後提議去堂食, 就試下啦!去到, 店員叫我地入去另一間冷氣房坐低。入到去, 都好多人, 而且坐得好密, 感覺唔係好舒服。而且疫情還在, 所以唔係食得好安心。一食完已經趕緊戴返口罩。鄭榮記出名好多選擇, 今次我就揀左沙薑雞飯。佢地俾左雞脾我, 好嫩滑, 而且都好多舊雞。想講講個沙薑, 超好味, 而且好幼滑, 勁好送飯! 後來有次外賣想叫沙薑雞, 原來佢地外賣係冇既, 只有鹽焗雞, 話沙薑雞只係鹽焗雞多左個醬, 但果次最終都冇俾到沙薑我。以食物質素黎講, 我覺得OK!但係我唔會再堂食, 因為餐廳環境真係接受唔到。再食, 我都只會叫外賣。

疫情關係, 又冇得WFH, LUNCH多數都選擇外賣返公司食飯。而最就腳既係就O係公司附近熟食市場既鄭榮記。鄭榮記LUNCH 真係好多選擇,  今次我就揀左個苦瓜牛肉飯。呢個飯好有大排檔風味, 苦瓜炆到好冧, 牛肉有牛肉味, 唔會好似出面某D 餐廳咁冇味既。飯份量夠多, 汁又夠多, 完全夠晒撈飯，相信好夠男士既食量。整體黎講, $48 包埋凍飲, 絕對對得起呢個價錢。

我哋成日話要保育，特別係有歷史價值，受過歲月磨洗嘅事物，但又唔係乜嘢都要保留。好似呢間大牌檔，非常之有香港懷舊特色，睇落好有風味咁，但事實係咪呢？就係咁吸引咗我去光顧，炒丁麵竟然要$53，仲要冇包飲品。諗嚟諗去卒之叫芙蓉蛋飯，因為好耐冇食過，記得以前中學年代喺熟食街市食嘅真係好好食，想回味一番。但飯嚟到擺喺眼前，一睇就知唔掂，廚子冇料到，賣相零分，一啲都唔尊重碟飯，唔尊重食客，唔尊重自己廚子嘅生分，成碟都只係碳水化合物咁。飯裏面嘅豉油少得可憐，蛋裏面冇乜半熟蛋漿，芽菜火腿正常，唯一可以讚係啲炒蛋係炒得有蛋香，啲飯似係平價飯，冇乜好食，咁就盛惠$47，你唔好去搶?若果唔係近工廠區，都唔知關門大吉幾耐，政府只向沙田陳根記埋手，封殺大牌檔，咁收埋呢間啦唔該，唔好再影響市容，畀人誤墮中伏。

又係朋友專登嚟搵我食lunch，今次行入啲，揀咗呢間。聽聞好似呢間啲雙餸飯係OK，不過當日胃口麻麻，想食啲濕濕哋嘅嘢，所以就叫咗常餐。沙嗲牛肉米粉，加餐肉同炒蛋，跟餐要凍檸茶少甜。沙嗲牛肉一丁點沙嗲味都冇，完全係白烚冇味牛肉片，米粉同湯底味道完全係「福」米，餐肉兩片薄如紙，炒蛋冇咩特別，配上牛油方包一份。凍檸茶少甜都甜到漏。常餐價錢$43，凍飲好似仲要加錢（當日朋友埋單請客）。呢個大排檔我連埋呢間我幫襯過2間，都係覺得難食同貴。

Lunch去大排檔試下呢間奶茶出晒名的「鄭榮記」。好彩而家只係4月頭，未算熱，坐落都唔會流汗。早餐或單點炒粉麵飯餐牌乾炒牛河，河粉炒得乾身唔斷，食到鑊氣，但d牛，咬唔爛比較咸，而且豬扒un唔知係咪轉左師傅，d奶茶真係無幾年前的記憶咁好味。

到荃灣TML辦點事情 順路到附近的柴灣角街 柴灣角熟食市場吃個早餐，叫了餐肉蛋通心粉和奶茶。餐肉蛋通粉 餐肉真的很薄，一點也沒有口感。奶茶就好飲 有茶香及滑。這個早餐雖然價錢像不貴，但只得通粉及奶茶，有點貴。

如果唔係嚟開呢頭，特登嚟食真係有啲遠。西地鐵行過嚟都要三四個字。開頭諗住大排檔一定無冷氣，原來佢有室外同室內，夏天嚟唔怕邊食邊流汗。望下menu，粉麵飯個啲正常都有嘅。但因為唔太肚餓，所以叫咗個西多士。西多好岀色，係我食過眾多西多中嘅和牛級。先睇睇佢嘅厚度度，三隻手指咁厚，唔好以為佢得個厚字，佢個麵包底係好煙韌得嚟又軟棉棉。一刀切落去個下好痛快，因為個麵包會反彈，好有手感，好似切緊厚牛扒咁。埋單先$22,個份量係食咗兩個西多咁。