醉心居

Open Now

Now Closed

跟朋友入過幾次店內，每次都遇到客滿，今次朋友生日，帶佢黎試下，其實上幾次入店都覺得烤味很香想試，今日終於有位，同埋今日心思思想食串燒，又想食酸菜魚，又想打埋邊爐，呢間啱晒我。叫左餐前小食串燒先～～海蝦$28／2隻～燒到很香肉質剛好，唔係燒蝦乾～燒生蠔$33／隻～夠大隻用蒜蓉鋪面夠鮮味～鹵水豬腸$45～咬落爽口細細粒容易食事前已講會打邊爐，所以，轉左鍋加$30，等左一陣到左金湯酸菜魚片～黑魚片$248我唔太食得辣，叫佢整左個BB辣，個煲內有好多好多魚片，魚很滑，一夾係成塊魚片，好好食湯內有大豆芽，蓮藕片，寛粉，職員話可以當湯飲，我驚飲完會口乾無飲到。當食完所有魚其實都飽飽地，之後加水打邊爐，落左2個火鍋料新加坡白魚蛋～好彈牙同魚汁好食豬板筋～豬板筋都是爽的，切勿煮太耐今日2個人，食完都飽飽飽，太豐富但滿足到，串燒，酸菜魚，打邊爐，太好啦…價錢正常。

【醉心居】地址：九龍土瓜灣譚公道34號D地舖.突發約朋友食飯，去左土瓜灣呢間串燒、火鍋店食晚餐，一坐低就聞到好香，又想食串燒又想食酸菜魚，諗緊食咩店員就問我地要唔要點杯野飲先？雖然得一款熱飲-柚子蜜，我地都怕太甜，店員話可以少甜，一放低仲好好，話如果唔夠味可以加。朋友話淨串燒點夠食，最後淨係食串燒都飽左，唯有下次再試。.燒生蠔：⭐️⭐️⭐️⭐️唔算細隻都幾多汁。 .雞軟骨 ⭐️⭐️⭐️⭐️少少蜜糖味，幾香幾好食。.翠肉瓜 ⭐️⭐️⭐️⭐️一串粒厚切，要小心咬會燙口。.柚子蜜 （少甜）⭐️⭐️⭐️⭐️⭐️難得一杯飲落去唔會甜到喉嚨好唔舒服，仲有清香味，甜度岩岩好。.仲叫左幾款串燒，正常發揮。另外，店內坐位不多，暫時只收現金同轉數快。.Total：$606 （3位）

羊腩煲、皮多肉嫩沒有羶味、汁濃、檸檬葉香味獨特、價格合理、質素好、性價比高、外賣有小火爐十分方便、配菜新鮮、件件腩位、已經再次回購腐乳醬配檸檬葉絲香味十足、而且分量十足！

當晚大約十點左右，同好耐冇見既朋友，總共三人，一齊嚟到醉心居飲下啤酒，食下宵夜。我見個Menu又有串燒，又有得打邊爐，樣樣都好似好吸引錦，花多眼亂，唔知食咩好。之後，我地決定樣樣都叫啲嚟試下啦其實，呢到地方唔大，得幾張枱，但都幾整潔。叫左雞皮，羊肉串，燒得幾好味叫左幾串蝦，都幾彈牙燒茄子，呢個好食（因為掛住吹水同埋食嘢，有啲串燒冇影到，但係，係幾好食架）印象中，好似係鱸魚🐟有錯請指正最後，叫左芫茜同埋啲丸類，菜類打邊爐。不過，有啲食物唔記得影😅😅總括嚟講，下次會再嚟宵夜既。

酸菜「黃花」魚有驚喜！！！夠酸夠入味，叫左少少辣配搭啱啱好，魚肉彈牙有口感芽菜叫老闆加多左，老闆亦好好人俾多左，最想講個外賣套裝堅細心（無另外收費）最後加左米線同薯粉勁掛湯#醉心居#土瓜灣#酸菜魚

香辣烤魚鍋《海鱸魚》 (又香又辣完全唔洗灌水)我女朋友食辣比較渣，店主極力推介呢個鍋俾我地，一上檯就見到海鱸魚伴住海量嘅酸菜 睇見已經開胃未食條魚之前先食返幾啖酸菜 好正😋《海鱸魚》油份比較重而肥美滑身，店主特別提及呢款魚比較多膠原蛋白，女士食好啱🙈🙈，而且魚表面有煎過 金黃好開胃又香口，其實我女朋友平時比較細食，今次兩個人完全唔夠喉🤤可惜現時限聚令及疫症期間，如果係晚上時間食埋佢哋嘅串燒再加啤酒就真係一流了

主打酸菜魚及羊腩煲嘅餐廳，老闆前身係尖沙咀開私房菜酒吧，佢哋呢度嘅羊腩大大件，皮爽肉腍，最重要係個湯底濃郁得嚟唔會太鹹，最後仲要加埋薯粉索汁，成個羊腩煲嘅精華出曬嚟！呢間既羊腩煲無論羊肉定支竹嘅份量都好多，羊腩煲連皮帶骨，肉質都軟腍，羊羶味適中，價錢合理，一煲夠晒4至5個人食，配料包括馬蹄、枝竹、冬菇、筍及時菜等，羊肉炆得入味又無咩羊騷味，想再邪惡啲，我一定會加個公仔麵落去一齊食呀。真心食過後我係會再幫襯