重慶小食

Open Now

Now Closed

大圍重慶小食，其實想試咗好耐，但一直覺得驚佢會好辣好辣，所以都唔係好敢試。但係今次行過真係忍唔住啦，買咗一碗小辣嚟試吓，果然冇令我失望過粉皮凍凍地配合小辣真係好夾好夾。

附近街坊，都幫襯過，食物過得去至少食完無肚痛，但今日真係離曬譜，你收2次錢，俾1份食物，仲要唔解決問題，一句：「我唔知呀，部機有問題，老世唔係度！」你收2次錢，我都唔同你計要退錢，八達通麻煩，你俾翻2份我咪得囉，咁都要揾老細？一買一賣公平交易姐，你間鋪開黎做乜？姐係欺騙消費者啦！116蚊呢一碗，消委會見。以後唔會去，員工都無需培訓架喇，麻煩大家買前睇下評價，事出必有因，大圍有更多好選擇，酒樓加完一都抵過呢兜野。

態度超差啲嘢食又唔好食，啲餸越嚟越俾得少，叫佢俾多少少又話咩都要加錢，唔高興呢？就黑口黑面。真係唔會再幫襯呢間嘢，價錢都已經唔平㗎啦，仲要咁衰黑口黑面。差到爆。

就咁辣椒油倒落去然後撈撈撈，之后叫我返去自己溝水。平常嘅酸辣粉，至少有自己嘅湯底，但佢係冇的，都係加水落去。可想而知有幾難食。倘若真係咁嘅話，咁我不如自己整個薯粉溝辣椒油再溝水？比錢食出難受

一上嚟OpenRice見到好多差評話好難食我覺得佢哋嘅麻辣牛柏葉係唔錯喎～不過都係睇彩數，有時好食有時唔好食，不過多數都OK嘅。我估應該都多人食，如果唔係都唔會加價加得得咁快啦！$45，到$48，到依家$58！都只不過係短短一年之內嘅事。因為我成日都食，所以留意到今次算好彩嘅，份量裝咗好多俾我，同埋我鍾意叫佢將底下嘅青瓜轉做青瓜絲，咁樣好食啲～暫時除咗呢樣嘢之外，其他嘢都冇咩興趣，有一次叫過麻辣手撕雞，但係好難食，手撕雞我都係會去返隔離手撕雞腸粉

【沙田區】【蔡記重慶小食】寫完「生日飯巡禮」系列，初初諗住可以多啲飯局，不過疫情嚴重咗導致有啲朋友都係不見為妙。加上之前都講過，有個別飯局係喺一啲已經食過甚至寫過嘅餐廳進行，無謂寫啲已經寫過嘅，將啲精力放喺新嘅餐廳好過。而喺「生日飯巡禮」裡面，呢四間餐廳亦都巧合地係喺沙田區同西貢區各二。前者算正常，因為我本身就係沙田友，道理就好似「本來就是中國人」咁，你個人喺邊度，你個圈子都會喺邊度架啦，要衝出去從來都非常困難。而西貢區就比較特別，首先一次係因為電台節目創作總監係住將軍澳，所以就喺將軍澳食。另外嗰餐係朋友住西環，但為咗幫我整多篇西貢區所以約入將軍澳食，實在太好。本身喺 FRITES 嗰篇都有講，奈何爆字數 cut 晒。而疫情前比較少食外賣嘢嘅我，都要「馬死落地行」。而喺外賣嘢方面，就更加少食呢啲重慶小食。咁我作為一具忠黨愛國嘅中國人，都係時候要開拓一吓自己嘅眼界，唔好被資本主義嘅邪惡思想所荼毒，試吓呢啲菜式。去到大圍呢間真係唔識叫，好彩阿姐話賣剩「重慶涼麵」，幾好，唔使揀。加埋「涼拌雞胗」、「涼拌雞心」、「手撕雞」、「麻辣鵝腸」，只能夠講味道正常啦，我本身唔太好呢啲酸酸麻麻嘢，要 $7

我不論是要穿州過省才能吃到四川麻辣，要是到直轄市重慶也可以吃到麻辣拌涼皮和涼面。蔡家鎮的江津地區就在兩地之間，名乎其實出產涼拌小吃。這家麻辣涼拌多樣選擇，淋瑯滿目陳設分明，滾動起挑剔的眼球，不惶多樣的要顧客滿足到津津樂道，飽嚐天府之國的美味。

深夜想食宵夜，見到喺龍津隔籬諗住冇伏。諗都冇諗就嗌咗一碗涼皮黎食，同姐姐講走芫荽BB啦，姐姐問係咪走辣呀？我：少少辣BB辣，唔該。返到屋企滿心歡喜打開佢，食左一啖….辣到黐線….一啖🤮返出嚟，面又冇味，涼皮又厚又唔滑。 （一啖之後成個dum)真心唔好買…還我$40🥹🥹🥹🥹講埋個份量呢$40真係好少，完全裝唔滿。唔會有下次。………………………………………………………………………………

踩完單車來食个小吃，第1次嘗試這家，結果味道非常驚喜，一打開蓋就是非常地道的重慶香辣味道。麵條冰爽勁道，調料齊全，可以選擇的小菜品種非常的多。今次嘗試的是手撕雞木耳涼麵，辣度要的BB辣，本人感覺剛剛好，就算平時不吃辣的朋友也完全可以接受。因為麵條比較冰爽的原因，之前沒有那種很刺激的辣，反而是香味過多餘辣味。一份的分量並不算太多，對於想要控制體重的人士來說剛剛好。又可以解饞，又不會長胖。決定下次踩完單車來嘗試下涼皮和酸辣粉。

買返去 啲麵一夾就斷仲要酸酸地 唔知擺左幾耐已經係壞左🤗 另外小食都係唔好食的買左大腸同青瓜 大腸可以話係難食青瓜就普普通通 正常涼拌小食呢間一定唔會有下次 無諗到呢啲都會中伏真係可一不可再

早前新開張已經幫襯過，諗住會有驚喜，叫咗三餸涼麵，份量少得驚人。 唔該姐姐仔簡直倒米，份量小不突止，叫3 餸都可以用回原裝碗，就知有幾大碗。今日再幫襯，諗住有改善，都係一樣咁少，好，咁無承意，都唔駛指意我再幫襯。。。。

最近四川風拌麵愈開愈多，相信做法簡單，三幾十一大兜是原因。大圍也有一間。價錢真係唔算貴，當然配菜都主要係平嘢。成日見到長龍，但通常都好快有。點了涼朳。其實係拉麵一類，調味比較差，雞粉味精太出，然後辣中帶苦澀，睇嚟都唔係自己調的辣油。加了雞絲，鞋到一個點，又無味，真係白烚肉咁。基本芫茜蔥炸黃豆青豆都有。真係麻麻地，一半都食唔到。配料放到乾唒又無保溫。整體而言，平係幾平，三四十食到飽，但質素真係差，欺人未食過又平又好的？不過都係個句，池中無魚蝦最大，鬼叫大圍夜晚無嘢食咩。