野川拉麵の鮮鍋道場 (Closed)

一家三口子來個粥底火鍋，原來八點半後入座第二位有半價，原價（$228）一位，嘩，咁雙數人頭最抵唔講唔知呢間鮮鍋道場個半自助放題好多元化，可以點一款主食拉麵或刺身丼再加放題，又或者好似我地咁要粥底火鍋加放題，哈哈，阿爸話想食粥底火鍋，咁就唔轉plan啦。店員先送上粥底，再有粟米同南瓜，為粥底增加蔬菜的甜品，南瓜煮瀜後粥底亦可更綿滑。一次性的海鮮，非常豐富！有鮑魚，蟹，蝦，蜆，帶子，蠔等，材料相當新鮮，啲鮑魚，蟹同蝦都仲郁緊㗎仲有一次性的刺身，有三文魚，油甘魚，甜蝦，魷魚，肥美新鮮，阿爸大讚不絕話好鮮味，阿媽則覺得個擺盤好靚有乾冰，嚷著要合照火鍋料可自選六樣，要左花膠仔，鮮腐皮，魚皮餃，魚腐。仲有肥牛，都幾靚喎，很滑有牛味，亦不算太肥。最後係阿媽至愛的豬腩肉片，呢樣就係要肥先好味，豬油勁正滾啦滾啦，帶子熟左都無縮水，仲好大粒好爽甜，蝦同蜆都十分鮮味，鮑魚爽口彈牙勁正，蠔夠肥，整體黎講好滿意。蟹勁多膏，好好味呀自助bar有壽司，炸物，湯，熟食等選擇，飲品方面凍嘅有啤酒汽水茶等，另外仲有熱奶茶咖啡等，應有盡有阿媽鍾意忌廉溝鮮奶，飲左成三罐，係咁話好好飲喎。阿爸就多元化地攻擊不同味道的韓式飲料，

🍺裝潢別緻的日式海鮮半放題鍋🍺之前食完野川拉麵の深宵食堂🍢🍡已經覺到好抵食！$10 大大隻生/燒蠔耶！.今次試埋同區元朗分店的一大堆新鮮海鮮鍋好爽呀🤤🤤🤤🤤🤤🤤🤤🤤🤤🤤—————————————————1️⃣海鮮刺身👍🏻：三文魚、北寄貝、油魽魚、鮮蝦，比我想像中鮮甜肥美！🤤.2️⃣海鮮鍋👍🏻：多膏鮮蟹、爽甜海蝦、軟嫩鮑魚、花貝、象拔蚌、聖子等等。海鮮控一窕會喜燒🤤❤️ .3️⃣再自選六種食材：我們點了花膠、手掣黑毛豬丸（這個味道一般，可能本來對黑毛豬字眼期待過高吧），安格斯肥牛，然後其他我都忘了⋯反正就是不停在吃吧！🤤.4️⃣粥底火鍋：店員會即場把粥、蔥花和生蛋攪拌在一起。連不喜歡吃粥的我也表示它的調味和質感很讚，不過食完超級飽！!.5️⃣還有熟食自助吧：首推口水雞和鹹豬手！送酒岩哂！還有沙律，壽司，中湯西湯，甜品等等。味道中規中矩，絕對不是頹點。.

全家人去試下新野，海鮮粥底火鍋x日式放題，不過大家要注意，呢個set係限量發售架，大家最好book左位先啦！首先坐低無耐，店員就放低左一盤刺身拼盤，有三文魚、甜蝦、八爪魚。味道鮮甜，非常新鮮！呢個就係粥底火鍋既海鮮拼盤，有鮑魚、蟹、蝦、蜆、蠔，仲有帶子。店員表示，因為希望保持海鮮新鮮，所以唔會攞好多貨，咁樣大家就可以食到最原味既海鮮！出面仲有自助小食拎，我地拎到成枱都係野～店員會提示每款海鮮大概要煮幾耐先熟，非常貼心。除左海鮮，每枱客人仲可以選擇6款火鍋配料，有好多不同食品。肉類方面，我地選擇左豬腩片同肥牛，肉味十足！最後我仲食左枝雪條做結尾，好滿足！(๑>ᴗ<๑)

覺得價錢好平。。只係叫個例如刺身飯 $148。。就已經可享用出面自助吧。。佢叫半自助放題 心諗自助吧啲野 應該都係一般般 。。簡直喜出望外。。每樣野都好好食 炒蜆 炸雞 炸矮瓜 口水雞 都必試 。。除左呢幾樣野之外 仲有沙律吧 任拎蟹子🤩🤩 正正正 甜品種類又多 。。不過最慘就係只得一個鐘頭。。有小小唔夠時間hea下

老公牛一，但又要喺元朗接個女放學，唯有喺元朗食，諗起有間新開嘅粥底海鮮火鍋， 近近哋帶埋兩個女， 就嚟慶祝下。餐牌 - 大人可以食粥底海鮮火鍋，小朋友唔過120cm 平日就只需加58蚊就可以食出面自助餐區。先黎刺身拼盤， 有三文魚，甜蝦，油甘魚 ，八爪魚， 刺身質素唔錯，幾新鮮。海鮮拼盤有生蠔，鮑魚，蟹，帶子，大蝦，同埋蜆，包羅萬有。特別一讚嘅係蟹，鮮味十足，放落鍋度即刻散出濃濃既蟹味。 蟹肉入口鮮嫩彈牙，食得出係非常新鮮。再點6款， 西班牙黑豚肉，雪花肥牛，魚皮餃，手打豬肉丸，台灣豬肉腸和炸魚皮。 咁多款式，其實已經半飽。呢個時候，店員為我地準備埋主角- 粥。粥非常鮮甜，食落仲有蟹嘅味，加埋蛋花，蔥粒，菜脯粒 ，口感十足，係今晚既精華。出面自助區，有熟食，湯，甜品，飲品。小朋友食得好開心。

完全冇諗過用超值既價錢有咁好嘅質素！專程約會住這邊既朋友相聚一刻。這是一間日式半自助放題餐廳，裝潢別出心裁，牆上裝飾富日本🇯🇵動畫風格，梳化座位闊落非常舒適。先來個海鮮刺身，放置得靚靚奉上眼前，刺身包括三文魚、北寄貝、油魽魚、鮮蝦，非常鮮甜。海鮮盛盆很有氣勢，實際來一個海鮮火鍋夜，食材新鮮肥大，很是吸引。包括有海蝦、鮮膏蟹、鮑魚、大花貝、象拔蚌等等。愛海鮮既朋友一定食到滿心歡喜。另自選六種食材，大家以健康為首，選擇了花膠、魚皮餃、 腐皮、新鮮淮山、手掣黑毛豬丸，樣樣都超水準，原本火鍋可以食出另一種境界。安格斯肥牛，牛肉進口味香肉柔嫩，另外仲有自助吧，提供熟食，沙律，壽司，熱湯，甜品，雪糕雪條，汽水熱飲任君享用。掃清光左右火鍋食材，壓軸就是這個粥底火鍋，友善嘅職員準備烹調靚粥嘅材料，包括蔥花，日式配料，和日式蛋，一瓶放進火鍋來烹調出美味的靚粥。靚足色香味俱全，實在太飽，完全不能完成一大碗。好彩甜品是另一個胃，最後選擇了雙條冰條懷舊一番。一整晚和友人非常盡興，友人已打算下次和家人來家庭聚餐，晚上8:30後第二位半價，還能不說性價高其高？店員提醒記得訂椅位，以便餐廳預早準備新鮮優質海鮮供大家

同男友想食粥底海鮮火鍋，之前跑步經過見到新開呢間餐廳，第一下吸引男友目光嘅就係啲擺設好靚又有好多龍珠公仔。首先有混醬可以教啱個醬汁豉油，出到去無論冷盤定熱食都算多選擇。冷盤小食好多花款可以每樣食少少，又有壽司仲有好多炸物小食！有張單叫我地揀六款配料比嗰個粥底火鍋，有黑毛豬又有肥牛又有台灣腸又有花膠響鈴菜都有幾款，仲有鮮淮山同萵筍呢兩樣都比較特別即刻點嚟試吓。最後會有職員協助將海鮮火鍋變粥，好鮮甜一定要留肚食呀！飲品櫃好多花款想飲咩都有，甜品櫃都有好多野試。雪糕雪條嗰度超級正，同男友樣樣都想試。

元朗一直隱藏不少優質餐廳, 最近有朋友極力推介, 覺得質素甚佳，就是「野川拉麵.鮮鍋道埸」刺身拼盤刺身拼盤有甜蝦，三文魚， 魷魚及油甘魚。海鮮拼盤海鮮拼盤有元貝，蜆，聖子，鮑魚及蠔，非常豐富蠔十分清鮮甜美，滾了大約八成熟, 保留其鮮甜多汁的口感, 我比較喜歡未全熟質感柔軟的蠔，燒得正合我意, 很好吃!鮑魚軟彈煙韌，肉質鮮嫩， 質感和味道在我而言有九十分!吃起來也很鮮甜!那種鮮感和美味, 非筆墨所能形容。海蜆一口尺寸，沒有帶沙，彈牙有嚼勁。扇貝燒的時間比蝦再要長， 單是賣相已經十分吸引， 肉十分厚身， 鮮甜多汁。而海鮮粥底鍋, 除了海鮮, 我們點了其他火鍋配料，也有包括蘿白，鮮準山，金菇，肉丸等……我最喜歡吃的是肉丸，咬下去爽口彈牙;鮮準山爽滑美味，籮白晶瑩剔透, 吸收了醬湯的味道, 美味可口，金菇更是鮮甜無比。肥牛色澤紅潤, 肥瘦均勻, 牛味香濃, 口感軟嫩卻保留應有的口感。海鮮粥底又來了今晚的壓軸“海鮮粥底”登場，剛才用火慢慢把食物滾熟，粥底有效地保存了食物的鮮味，軟棉棉的粥充滿了濃厚海鮮美味，色香味具全，餐廳的店員會為顧客製作海鮮粥底，十分細心。我們最愛就是任食甜品和飲料，種類繁多

之前試過呢間嘅拉麵唔錯🍜知道開左粥底火鍋店🍚一於去捧場下啦🙌🏻揀咗粥底火鍋🍲半自助餐形式海鮮無得選擇🐟比咩食咩有蠔、元貝、鮑魚、蟹、蝦等等......🦀🦐🐙海鮮大部份OK👌🏻但蠔嘅味道有點奇怪配送刺身+熟食🍣🍛賣相靚😎但刺身麻麻哋打完邊爐用湯底煲粥🔥加上榨菜、蔥花、雞蛋🍳每啖粥充滿海鮮嘅精華😚飲品+甜品任飲任食甜品試左榴連雪條🍧標籤上寫左有椰子奶🏷️椰子奶較濃🥥相對地榴連味較淡😅乳酪雪糕🍦重乳酪味😝略甜都係去食番碗正正常常嘅拉麵好D😂

星期日5pm 來食半自助晚餐，只能食1小時。主菜：三文魚帶子丼148元🍱刺身新鮮，屬於好既質素，食得過。主菜：豬扒拉麵及豬軟骨拉麵各128元🍜普普通通啦！麵及湯就唔係咁好食！仲要係全熟蛋🥚！二碗麵及餸都食剩大半，最大食嗰個都食唔到一半！唔值收$128 /碗囉！雖然自助區係任食，但係質素及品種都唔係多，進食時間又短！自助區出面有壽司🍣、三款熱食、三款炸物、中湯、西米煲綠豆沙、沙律吧、甜品櫃、汽水及紙包飲品/奶茶咖啡綠茶自己沖！唔好忘記去冰櫃攞雪糕、雪條😵因為得1小時，好趕，我哋都唔記得咗要去攞雪條食，有好多年冇見過嘅藍鐵神雪條😖激氣，冇食到！

元朗人對於野川應該唔會陌生😎 唔知幾時野川又有新搞作 呢間新店除左供應拉麵之外 仲主打半自助式粥底海鮮火鍋放題!!首先黎個刺身拼盤同埋海鮮拼盤 有蟹 鮑魚 蟶子 蠔 蝦同蜆 全部都好大隻! 每人有半邊蟹食 真係有蟹膏架😆然後仲送南瓜同粟米 再可以自選6款配料 食肉獸表示除左響鈴之外 其他都要揀肉😈食完d餸之後 店員會加入粥 菜脯 蔥 雞蛋 開大火攪攪攪 變成一鍋吸收曬海鮮精華既粥😋 粥既份量夠每人兩三碗 食落好香好滑好綿 充滿海鮮既鮮甜👍 加埋蔥同菜脯咬下 成件事up曬!!😍其實冇expect會食到咁飽 因為出面既自助區實在太多款式啦 除左壽司之外 其他野食味道一d都唔頹 夾左勁多野食😆 特別d既有炸子雞同炸鮮奶 薯仔炒牛柳絲好惹味!! 而甜品都係間硬食先食得落🙈限食兩小時 其實只係岩岩好夠時間食 人均都只係二百多d 整體質素比期望出色

女朋友近來愛上蟹粥火鍋，就和她二人到元朗的野川拉麵撐枱腳，喜歡這裡裝飾佈置，有很多玩具figure，和有心思的擺設，環境很有活力，而且很熱鬧。先講自助餐枱，有沙律bar、壽司bar、飲品櫃、雪條櫃和熟食炸物的位置，沙律的款式十分多又有很多款沙律醬汁；壽司亦不算少；飲品櫃又有解茶、忌廉牛奶、可樂汽水等；雪條的款式都很多；熟食有素菜又有中湯甜品等，而炸物有雞翼、多士、天婦羅等，不停有新款出現。自助餐食物的選擇包羅萬有，十分抵食！頭盤包一下新鮮空運刺身，包括三文魚、甜蝦、吞拿魚和墨魚片，很新鮮。主菜的海鮮盛盒包括原隻蟹，另外還有鮑魚、大蚌、蟶子、海蝦、鮮海蜆等。先放入蟹，然後放入不同海鮮，中間的蟹膏令整鍋粥變成金黃色，蟹肉又鮮又甜，其他海鮮配料都滋味十足。除了海鮮配料，還可以多選八樣食材，竹笙、西班牙黑毛豬腩片和農場雞件絕對屬首選，竹笙浸久了，把湯的精華吸盡。吃完所有火鍋材料，如果還有胃口，可以吃一碗粥，集合了所有滋味。平、靚、正！非常適合大胃王，環境又有玩味，非常飽又滿足的一餐。

朋友介紹元朗新開左間粥底火鍋放題，今日一家大細特登落嚟試下。舖頭門口及舖內裝修比較型格，地方亦很闊落，設有半自助餐區域，自助餐食物賣相相當靚，地方亦好乾淨，有壽司、熟食、炸物、湯、糖水、汽水、沙律、雪糕、軟雪糕、甜品任食。侍應好有禮貌，面對麻麻煩煩細路都親切對待，值得讚賞。我地叫左粥底火鍋自助餐，$228/位，第二位半價，價錢可以接受。落左單後，第一樣嚟嘅就係好新鮮嘅刺身拼盤，轉頭嚟左個粥底嘅火鍋同五款時令海鮮來，海鮮份量一d都唔細㗎，鮮味到極，另外個餐仲可以叫多六款肉類食，打完邊爐後，有侍應嚟幫我地响個火鍋度加左菜脯、蔥、同埋雞蛋攪拌左一陣，就完成左個好重海鮮味嘅粥喇，真係冇得彈。最後補充一句，唔係價錢可以接受禁簡單，直頭超值，最啱一家大細，朋友聚會晚餐嘅好地方。

之前食過間野川拉麵覺得幾好食，所以前排就打算同個朋友去再食，但今次就去咗佢新開呢間。去到先知原來呢間同又新街個間有D唔同，佢多咗個海鮮火鍋，仲連埋個半自助餐。粥底火鍋最平都係＄１８８，二百蚊都唔洗，有海鮮，有肉，有刺身，有個小自助餐，有個勁好味粥，我個人覺得都係好抵食。佢另外仲有拉麵同飯可以揀。Ｄ野係完全夠食有特，所以我地都無再追加配料。一開始店員會先上刺身，然後海鮮，佢仲好詳細咁教我地落咩先好ｄ，食海鮮食到差不多就可以叫配料，食完ｄ配料就可以叫店員幫你叫飯煮粥，因為個湯已經哂ｄ海鮮呀，配料呀，所以係極甜，而且店員會落埋雞蛋一齊煮。雖然我同個朋友最後已經飽到不行，但都堅持要食埋個粥，個粥真係世界級好食！真心推薦！上得幾靚，多款又新鮮～只係２人份量，但都勁多，有鮑魚、蟹（勁多膏！！）、蟶子、蝦等等。先放鮑魚同蟹，然後就一獲熟！每枱都有個桶放垃圾，唔怕一枱都係完海鮮店員會放ｄ南瓜粒同栗米，令個湯底更甜。呢Ｄ係我地揀嘅配料，特別推薦嘅係豆卜。佢絕對唔係件普通嘅豆卜，佢有Ｄ似魚腐，入面有舊滑滑地嘅魚肉，係有驚喜嘅！最後就到粥啦！店員會加埋呢Ｄ落去用佢純熟的功夫去煮個快手粥。再要講多次，個粥真好

放左工咁攰又肚餓, 同D同事要食返餐好既^_^搵到呢間開新左冇耐野川鮮鍋，因為粥底海鮮火鍋好少係元朗有得食, 覺得好特別所以大家都去試下。一入到去，間舖既設計好新穎(唔似一般傳統果D火鍋店咁)呢度係半自助式既餐廳, 有沙律壽司炸野可以任拎入到去坐底揀左個鍋,醬油配料同揀八款火鍋料就出去拎野食甜品都有好多款, 未食火鍋之前已經玩左呢個自助雪糕機坐返底D海鮮已經黎到LU超大個海鮮盤，見到都流口水雖然海鮮唔係任食,但份量都夠哂咁多人食好新鮮,隻蟹都係即叫即劏，放去煮D腳仲郁郁下(雖然有D殘忍,阿彌陀佛)D肉好厚又好鮮甜,係真係真係好好食!最後, 吃到飽飽佢會將最後既精華加粥加蛋加配料，由一位侍應幫你好有心機咁煮成海鮮粥總之, 坐得舒服, 服務好, 食物質素高可以帶朋友黎試下，鍾意食海鮮真係岩係呢度食