野菜咖喱事務所 Curry Man (Closed)

野菜咖喱事務所，一個非常日本嘅名字，估唔到係一間隱身喺地茂商場向街一角嘅小店。店入面基本上冇座位，要堂食嘅話，就只有喺店出面行幾張枱。之前幾次經過，天氣太熱，唔想坐喺街食，今日秋分，開始微涼，終於的起心肝試咗。睇評論話呢度嘅招牌菜 “一日野菜咖哩飯” 有成九款蔬菜，好吸引，不過今日好肚餓，想食肉，於是叫咗野菜咖喱牛肋條飯。咖喱採用咗喺日式超市最常見嘅好侍同 Topvalu，味道雖然唔算好香濃，不過都煮得稀稠適中，咖喱味微辣帶甜，唔錯。配料方面，薯仔，紅蘿蔔同牛肋條粒都煮得軟腍入味，好食😋，特別係後者，啖啖肉，牛味亦濃，最啱我呢啲牛魔王嘅口味。成個飯，大大碟，汁多餸多，仲用埋珍珠米，送埋杯無糖綠茶，晚餐都係四十零蚊，真係抵過自己煮😆，據聞下午茶時間仲會平多十幾蚊，真係唔知老闆有冇錢賺😳。

【黃店 💛 】​🉑：外賣自取／app​⭐ 評分: 8/10 ​ ​———————————————​想試好耐好耐！但係冇咩幾可行過嗰頭～今次終於試到啦！下午茶做到7點，仲要只係28蚊一個飯，平到以為返咗canteen​——————————————————
​▪️ 野菜咖喱雞扒飯 （午市：$42／下午茶$28 ）可轉番茄汁​​原本呢個係野菜咖喱飯，不過見到可以轉番茄汁，諗住可以清新啲就轉咗！ 野菜飯如果係叫無肉嗰款，就會有7至8種蔬菜，但加咗肉就會得返西蘭花，大家要留意喇～​​番茄汁好有驚喜！食落同平時嘅番茄汁唔同，呢個似乎有混入日式咖喱，食到有日式咖喱磚嗰啲牛肉碎同蘿蔔，同埋彈牙嘅珍珠米一齊放入口，非常之開胃滿足。​​雞扒特意叫店員唔好切，原塊上望上去好吸引，比起紅野家嘅雪味雞實在足料太多，仲要價錢平啲。雞扒應該係雞皮朝下煎，否則雞皮油脂唔會做到咁薄，好似燒雞咁，仲係上面搽咗蜜糖。入面嘅肉質好嫩滑，無雪雞味道，非常厚肉。​​平時食扒飯通常我都會切好晒先開始食，唔知有無人同我一樣XD​​✨ 野菜咖喱事務所✨​📍 葵涌中心商場地下A42號舖​⏰ 1100 - 2100 | 星期日休息​

今次在葵青區「想到訪」食肆list中想介紹它，是一間小小店。小店是在露天用膳，搭了幾張四人枱。門面設計帶有日式色彩，好似在日本的街頭小巷裏遇上地道小店。看看貼在牆上的menu，有全日供應、下午茶供應和四款主打菜式的介紹。專登等到下午茶時段(1430-1900)，因為實在太太太超值，每款飯都平$14，同樣奉送冷/熱綠茶，抵!*******************第一次(06/06/2020)來到當然睇中野菜咖喱飯($24)，究竟會有咩野菜呢? 雖指定極少飯，但對我來說都唔少。嘩!賣相幾有日式feel，喜悅! 白飯採用珍珠米，粒粒圓潤飽滿，面頭灑了些黑芝麻，周邉放滿不同的野菜，淋上香濃的咖喱汁，好吸引。數數看，有西蘭花、三色椒、西芹、紅蘿蔔、茄子、秋葵、翠玉瓜、南瓜和薯仔，足足九款，好豐富。除了秋葵和翠玉瓜煮得過腍變黃之外，其他食材都弄得剛好，帶有咖喱香，又不失蔬菜的獨有味道。咖喱濃稠度適中，味道香濃，辣度點到即止，不會嗆喉，用來佐白飯真係一流，結果一粒珍珠米也不留，哈!*******************第二次(16/07/2020)因疫情關係，還是外賣安心啲! 外賣賣相當然不及堂，但

如果喺葵涌返工嘅朋友，呢間都幾抵食，真係唔算顯眼嘅小店，40蚊左右就送埋嘢飲，份量唔細，味道唔差，算係cp值高啦。叫做比平時煮嘅咖哩再甜啲，呢碟一日野菜咖哩飯應該係最健康。

同朋友約喺葵興站等，經過外面大馬路，見到有一間門口好細，外面得四五張枱嘅餐廳，其餘任何擺設都冇，但係見到佢枱面痴咗文宣，就忍唔住坐低咗。呢間小店專係食日本咖喱，款式唔算多，基本上全部都係日本咖喱飯，只係可以選擇唔同嘅配菜，有雜菜有牛肉有豬軟骨有蜜糖雞扒，我掙扎咗好耐豬園骨定雞扒好，最後都揀咗雞扒。佢上碟個賣相非常之好，未放入口啲咖喱聞落已經好香，份量都非常足夠，用嘅係日本米，好軟熟，撈埋咖喱汁食非常好味，佢雞扒煎得唔錯，用咗蜜糖甜甜地，雞皮煎到非常香脆，雞肉唔會煮到太老，夠晒juicy，跟餐仲會送一杯低糖綠茶。價錢都唔貴，平民化，值得推薦。

Green Saturday。性價比高嘅日式咖哩飯， 因為有事要去附近嘅工廈先有機會嚟到葵涌食飯 。單點 $38，加 $8 可以轉有味冰茶。我要咗白桃冰茶。，Total $46，加錢轉嘢飲個人認為依然係抵食。野菜同咖哩互補，蔬菜的甜味令日式咖哩多個層次。 白飯唔係粗糙嘅白米，都係用珍珠米，粒粒分明有咬口亦都有少少黏口。 擺盤亦都唔會好隨便，唔似某啲茶餐廳師父就咁倒個汁上白飯面。野菜分別有: 蕃茄，翠玉瓜，秋葵，西蘭花與莖，三色椒，茄子，紅蘿蔔，薯仔，豆。基本上每種蔬菜各一。 大大舊，整體蔬菜都係甜嘅只係秋葵個皮有少少渣。白桃冰茶唔會好甜，佢茶味比較重唔係嗰啲放好多醣漿落去嘅有味茶。平日出街食飯師傅都係隨便搭條菜心，喺呢度食就一次過可以補充唔同嘅維他命同纖維，但放心唔會唔夠飽，因為飯同蔬菜嘅份量都好足。堂食枱唔多，都係鋪面出面放幾張摺枱同凳，大部分嘅人都係外賣拎走，如果堂食就會對住馬路或者路人食。位置亦唔難搵，a出口一出上天橋行一兩分鐘就到。如果行地面就直行轉右，我呢啲路痴都搵到。

經過葵興，順便一試，食左個蜜汁雞扒咖哩飯。有西蘭花，雞扒，咖喱汁，飯。飯: 口感偏軟，水份較多，本人喜愛飯較乾身，但不過不失西蘭花: 白烚，應該冇落鹽，還可以，但冇特別雞扒: 調味不錯，但未有燒烤既風味咖哩汁: 問題來了，主打既咖哩汁，竟然如此淡味，食完都唔覺食左咖哩，似食冇落椰奶既葡汁淡味版。係老闆落咖哩磚唔夠? 完全冇令人想一食再食既感覺。如果經過既朋友，冇人都可以食下，特登黎食就不必了。黃色經濟圈，不是黃色施捨圈。

✨平民食堂🍛足料咖哩飯😍✨———————————————————-💛#littlefatwest良心小店 💛#littlefatwest葵芳黃店 .隱世黃店！價格好親民☺️學生餐價錢舖頭細細間 主要做外賣生意 岩附近番工番學既人食😛堂食既話可以坐户外 有四張枱左右個feel好似大牌檔咁 幾得意😂小店6.12 8.5有罷市💪🏼———————————————————-🍛蜜糖雞扒咖哩飯 $42 (7.5/10)係日式甜咖哩 送飯好食😋雞扒好大份！煎得外皮微焦有蜜糖調味好惹味 雞肉算幾嫩滑呢個價錢真係幾抵食🤤.🍅日式蕃茄牛肋條飯 $48 (6.5/10)蕃茄汁酸酸甜甜幾開胃仲有薯仔同紅蘿蔔 食到勁飽😂不過牛肋條咬落有啲靭 多筋位 都係雞扒好食啲！仲要平啲😂———————————————————-📍 野菜咖喱事務所 Curry Man @currymanhk 葵涌葵興道100號葵涌中心商場地下A42號舖.🔺#littlefatwest葵芳 🔺#littlefatwest日式

小編今日自己一個人放工，又唔想就咁係附近搵嘢食🤔，決定行遠少少去到葵興站附近食小編今晚嘅晚餐🍽。去到葵興站附近小編發現之前食過嗰間就無開到🙄，而走出少少有一間個名有啲特別🤨，因為有個「事務所」呢個字，全名叫做「野菜咖喱事務所」。咖哩本身都幾鍾意食🤤，加上小編好支持小店，今晚就一於試下佢😚。✦✦✦✦✦✦✦✦✦✦✦✦✦✦🎈 A.一日野菜咖哩飯 $38可以選擇嘅菜式算多，一共有A-F款。小編都諗咗一陣先決定揀A款，因為店名有個野菜呢個名，我諗食最原始嘅餐最容易食到餐廳食物質素💪。果然同個餐名一樣各款各樣嘅菜類都好齊好多🤩，茄子、蘿蔔、西蘭花、南瓜、青椒、薯仔等等，真係素食餐呀🥦。咖哩味道係用日本貨製作而成，帶點甜，濃度適中👌，隨餐仲有一杯低糖綠茶可以解下渴添🥤。另外，份量同價錢都好公道，全部菜式都係50蚊以下💰，適合愛食咖哩人士👏。✦✦✦✦✦✦✦✦✦✦✦✦✦✦餐廳坐位雖然唔多，只係唔到4張檯可以供人坐🤩，但小編見大多數都會外賣🥡。而位置方面，初來餐廳未必留意得到餐廳位置🗺，因為係位於商場地下嘅角落近住馬路方向。所以真係特登入嚟試嘅朋友要睇住地圖行喇🧭。✦✦✦✦✦✦✦✦✦✦✦✦✦✦

呢間同葵興站距離唔遠嘅餐廳主打日式咖哩，我嚟到時正值中午12點時候，有兩三個人等緊外賣。由於呢度無冷氣、只有雅座，再加上落緊雨，所以今次決定外賣拎走。雖然呢度叫野菜咖喱事務所，但我無揀咖喱，揀咗D餐：和風南瓜雞肉煮配飯。等咗5-10分鐘外賣就準備好，一開始店員無問飲咩，最後先問返我，先至發現熱同凍綠茶都係免費嘅。飯同雞肉嘅分量都好充足。南瓜雞肉以鼓油煮，清淡得嚟味道亦足夠。雞肉唔會煮到太硬，南瓜亦唔會太爛。$42連綠茶絕對算係咁喇🤩

呢間葵涌中心微舖隱藏喺一角雖然近馬路邊，而且好近垃圾站，環境麻麻堂食相機食先的確靚啲，不過最近抗疫期間比較建議外賣不過呢間黃店食物質素的確高質睇個名就係主打日式咖哩飯最吸引我嘅係個價錢，一般午餐只係三四十蚊碗碗足料，而且每人都會附送一杯綠茶下午茶更加低至24蚊，兩個人隨時可以拎50蚊埋單！野菜咖哩蜜糖燒雞扒飯 $28 基本上，飯粒都採用珍珠米入口煙韌，而且每碗飯量激多白飯有紫菜同芝麻點綴，食落有啖啖芝麻香最平嘅係野菜咖哩飯，不過咁啱無晒野菜招牌咖哩汁好香咖哩味，咖哩唔辣容易入口雞扒表皮幾香，似醃過同煎過入口白滑軟嫩，如果多啲咖哩汁撈飯更好日式薯仔燉豬軟骨飯 $28 主打係咖哩飯，但我覺得最好食嘅反而係燉豬軟骨飯豬軟骨燉得入味，清淡柔嫩，紅蘿蔔作配菜都係軟淋淋舊舊肉質軟腍，軟骨爽口燉煮嘅汁比調校嘅醬汁更花心思日式蕃茄牛肋條飯 $34 蕃茄醬汁撈飯向來惹味，呢款用鮮蕃茄加蕃茄醬汁鮮蕃茄好香甜，酸甜味夠開胃不過略嫌蕃茄皮帶鹹味，我覺得食到底覺得醬汁偏鹹牛肋條有咬口，有牛味但筋位纖維比較多，需要嘴嚼耐啲

今日路過葵興見客，特登搵間黃店醫肚，哩間個食評不錯，走來試試。葵涌中心面對馬路方向，旁邊系垃圾房，不過都算幾乾淨企理。12點到場，無乜客，個哥仔問我是否take away，佢好認真咁問，我係擔心人多，但見無乜人，話堂食。點個招牌咖哩雞扒。今日好風，等食之時，D垃圾味吹埋黎。唔怪之得佢問我系咪拎走。其實我想環保D少用膠盒，但最後都要麻煩佢改take away. 個咖哩汁真係幾好味，雞都幾香，份量對我咁食得既人來講都啱啱好。一條友去公園坐低慢慢嘆。下次黎都會encore

💛野菜咖喱事務所💛..............................雖然佢只係一間喺路邊嘅小店（只有室外座位）但感覺到老闆對自己出品認真嘅態度🤤每次經過都想外賣一盒飯走 CP值超高下午茶時間仲抵 下午茶仲要去到7點🤪提提大家有時老闆5點零會去買食材🥕下午茶時段唔想摸門釘最好打去問問先..............................～日式番茄牛肋條飯 $48（午市餐牌）+免費 凍/熱 無糖綠茶.雖然老闆都貼晒出嚟話你知佢用邊隻汁去煮但我諗自己喺屋企用$48煮都未必有咁多牛牛肋條炆到好軟淋淋 好入味😋重點係個汁 酸酸甜甜撈飯一流啲汁有微微嘅油脂香味 會唔會太正我次次去都會叫多汁😳不得了！連啲紅蘿蔔都入晒味煮淋埋(>^ω^<).👏🏻：8.5/10..............................🎈 野菜咖喱事務所 (葵興)葵涌葵興道100號葵涌中心商場地下A42號舖.............................. #CREATINGHK黃店 #CREATINGHK葵興 #野菜咖哩事務所

今日嬲到為左呢間舖,  第一次申請OPENRICE ACCOUNT, 今日LUNCH 同一班同事叫外賣, 上到黎發現野飲倒瀉左大半, 都算!打開個飯, 發現咖喱豬軟骨飯, 冇咖喱汁, 得D 飯同豬軟骨, 真係無言.....D 豬軟骨又油, D 飯野唔多凍野, 食左2啖真係頂唔順唔想食..........點樣先可以做到咁差?? 呢間真係人生食過咁多間野之中,非常非常不偷快既既外賣體驗, 雖然係黃店, 但大家真係諗下值唔值得再幫襯!!

雖然舖頭細細，要坐出面，但嘢食嘅presentation 一d 都唔馬虎，有埋個木盤，睇得出係有心機，而且飯餐加埋飲品只係50零蚊，咁抵食又足料，其他地方好難搵lu。點左咖喱蜜糖雞扒，雞扒個皮脆脆哋，雞肉juicy，個蜜糖喺雞皮上嘅味道，加埋咖喱汁，令人覺得好滿足、好回味 ，個味道點解可以咁夾㗎🤤 咖喱汁唔會太鹹，拌野菜同飯食，好快就食曬！雞扒足足一大塊，加埋新鮮足料嘅野菜，我咁大食都夠飽。夏天將至，如果堂食真係會熱，不過反正疫情肆虐，叫外賣返屋企食仲好，安心食好嘢 🤤🤤