野見拉麵

Open Now

Now Closed

野見拉麵係近期人氣排隊店，主打濃郁雞白湯拉麵，今次星期六早啲出門口終於試到！雖然排咗差唔多45分鐘，但真心值得推介俾大家～💯🍜 雞白湯拉麵（$98） 雖然係全店最平嘅拉麵，但呢款湯底極度濃郁！極度推薦！佢個湯超出色，飲落好濃好滑，不過清湯派嘅人可能會嫌佢太膩，但作為濃湯人士，完全飲得出師傅用心熬製✨。配上細直麵，掛湯能力高，每啖都充滿濃郁雞湯精華🥹。叉燒係低溫慢煮，肉質粉嫩，雞胸亦都好滑，個人覺得佢個雞胸好偈過鳥華亭，非常加分💖（不過，個人比較鍾意鳥華亭，因為有得揀曲麵😆）🍜 雞鹽味拉麵（$108） 相較雞白湯，呢款鹽味拉麵嘅湯底比較清，但面頭會見到啲雞油！飲落唔膩，但嗌呢碗嘅朋友就覺得呢個麻麻地，寧願叫兩碗雞白湯😂而且鹽味仲要貴啲😅麵條方面亦跟雞白湯嘅麵質有所不同，呢款用咗微微帶彈牙口感嘅幼麵，麥嘅質感無咁重，整體感覺更輕盈🍜。📌 排隊攻略12點開門，今次我12點鬆啲去已經要排45分鐘，食完出嚟1點幾條龍更長🫣 全店座位唔多，只得3張二人枱，其餘全都係吧枱！同埋全店得一位拉麵師傅 + 一位侍應，不過好彩每次入2-4個人，所以我哋嗌完都唔算等咗好耐～整體評價野見拉麵湯底確實做得非常好，

已經聽過呢間拉麵好多次，但因為知道好多人排隊，所以都冇試過。今次終於扚起心肝去！😤平日夜晚，7:00去到，已經大約有30人排隊。見到嗰下真係覺得大鑊🫨店內大約12個位左右，一路傾偈排得比想像中快。等咗一個鐘之後入得。雞白湯拉麵 $98🍜餸有三片雞胸肉，一片叉燒，一粒糖心蛋同一啲蔬菜人生第一次清咗碗拉麵連湯底。湯底濃厚，咸道適中，純喉。面身偏幼，有啲小麥粉，口感少少硬但係好適中。個人鍾意雞胸肉多個叉燒。雞胸肉好滑好夾湯底，同好香雞味。雞醬油拉麵$108啲餸一樣。覺得湯底冇雞扒湯咁出色，下次鹽同蝦味拉麵。

如果大家下次想食呢間拉麵，可以一個人嚟排隊，20個人打尖。事緣我今日去排開門等位，前面有四個人排隊五個人過嚟打尖，拉麵店直接full左。不過店主都認同呢個做法。我覺得打一兩個都算，但係排隊嘅人仲少過打尖嘅人，會唔會有啲過分？咁其實店主點解唔考慮訂位服務，要人嚟排隊呢？打尖手嘅人面皮都好厚，仲話度度都係咁。咁其實點解平時香港人成日都要話大陸人出名打尖呢？咁嘅舖頭我應該唔會食。我仲以為小店係會有小店嘅好

🍜 雞白湯拉麵（強推！！）雞白湯拉麵嘅靈魂絕對係湯底。呢間店嘅湯底真係冇得彈！味道濃郁，但係一啲都唔油膩，入口順滑，令人忍唔住想一啖又一啖咁飲，面仲未食曬，湯就已經飲晒。最驚喜嘅係佢哋嘅雞胸肉，做到咁嫩、咁滑，真係令人讚不絕口！👍🍜 雞鹽味拉麵相比之下，雞鹽味拉麵就顯得較為純粹。湯底簡單清爽，冇多餘嘅點綴，對於喜歡清淡口味嘅朋友，呢個絕對係個好選擇！✨食完一次之後，我瘋狂推介俾朋友，佢哋試完之後都讚口不絕！期待下次再嚟！🥺✨✨

心心念念嘅濃郁雞白湯終於食咗啦!細細嘅拉麵店裡面大有乾坤🤗🤗個麵搭配咗叉燒肉薄片、雞胸肉，雞胸肉真係好驚喜!!肉質超嫩滑!!蔬菜類仲有蘆筍、🌽粟米笋、🥚糖心蛋同香蔥色香味俱全。裡面仲係開放廚房，可以見到師傅嘅製作過程，等待嘅過程不停咁傳嚟雞湯香味❤️‍🔥❤️‍🔥雞白湯嘅靈魂係湯底，味道濃郁一點都唔油膩，口感非常順滑，麵都未食完湯已經就快飲曬了真係好正!!🫶🏻🫶🏻

好多人介紹我過嚟食呢間野見拉麵，今次終於有時間。拉麵一定要讚吓個蛋，糖心蛋係好好食嘅，做得好出色，我甚至另外再加多一隻蛋。喺肉上面有兩款肉，有豬叉燒同埋雞叉燒，一碗拉麵已經可以試晒兩隻款嘅肉，我自己偏好雞叉燒多啲。而且個湯底簡單得來又唔係好平凡，整體係好乾淨，唔會好油膩，但係感覺有好足夠嘅味道，難怪咁多人介紹！下次可以試吓其他款式嘅拉麵，但係依家都越嚟越出名，所以可能嚟到都係要排隊！環境都幾好，最緊要拉麵店都係乾淨！

近排都係同好多人一樣週末深圳食嘢多。勝在平，少有時限，少有限制條件。今日早咗回港，就係附近隨便揾「輕食」晚餐就算。知道呢間拉麵🍜一段日子，嘗試睇吓有冇位。咁啱今日有位，好彩。評語係：選擇唔多，幼麵。湯底好得，流心蛋，肉夠味。今次3款食咗其中兩款。下次一定去食埋鹽雞湯味至得😄。

今日終於食到！之前兩次嚟到一係裝修,一次好多人排隊所以無緣食到. 開鋪前已有人排隊,正正12 pm準時開門.雞湯味濃, 令人難忘！$108呢個價錢吃到咁美味的拉麵,超值！

呢間店已經係我第三次幫襯，我亦試晒佢三款招牌麵，醬油湯，鹽湯，白湯，全部都係雞🐓。《雞🐓白湯拉麵🍜》食評同醬油湯，鹽湯，大同小異，我唔重複打多次了。因為今次係試白湯，想話佢非常順喉絲滑，鮮度，䶢度，香味，都係好，係我食過最好味嘅雞白湯拉麵。雞叉燒係最令人覺得驚艷嘅，我三次幫襯都保持水準。今次特登帶埋我大女試試，佢選擇左鹽湯，佢非常滿意。整體 - 值得推薦 👍👍👍👍👍如果三款口味排名，我會話，鹽湯最好，因為味道夠純粹，雞鮮味最討好。白湯第二，因為個湯順喉絲滑。醬油湯第三，佢甘香醇厚，只係少少太鹹左D，啱重口味人仕（我唔係，我係淡麗愛好者）

呢間野見，從地段，門口，內籠，到裝修，都大概感受到呢間店走嘅路線都相當平民，完全避開拉麵激戰區，同高檔路線應有嘅配置。不過，以麵論麵，佢絕對唔比d名店差，甚至乎更好。《雞🐓鹽味拉麵🍜》講真，就咁睇賣相都夠晒吸引。如果你有留意開，响日本，特別係東京最有名嘅人氣拉麵店，佢地都有幾個共通點：一，個湯比較清澈。二，個麵排得好整齊。三，配料唔會迫爆碗。以下係食評。香味 (3/5) - 香味比較單薄，除左雞味（應該來自雞油同雞湯本身），近乎冇乜其他香味可言。湯 (4/5) - 如題，就係“非常純粹的雞清湯”。“純粹”呢兩個字並非貶義，對我來講係中性。套用响呢個湯道，我認為好多於壞，因為本身雞味就係討好，堆疊太多其他味道亦不見得好，易被蓋過。另外，雞油嘅運用相當到位，提升左個湯嘅香味同層次之餘，口感亦因此變得更加滑順。湯嘅顏色係一大賣點，係金黃色，我認為望到個湯色，未食都贏左半條街。麵條 (4/5) - 用嘅係細直麵，低加水，感覺上同一蘭選用嗰隻麵好相似。因為個湯唔係濃，所以清楚地食到麵條嘅小麥味，麵同湯配合得好，成件事合情合理。配料 (4/5) - 雞叉燒方面，部位係用雞胸，非常之嫩滑，雞味亦非常

環境幾乾淨，要彈既係雖然有籃俾人擺袋，但係個籃好細，要攬住個袋食店員服務一般醬油湯底較鹹，鹽湯底幾清，蛋都ok，麵比較硬同埋唔太掛湯肉味道不過不失，但得1塊紙咁薄既叉燒，3舊細雞肉，一碗$108女仔都食唔飽🥲 cp值較低....

#fatxprinceedward‼️ 只有三款拉麵卻非常有驚喜‼️·① ［ 雞 白 湯 拉 麵 // 雞 醬 油 拉 麵 ] | 𝐌𝐮𝐬𝐭 𝐭𝐫𝐲 「 雞 白 湯 拉 麵 」*Ꙩꙻ₀Ꙩꙻ)！入面附有雞胸肉/ 叉燒/ 味玉/香蔥睇落去好似好簡單，但估唔到一飲個湯，比起我平時食過嗰啲更加有驚喜ど⁰̷̴͈꒨⁰̷̴͈う完全冇個種過鹹！雞胸肉非常之滑，叉燒都係好好食!｜𓋪8/10•野見拉麵 (太子)太子柏樹街6號地舖……………………………..

👍🏼抵食指數：⭐️⭐️⭐️⭐️⭐️😋好食程度：⭐️⭐️⭐️⭐️⭐️之前食過中環過江龍座銀嘅雞白湯，以為係雞白湯嘅天花板，原來一山還有一山高，高手藏喺民間。一個喺太子嘅普通拉麵店，竟然食到米之蓮水準嘅雞白湯雞胸肉拉麵。雞白湯拉麵湯底好濃郁，好 creamy ，雞味好出，麵條就較幼身，咬感彈牙，而成碗麵最靈魂嘅部份竟然係塊雞胸，應該係食過最特別、最好食嘅雞胸肉，因為肉身夠厚，而且非常彈牙，爽口，口感好似食緊魚蛋咁，真係好驚喜。第二樣驚喜係隻醬油半熟溏心蛋，製作得非常出色，咬落去蛋黃慢慢流心，一般餐廳食唔到嘅感覺。不論湯底、麵條、雞胸同溏心蛋睇得出廚師係用心製作，平民價錢，仲無加一，但有米之蓮級數嘅水準，值得推介！一定再去食！ 溫提：平日放工去都要一陣排隊

《雞🐔醬油拉麵🍜》呢碗麵嘅賣相絕對有別於一般你响香港食到嘅醬味拉麵，最大特色係佢個湯嘅色澤，好通透，同加得足夠多雞油。擺盤亦幾靚，走簡約風，配料唔係話逼爆碗嗰款，整體結構鮮明清晰。香味 (4/5) - 香味非常足，主要聞到醬香味同雞油嘅香味，非常好聞。湯頭 (4/5) - 醬油方面，色澤較深，似普洱茶色。入口非常之香醇，芬芳，由一入口雞油嘅味道，到醬油嘅鹹香味道，到蔬菜嘅甜味，佢係有一層一層咁登場，非常有層次感。湯嘅濃度夠晒，鹹度就稍稍覺得太高，但都係接受範圍之內。麵條 (4/5) - 用嘅係細直麵，低加水，感覺上同一蘭選用嗰隻麵好相似。因為個湯好香濃，麵條本身嘅味道僅僅食到，但唔算好出。麵嘅硬度係冇得揀，不過佢煮麵時間控制得啱我心水，未至於硬但係爽口嘅。配料 (4/4) - 主角當然係塊雞🐓叉燒啦，選用部位係雞🐓胸，非常之有驚喜呀！極之嫩滑可口，雞味夠濃郁，有三塊，冇得輸呀！豬🐽叉燒方面，都幾大塊喎，似係豬肩肉，但係因為切得都相常薄，雖然味道係好，但太薄口感差少少，加上又得一塊咁多，唔多夠滿足感。溏心蛋🥚方面呢，又係非常好！外表夠光滑，味道夠濃郁，有流心效果，又係冇得輸。另外，有加白

餐廳環境舒服，裝修都係日本拉麵店咁，燈光偏暗。餐廳廁所幾乾淨，冇異味。有三款口味湯底，我地叫左一碗白雞湯(有兩條蘆筍同一條粟米仔)同一碗醬油味湯雞。另外仲有鹽味雞湯底，應該可能有機會下次再試。三款湯底入面包括有雞胸肉、叉燒、糖心蛋(可自由選擇要同唔要)首先湯底試第一啖係濃味,ok的，因為出面都好少有雞白湯，所以都較難同出面比較。肉質係嫩滑的，似係經過慢煮的，因為係白烚覺得味道一般，好重雞腥味。大約一點去到嘅時候唔洗排隊都ok。