金味小廚餐廳

Open Now

Now Closed

外賣乾炒牛河，成會只有1.5塊牛肉，個大厨可能賭波輸大左，有洋蔥，芽菜，但真係好奇怪，搵來搵去，面到底，搵到1.5塊，無錯，係1.5塊，可能係和牛。。。。。真心失望，希望47元午餐

2021-11月-聯和墟覓食之金味小廚下午茶餐平日的下午四時，想試試未到過的茶餐廳，金味小廚位於粉嶺聯和墟和泰街37號地下2021-11月的下午茶餐牌，價錢由最便宜的$24起有交易，提供下午茶時間由2-6PM另有特價即炒粉、麵，飯供應，劃一收費$42送熱飲點餐: 時菜斑腩炒河粉($42)有四件斑腩，生菜做底，斑腩無魚的鮮味，肉質未霉，但也沒有斑腩的彈性河粉未炒開，粉質軟爛，加上獻汁，有點糊作一團感覺，生菜反而碧綠青翠，口感爽脆用玻璃杯上的熱奶茶少奶，冒熱，熱度十足茶味不錯加點辣醬調味，但辣醬酸酸的，味道怪怪的埋單: $42 這家茶餐廳下午茶價錢相宜，$42炒粉麵飯包熱飲，便宜飽肚之選，但不要對食物味道抱太大期望。我暫時就只試食過一次下午茶。

同老公一齊放假 但8號風球除咗M記 有咩地方仲會開😬但我又唔想食M記 落咗街行咗十幾步就見到得金味一間有開 所以門外有人等外賣入面都好多人 不過我哋唔使等 就入得翻枱都快個時間只能食午餐叫咗梅菜扣肉 鹹蛋蒸肉餅例湯都夠味 冇味精唔叫杯嘢飲 都可以轉碗湯鹹蛋蒸肉餅 正常嘢冇特別上菜都快唔駛等好耐梅菜扣肉琴日唔係話勁肥 肉質唔硬 唔柴口 夠入味梅菜係精華所在🙃🙂食落冇渣 攞嚟撈飯一流咁飲只需加兩蚊 但檸檬茶個茶底唔得🙃🙂8號颱風下 仲有得食茶記 已經好感恩🥺

呢間係我一直食開嘅食堂，佢每日都有唔同嘅餸菜俾你揀，值得一試嘅係佢哋嘅雞，好嫩口。至於佢抵食嘅地方就係只要嗌一個餸，就會有湯飯同埋甜品送，服務態度都好好。食物質素唔錯，平均一個餸75蚊左右，如果加埋飲品都係咁$6，十分之飽肚❤️

好耐冇去金味食午飯，因為佢實在坐得太逼，宜家肺炎疫情其間，有限制唔可以將枱放得太逼我就入去食下啦。今次我食嘅午餐係蕃茄煮三刀魚跟老火湯同飲品，都係47蚊呢款午餐享其他茶餐廳好難會有得食，通常係蕃茄班腩或者雪藏魚，呢個三刀食得出係新鮮嘅，原全冇雪味同腥味，個汁又甜甜酸酸，好開胃，好正，佢杯茶的茶味亦夠濃，係我杯茶。 完

聯和墟有得送外賣又好味嘅餐廳唔多，金味係我其中一間早餐之選。今次食 夾菠蘿包餐，菠蘿包夾咸牛肉炒蛋，甜同咸味好夾。如果堂食熱刺刺更好！沙嗲牛通果啲就普通啦😂btw 奶茶唔錯，夠香濃。外賣最重要，送得快，送得啱🤣👍🏻👍🏻

今日同老豆兩個人喺屋企附近食第一餐入到去都一點鬆啲所以就嗌午餐啦望到個list有我幾中意食既 梅菜扣肉其他set都唔錯不過平時見到媽咪食扣肉 外相都唔錯所以就嗌咗喇老豆就嗌土魷肉餅上菜時都幾驚喜扣肉夠厚身五花腩既肥好足食落去真係啖啖油！而且廚房都整得幾淋入口都鬆化嗌埋餐飲都係40蚊左右埋單老豆既肉餅都唔錯好香 絕對可以一試再試！仲有想推介大家試埋佢個沙爹牛麵佢地既沙爹牛唔係普通既沙爹好重味 絕對值得一試！

今日回粉嶺以住都經過來這裡食早餐下午茶，以住都經過來這裡食早餐，搬左就久沒來了今日就幫襯一下喇！🍴下午茶餐包餐點，鴛鴦有點欠茶欠啡味，奶太重好厚好杰。紅豆冰另加$3 豆仍未到火喉有點硬，好彩份量不多。炸菜肉絲拼炸雞扒米線$30雞扒煎得香口入味，湯底比較清淡。柱侯牛筋腩湯河 $30柱侯入味香濃只是碎了點，湯底有腩汁故味道不錯。下午茶其中一頁餐牌

工作中午早餐，試一間未試過嘅茶餐廳，門面較舊，店內一般茶餐廳格局，桌椅幾迫！早餐除一般港式茶餐廳早餐之外，仲有啲特色中式早餐！家鄉湯銀針粉（$32）等咗15分鐘（同事都食晒）先到，份量幾大碗，湯底好香蝦米味，夠熱香濃，銀針粉大條彈牙，冬菇片厚肉彈牙，火腿絲正常，仲有啲淡菜，鹹香爽口！好味！熱檸茶：夠熱茶底濃！檸檬唔澀！好味！同事食：柱侯牛腩米線：沙嗲牛肉福麵叉燒肉丁米粉沙嗲牛肉漢堡扒米粉沙嗲牛肉香腸麵司華力腸炒蛋：餐肉煎蛋：香腸太陽蛋：熱齋啡熱奶茶熱可力凍可力凍檸茶：店員好豪邁班，爽手勤快！除港式外嘅選擇

喺聯和墟等朋友，會合後見餓餓地就搵間茶記醫下肚，朋友話呢度夜晚嘅小菜幾好食，但係唔知lunch得唔得，又即管試一試，揀左個好耐無食嘅梅菜扣肉飯。「嘩据扒喎～」份量泥講，真係贏晒～～大大塊厚切扣肉淋喺飯面，其實大大塊都唔足以形容，直情係一。大。舊！啲肉多到真係好誇張，覆蓋範圍超過半碟飯。唔知扣肉係咪太大舊，瘦肉較多，咬落有啲硬，炆得未夠腍身。好彩梅菜唔咸，都算惹味，醬汁偏甜，撈飯唔錯。豬皮厚身，食到一半有啲膩，開始飽～整體味道平均，不過唔洗40蚊咁大碟飯，有埋例湯同野飲，確實都係超值之選～

今晚又來粉嶺金味小廚，今晚好多人，要等位。今晚左口已經賣曬，咁都係叫冬菜蒸大沙猛，再叫魚香茄子煲，今晚例湯係節瓜章魚湯，正！蒸大沙猛水準依然好，茄子煲啫啫聲，好香咸魚味，茄子同肉碎都有好香的咸香味，撈飯一流，估唔到小小餐廳煮野咁有鑊氣。今晚糖水送曬。。。支裝汽水都賣。。。因為加$5太抵飲吧！侍應咁忙都仍然好nice!

去開聯和墟銀行搞完野之後...順便食埋晏...事旦行下...見到呢間選擇多又唔貴...就入去坐底....肉餅飯D飯睇想都睇到成坐山咁...味道都冇咩特別...但比一般茶餐廳口感好...可能冇落咁多粉....雪菜肉絲加漢堡扒因為唔想食太飽...所以叫左個下午茶餐...冇記錯就HKD 20 到...轉飲紅豆凍都係加HKD 2...抵呀...不過都係個句...冇咩特別...一般茶餐廳貨色...唯一特別之處...就係有個電視機...錄住門口GE路...泊車GE人可以邊食邊睇車...唔洗怕俾人抄左牌都唔知...真係一個好貼心GE服務!!!

好食，又多款，有好多特色小菜 推介椒鹽豬pa!! 真係正!! 價錢都好抵。成日同屋企人落去食 有兩次仲撞到明星。一次見到黃索澤，一次見到鄭嘉穎同胡杏兒 & 工作人員。好似話TVB成日都係附近拍戲跟住拉大隊過去食

假日有時間會嚟幫襯下，個早餐食到最貴都不過$25(四樣餸連一丁加埋多士再飲凍飲)下午茶個炒一丁好得！夠乾身，又多餸，又唔會太咸！價錢又唔貴！係聯和墟有咁既質素，咁既價錢，good！