金味軒

Open Now

Now Closed

{臘腸蒸肉餅飯 - $50}呢個係一個肉食大王嘅獵奇菜式，肉蒸肉😅喺返工附近咩都要食下，見到呢個午餐用臘腸嚟蒸肉餅，睇落好惹味！講真其實啲臘腸都真係幾好味！不過我想聽為咗節省成本，蒸肉餅落咗好多肥豬肉，比例可能有8:2! 雖然味道唔算好差好差，但就算係久經訓練嘅麻甩肉食大王食完個胃都覺得唔舒服😏鍾意食肥肉嘅朋友可以挑戰吓！美味程度：😋😋環境指數：🎇🎇🎇番食機會：🦍🦍📍 #金味軒 (筲箕灣)筲箕灣筲箕灣東大街107號地舖

午市飯炒粉麵燒味都好ok 但係夜晚7:00去到,佢話炒嘢只有午市 心諗冇都冇所謂之前午市食過燒味飯都好ok 等咗15分鐘,心諗燒味飯點解要咁耐,然後聽到叮一聲個飯黐埋一pat,燒味幾好食都食唔落52蚊燒腩飯最後仲要食個麥當勞老闆...如果冇飯就唔好做晚市啦,畀個微波爐叮飯人堂食.如果個客人係第一次嚟,真係會冇下一次

估唔到假日都有下午餐，有九款炒粉麵飯選擇，只係$36。叫咗干炒牛河，飲茶走，外賣加$1，最後$37。牛河不過不失，雖然鍋氣唔算好夠，至少唔油，女仔食都唔會太嫌棄。個茶走要讚，茶味夠，質地夠厚，好味。會為咗杯奶茶而返轉頭再幫襯。

環境：都有少少防疫措施——卡位與卡位坐之間有延長膠板，但係都係一般茶記環境，冷氣都夠。食物：推介咖喱牛腩飯，薯仔夠林夠入味牛腩夠多又夠腍，如果辣一啲就仲好😋豆腐火腩飯好一般，雖然材料新鮮，但係火腩、豆腐、白菜仔同啲汁好唔夾，唔入味，完全冇咗豆腐火腩飯嗰種精粹，啲汁索晒落啲飯度，好膩，好失望😢熱奶茶茶味濃郁，好飲過大家樂，推介👍價錢：午餐$50樓下送湯同熱飲，正常茶記價錢。總評：依間茶記食物種類多，價錢合理，推介咖喱牛腩飯同熱奶茶

Happy Friday，天氣乍暖還寒，心郁想獨食羊腩煲，走遍筲箕灣半個區，發現只有兩間，在做羊腩煲。走入一間店面毫不起眼但店內人頭湧湧的小菜店，客人大都是街坊或小巴司機等，35知己坐一枱，碟面卜餸菜大大碟，真的沒選錯。大胃王的我平常小煲羊腩煲都不覺飽，但今次非常滿意，食唔晒，要打包走!用料非常充足湯底濃郁 羊腩大大件還有炸支竹，冬菇，馬蹄，筍角(不是筍片)， 唐芹。 二人份量剛好，三至四人可當小菜一碟。因平時不會"手機先食，所以只一張相。眼看其他枱上的小菜都大大碟，有蒸海魚，酥炸魷魚鬚，炸大腸等等，全部大大碟，不分枱人數，真的食指大動，可惜一支公，羊腩煲已將我Ko,否則一定樣樣:

年廿九一早就到附近廟宇還神, 完成後未夠鐘返工, 當然歎過早餐先, 在門外看餐牌時, 員工姐姐在門外禮貌地歡迎我入座, 見咁有禮貌二話不說入座, 早上店內客人不多, 安排了我坐卡位早餐選擇多, 我點了一份早餐B, 不過等候時間耐左少少, 下單時要求是太陽蛋, 跟餐火腿乾左少少, 塗上牛油既厚多士烘過不另收費火腿絲鮑魚通粉足料, 湯底有陣陣鮑魚味, 不過通粉就硬左少少$28 一份早餐比起連鎖式快餐店更有人情味, 份量對一個女生來說, 未必食得晒