金水稻餐廳

Open Now

Now Closed

一入到門口,侍感細心問我想食咩,我點了星州炒米加凍奶茶,係等既期間去左附近行下,買了45元,加三蚊有凍飲,番到去打開黎食發覺勁大盒,勁多哦,食左好耐先食得哂,雖然貴貴地,但份量真的很多,都抵食,但食落好辣,餸同米粉都好多,正,下次會叫少辣就岩岩好,會再幫襯~

要乘小巴出上水，便走到美樂花園。美樂這小小地帶只有數間茶餐廳，本來想去京城風味(北京水餃皇)吃餃子做早餐，在開飯網資料列出此餐廳在早上五點半營業(其實我不信...)，果然，十點來到是未開門，便走去米線做得不錯的金水稻餐廳。小小的小店，不會有什麼要求，因為每次都是快食快閃。每次獨沽一味都是食雲南米線，主因是它會配上一小碟可口的酸菜呢，呵呵﹗XD不想要港式早餐，幸好有個菜肉餃粉麵餐，配雪菜肉絲 / 炸菜肉絲，而麵底任選，貪心之下選了拉麵。當後來者已有早餐吃，我點的還需要些時間等候...一碗份量不大的粉，看來不夠食了。原來拉麵不是黃澄澄的那種，是帶粗的白麵條，麵條煮得極之過淋，老人家吃這應該都不需猛力咀嚼，這時才醒起我一直在這裡只吃米線都好地地，今次真是自找了﹗湯底啖出個鳥來，就算將劈炸菜肉絲夾帶的微微紅汁撈在湯中也沒用，好在有支紅醋任用，狂加﹗炸菜肉絲的肉絲很大條，而那肉質絕有咬口感，不像是罐頭來貨﹖菜肉餃子只有三粒(口)，皮子都給煮到爛糊了，餡料是椰菜粒和豬肉混起來，清甜得來不油膩，這一刻感到少少欣慰(唉)，也欣賞伴有三片生菜葉。連同菜蜜成為23元，定價是貴與平之間，但份量少是事實。都是

好耐冇去過呢間食米線，印象中他們的米線大碗又好食，但今次去可以令我以後都唔會再去昨天帶同事去食lunch，當時未夠11:30，仲有早餐(茶餐廳大路款)，我地兩個研究一輪都係決定叫返米線食，點知個阿姐語氣惡劣地問"你地叫唔叫早餐架，唔叫我停架喇"，咁我地就叫野食，同事問佢麻辣雞絲可唔可以唔要咁辣，佢話係一齊煮埋，我同事問可唔以另上，佢居然答"咁你係咪要架？" 同事話係，輪到我，我叫冬菇餃，佢話冇，得菜肉，我誤會咗，以為有韮菜咪叫韮菜，佢話"都話冇呀，得菜肉"，我已經好不滿佢嘅態度，就正想叫埋野飲時佢又喝問我地飲乜，我心諗黎食飯都仲要受氣，有冇搞錯到d米線黎，所謂麻辣雞絲，其實只係比雞柳切幼d，仲要得細細兜，味道普通，而我碗菜肉餃就唔知係咩大製作，等咗好耐，一食隻餃子真係唔掂，d皮又厚又實，又唔知係d咩菜，杯凍奶茶係澀嘅，完全同我印象中嘅質素差天共地，間舖頭又多烏蠅，到最後俾錢時，又唔見有收銀，嗰個不知所謂嘅阿姐咁啱攞住杯野飲行過黎，我只係望住佢，佢即刻好似趕烏蠅咁叫我地行埋一邊，呢一刻我忍夠，就咁掉低d錢同張單係收銀張枱就走人

一直都沒留意此店的名字(平時就算經過又忘記看忘記記)，昨天去美樂輕鐵站等過馬路的時候，眼尾立立對面街，立到”金水稻餐廳”個招牌，就立即記底然後上來OR找找有沒有記錄。２００８／５／１４早餐早市和午市都有來過，不過總次數都是很少，其實每次來我多數吃雲南米線$22，貪求的只是那一小碗要點雲南米線系列才有的酸菜，酸菜質地帶諗身，不爽脆，味道酸酸甜甜，還帶點麻油香，很美味，令我吃到停不到口。 其實主菜都有相當豐富的材料，吸引力不差過酸菜，每款米線基本的已經有芽菜﹑腐皮﹑生菜，想吃清新的可以像我一樣選三鮮米線，包括有秀珍菇﹑豆腐乾及雲耳，全部材料是一堆一堆的，非常的多。但湯底比較清淡，我的吃法是將酸菜撈起一齊吃，就有風味得多了。今天的米線好硬身，下次來記得叫廚師煮淋些(如果阿姐俾的話)。店中只有兩位阿姐，我就未遇過她們開著大聲公說話，但她們對生客(包括我)是黑哂口面的，全程服務只限上茶上碗筷上埋碗粉，然後就走去吹水，但面對熟客就有講有笑更加有求必應(例:我見過有個食客說個沙爹牛麵煮得不好吃，阿姐就吩咐廚師再煮過)所以，每次我也是快點快吃快閃。