金沙糖 (Closed)

放學黎到搵野飲，見到大大字寫住8蚊杯木瓜，咁抵一定要試！！！然後叫左走糖走冰（要加兩蚊....）見到叔叔一個人做野好辛苦咁....又見到果汁款式多，配搭多...加鮮奶/乳酪/西米/蘆薈蜜/珍珠/椰果.....都得😍拎住杯果汁係手，都算橙色既，但一飲就伏左！淡到一個點....木瓜成份有無30%呢...？唔知😑不過，以呢個價錢又可以要求幾多丫....唯有下次俾多少少錢飲其他野就算啦😔

好耐冇去旺中，原來商場2樓開左幾間小食店，有d似葵涌廣場感覺，行行下覺得肚餓食下野亦係一個好選擇，食食下野覺得口渴，見到話木瓜汁只需$8，而且還可以免費配珍珠/西米/椰果其中一款，就決定叫依款飲品~ 間鋪頭唔係好大，應該係兩公婆親自打理，落完單會見到佢地即時制作，見到制作果汁過程中已加入了大量水，心諗一分錢一分貨，希望唔會太差~ 木瓜汁顏色呈淺橙色，入口味道淡淡的，當然亦嘗不到太多的木瓜味，唔似新鮮木瓜汁，而椰果味道都ok，但小編下次不會再試~

這間位於旺中二樓的小店叫金沙糖，主要是售賣以水果為主要材料的飲品，熱賣項目包括芒椰奶、木瓜汁(可選配蘆薈、珍珠或西米，一共也只是$8)! (圖中為水蜜桃芒果香蕉乳酪$16)總共這次點了木瓜西米汁($8)和水蜜桃芒果香蕉乳酪($16)。前者比較遜色，因為味道相對普逍通沒太大的驚喜、而且不知道為什麼有渣，估計木瓜核也一併MIX吧(6/10)。反之水蜜桃芒果香蕉乳酪就有驚喜!首先是飲落去質感幼滑有少許稠身，其次是香蕉味是很實在，很足料(9/10)。這是雀巢公司的乳酪飲品不能比擬的，更甚價錢也差不多~!但留意返，你見圖中人山人海、地方不大，就知秩序會比較混亂，我也是被打尖了好幾次，所以大家都可以問清楚先。