金滿多餃子店

Open Now

Now Closed

其實之前都有留意金滿多餃子店，因為佢唔單止有餃子食，佢仲有其他米線薯粉小食，枱與枱之間座位寬闊，有時買咗太多嘢，呢度會坐得舒服啲。而且估唔到呢度有電視睇。佢嘅餃子同湯底都算多選擇，我就揀咗煎餃芝士粟米餡，仲揀咗個蒜蓉拍黃瓜小食。小食就係會分辣同埋唔辣，所以真係幾多選擇。今晚有位小妹妹幫手執枱，目測佢應該八九歲，應該幫媽咪手。開胃小食嚟先，拍黃瓜不過不失。主菜芝士粟米煎餃子🥟🥟香噴噴，真係好好味一共七隻，外脆內軟，熱辣辣唔油膩易唔熱氣。粟米芝士餡好好味，粟米一粒粒好有口感，芝士香濃。今餐真係好好味，回味無窮。真心有興趣下次試埋佢其他嘢。

呢間都算成日幫襯，但最近兩個月，外賣湯餃啲湯越嚟越少，啲湯浸唔到餃子，餃子好易變凍，而且湯係標榜可以飲嘅湯（粉葛鯪魚湯），點解唔俾返正常湯量？其實外賣已經慳咗座位同招呼，仲加了外賣盒錢，已賺得多過堂食，就唔好俾唔足！呢間只係比同區嘅豐信餃子平一蚊，人家外賣都唔會扣湯！

新年期間好多舖頭都冇開 行下太子之前都有食過的金滿多餃子店有開😋 即刻入去食店員推介左個黃花魚米線 就叫左黎食由於之前黎過黎米線 都覺得好多米線 今次叫左少米線 唔想浪費 好中意佢地的粉葛湯 真係好好飲 連湯飲哂的米線 😋餃子我覺得係好好味 🤤 又大粒 份量都足夠年初二的今日我就叫左個黃立䱽蕃茄米線仲叫左炸墨魚丸同家姐雞翼 太好味😋 又係可以飲哂湯的米線會多D幫襯 不過我本人都係比較鍾意食黃花魚😋 太子黎講我都覺得好抵食

今次係咁岩路經太子呢個餃子小店雲集既地方，所以餃子控即時上身，隨機搵間店試下先。測試照舊係外賣自取，揀比較大路唔錯得去邊既款式。菜心豬肉湯餃，10隻湯底：粉葛鯪魚豬骨濃湯開蓋~ 嘩，分湯係外賣基本操作吧 咁樣樣浸法仲得了既..佢地呢款餃子係長身有摺紋，餃身飽滿，夾起都感覺到有D份量。咬一口，皮唔算厚，但有些少糊口，可能因為浸得太耐，算數。餡料唔算多，菜心有少少梗口，肉醃料唔覺重，整體係算淡口，成隻一啖入口都唔覺太heavy。湯底，可能要提供埋呢類“飲得既湯底”係響太子區開檔既入場劵，所以呢間都有。飲一啖湯，甜到呢.... 但係濃湯寶既嗰種人工甜，而唔係大量新鮮材料煲出嚟既嗰種開湯甜。所以，都係當兼力下算啦。整體：5/10 簡評：唔太好亦唔太差，行過又肚空空既，一試無妨。

之前買過2-3次外賣生餃反屋企打邊爐，覺得都ok，諗住試下堂食見可以加面好似都唔錯。我叫左10隻韮菜豬肉煎餃，皮既厚度普普通通算煎得香脆，咬落隻餃無咩餡，菜佔9成，只見到少量肉碎，味道一般般，勁多油，食完成碟油，唔會特登再試。同另一伴黎食，佢叫芫茜豬肉湯餃，加錢轉酸辣湯底，湯底普通晤算好辣同酸，芫茜餃味道都唔錯。手撕雞份量都幾少，無咩肉，一半以上係青瓜絲，唔太值落單時好心提醒店員煎餃加左米線要另上，因為驚佢放錯左落另一碗湯餃既酸辣湯底度，點知佢串串共咁講，下，煎餃緊係晤會放落湯度啦，咁張點菜紙啲選項咁唔清楚，姐姐，我晤單聲你放錯左係咪又會話我落單果陣晤講清楚？！食左幾隻，覺得米線細碗左啲，問店員可唔可以加多個上海面，見店員走去問廚房果位女士，結果佢好大聲咁講，下，玩嘢咩？佢都食緊，點加呀？入唔到單架，加面又要再俾啲湯佢，巴巴巴咁up左一輪，又鬧幫我哋問既店員，so，其實加唔到都無咩野，只係問下可唔可以，咁如果做唔到咪算囉，唔洗咁無禮貌既。無諗過堂食體驗會咁差，食到成肚氣，背脊骨落，衝衝食完埋單走人，價錢都唔算平，仲要加上咁既服務態度，絕對唔會再幫襯。

話說剛剛去完惠康買嘢出嚟，就經過呢間金滿多餃子店(之前呢個舖位係做日本餐廳)， 見到佢出面嗰張外賣紙，個價錢都唔平，諗住有粉葛鯪魚豬骨濃湯底，咁就買嚟試下，雙拼要加兩蚊，唔緊要， 可能好食呢… 點知返到屋企打開，望到個樣都唔得， 第一啖梗係試下個湯底啦… 點不知係甜嘅湯， 好似糖水咁甜 ，跟住再食餃子，一夾就已經散曬， 皮肉分離， 我選擇咗兩款菜餃，兩款牛肉餃， 菜同肉嘅比例好唔平均，係菜多過肉，好搵笨😡， 另外一個牛肉餃， 咬落去好多根，都食五到， 總括嚟講，嗰啲餡料有好多味精， 個湯底又好甜， 根本完全冇粉葛鯪魚味， 另外送咗兩個菜脯，但嗰啲菜脯只係得個咸字同埋乾淨淨，食一啖你都唔想再食。食完之後，過一陣間， 你就會發覺非常之好口渴， 飲水都解唔到嗰啲味精， 即刻沖杯茶飲，先至無咁口渴。

呢間開張兩個月左右，其實我已幫襯過好多次，外賣同堂食都試過，太子附近嘅餃子店我都食過，呢間嘅水準唔差，有少少嘢希望可以改善到就更perfect，希望老闆睇到啦！餃子我食過幾款，肉同菜比例係肉多啲，大概7：3，新鮮，餃子皮唔會太軟，食過咁多次，包括外賣都唔會爆皮，包餃子手勢力度OK，皮同饀都唔會散，個人口味我最鍾意食芫茜豬肉餃，煎餃煎得夠香，湯餃個湯都唔差，我飲唔到鯹味，食完都無口乾，我次次都飲曬，外賣碗比較細，10隻餃子好迫，變相湯亦少咗。大澳一字鷄翼，非常香的蝦醬味，唔會過鹹啱啱好，外有薄粉炸香，外酥脆內鹹香，推薦👍🏻👍🏻重慶涼麵有待改善，唔香唔麻，個汁竟然係全流質，無蒜蓉、無芫茜、無蔥，除了自點加的餸外，就係得麵、青瓜絲、汁水，完全無重慶小麵風味，要改善下咯！口水鷄米線同蔥油鷄米線都好食，賣45蚊，鷄的份量OK，可以試！最衰竟然無汽水，食辣嘢最想飲汽水，佢竟然無😳有樣嘢諗唔明，外賣生餃子價錢點解唔會比堂食平？生餃子唔洗煮、唔洗湯、唔洗佔坐位、唔洗洗碗、唔洗堂食招呼，太子另一間旺場餃子店都係咁，其實我自己買返屋企煮，係因為路程遠，唔可以買已煮熟的，同堂食生意互不影響，點解定價唔可以合

今日同3個朋友去試呢間新開嘅餃子店，一入門就見到有姐姐包緊餃子😂環境好舒服，嗰度啲姐姐好有禮貌，見到我哋話熱都即刻較大個冷氣👍🏻一開始叫咗10隻芝士粟米豬肉餃同7隻淨粟米豬肉餃，芝士味夠濃，粟米好甜，皮薄得嚟又唔會散晒啲餡出嚟，配埋佢個淡淡地嘅粉鯪魚湯好夾，個湯好鮮👍🏻👍🏻朋友叫咗莞荽&雪菜豬肉餃雙拼7隻，我唔食荽但朋友話好夠荽味，鍾意莞荽一定要試下！最後我哋再order多7隻芝士粟米餃，真係一試難忘，4個人食連飲品埋單200蚊左右，抵食加值得👍🏻👏🏻

見到近排開咗間餃子店就入去試下。叫咗個韮菜餃10隻連上海麵底+凍檸茶。盛惠$46（原價56 折扣10）餃： 第一啖已經有酸味，韮菜餡明顯擺雪櫃太耐。皮唔算厚，餡量都夠。但真係唔好食。 3.5/10分麵： 標準既上海麵底，偏硬身既口感，冇特別 5.5/10湯底： 史上最伏沒有之一，標榜既粉葛鯪魚湯。 淡奶白既湯底寡淡無味，好似畀水溝淡咗咁。冇鯪魚鮮甜不特止仲有腥既感覺。 麻煩0分重做！荔枝角道附近一街餃子店，出名既都有3,4間。呢個水準真係......其實開業之前，老闆有冇試食過自己將來賣出街既食物？？🤯