金滿多餃子店

Open Now

Now Closed

金滿多餃子店 📍太子荔枝角道136號地舖小店主打手工餃子🥟更有多款米線🍜、小食同川菜👀見到價錢幾手實惠😋一於試下叫左惹味酸菜魚米線 $55一碗材料足✅有蘿蔔、豆卜、青瓜🥒魚肉用上黑魚片入口特別滑溜爽口個湯底入口酸辣🩷真係好惹味呢排天氣禁涼左🌬️食返碗熱辣辣🔥酸菜米線真係唔錯👍🏻本身想想試埋佢哋嘅餃子🥟但係食完碗酸菜魚米線已經好飽🫢下次有機會要再嚟試吓餃子先得😁同埋個重慶涼麵🤩睇落都幾吸引

📍 金滿多餃子店🌍太子荔枝角道136號地舖 G/F, 136 Lai Chi Kok Road, Prince Edward📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸ 西洋菜豬肉餃◂✿ 脤卜卜大大隻餃子，西洋菜當造，翠綠嫩芽，唔澀無渣，相當新鮮✿ 轉左重慶酸辣湯底，酸味恰好開胃，辣中帶花椒香，唔會辣到食唔到其他味，而且酸辣湯底黎講算已經無咁油。✿ 加左上海麵，似手工麵咁軟滑得黎帶點煙韌，浸左一段時間都無軟泡哂，仲保持到口感~ ▸ 椰菜豬肉煎餃◂✿ 煎到金黃乾爽，唔會油笠笠，香脆可口帶焦香，餡料飽滿皮薄，鮮甜多汁！▸雞湯蘿蔔◂✿ 蘿蔔清甜無渣，軟硬剛好～

路經太子見到這家餃子小店，所以決定入來試試，餐牌有各式餃子，可選湯餃或煎餃，我們決定試香噴噴的煎餃，餃子都很大隻很足料，兩款都很惹味，每枱有辣醬可隨個人喜歡添加。我們另點了蜂蜜芥末炸雞，沒想過炸得香脆肉質仍然嫩滑，不會只吃到炸粉。吃了這麼多煎炸食物，當然不少得飲茶降火，餐牌上有不少茶類飲品，全部都是餐廳自己煲的，消暑降火一流！.🥂煎粟米芝士豬肉餃7隻 $44🥂煎經典韭菜豬肉餃7隻 $40🥂蜂蜜芥末炸雞 $39🥂檸檬冬瓜茶 +$12🥂山楂雪梨茶 +$12

同事介紹依間新新地嘅太子小店食d comfort food, 餃子米線果d簡單又好味今日遲左放飯，自己一個黎試試佢原先真係稔住簡單食餃子果d,不過店員推介我試下個煎魚平時都唔係點食魚嘅我，怕麻煩多骨，今日唔知點解真係比佢sell 到試左煎封原條黃立倉米線 ＄68荔枝綠茶蒜蓉青瓜小食其他唔多講，講條魚個皮好脆，唔腥入面d 肉好juicy, d 骨唔多同d 骨脆脆地可以食埋食過今次，成日心思思想再食地址：太子荔枝角道136號地舖Openrice：https://bit.ly/3tI1eHW

路經大角咀，諗唔到食乜，路過見到這間餃子專門店，決定入去試吓，餐牌上不同款式的餃子都有很多選擇，我選擇了最喜愛的紫菜豬肉餃。因為食得唔多，所以叫了七隻。紫菜豬肉湯餃7隻$38每隻餃子都好大隻，非常足料，有菜鋪的配料可以點，食完七隻都真係幾飽。椒鹽百頁豆腐$18全部小食都是即叫即整，豆腐咬落去非常香脆，熱騰騰的炸雲吞三隻$12還有我最喜愛的炸雲吞，又係非常香脆向後的食物。如果喜愛吃餃子店的朋友，這間真的是不錯的選擇，還可以選擇湯餃或者煎餃。水蜜桃凍飲$20食餃子配上特飲#金滿多餃子店 #好食餃子 #太子美食 #foodie #yummy

金滿多餃子店，餃子大顆，餡料飽滿皮薄，每日新鮮製造。無論煎餃或湯餃都好好味！麻辣白菜豬肉煎餃10隻，煎餃表面金黃色、香脆可口又帶點焦香，麻香味濃郁，十分惹味，食得辣嘅朋友值得一試！西洋菜豬肉餃10隻，西洋菜為秋冬天當造蔬菜，特別鮮甜，餃子皮薄足料，湯底係粉葛鯪魚豬骨湯，鮮甜有益。酥炸大澳蝦醬一字雞翼,用大澳出名嘅蝦醬醃製後再炸，外層香脆，肉質鮮嫩好入味，每啖都充滿蝦醬香味，喊度啱啱好。菜心青綠有甜味。

太子新開嘅餃子店，📍喺雷生春附近，太子嘅餃子店高手雲集。今次特登嚟試下佢可唔可以脫穎而出🥟今次嚟叫咗一個湯餃同一個煎餃，分別係菜心豬肉湯餃☘️同韭菜豬肉煎餃🐷菜心豬肉湯餃☘️ (💸$48/10隻)湯係粉葛湯🥔同區都有餃子店係用粉葛湯，依間對比起係唔太夠味，令餃子食落比較寡。不過飲落冇味精而且冇浮油🫧感覺都健康。餃子手工唔錯，每隻平均都有9-10摺。好多人覺得幾多摺冇乜所謂，但其實接數會影響到餃子包得好唔好，煮嘢時候個皮會唔會好易爛，所以我都幾欣賞呢度嘅做工。餃子皮都順滑，餡料份量正常，要讚既係菜心好爽口，食落“索索”聲，有爽脆同清新嘅感覺✨另外要講醬料，醋就平平無奇，反而菜脯同坊間嘅唔同。佢唔係畀你單獨食，反而係攞嚟點餃子食。味道香辣🌶️有啲似xo醬🔥韭菜豬肉煎餃🐷(💸$50/10隻)煎餃似窩貼，煎左兩面，我覺得火候未夠，如果再多啲就會好啲🔥大澳蝦醬一字雞翼(💸$18)熱辣辣，調味出色，有蝦醬既味道，好鹹香👍🏻但粉略多，而且價錢都合理。總結: 大澳蝦醬一字雞翼同菜心豬肉湯餃值得一試，但同區黎講未係最突出。

簡要：服務以前一般，而家則極之惡劣以前去過好幾次呢間餐廳，感覺味道、服務、排位中中挺挺，尚可接受。至於而家，店舖換咗新嘅座位格局。由以往有唔少兩至四人嘅中型枱轉咗六人枱，如自己一人或同兩三個朋友食就要經常等位或者迫埋一齊👥。最搞笑就係後一半嘅位日頭唔開，夜晚先畀你坐，因為聲稱要包餃子。即係有個大嘅廚房唔用／朝早有充裕時間唔做，怪唔得知啲客坐得唔安落，仲要間嘢係已經大過附近一兩間嘅餃子店。因此，餐廳嘅空間利用係十分差勁👎。再加上老闆娘啲態度惡劣，一開口就串串共，完全冇任何笑容，叫人換位猶如斥喝，作為客人嘅我十分討厭😤。再講就係冇良心嘅收費，最近佢哋轉枱要收加一，拎水要額外收費（唔係支裝水，係真實嘅一杯水：每杯兩至三蚊）。唔係講笑，真係連大多數同行嘅都未夠膽咁收，你就已經快人一步！有陣時如果想過口／洗杯都硬食呢啲濫收💰！勸喻大家想食得開心就唔好試呢間嘢！以下奉上照片數張。

成日經過呢間餃子店。通常都唔多人，餃子店附近競爭比較大。 本來想食嘅餐廳樣樣嘢都無，就隨機入咗呢間舖食。是日兩人用餐。入餐廳坐低係旁邊吉枱，侍應唔比我哋坐，要我哋搭枱，態度極差。而且要杯水都要收兩蚊。餐廳內有好細隻淺色昆蟲飛行。雖然服務同環境麻麻，但食物味道唔錯。麻辣白菜豬肉湯餃 / 芝士粟米豬肉湯餃 ($42/7隻, $55/10隻)睇落撲素，但餃皮滑而且薄，口感幾好。餡料味道不錯，芝士餃雖然芝士味唔太濃，粟米爽同味不錯豬肉也有肉香味。麻辣餃有少少辣味無乜麻味，加上肉香味，以這個價錢來說，CP值很高。涼拌皮蛋 ($17)皮蛋唔算特別靚或好食，而且切得太細。味道唔太濃太辣但平均感還可以。都係以呢個價錢嚟講CP值都很高。

某星期五的中午，因為唔想跟同事食韓燒，又不知哪來的衝動由太子一路行到嚟雷生春對面的餃子店。進入店舖後有點驚訝，因為店面都幾深，但唔多客，店員也指示後半場不可入座叫我在前面找個位坐，由於唔想搭枱只好坐在靠牆的二人枱。這裏點餐方式係用marker 在已過膠的A3 menu上畫圈，作為芫荽控我點了10隻芫荽豬肉拼芫荽牛肉湯餃。10隻餃子佔滿了碗中，看來size也不錯，應是夠飽的，飲了一啖湯也還好。餃子食落不錯，但兩款芫荽餃的肉味不夠突出，除了牛肉餃(應該係)有點像芫荽生肉腸粉餡料的味道外，實在唔太分得出。伴碟的菜脯也是我對餃子店的評分範疇，這個有點油，但沒太多驚喜。總括而言，我會覺得這店普普通通，如去開附近可以一試，特登去就可能有點失望。後記，返到office後成個下午都好口渴，你懂的。

好耐冇嚟呢間餐廳食湯餃🤤一如既往叫咗份麻辣豬肉白菜湯餃,仲叫多咗個黃金酸湯肥牛寬粉~湯餃跟粉葛鯪魚豬骨湯,飲落好清甜!湯餃索唒啲味👍🏻餡料都幾多,好好食!

極度過分同失望，一坐低比其他枱嘅客人望住，已經好唔舒服。嗌左7隻餃子。係椰菜豬肉餃入面食到蟹殼，臨走同店員講，同我講係蝦米黎。我明顯食到係硬嘅殼，佢哋偏話係蝦米，話每隻餃子都有放，好彩今日冇食到落肚，真係出咩事，呢間餐廳點負責！呢一間餐廳嘅店員都係抱住啲是但嘅感覺去做野，比人覺得個服務態度勁差，真係唔知點解會有咁嘅員工。以前嗌開外賣自取，今次得閒坐係舖頭食，個觀感同感受咁差，真心直接Blacklist左。餃子的確唔差，但員工態度0尊。

#chuchu食在太子📍 金滿多餃子店 其實本身想去大角咀，點知🐷仔行錯路，見到有錶位就泊左車，點知錯有錯着，入左間冇乜客但幾好食嘅餃子店！—————————————————————❣️ 芫茜豬肉餃 $52/10隻#芫茜控 一定要試！好夠茜味，皮薄得嚟又唔會爛，同粉葛鯪魚豬骨濃湯好夾！.❣️ 沙姜雞米線 $45 🐷唔係好鐘意黃色皮嘅雞，不過🐷仔話都唔差.❣️ 雞湯豆腐串 $10好耐冇食！！！雖然冇以前食嘅咁淋，但都好好味，好索湯！.❣️ 羅漢果甘草茶 $12 夠味！又唔會太甜！.❣️水蜜桃紅茶 +$10 嗌野食就半價加！好抵！質素同手搖差唔多！.💬離地鐵站都有啲距離，見佢都係做外賣多！—————————————————————不專業評分👅好味指數: 8.5/10 💰性價比: 8.5/10👍🏻推薦: 8/10 —————————————————————🏡地址: 金滿多餃子店 (太子)太子荔枝角道136號地舖🕑營業時間: 12:00-21:30—————————————————————#chuchu食餃子 #chuchu食港式#chuchu食中菜 ———————————————————Follow🐷

10點食左早餐晏就又唔想食太飽咁岩諗起呢間餃子店，夜晚食過一次印像唔錯今次試下酸辣湯雲吞仔性價比高雲吞皮薄，舊肉夠大粒湯底夠味可以選擇走配料（例如芝麻，蔥）但可惜唔可以選擇辣度，想調唯有同店員反映

其實之前都有留意金滿多餃子店，因為佢唔單止有餃子食，佢仲有其他米線薯粉小食，枱與枱之間座位寬闊，有時買咗太多嘢，呢度會坐得舒服啲。而且估唔到呢度有電視睇。佢嘅餃子同湯底都算多選擇，我就揀咗煎餃芝士粟米餡，仲揀咗個蒜蓉拍黃瓜小食。小食就係會分辣同埋唔辣，所以真係幾多選擇。今晚有位小妹妹幫手執枱，目測佢應該八九歲，應該幫媽咪手。開胃小食嚟先，拍黃瓜不過不失。主菜芝士粟米煎餃子🥟🥟香噴噴，真係好好味一共七隻，外脆內軟，熱辣辣唔油膩易唔熱氣。粟米芝士餡好好味，粟米一粒粒好有口感，芝士香濃。今餐真係好好味，回味無窮。真心有興趣下次試埋佢其他嘢。