Video
1-min walk from Exit D2, Sham Shui Po MTR Station
continue reading
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
見到呢間評語幾好，就去買陳皮魚蛋試吓喇，到手一睇咁大粒既？我印象中陳皮魚蛋係細細粒架嘛🤔🤔都買左喇食左先算喇，咬左兩粒...嘩搞唔掂...淋既好難食...最後掉左落垃圾桶☹️
continue reading
搭地鐵前，見到間光光鮮鮮既魚蛋檔，仲要寫『獨家醬汁、一試入魂』，見肚肚地餓就去八卦下先！=> 中辣三色魚蛋 一食就食得出個汁係自家整，有層次心機之作！三色有炸、陳皮、白魚蛋 （靚貨）篤魚蛋咁多年，第一次食白魚蛋，好特別！=> 豬皮、水魷，好少小食檔做得好食，喱檔食得出心機，冇交行貨！贊！配埋佢間 ShareTea 既冬瓜仙草茶，簡直一絕！最後仲買左包魚皮，鬆脆好味，做睇電視既零食一流（配外賣加碼仙草茶）🥳香港好少心機小食檔！加油！
continue reading
近年好少食街邊嘢，因為覺得點樣都唔夠細個嗰啲好味。經過深水埗，見到呢間排晒隊，所以俾個機會佢，點知超驚喜！值得為佢開po！買咗個「三色魚蛋」配小辣醬汁！20蚊有12粒！醬汁雖然小辣，但係咖喱、沙嗲同辣喺個口度越食越香，勁得！一心諗住試佢個陳皮魚蛋同魚蛋王，點知個白魚蛋超驚喜！勁甜勁彈！同行朋友嗌咗個咖喱水魷魚，影唔切已經比佢哋掃晒；朋友話好爽同入味，唔似平時食魷魚咁，汁還汁，魷魚還魷魚；下次再試呢個！
continue reading
白魚蛋 好小可以篤埋落燒賣通常都得魚蛋 燒賣加個汁超好味個汁同燒賣質地 好緊要 呢間好食喎🙌🏻燒賣唔係間間得 最重要個醬 比較特別等緊最愛既野飲 順便篤埋 都幾飽😜後來我重見到有風琴豆腐 又係要配汁先得架掂喎
continue reading
白魚蛋非常特別，好難在其他地方搵到，搵返細個時候的回憶。陳皮魚蛋係本人所愛，咬落彈牙，配合舖頭特色嘅醬汁，辣到適中，食完一碗之後都有馬上加多咗個order。豬皮軟硬度適中，最怕就係入口腍啤啤，或者好似咬樹皮咁硬掘掘，呢個豬皮處理得非常好軟硬度一流，配合埋舖頭醬汁，食過返尋味，絕對值得推介。舖頭位置亦都非常方便，就在深水埗地鐵站出口附近，從出口到舖頭只係廿多步，食完如果口渴仲可以喺旁邊奶茶舖買嘢飲，大滿足！
continue reading