金牛火鍋飯店 (Closed)

今時今日，Facebook差不多主宰新一代的生命。常跟朋友說，你玩Facebook時間多還是看電視多？一句，就揭穿他日掌管時代的新媒體。某夜於Facebook看到一家火鍋店，裝潢看來是新餐廳，名字卻老土不堪，金牛，你猜聖鬪士回歸，風潮再起嗎？再細看，原來是舊店新裝修。翻查一下資料，於九龍城開店廿多年，一直沒裝修，也沒花巧，老闆深信火鍋最重要是刀工和新鮮兩環，就這樣累積了一班熟客。再想想，這名字好熟。翻查手機，原來金牛一直放在待吃list上，只是放了太久，久得舊店已從新裝修，更久得早陣子查看待吃list，一直摸不透金牛是何許店家。讓我期待，又沒讓我失望的火鍋店，金牛，呈現出食材之真味。傍晚時分，走在南角道。迎面沒半個人影走來，街道兩傍的餐廳，門可羅雀，是太早還是太晚來裏。太早，是還沒到晚飯時間嗎？太晚，是錯過了舊機場還在的盛世嗎？有時真的替這裏的食店擔心，沒幾個客人，怎撐下去。多走幾半，便發現金牛亮麗的招牌。上月報紙訪問，還是老舊模樣，這新裝修跟同街的老店，顯得有點格格不入。預先訂了位，報上名字便順利入座。有別於一般火鍋店，金牛可說小中之小。推門只見四五百方尺，左邊一排三個卡座，中間四五

金牛 7月裝修 靚左好多老闆好有型 同 辛·康纳利 有得比膏蟹海鮮湯底 新鮮 簡單 不花巧手切肥牛 肉質香濃軟諗 竹笙蟹皇卷 獨家之作 羊肉餃/菲菜餃 羊肉夠蘇 我鐘意花菜球 食少少菜平衡下鱔片 新鮮 大蜆 新鮮四寶丸 ＜- 差少少雖然新鮮不過好似打得唔夠耐未起膠海鮮全部識旭 唔係講少足見其新鮮程度會再光顧 

自問為食肥雞孖寶都食遍 香港, 九龍, 新界, ...以致海外各地, 平均一星期總有一餐是火鍋(PS: 不論春夏秋冬), 呢個係我對火鍋有一種莫名其妙既情義結...直情可稱得上火鍋痴, 在我享受火鍋同時, 內心不禁產生一種暢快而溫馨的感覺金牛, 我為食肥雞已幫襯了很多次...由翻新前已經一直光顧, 在翻新期間, 我常常嚷著要吃!! 望穿秋水, 7月11日翻新後...第一天開檔, 當然要即刻打電話BOOK個時間黎感受一下...以往一貫傳統中菜館裝潢, 現在就換成了新派火鍋設計...就連鋪頭的招牌都換了, 且加上了一個小牛頭, 非常新潮可愛先講食物來到金牛, 必叫3樣食物:1) 手切肥牛, 牛味濃厚, 非常新鮮, 暫時香港的手切肥牛, 以同級價錢, 絕對數一數二!2) 竹笙釀蟹黃, 一食入口就知用新鮮既蟹羔自家拆黎釀製, 絕對推介比喜歡嚐蟹羔既女士食3) 椒鹽牛柳粒, 香口到不得了, 不會油膩, 辣度與蒜味取得極佳平衡, 送酒必點最後, 希望金牛能夠保持一貫水準, 我會定時回來監察的...哈哈

由台回來的第一個星期五，沒有電影，但就有約了一個月多的火鍋飯局。早前在雜誌上看到金牛這名字，提到這裡是同區火鍋店來說牛肉最靚但售價最實惠的一家，剛巧朋友跟店家很熟落，所以順理成章地到此開餐。朋友先到，並已點好要吃的菜，湯底為蕃茄海鮮鍋，有兩隻花蟹﹑兩隻大蜆及兩隻大蝦，看上去很不錯呢！當然少不了最重要的主角手切牛肉，肉質鮮紅，帶點雪白既油花，淨看已覺得好味。其他食物包括鯇魚片﹑黑豚肉﹑釀豆卜﹑羊肉餃，以及片得超薄的墨魚片，火鍋料舖到一枱都是，很豐富呢！湯滾了，二話不說就灼牛肉了。灼到剛熟(即帶點血水那種)沾少許豉油同吃，牛肉味很濃，由於剛熟，肉質軟中有嚼勁，肉汁跟豉油在口中混和，美味非常，使得我連吃數片才開始試其他食物。真的很讚！而薄到透光的墨魚片，朋友說有技巧的，就是放在滾湯中數7下，然後夾起，這樣味道會特好的。試著這樣吃... 其實都係灼墨魚片一塊啫，唔覺有多特別。至於其他配料，如黑豚肉﹑釀豆卜﹑鯇魚片都是大路貨式。羊肉餃呢？說是招牌貨，當晚點時已太晚，賣剩半碟，故店家拼了韭菜餃給我們，羊肉餃內有西芹... 會蓋過羊的味道啊！(我亦不吃西芹的！)反而老公更欣賞韭菜餃。最後講番個湯，本

火鍋真的百吃不厭,但香港好食又抵食的店舖真的選擇不多,金牛絕對是首選,雖然此店完全不起眼,很多人可能平日成日經過都未必會入去食,確實金牛環境簡陋,座位擠迫,但食物水準真的好過很多同區出名火鍋店,我特別推介金牛的海鮮湯底,這個真的非常抵食,一個海鮮湯底百幾蚊,居然會有2隻超多膏奄仔蟹,仲有新鮮大蜆,再加幾隻海蝦(無錯,絕對係游水海蝦,唔係基圍蝦)如果散叫這個價錢可能只叫到一兩款海鮮,這裡的牛也超讚呀,鮮紅色的手切牛保證新鮮,而且很香牛味,絕對不是雪藏貨呀!我平日不好肥牛及肉類都忍不住一食再食!雖然我只去過2次,但2次都保持水準,火鍋料又新鮮!不會因為人多就會份量減少或質素下降!真心推介!小店真的有小店好呀!連鎖店沒有人情味,這小店就不同呢,職員見我們只得2個人叫得太多,立即阻止說太多了,先吃後如果不夠再叫吧,不然便浪費食物又浪費金錢呢!但如果想去試吃朋友最好訂位,如果即興的話,便要早些去了,不然一定沒位啊!因為店舖確實很細,我看到這家店不會因為做生意而趕客,亦不會催促你結賬走呀!我看到周圍很多熟客都一邊吹水,一邊慢慢食,老闆間中也會和熟客閒話家常呢!

非常認同上位一食家所講，如果唔係有人介紹，自己真係未必會去呢間火鍋店食，可能門面都有點影響，望落殘殘舊舊咁。但食過一次之後，就絕對會再翻兜，牛肉我個人覺得係全店最好，牛肉味好濃好新鮮，沙嗲湯底同佢最夾，手切花枝片，刀功好好，薄薄的一片，係咁二「卓一卓」已經好好食。如果要食象拔蚝同花竹蝦剌身，就要電話訂定先，但物超所值，都係因為刀功問題而且非常新鮮。我一向唔食象拔蚝，因為點都有少少腥腥地，但呢間完全唔會，仲有鮮甜味，真係唔錯。肥仔侍應真係好好傾，話說我們一班人飲飽食醉閑聊期間，老細與伙計們在一邊食晚飯（都係打邊爐，不過加碗飯），佢地係水魚田雞湯底，我就搭左句嘴話未食過水魚，肥仔即刻整碗俾我，仲話好補添喎～～～第一次就好似當你熟客咁招呼，真係感覺良好。

老實說，如果唔係有人介紹，好難係九龍城區搵到間似樣的火鍋店﹗原來老表已姐幫襯左幾年，我都係近期先比佢帶去，又OK wor我諗除左食物好味之外，店內肥仔都係靈魂人物，雖然今晚唔係好多人，但佢又真係做到枱枱吹到水，個個搭到咀呢個出神入化嘅境界﹗我地5個人點左肥牛（老逢啦），西洋菜魚肉釀豆卜，魚角，蟹籽釀竹笙等等……我老表最鐘意食牛，基本上，佢食過話好味一定會翻兜，又真係冇令人失望；肥瘦適中，唔「痴」牙，冇渣，仲要好juicy，想點？牛柳粒，肥仔叫我地唔好咁早放入去滾，佢話滾得太耐又唔好食，又係bor，聽佢講，隔左一陣先放入去滾，又真係唔同味，而且好香牛味（唔識形容，總之係好）我本身唔食西洋菜，但佢呢味「西洋菜魚肉釀豆卜」又好掂bor，西洋菜味唔會太出，但同魚肉及豆卜又出奇地配合，值得推介﹗鵝肝墨魚丸，我諗都唔係好多地方有得食，鵝肝味唔會太搶，好適中，配合埋墨魚又估唔到咁好味﹗羊肉餃，掂呀﹗唔會騷，好ok......魚角，蟹籽釀竹笙，唔使驚唔掂，放心叫，一定有驚喜﹗寫黎寫去都係個幾個形容詞，係因為小妹文筆唔好jei，但絕對推介此小店﹗

同家人吃飯﹐於是就此落腳。點了過豬骨湯底﹐不過不失﹐不太濃﹐也不太特別。牛肉﹐幾新鮮﹐肉色紅潤﹐不過吃落無牛味。皇帝菜﹐夠新鮮。脆腩較滑﹐小小脆。不過覺得難入口的係﹐侍應加湯時﹐連個蓋都倒埋落去過湯底度﹐拿翻上來後﹐竟然話無所謂﹐個蓋好乾淨的。(我唯有自己騙自己﹐係好乾淨的﹐繼續吃)不過他對乾淨的定義令我擔心。

單在呢兩個月內,天氣未涼,已經吃過好幾遍火窩,香港從何年何月開始,火鍋變成四季菜式?同煲仔飯一樣,天氣未夠凍,吃得絕不過癮,任其冷氣充足,一樣熱到上心口.有時候,朋友相聚.無得去咁樣計較.方榮記肥牛水準下跌,又記得年前曾一起光顧,在南角道的金牛,覺得個牛肉也不錯.兩口子,闊別多年再來,但大家的身份,亦已不同.湯底沒有其他新派火鍋店多花臣,份屬保守派.簡單一個莧茜皮蛋湯底,清清地,能吃得出真正材料原味.全夜兩碟手切肥牛,近乎Shabu Shabu.再叫兩味如豬肉丸,鮮蝦算數.這店的肥牛,肉味濃郁,質感粗獷,入口不是即化,嫩滑之流.但無渣.已經合格.畢竟我們並不是吃和牛.九龍城火鍋店星羅其佈,論肥牛的話,這間也不錯.不過,都係得肥牛.想要多花臣,可去輝哥或名城.