金牛火鍋飯店 (Closed)

嘈吵到一個極點⋯ 地方好細，枱貼枱，樓底矮⋯ 所以回音好勁⋯一台7、8個男人大大聲播歌唱歌⋯ 大聲傾計⋯ 叫囂⋯ 大笑問職員可唔可以叫佢地細聲小小，職員完全唔理⋯ 我同朋友成餐飯都無講野，因為真係好嘈！由佢地對話得知原來依班人個個星期都會黎，大家入到黎見到唔對路就⋯ ⋯食物價錢小貴，質素一般，因為我地叫左湯底就發現唔對路好嘈，所以只叫左5樣野想食完快啲走，未試過打邊爐想快啲食完走⋯ 留意下圖張相⋯其他枱無人⋯都可以嘈到我地傾頭痛⋯

5月24號一行四人係呢間火鍋店晚餐。七點十五分已經冇魚角，七點三十分牛𦟌、鮮蝦都售罄。服務員推銷花竹蝦，6隻售價$150，拒絕左，服務態度一般。最壞嘅係埋單嘅時候冇叫花竹蝦但係單上面已經加咗呢一個價錢。找服務員確認，態度非常之差。最蠱惑嘅地方就係張單話免加一，我哋攞個計數機出嚟計下，計一計條數係多咗百幾蚊，問服務員點解，張單列明免收加一，服務員確定一定要收加一。各位請小心呢，因為有乜可能咁早就賣晒牛𦟌、鮮蝦，冇選擇下唯有要幫襯佢哋$300一碟嘅手切牛肉。

一行四人打邊爐 打邊爐最緊要梗係個湯啦。呢個幾抵玩，海鮮另上，如果唔係超級海鮮控一定要叫一大盤既話，叫個海鮮湯試少少都唔錯，真係新鮮！個湯仲由頭甜到落尾，粟米超甜！建議可另叫。肉好厚，好岩打邊爐，$300都真係幾大，唔錯。淺色既丸比較好食。。。紅色果粒我食完都唔知咩肉黎，因為落左超多胡椒，粒丸咸到其他都冇乜特別，唔似自製，可能因為調味太重，有啲唔新鮮既感覺。好食！Encall左。幾好味但好多細骨佢地話食唔到，但我每一塊都有。。。唔知係我唔好彩定佢地吞埋啲骨 質地好食不過咸左啲，係少見多肉少韮菜既餃好搞笑，乾既吊片打完邊爐會變左魷魚乾小食，唔貴大家可試下 好食！但唔平

食海鮮做主題嘅火鍋，最緊要兩隻字：新鮮！友人推薦金牛火鍋飯店嘅海鮮，師奶仔決定嚟試一試！首推：新鮮墨魚片！果然「名符其實」，真係夠哂新鮮！炙一炙，就食得，夠哂爽口😋另外推薦係：🐟新鮮泥鯭，啲魚肉夠哂嫰！一碟有6條！正另外因爲我太貪心啦，隻隻丸都想試下😂 所以柯打咗「自製五寶丸」。「五寶丸」包括：手打墨魚丸、手打鮮蝦丸、手打牛肉丸、手打豬肉丸同埋手打鯪魚球🍡 其中，墨魚丸同豬肉丸最正，夠哂彈牙🤙🏻

想打邊爐.系openrice太多選擇。最後選了金牛。服務都好好。食物有好多種類。湯底好醬，食材好新鮮。我地選左沙爹。。沙爹味道很濃郁。其他食材都唔错。特别肥牛，澳洲肥牛入口就化。。加上汤底。味道好好。全部真材實料價錢又合理。乾淨舒適。值得一試。

今晚係金牛吃火鍋，整體上，食物很有水準。所點的食物，包括蠔，鮮蝦，自家製丸子拼盤都好正！酸梅湯好味道很濃又不太酸，加上老闆細心地冰凍到酸梅湯起咗少少冰，貓晒凍。我會再幫襯！

再來金牛，今次無叫沙嗲湯，想清尐所以叫咗蕃茄粟米湯，基本上粟米同蕃茄都甜，湯底就淡如水。上面太約係今晚嘅二人份量，有手切牛，五寶丸，響鈴，菜雙拼嘅花菜球同韮菜餃，再叫多楂酸梅湯同一枝老青，兩個人，啱啱好。2018年一月嘅餐牌，希望唔好咁快加價。兩口子只能叫例牌手切牛肉，上枱時平平無奇一碟肉，一夾落鍋浸兩浸牛肉居然蝶變起來！能讓牛肉像蝶般飛揚係靠一個刀工了得嘅廚師和他的一把刀，刀工技巧名叫「切雙飛」！牛肉就當然係上品。由第一次幫襯除左手切牛，另外就係呢個花菜球，落單時姐姐細心地提醒有一打之多，可以讓我們半打花菜球拼多半打韮菜餃，從此可見服務水準之高。以上雙拼，自家製，應該係必叫美食。五寶丸，順序為蝦，牛，墨，豬，魚，蝦丸最好。小店一間就連廁所清潔得宜，服務又良好，出品優良，差不多全五星！只欠⋯⋯一個「魚缸」！入舖必然經過的魚缸，有陣陣腥臭，但又不至傳入舖內，只是進出也聞到臭味，結果我們不敢叫海鮮呢！

推介呢間打邊爐店！食材鮮味新足，新鮮到見到啲蝦、魚仲不停郁緊。而且店內做推廣，於Facebook 分享呢間餐廳，就可以以優惠價108元享用海鮮湯底，湯底有粟米蕃茄等蔬菜外，仲送上鮮蝦和2隻蟹！極力推介 泥鯭，魚勁新鮮，而且肉質嫩滑手切牛肉都唔錯，牛肉有牛肉味店內具歷史，我們閑日去都坐無虛席，不過等左一陣就好快有位。店內既員工服務態度很好，期間換左4、5次碟清走食物殘餘，又會主動加湯底。店外門牌不算裝潢豪華突岀，但卻是一間隱世美味小店。

呢間野係小妹一向既最愛我最鍾意食佢既手切肥牛好滑，好有肉味接近入口即溶，必食之選手打五寶丸真材實料，誠意之選嗰日侍應推介左鮑魚仔都好好味好抵食兩個女仔食呢幾碟加埋個菜已經好飽了兩個女侍應招呼好週到值得一讚！

今日係男友個同事話同我慶祝...搵到工...失業...又搵到工既一個聚餐 !! 好明顯就係一個借口啦 !! 哈哈 ~~ 大家都好愛打邊爐 !! 想聚一聚啦 !! 本來我以為佢地會選番 火鍋仔 !! 點知竟然今次係新地方 !!去到一個好舊式既一間邊爐鋪 !! 但係好光猛架 !! 坐底後見到牆上貼左有個湯底特價，而我地又睇到 menu 呢個係最貴架 (原價 $168 / like fb page 後 $108)，我地都冇乜其望 !! 係諗住試新野 !! 哈哈 ~~ 點知 ~~ 好有驚喜呀 !!!! 海鮮拼盤竟然有2隻新鮮奄仔蟹仔 (即係唔大隻啦下 !! 哈哈) 有3隻大花甲 !! 兩隻海蝦 !! 而個湯底都唔錯架 ~~ 入面已經有粟米/冬瓜/蕃茄/羅白 !! 都好足料架 !! 個人認為 $108 係好抵食 ~~個響鈴就有少少失色 ~~ 但唔失望既 !! 唔夠脆身同豆味唔濃 !!呢道人少少可以拼餃，都好開心呀 !! 唔好以為得咁少...係我食食下先醒起影相...一碟有一打架 !! 全部都係佢地自己整架 !! 我叫左 韮菜 拼 雲吞 ~~ 呢碟肥鵝腸邪惡到呢...好好味囉 ~~ 我...唔敢食

入到去,雖然唔係好大間,不過新裝修好舒服!之前就叫野啦!叫海鮮鍋，湯底有番茄和玉米,蟹,蜆及蝦,蝦肉質有彈性蟹肉質細嫩，蟹膏也不少,抵食!首先叫左手切肥牛,每件都切到超薄,嫩滑,口感超好! 係好滑好滑好滑呀!之後叫左好多野食,但係全部唔記得影相,因為掛住食...呢度啲食物真係好新鮮,我鍾意打邊爐所以真係覺得好正好正!特別推介: 魚片滑、蝦滑、水餃、魚皮餃、皇帝菜夠新鮮!

成日都經過呢間金牛火鍋，天氣開始轉涼，終於到打邊爐嘅季節，一於試試呢間啦～嚟之前當然做下功課先啦！見到好多食家都話呢度嘅海鮮同牛好得，啱哂！我至愛呀！一坐底就叫個海鮮鍋先，鍋內有蕃茄粟米冬瓜，另上海鮮，等你自己慢慢淥。呢碟湯料無得頂！！！兩隻奄仔蟹好多膏，好甜，諗住啲肉一般啦，點知都係好好味，好鮮！五寶丸有牛肉丸，豬肉丸，墨魚丸，蝦丸同鯪魚球；我唔食鯪魚，所以轉埋做豬肉丸。我喜歡墨魚丸同蝦丸，幾彈牙，味道幾鮮。全晚最注目嘅主角出場！手切本地牛，雖然我哋只得兩個人，但太愛牛喇，都係叫碟大嘅～～ 好爽口，好有牛味，愛牛嘅你一定唔好錯過！我好喜歡食竹笙，因為佢又爽口，吸收哂湯汁放入口，嘩～～～好正！見到有呢個竹笙蟹皇卷，即刻要叫啦！真係無失望！如果價錢商宜少少就好喇！我哋好喜歡食香口嘢，叫呢個椒鹽鴨舌食，可怕唔夠香口，味道可以，下次應該唔會叫喇⋯⋯另外，我叫咗支竹庶茅根嚟飲，真係失望，原來係鴻X堂嘅！！！不過我依然會再嚟，因為海鮮同個牛太正喇！期待下次再食過！

新界人出得九龍城，基本一係泰國仔，二係牛肉餅，三就係打邊爐。而今晚就係最尾嘅 打邊爐。呢間幫襯過一次，今次已經翻新過，環境好咗，估計價錢都會貴咗。上次食海鮮鍋，但上次俾隔離枱個沙爹味深深吸引著，咁今次，就沙爹湯啦。牛肉，有本地同美國，我們當然叫本地牛。牛肉呢，有牛香，油香，無渣咁囉，無和牛咁無牛肉味，又無美國牛咁少油花，本人大膽咁講，絕對係非常出色嘅黃牛肉，而若果唔食牛肉，就千祈唔好黎。魷片，切得薄，爽脆爽彈。蝦丸拼墨丸，推介，好彈牙。花菜盒，推介，配合得好好囉。羊餃，好味。菜。烏冬，原本唔叫，但侍應姐姐話唔好浪費個沙爹湯，配烏冬最好，的而且確係無介紹錯嘅，完全吸晒尐沙爹味。以上所有，再加枝大啤，同三杯酸梅湯，要加一，兩人埋單太約七佰，貴就貴咗少少，但呢到有樣好，好多食品都可雙拼，若果無得雙拼，兩口子一定食剩好多好多，依家就食哂所有嘢，同埋，所有出品都係堅得，七佰，抵俾。

老友說想打邊爐，我本來打算去試試「恨咗好耐」的盛記，結果打過去想Book位時被告知早已爆滿......也無大礙，那麼就來試試同樣是靜靜呆在我的wish list裡的「金牛」吧！大概不到七點到達，店家給我們三人安排了靠牆的四人座。雖說是四人座，但三個人坐就都差不多了，要是四個人的話可能會覺得有點擠。先來選個湯底，不用說，肯定是試試出名的「海鮮鍋」啦。$148的海鮮鍋，湯底有冬瓜、番茄和玉米，另上奄仔蟹、大蜆及海蝦。海蝦肉質有彈性；大蜆飽滿，無沙鮮甜；而奄仔蟹肉質細嫩，蟹膏也不少。這個價錢、這種質素真得說句「抵食」！飲料方面點了店家自己煲的酸梅湯（價錢大概是一渣$48）。我個人喜歡再酸一點的，但金牛的出品勝在份量很足，一渣大概有這樣的十杯。火鍋料的話，我們點了雜菜籃、自製五寶丸($78)、響鈴($32)和必不可少的招牌手切肥牛(小$220)。響鈴有油香，但本身不太夠脆。自製五寶丸分別是牛肉丸、豬肉丸、鯪魚球、鮮蝦丸和墨魚丸。前二者肉質較鬆散，不太欣賞；鯪魚球中規中矩；而蝦丸和墨魚丸是我比較喜歡的，有彈性而且吃到粒粒蝦肉和墨魚，把市面上常見的整口都是粉的那些比下去。手切肥牛油花分佈均勻，放到

由於有屋企人食過, 所以今次專程一家人去食, 好彩早兩星期打電話訂位, 我哋早咗十五分鐘去到, 已經坐滿人, 過咗十分鐘就已經坐無虛席。之前上網爬文知道海鮮湯底好正, 所以我哋都係點呢個, 另外最貴嘅就點咗本地肥牛, 桂花蚌, 蠔, 墨魚片, 其他食物都係叫例牌。肥牛有分本地同埋美國, 本地嘅係新鮮, 老闆每朝早都去街市買嘅, 而美國肥牛就係急凍, 識食嘅一定食本地嘅, 真係零舍不同! 墨魚片切得好薄, 好彈牙, 又係必選之一; 蠔很肥美, 好大隻, 唔腥, 好抵食👍; 魚皮鮫又係好味, 一啲都唔腥 (我覺得其他酒樓食都腥)。整體來講, 金牛嘅食物真係好好食, 好新鮮, 又抵食!