金翠餐廳 (爵祿街)

Open Now

Now Closed

3月9日揾食肥華和靚媽，喺新蒲崗大有街用咗廿多分鍾，等候時間，攞到大有街必食名物，上海栥飯後，便齊齊到爵祿街呢間，前身喺做燒臘茶餐廳，因順應時勢轉營，兩三餸飯嘅食店用膳。而此店所供應配飯小菜，除咗一般嘅家常，菜，瓜，肉外，最令肥華欣賞嘅，就喺蒸魚種類甚多，由下價魚到星班，大鱔都有，價錢則豐儉由人，任君選擇。而肥華，靚媽今餐所選嘅餸菜，豉汁蒸大鱔，芋頭扣肉，白菜炒肉片， 椒鹽豬扒，魚肉釀苦瓜，魚香茄子，和隨餐的兩碗，菜乾，甘筍，佛手瓜湯，味道都算OK，今餐肥華兩人，合共消費都喺$11O元，喺低食好食之選。不過此店嘅衛生環境就，未如人意，地面枱面有，黐立立，油淋淋嘅感覺，如果有潔癖嘅人仕，肥華 勸喻你，唔好嚟光顧呢間小店‼️

最近返屋企途中見到呢間餐廳，外面大大個banner貼住三餸飯嘅價錢，今次咁啱經過就買一個套餐黎試 🤗行到入餐廳，發現原來有得買四合一飯 🍚即係一個套餐包一條魚、配菜、例湯同白飯，睇到餐廳擺出嚟既都係啲大大條既煎魚，而配菜就有好多選擇 🥬🌶️🌽，今次就忍唔住叫咗個倉魚配茄子四合一飯。拎返屋企一打開個飯盒。見到條䱽魚都真係忍唔住嘩一聲，實在係好大條。魚肉鮮嫩，同啲豉油汁好夾味，而茄子就溝肉醬炒，亦係惹味十足，例湯略嫌有啲油，不過豬骨湯嚟講都算有料到，至於個飯就大大盒，其實呢份餐兩個人食都得，咁樣都係 $46 真係超級抵食！！😱不過平玩平，等拎外賣期間見到餐廳嘅衛生環境都唔太理想，成個環境都比較油，職員將飯𢳂隨便放，望落真係唔舒服 🥹

工場環境好惡劣 出品又好差，尤其是燒味 佢啲燒味仲話係叉燒王，佢燒完啲叉燒沒有顏色 燒鴨又有一陣異味同燒到好黑 另外 個砧板都有一陣異味 呼籲大家千祈唔好食金翠啲燒味 一定會出事！

餐廳：金翠餐廳 (爵祿街) (新蒲崗)地址：新蒲崗爵祿街36號地下叉燒河粉 $29放工收早響新蒲崗諗住返屋企，咁啱經過金翠，都真係好耐冇食過，而家變咗一部份係雙餸飯，仲以為佢冇再做燒味，但竟然見到下午茶優惠，由以前$35減到而家$29，金翠叉燒質素一向唔錯，呢個價錢的確好吸引，結果我就入咗去食，粉麵加叉燒再加埋飲品，份量都真係幾多，而且都幾抵食，叉燒質素係冇以前咁好，但都算唔錯，而餐廳個環境就真係比以前差好多。

又黎到食飯時間喇😋同啲同事叫左金翠燒味食。打開個盒就咁見到隻鵝髀已經好開心🤤超級大隻！！然後同事叫左個五寶飯，又真係估佢唔到會比隻雞髀我地喎😂另外佢除左有燒味飯之外，仲有啲兩餸飯揀，而且都幾多款式下😜

疫情下哩，冇堂食，唯有買外賣價錢大約是$47，一大盒飯，成個底鋪滿白飯，面頭就系鋪滿九城嘅叉燒足料叉燒飯大大舊，半肥瘦，仲有菜，加埋甜甜嘅豉油除此之外，仲有不同配搭嘅兩三餸飯，價錢唔貴，大約$50.都合理，但因為燒味太香，所以下次先試小菜啦

疫情期間喺公司OT, 就唯有用外賣apps叫外賣。以前OT都會久不久幫襯金翠，因為佢有個「有菜有肉燒味餐」，有燒味又有菜，都係由$40幾到$70幾蚊左右，都算幾大件夾抵食。今晚我就叫咗個「叉燒雞髀飯」，用外賣apps叫要$60，我估應該都貴過堂食，不過唔緊要啦，反正疫情期間都無幫襯過佢，Anyway, 個餐到咗我覺得又真係唔錯bor~但係我同事就投訴啲叉燒唔夠肥囉🤷🏻‍♀️既然依家晚餐係無堂食，如果你鍾意食肥叉嘅話，我建議你落外賣order果陣可以備註一下，或者佢會俾啲好嘢你😊

今日下午茶黎到依間金翠餐廳，見到門口寫住叉燒專門店，就一於叫左佢個叉燒米粉😂依個份量真係只可以當下午茶，如果當午餐真係認真唔夠食。叉燒賣相不錯，不過嫌佢d叉燒少左d😂有幾舊真係全肥肉，食唔落。味道方面，叉燒夠入味，索哂d蜜汁，唔錯！幾鐘意d米粉湯清清地，又唔係完全無味，米粉質感爽，唔會煮得太林，有咬口。整體黎講，以$30幾蚊的下午茶，有埋飲熱飲，都可接受，不過不失，不過唔會係好想成日黎食果種味道，間唔中想食叉燒都可食下。

確罐蝦，我地係食野唔抹嘴嘅拉拉屎戰隊。我地都食左咁多野,點可以未試過香港地道特色食物「燒味」呢!屎女人(黃)戰士:叉燒味道剛剛好,但肉質方面「那」得少少過份。熏蹄味道正常,整得幾乾淨,無毛。湯就大大碗,整體份量超級多!屎MON(紫)戰士:叉燒係靚既,入口即溶,阿婆都食到,好岩我食!燒肉就硬左啲啲,唔夠嫩滑。例湯幾好飲,又大碗,飲左我好耐。食物份量好多,如果4個女仔的話SHARE三個餐都夠添!屎DUM(黑)戰士:叉燒NO GOOD,「那」得太過份! 燒鴨正常,好既係有隻肥脾,但係啲皮唔脆。(呢個見到燒鴨脾好興奮咁食無影到相...)屎橋(青)戰士:我碟叉燒味道都正常,但比較瘦同乾身,好羨慕黑戰士同紫戰士的半肥瘦叉燒,睇黎啲叉燒未必係同一批整。油雞就無咩特別,唔算特別好肉,份量又唔算好多,而且鴨有鴨脾,如果雞都有雞脾或者肥美啲既就好啦!拉拉屎Conclusion睇黎叉燒都係呢度的王牌菜!遇到好的一批就好好食!但唔好處係都要撞下手神,睇下抽到既係叉燒係肥美定係乾乾瘦瘦,有啲又可能「那」過左火添!套餐份量好足!有湯有油菜,平民得黎大件夾抵食!而且咁多種燒味整體都好食既!

叉燒飯的確幾正👍今晚有人陪我頹，帶佢去食下呢間叉燒皇。見到半肥瘦既叉燒，配上蜜汁，肉質鮮嫩又彈牙，口感幾好😛。係環境稍為差少少，不過茶餐廳，唔會expect太多😂

基本上我每日一星期3，4日都系到叫餐，燒味套餐4合1，寫明有菜有湯。。今日我叫套餐，送到黎竟然冇左湯另外幫同事點左個雙拼飯+可樂。打返去投拆佢仲話系我問題，話我冇叫湯就吾會比，甘我叫套餐意義可在呢？仲話我叫左可樂冇左湯，我個可樂明明系另一個普通餐再比錢加可樂囉，。。。大佬我叫得套餐你吾比個湯我仲話系我問題。早2日叫餐送到過黎個湯又掉到成膠袋都系湯。基本碗湯掉到所淨無幾，再早幾日叫個燒肉燒鴨飯，另一個叉燒燒鴨飯，送到過黎2盒都系叉燒燒鴨。

金翠d叉燒真係好_好味話說前日去左富豪酒店間富聲食左佢地嘅肥叉第二日食翻金翠真心富豪都比下去都唔單止係價錢上嘅比較金翠嘅肥叉嘅脂肪唔係正係一舊舊咁痴係d肉上面而係滲透入埋d肉入面😱呢樣嘢真係連富聲都做唔到d肉咬落去下下都好多汁 一斤真係可以輕鬆KO😭-貪心小狗叫左雙拼燒鵝➕叉燒 兼夾無叫肥叉（HKD53）⚠️一定要叫肥叉 如果唔係真係唔會好食🙄燒鵝都唔係特別好味 凍冰冰嘅😞下次我都係乖乖聽話正係食肥叉飯（HKD41）

香港已經好少地方有瀨粉食，個瀨粉湯忍唔住飲左幾啖，好香同無咩味精，仲要有10舊叉燒（大約）。叉燒肥瘦適中，好juicy,好好食。另外要讚下衛生同待應服務態度30蚊食個咁滿意的下午茶，正

原來新蒲岡有不少看似隱世的茶記。咁啱經過見到，"金牌叉燒"作招徠的茶餐廳。正想買少少餸，當晚“自製"叉燒煎蛋飯。$106/斤。最少要買$30。估唔到用盒裝，“金牌“果真有地位!叫了瘦叉。卻一點也不嚡口，仲很軟滑! 叉燒汁亦沒過咸或甜。非常好吃。該店還有分店，太好喇! 會再買呢！

Ordered 油雞飯 but the 油雞 was COLD!  Complained to the waitress and she had the audacity to tell me "燒味大部份都係凍嘅" I was like "What's wrong with you?" Then another waitress and the chef behind the counter came and said "Sorry, microwave was out, couldn't reheat your food..." I told them "Then you shouldn't have been selling anything at all! Had I known earlier, I would have gone somewhere else!" The chef kept apologizing while the original waitress kept giving ridiculous excuses.  This place clearly h