金翡翠快餐 (Closed)

今日百般不願地同同事出黎旺角送樣辦俾客又同佢地present一大堆，由朝講到晏，飯都無得食。好彩老細都識做，俾我地早放。放是就一齊係附近食埋野先散水，但見過晒LUNCH時間就食個下午茶算了。旺角黎講都算抵食，雖然呢間賣點係雞蛋仔但我地都覺唔係太想食，所以普通啲點返一兩樣就夠了。奶茶雖然未溝勻就上枱，但見佢有啲雲石圖案當下都覺幾靚的。茶香奶滑，是一杯好飲的凍奶茶。炸雞脾配薯條。薯條係波浪形嗰種茶餐廳常見的，炸得脆口可以接受。雞脾雖然唔算好大隻，但完全辟走晒雪藏味，同埋五香粉同鹽味都腌到入去，雞皮仲脆卜卜。同事點左西多士配炸豬扒。豬扒都炸得幾好面包糠好足，包蓋得完全所以食落好酥脆。豬扒用左咖喱醬去腌但唔辣反而幾香。可惜係西多士油膩左啲，同埋得半塊。雖然下午茶黎講呢餐都幾高熱量，但計返午餐同價錢都算差不多了。

格仔餅喺旺角油麻地街頭真係隔幾個位就有一擋，但係真係好食既真係唔多，有d餅底太薄，有d花生漿太稀無味，有d直頭糖都無。喺油麻地地鐵站隔離呢間就係我覺得少數覺得唔錯。首先係少數咁足料，未食之前都感受到佢份誠意，同埋係即叫即整，食格仔餅熱辣辣都係緊要。用料包括好少好少會有既椰絲，真係我唔係幾搵到旺角有邊間有椰絲。其實試過係會覺得個味同餅底好夾，變相唔需要落太多砂糖，會健康d, 當然砂糖係唔可以缺少既。餅底就外面好脆，入邊就'煙煙unun", 外脆內軟既格仔餅餅底其實已經幾難搵。花生漿又唔會太稀，花生味濃，份量岩岩好。雖然$16好似街邊檔偏貴，但其實試過都會覺得值。所以誠意推介

近年雞蛋仔大行其道，特別備受年輕人追捧。雞蛋仔款式不斷進化，常有新口味誕生，連羅宋湯味和椒鹽蛋味都有。這間位於油麻地c出口旁的雞蛋仔，是我的心水推介。它其實是一間茶餐廳，門口連著小食的攤檔。雞蛋仔絕對是新鮮現做，所以買雞蛋仔需耐心等候。今次點了朱古力味雞蛋仔，雞蛋仔外層無比地脆，內層有點點的鬆軟，水準一流。朱古力味較淡，如果濃點會更好。雞蛋仔哥哥非常友善，滿面笑容地安慰著耐心等候的食客。他不慌不忙，盡心製作最好的雞蛋仔給客人。在他的身上，看得到敬業樂業。

係地鐵站已經見到有人拎住一串串, 個個笑到見牙唔見眼, 一睇就知好好味, 點少得我出地鐵站就見到, 即刻要一串墨丸一串雞肉, 盛惠$22墨丸雞肉都燒得熱熱, 外皮都燒得少少脆, 加上唔偷工減料, $11串確係抵食, 而佢個沙爹汁直頭無得輸, 成香味俱全

未踏出油麻地港鐵站,陣陣雞蛋仔香已飄進鼻子,令本來有點餓的更想吃東西,隨著香氣找到這家門口有港式小食的茶餐廳,除了雞蛋仔、格仔餅外,還有受歡迎小吃如咖喱魚蛋、大香腸和牛雜,那我都要一底格仔餅頂頂肚。格仔餅有熱和不熱,不熱者是早已做好放在架上的,熱的就是即時燒製的,同樣價錢當然要即製的,等了好幾分鐘, 一份熱乎乎的格仔餅到手了。從滲著油的紙袋來看,醬汁也相當不吝嗇呀。格仔餅出爐後沒有以風扇吹凍,全底也是熱乎乎又軟軟的,軟得黏著紙袋的合二為一,其實這才是我喜歡的版本。黏黏軟軟的餅身很有牛奶蛋香,甜甜的味道來自重手的練奶、牛油及砂糖, 加上花生醬更為美味,ko 一底後充滿力量的上課去。 第二個上課日,本打算走遠一點看看小阮子還有沒有酥皮蛋撻,可是那攔門雨令人不想多走幾步,為求方便再次在這裡排雞蛋仔; 雞蛋仔同樣有熱和不熱,但換了另一個形容詞是脆一點和軟一點,我當然選擇軟一點啦。等候時間似乎比平時的短,很快的時間雞蛋仔到手了,保持新鮮熱辣的溫度但蛋奶香味卻不如上次格仔餅般濃, 每個雞蛋仔算是充實,沒有出現一半只有殼另一半充實的模樣, 軟軟的像蛋糕仔般,但邊位卻像薄脆,因而又弄傷了上顎,痛!!

23/OCT大家食飽飽之後，便各自歸家了~妹子原本想搭巴士回家，誰不知轉角便是地鐵站出口，便搭地鐵吧！見到門口有雞蛋仔買，妹子心思思又想食，雖然已經飽了，一個半個雞蛋仔就當飯後甜品吧~除了買雞蛋仔外，還有魚蛋燒賣牛肉牛雜等小食買，不過妹子一心向著雞蛋仔，便無意發展其他方向，一間小小的店子，明顯地是潛建而成，晚間時段，阿叔都幾空閒招呼妹子這個妹妹仔~哈…見到原味和芝麻都是$9，其他口味則貴點，分別$10-$12，妹子指明要脆身一點，咬下外脆內軟才好吃~見阿叔首先下蛋漿，然後加芝麻，妹子貪心地叫他下多些，而阿叔亦好人士地應妹子的要求~等了數分鐘後，妹子熱辣辣的芝麻雞蛋仔出爐了，阿叔用紙袋載著，紙袋並沒有氣孔，沒有散熱的空間！妹子要襯熱快快吃~見到雞蛋仔滿佈點點黑芝麻，以為妹子今次拾到寶，誰不知？咬下，苦澀味由舌頭散發出來，打著問號的妹子，看看雞蛋仔的背面，竟然是燶的？有沒有搞錯？做成這樣子都可買給客人食？妹子要求的是脆身，而不是燶身，阿叔是否誤會妹子的意思呀？妹子真的覺得超難吃，吃過幾粒後便掉進垃圾筒了，妹子的$9個大洋呀~還來呀~

1月1日, 黎到新一年,希望有個新既開始~~~ 晏晝睇愛誘罪, 所以喺油麻地食個快飯, 新正頭好多食肆都冇開門, 見到哩間有d懷舊feel心諗應該都幾好食, 就試下啦~::: 叉蛋飯::: $23例湯先到, 有南瓜料, 冇乜落味精, 清得黎有少少甜, 唔錯~ 個飯呢, 叉燒冇乜味, 不過蛋幾滑, 夠多汁, 撈飯好食, 飯都夠大碟, 食唔晒. 而熱奶茶唔夠滑, 飲到底仲有渣…::: 吞拿魚火腿治::: $19 + $2(凍飲)吞拿魚火腿治, 一個普通得不可能失手的組合. 兩塊軟軟的白麵包內塗上牛油, 充滿沙律醬的吞拿魚, 還有一片火腿. 簡單輕怡又好味~ 凍檸茶少甜茶味香濃, 不錯~一間好普通既茶餐廳, 做街坊生意, 環境可以接受, 有電視睇~ 不過除咗是日快餐其他飯都好似唔係好抵. 不過食完之後行行下見到大家食, aiya~ 早知食哩間啦, 我地都好想食架…

星期六早上又要返工~ 累!想食一個豐富早餐令自己醒神下先...入去此店叫左個早餐set包沙爹牛肉麵+餐肉炒蛋+牛油包+熱華田($19.50)可惜個麵好唔得, 無沙爹味可以話完全無味, 仲有個餐蛋好油, 最正常就係杯飲品...地方環境又唔衛生係張枱既玻璃底下有隻蟑螂..十分嚇人...價錢又唔算平...無下次