金葉軒

Open Now

Now Closed

玩了大半天 感到肚餓朋友們想吃泰國菜 第一次來這一間 即管試試味道如何雖然是假日 七時還未到尚有座位可以安坐飢餓感越來越澎湃 一口氣點了食物同飲品食物一碟一碟快速送上  *酸辣無骨鳳爪沙律* 味道偏辣 鳳爪爽口*泰式香辣生蝦* 賣相精緻 細心之處將蝦頭炸起 適合愛吃蝦頭的朋友*冬蔭大蝦海鮮公湯* 味道完全不討好 喝不出冬蔭公湯那種香和辣味 有點大失所望 *沙嗲串燒* 豬, 牛, 雞三款(6串) 可以一試*鐵板蠔仔蛋*只是把一堆蠔仔加上蛋在一起 與鐵板稱不上有關係味道淡而無味 *炒飯*  普普通通 只是填飽肚腹*咖哩軟殼蟹* 口感外脆內軟 配上咖哩稍惹味這道菜可算是多款之中較為出色後加多一份薄餅餅和炸蝦餅  等了一會兒仍未有吃的跟剛才上菜速度有莫大對比 追了侍應跟進 不知道是否漏了單需要多等一會*薄餅* 像大型超市般的薄餅貨色*炸蝦餅* 味道偏咸 吃了半塊已經沒有再吃的意慾若然要選擇吃泰國菜 我不會選擇來這一間

被其他美味相片吸引而來，盼望好味蟹，靚聖子...相反，出色的反而是柚子蝦沙律！ 蔥爆肉蟹味道可濃些，和可熱些，凍了才比客人食真的扣分。蟶子細都呢 ...有沙.. 味道又是不夠，都是扣分。下次再來的話，都係叫其他泰色食品比較好。

性價比低，餐廳環境似一般大牌檔但價錢唔平，味道一般，食完成晚都好口渴，懷疑食物有落好多味精, 而且比較油膩。總括而言唔會再幫襯，希望餐廳可以改善，落少啲油同味精啦

經過多次都見這裡的餐室好多客人，附近又有錶位可不行的泰式炒粉麵以泊車，幾方便。假日的午餐時間就同老公來試下，叫左雞肉濕炒河，同泰式炒金邊粉...... 濕炒河先到，幾條菜，幾件雞胸，見到都無餵口金邊粉仲離譜，得兩隻蝦仔，配菜得兩三條（如圖）無下次！

蒜蓉包縮水冇蒜蓉味，紅咖哩冇咖喱味，只有濃烈的南乳味，象啤唔夠涷，生蝦我鐘意凍凍地，佢又唔夠凍🤔而價錢一D都唔平架，總知去冬蔭媽媽試吓啦，可以轉塲喇，唯有安慰自己，呢度人少😂易搵位，又唔嘈，又有電視睇啦！

尋晚難得約埋一班由細玩到大嘅朋仔食飯，我地細過全部住係將軍澳區，所以成日都係坑口村到食飯吹水，現在大家都有家室同部分朋友仔都已經搬出將軍澳了，所以尋晚真係好難得大家可以一聚。我們相約食返細個食過嘅泰國菜-金葉軒，位置沒有變，我地一向都鍾意係露天位坐，因為係一種難以形容嘅風味，一邊談談近況，一邊飲下支裝啤酒，我地大談闊論都唔怕嘈親人，因為大家都是這樣的，可能也是這裡嘅獨特之處啦！我地叫左一份生菜包，沙嗲串燒，泰式鳳爪，生蝦刺身等等，這裡特別在多左夜冷小炒，以前真係沒有的。生菜包保持水準，串燒每串都很大份量好抵食，生蝦剌身細碟左，味道都新鮮的，泰式鳳爪幾好味丫，我有個朋友仔仲打包返去俾老婆試下Tim 。啤酒就叫左象啤同新力細支裝，咁啱推介$18三支，抵飲丫，由於席間我太開心喇，忘記拍下餘下幾度菜，整體金葉軒可以一試丫，最好可約幾個大男人飲下啤酒吹下水，大排檔風味，菜式選擇又多，這裡唔會摧人走的，大家不妨試下丫!

一心想來吃泰菜，但這裡居然撈埋中式小菜和火鍋，好像有點奇怪🤔於是爸爸主力叫中菜，哥哥主力點泰菜。泰式炒金邊粉是一般的美味。菠蘿炒飯也不過不失，有許多炸腰果、肉鬆、蝦仁、大大粒菠蘿。只可惜炒飯並不是放在原隻菠蘿內。啫啫雞煲，跟薑蔥桶蠔煲一樣，熱辣辣香噴噴，用了不少洋蔥、蒜頭等炒香，兩者都很有風味。前者雞件香滑嫩口，後者的蠔大大隻好厚身好有咬口。能在吃泰菜的餐廳吃到那麼美味的中菜，實在令人驚嘆！黃金蝦球，我們以為是蛋黃煎炒原隻蝦，但原來是蛋黃炸蝦。粉醬很薄，炸得香脆，蝦爽口。

香港人口味的泰國菜--上禮拜同朋友第四次入去食，大蝦海鮮冬陰功湯冇得輸，每次上檯keep住個水準，新鮮料足口感豐富且色香味美我係泰國試過當地冬陰功湯，試完一啖飲唔落，最後俾面飲多兩啖就停口了。 金葉軒冬陰功湯我係可以飲曬一整碗口味嘅野好個人的，搵到自己鍾意的冬陰功湯口味，也推薦大家去試下，我同朋友每次入去食都必點冬陰功湯。 還有另一樣都係我們必點的菜式：咖哩蟹隻蟹新鮮又大隻被金黃咖喱掩蓋，用蒜茸包配咖哩就最正

朋友介紹來了位於坑口的泰國菜，位置近地鐵站，算是方便。一行7人，試左有八款小菜，早已聽聞冬蔭公湯與別不同，果然香濃而且不會很辣，易入口，一下子已飲了兩大碗。蝦餅同魚餅值得試，香口又入味不油膩，個人最鐘意椰菜苗，第一次食，原來很嫩同爽口，送飯最0岩，而且好少有機會在其他地方食到。種有咖哩蟹，呢隻咖哩係比平時的易入口，可能帶點甜味的關係，正係汁已經可以送到飯，蟹肉夠新鮮，夠大隻。走過時仲見到有TVB d 藝員嚟食不過我唔記得佢叫咩名

一星期前朋友一行8人食泰國菜，去到地下空調已無位置，给安排二樓，食品也可以，味道尚可，我們也叫了兩打啤酒，當差不多食完約一小時多。因為二樓可能只有我們一台。没有服務員。只能走樓梯地下叫啤酒朋友高興地喝。特然有個服務員，像趕客的説話，叫我們坐下層，态度非常差。我們8人食了1600多。還要走來走去。最後馬上買單走人，酒也不要。朋友不歡而散。本開心用餐，最後要给服務員説話，真心以後不會再去。又不是平宜。

預先打電話去訂位唔知係佢地冇訂位服務定咩原因好似唔多想留位咁==入正題==當日叫左1.明爐烏頭 (正常野不過個湯底幾好味)2.生菜包 (味道偏淡)3.串燒 (不過不失)4.炒金邊粉 (呢個反而幾好食幾開胃)5.燒雞 (隻雞有小小發育不健全但好食)6.炒椰菜苗 (唔錯)*唯一可惜係冇試到個冬陰公湯野食味道唔錯，同JORDON間泰菜差唔多不過相對平  以佢既價錢我覺得物有所值既但因為佢半開放式  所以都會有D 野昆虫飛下飛下但係冷氣都夠  唔會食到身水身汗

泰菜 一般喺香港 大家都會去九龍城食 經朋友介紹 今次去咗 坑口村 一試 位置比想像中 方便 始終第一次嚟 都係食番啲穩陣嘢 我哋叫咗 炒通菜 青咖哩 同串燒 再加白飯 兩個人食 夠曬數 佢同一般泰菜一樣 都係份量比較少感覺好似泰國嘅份量 唔會太港式 味道方面 還可以 最欣賞就係佢個串燒 三款唔同嘅肉串 食落口感好好味道一流 好好彩我哋一早去到六點幾就入座唔使等位爭好遠 去到七點零鐘 已經開始人山人海 我哋都係時候 讓返個位出嚟畀老闆做生意 味道各方面都ok嘅 唯獨 如果要食性價比 可能適合當區居民比較多 話曬唔使出出入入 慳番啲車錢吖嘛

泰國菜系列👄👄坑口村搵好野食之金葉軒😀 👀龍眼冰 hkd20 飲落唔會死甜又帶有啲龍眼味，好多果肉👍🏿👀泰式金邊粉 hkd58😃 呢個大贊！甜甜既，好好食，加埋啲蒜容好正，仲有好多蝦肉，好鮮💯💯💯必點！👀香煎泰國扎肉 hkd58 煎得好香口，又係偏甜小小，開正我個飯😊份量岩岩好！送飯正架👀泰式炸蝦餅 hkd58😀 佢啲炸物係真係好香口！加埋啲泰式辣醬酸酸甜甜冇得輸！脆卜卜，啲蝦肉好結實😍掂呀！👀酸辣燴豬頸肉 hkd58 ☺️ 佢啲酸辣就真係好夠味！啲豬頸肉勁大塊！咬落好爽口，好開胃！食幾多都唔會覺得肥呀！👍🏿👍🏿👍🏿👍🏿👍🏿👍🏿👍🏿👍🏿👍🏿👍🏿

已經唔係第一次食，好耐無嚟，趁未到夏天再返嚟食，坐出面啤啤佢，水準仲keep到，我地懶得諗叫左個二人餐，冬陰公湯、自選揀左鳯爪沙律，炒菜，海南雞，仲有少不了的白飯！圖中啤酒係另點的。冬陰公湯每碗入面都有隻大蝦，但都幾辣，未可以一口氣飲哂，雖然係咁，依然係又要辣，又要飲！最愛係佢個鳯爪沙律，唔知係咪有因應香港人口味而作出調整，酸辣度適中，唔係得個辣字，會停唔到口。炒菜正正常常，海南雞都幾滑，不過無咩特別，味道都係靠醬汁，不過不失。初時見啲餸上檯覺得好細碟，但兩個人叫二人餐食哂都好夠飽！

坑口村都有泰國菜食 ga之前 o黎過食 lunch, around $40 一個 lunch有湯任裝, 都幾好飲 ga~今次 o黎食夜晚飯, 價錢都 ok生蝦刺身都新鮮, 但個蝦頭炸得麻麻唔係好香脆冬蔭功都幾足料, 辣辣 o地都唔錯整體味道就正正常常 la, 好似 lunch 性價高 d