金都海鮮酒家 (新豐路)

Open Now

Now Closed

假日早上去飲茶, 冇乜所謂咁行咗入去。珍珠雞 - 好咸又生米炸腸 - 正常但太細舊蝦醬粉絲魷魚 - 成世人都未食過淋過毛巾既魷魚，勁咸，份量少（好彩）鮮蝦菜苗餃 - 個皮太軟太爛茶正常最唔掂係服務，好嘈，唔係d食客，而係d樓面員工。個個好似係農村咁互相隔著幾米大喊溝通，好難頂。又推著收污糟碟架車周圍去收碟，收碟時「評玲彭爛」聲不斷，總之全程都好嘈，食得好後悔，唔會再去。我連相都冇影過，因為當時冇心之後要寫食評，但愈諗愈覺得要寫出來。

身為上水人，一定嚟過呢間酒樓，今日同屋企人慶祝生日嚟咗呢間食晚市套餐，加埋一都唔洗$1100，份量多，款式夠，真係好抵！呢度係用熱水煲過碗碟，感覺都好乾淨，加上平日，唔算多人。我地一行八人叫左個半席套餐，仲要係食唔晒，不得不提呢度既乳豬好出色，上菜都好特別，係有好多熱石係底！半隻豬份量剛剛好，每人兩件左右，脆卜卜，好食！而其他菜都好大碟，臨走時都食剩唔少，大家都話呢餐好抵，套餐又多餸，有菜有肉有海鮮又有湯，款式好足！

Weekend通常都會飲早茶，今次試下呢間。兩個人食左8樣野，但我竟然唔記得影相俾大家睇8樣野包括咸魚肉餅飯、菜苗餃、韓式蒸餃、蔬菜卷、牛肉球、鯪魚球、腊味糯米飯同焦糖燉蛋。咸魚肉餅飯同牛肉球都正常。菜苗餃、韓式蒸餃同鯪魚球味道可以，但餃既兩款既皮都唔好，菜苗餃既皮太林，蒸餃皮就太硬。而鯪魚球肉又太林，口感麻麻。我叫蔬菜卷，係因為想知係咩，原來係用娃娃菜包住冬菇、紅蘿蔔、粟米仔同翠玉瓜，想食蔬菜既朋友可以試下。腊味糯米飯太油。最後焦糖燉蛋，如果可以滑d就好嚕。

又到晩飯畤間，原本係唸住叫餸食飯，無唸過呢個天氣甘快有羊腩煲食，點知坐低望到餐牌有羊腩煲，甘就即刻試吓，仲有晚餐優惠5選1，👍👍👏👏👏👏👏羊腩煲——-附送一碟生菜🥬⋯⋯😊😊😊南乳炆羊腩，味道不咸，適中份量，材料和配料也不小，入面有多件羊肉丶配料有枝竹、馬蹄、冬菇🍄、蓮藕、西芹、𦍑蔥........等等。估唔到係整得甘好味，羊腩炆得夠火候，剛剛好有小小口感又不會過腍，肉質嫩，配料恰當，羊腩亦不會有一種難吃的（稣味）…好食好味道😋😋😋蔥油🐔雞——-夠嫩滑、味道😋食完之後，唸住叫D甜品食，有一個長髮女侍應話有紅豆沙送給我們吃，😝😝😝😝服務參差，有某一個態度差D，其他大部份都合格，不過不失。食物價錢就真係好抵食，食到飽飽都係二百幾元埋單————-抵食👍✌️

滿心歡喜，約同兄弟，帶同母親去食飯。甫坐下，已有不同員工推介套餐，見適逢母親節，經商議，決定採納建議。每度菜嘅份量都合適，味道只可算不過不失，但每度菜都只有微温，明顯非即叫即炒才上枱。其中兩度菜，我從未食過如此差勁的。第一度菜，乳豬全體。一看已有問題，乳豬全體，竟無豬手及豬腳，那也算。豈知一夾上手，除一層皮外，就是肥肉，跟住才一層薄薄嘅肉。豈料，一咬，凍嘅，且口感怪怪，那種口感，好陌生，唔知點形容。適值有一部長上另一度菜，向佢反影，佢毫不理會，只自顧自地做自己嘅嘢，還夾啲乳豬分給我們。第二，就係翅，因套餐關係，無得換，所以照食。入口淡而無味，幾乎全部人都食咗少少就放棄。侍應好熱心，提我哋仲有，要否添食，仲話食得唔好嘥。我哋都唔知好嬲定好笑，話擺低就得，我哋自己會攪，仲話請佢食。今晚嘅晚飯，可謂乘興而去，敗興而返，對佢哋嘅食物質素，徹底失望。

清明時節飲個茶今日清明節 一家人拜山之前去飲茶仲以為公眾假期要等位點知我哋成20個人 兩張枱都唔使等仲坐得幾闊落添咁多人飲茶 最好就係可以咩都叫啲點心好快就黎到 叫到成枱都係點心基本都新鮮 唔會話反蒸特別有印象係個奶黃流沙包出面好多酒樓的流沙包都係厚皮 少流沙呢度竟然相反 一咬開個包啲奶黃幾乎已經流出黎 一定要新鮮襯熱食 另外酒糟豬腳仔 同炸雲吞都係推介之選豬腳仔好入味 彈牙 唔會覺得肥膩乾炒牛河都好大碟 足料 但就稍嫌油左啲

之前食過飲茶麻麻地、事間半年以上再試下，估唔到好食左，仲值得再去，星期六中午時段都唔多人等，上面果間就超多人等位。腸粉唔錯，但不少酒樓已轉為長碟，切好6件，變相份量少左！流沙煎堆仔，剛剛做好熱辣辣，一咬便流心，整得超好、好好食！紅棗糕，紅棗味濃而不會過甜，煙煙韌韌，正呀！平時蒸排骨，骨多過肉、墊底既芋頭多過排骨，呢度既蒸排骨大大舊，啖啖肉，醃得好食、個個都讚好！燒賣唔係一般交來的點心，似自己做，夠大粒，味道唔錯！

近日阿拉斯加蟹價格回落，係時候去食番餐喇。訂咗枱7點，去到差不多滿座。去到先揀蟹，因為會好快沽清。揀咗隻接近6斤重，差不多全場最大。每斤$188，千多元算好便宜了。另外再叫一個6人套餐，全包宴只是$988。套餐有熱石乳豬半隻：皮有點硬，都脆，有肉唔太多脂肪。龍蝦烏冬：有兩隻波士頓龍蝦，用上湯焗，蝦算鮮味彈牙，烏冬吸收了上湯同龍蝦汁，大家都搶住要。炒翠玉瓜帶子蘭花蚝，好有鑊氣，材料滿足。千絲花枝球，千絲炸得酥脆，花枝鮮味有彈性。其他餸都十分出色，炸子雞，味道剛好，不用點醬汁，雞皮炸得酥化。感覺厨師拿手炸物。主角出場：清蒸阿拉斯加蟹，侍應會幫忙解體，實在貼心。蟹膏非常多，肉質結實飽滿，非常鮮甜，剛好每人一隻蟹腳，啖啖肉非常滿足。最後還有鴛鴦水晶包做甜品，真係要捧住個肚走呀。🤣

一家人起上水食晚飯，想食長長腳蟹，海港或金都都掋食，都是$188/斤，今次選擇後者，7:00去到差不多8成坐滿，好彩一早book左枱及留左蟹。六個人，最掋食一定是半席宴，乜都有：有龍蝦，乳豬，燒鷄，炒飯，蒸魚，菜、翠肉瓜炒帶子，加埋隻5斤半蟹一定夠食，乳豬用熱石＂興＂住，放了一陣依然熱，但豬肥左少少，不過都叫皮脆肉嫩，上湯龍蝦烏冬底，份量足，但比較求其，冇乜龍蝦尾，但有6-7隻蝦鉗，烏冬吸了上湯汁，好好味，燒鷄就炸得過火了，乾左DD，翠肉瓜炒帶子，味好，瓜脆，千絲花枝球，香脆好味，但侍應忘了比醬，要自己去取，魚肚蟲草花浸菜，一般貨色，無乜特別。炒飯夠乾身，夠香。蒸魚，好出色，豉油調味做得好好，好食!主角長腳蟹，5斤半！清蒸，鮮！甜！夠肉。膏香，侍應會幫手開蟹，好熟手。

今日同屋企人黎飲茶，周圍都甘多人，見呢度少人等位就過左黎。叫左成枱野食，但無一樣係好食，唯一碟菜，無油無鹽，但已經叫做最正常。🤦🏻‍♀️鮮蝦菜苗餃內餡係正常，但用粉果皮黎做，夾都夾唔起，痴笠笠🥢🙅🏻‍♀️。仲有數之不盡，例如皮蛋瘦肉粥好似溝左水甘😐，鴨扎裡面既芋頭係硬😐，小籠包無湯汁😐，虎椒裡面既凌魚肉，咬開中間係半熟😓，碟滷水掌翼咸到飛天🙄，鮑汁雞腳無鮑汁味之余，仲好難食😓，多春魚唔新鮮食落有苦味🤢，凌魚球無味，就連我以為最正常既芝士年糕，竟然加左炸粉去炸，食落奇怪，試埋個一口芝士同榴蓮炸彈，屋企人都食到想放棄😒。仲有芋頭榚、薄餅撐、包我無食到。沙嗲蝦炒米粉，全家都話係食過最難食既炒米！呢條野$75，無沙嗲味都算，蝦係霉，重點d米粉痴到一舊，夾左勁耐先夾得散，之後又痴返埋一舊，叫人點食。🤮我地一行六人，埋單接近六百，又無服務可言，仲要用不友善既語氣，叫我媽「喂！收返入支拐杖喇，一陣整鬼死人啊！」真真正正比錢買難受，平時好少寫差評，但今次真係好過份，一粒星都比多佢，絕無下次，希望老闆睇到呢篇野，改善一下。😠

是次於上水金都茶市，食物質素不甚特出，但由等位到埋單卻盡顯管理問題：1. 等位叫到我number時已立即比飛支客，但該支客比左枱下一個number既客人，同佢表示不滿但該支容竟然歸咎電腦”Jam左”冇辦法叫我再等下。小弟學會一個十分專業的推卸責任方法。2. 點心只由两三架笨重的車仔推出黎於狹窄既通道”派”比客人，待應去到每張枱慢慢研究邊籠點心係邊個客人。這裏的員工大概明白自己公司出品不甚特出，讓客人多等一會，再肚餓一點自然會覺得食物加倍美味。3. 結帳需客人往收銀處。十多人在收銀處迫埋一齊而沒有清晰的隊伍，而收銀處員工亦愛理不理。排到我時候收銀員表示排錯方向，叫我們往左手邊再排。去到左手邊，另一員工又表示此方向不對，是需要往另一邊排隊。最後需加重語氣才有人理會。混亂情況令我懷疑其實有人食霸王餐員工都不會理。樓面員工管理已經如此不濟，我對看不見的廚房實在不敢抱太大其望。始終係比錢食落肚，小弟會去一些至少唔會比客人見到管理咁有問題既食肆。

今晚去金都諗住試新野同朋友去到 2人俾左張4人桌 都ok~一坐低招呼可以 但係完全冇介紹過火鍋紙上既野 都算 一開始寫紙 不是吧！肥牛竟然冇得任食？唔好玩啦！其他茶樓任食都唔會冇囉！你要食牛 一定要每人加58蚊。搶錢嗎?之後問樓面先話有個海鮮併盤 跟一人一份牛肉 超細碟都算 叫左d蔬菜 2轉都唔黎 不停問樓面 佢地只會話有呀有呀 人地第2張桌遲黎 遲點 都有菜食 我地就冇 d樓面態度又差 以任食價錢黎講 又唔係平 真係唔會再幫襯 垃圾食店俾錢買難受

9點幾搭枱早茶三人搭坐咗這家上水金都酒樓六人枱對面家人食飽離開後 我們食咗一半 成幾碟嘢都未食 這位內哋操響亮高音聲浪穿灰外套主管比另外六個自己友員工家人坐下來, 一定唔駛攞籌等位。我見這情形問要另安排其他位給我們 她說: “食你哋㗎啦”…“唔好理佢哋” “她說有權坐12人都得” 哪些叫金都主管 有大黨權威口吻, 其他侍應都無能為力說只有等佢話事…咁就上水金都酒樓早茶經營質素太腐敗 早知上多一層上面間酒樓可能唔會有厘D文化

今日放假，難得約咗2個好耐無見的朋友飲早茶傾下坐下。早早入到去上水。一個朋友住上水，佢話這間酒樓質素唔差，所以就由地鐵站行過來。客人好多，平日都咁多人真厲害，我仲品質唔錯。取票了，（早上不搭枱），等咗10分鐘左右就有枱，都可以。我們叫了1個孖寶（鳳爪排骨飯+眉豆排骨粥）、咸魚肉餅飯、粉果、生菜鯪魚球、奶黃流沙包、煎腸粉好豐富！但每樣食物都要等，等咗差不多15分鐘，但好彩食物好熱，我喜歡粉果，好多料，而且個皮好軟又薄；流沙奶黃包好香好滑，流沙做得好好，好有蛋黃味！😋但這裡服務生態度真係好差，有位話入去時個侍應問我地飲乜茶，未決定到，就好惡咁話：問你地飲乜茶呀？😓😓之後入都去坐好，每一個侍應我們接觸的都好惡，態度好差，好奇怪！😱😱😱

飲茶最怕搭檯,但有時一檯難等,搭檯除左傾計無咁方便～有時遇到無禮貌既人更怕怕,對住你咳,吐食物真系有點唔開胃,從此以後,我都早d到拎位,令大家都坐得舒服d開心d~裝修後不久既金都第一次來,午市12:30到等4張檯好快丫～呢度環境拍得住某大集團酒樓,感覺舒適乾淨,除左柔和燈光外,仲有窗外既自然光透入香煎蘿蔔糕(小)$13.8,蘿蔔多粉少,足料外香脆內軟熟,又夠熱,唔系煎完放左好耐既咸水角(中)$15.8,比一般的大舊少少,外層唔多油,餡料味道調得幾好~好味紅燒脆皮乳鴿$20,燒得皮脆肉嫩,連骨也脆口的～仍保持肉汁,抵食!山竹牛肉球(中)$15.8,味道唔錯,但有類似碎骨的硬粒粒鮮蝦菜苗餃$14.8,好大舊餃~晶瑩剔透既皮做得好好煙煙韌韌,菜苗新鮮鮮蝦大粒！