金雋江南菜館 (Closed)

一日到訪青衣探朋友，晚上共享晚膳，心血來潮想吃江南菜，友人沒異議。友人說這連鎖食肆以街坊價見稱，但水準不一，看師傅手神。我沒所謂，反正想吃是家常的江南菜。松子黃魚才百元頭，好抵，汁醬酸甜得宜，番茄醬和醋的微妙作用，吊出炸香黃的鮮，黃魚尚算新鮮，肉質不散帶實，加上開胃汁醬，雜菜和香口松子，這頓菜，很好吃。小籠包是江南菜最難拿揑的，此店差在皮不夠薄，灌湯效果稍遜，吃時爆汁的肉湯不夠鮮，小籠包很差吧。花鵰醉雞，酒香濃，雞皮爽，肉嫩有藥材香，冷盤很合夏天吃。炸排骨菜飯，排骨入味香脆，但很乾，菜飯不算好吃，絲苗米質差，沒飯香，菜式好壞參半，師傅仍須努力吧，再者服務有點差，沒人主動給茶，要自取。

今日去長發買野就順手食過快飯。可能時間尚早，無人帶位，自己入去可以隨便坐，收銀姐姐好好，有提醒我地坐嗰個位會比較大風，唔想咁大風可以轉較入位置，好細心。可能真係太早，侍應唔多，舉手舉左一陣都無人理，最後又係收銀姐姐幫手落單，勤力抵讚。落單時發現餐牌個餐廳名唔同左，連餐飲都變左少少可以揀咖啡奶茶。我叫左酸辣麵凍檸茶，朋友叫左粗炒同熱檸水，再加左個鍋貼。酸辣麵食落去超辣，平食食得下辣野嘅我都覺得好辣，而麵份量超多，多到最後食唔晒，而有樣野係抵讚嘅係佢有剪開啲麵，方便啲夾黎食。凍檸茶叫左少甜少冰，兩樣都有做到，而宜仲有3片都幾厚嘅檸檬，唔錯。上海粗炒，雖然賣相麻麻地，但食落有驚喜，炒得都算乾身唔會油淋淋，而且幾惹味，但美中不足麵硬左少少，如果可以軟少少就好啦。鍋貼因為太飽，無食到(仲唔記得影相)，但朋加話皮簿餡靚，肉餡大大舊，而且仲煎得好香脆，我坐喺佢對面都聽到。整體黎講改左名後價錢繼續親民，大件夾抵食，下次黎都要食粗炒同鍋貼!

附近上班的我，金雋亦是常光顧的店鋪之一！近日發現，店名更改了，惟餐牌上的食物轉變不多！反而增加了水吧的餐飲，如咖啡奶茶供應！平日好辣的我！口水雞是經常點的食物！坦白說，不是很出色！但味道可過一過好辣的口癮！口水雞的凍吃的！辣度適中！惟雞件較瘦多骨！至於是日點的是白飯！但其實是可加錢轉菜飯的！惟上星期點的菜飯並不夠菜，亦沒油香！所以今天還是吃白飯好了！白飯，坦白說亦不太出色！只是普通的白飯，有點過軟，水好像加多了！總括而言，這也是不過不失的水平！簡單吃一頓飯是可以的！題外話，品嚐了同事的糖醋骨！很美味的！酸甜惹味！骨亦香口！送飯是一流的！惟整頓飯也只吃糖醋骨也會有點重口味！建議我與同伴分享！還有，同事的上海粗炒！味道可接受！惟麵太硬！如果要我吃整碟！相信會很「銀胃」！還有還有！上一頓飯點了酸辣湯！是失望的！很稀、沒什麼材料！酸辣味不足！味道配得一般！可以不點！

同朋友們睇戲前，先係附近醫肚，搵左間平價上海菜，雖然服務一般，但價錢合宜，食物味道不錯。雞絲粉皮細細碟，但食落份量頗多，粉皮又薄又滑，拌勻麻醬同雞絲，又香又有肉感，有幾個口感，味道仲幾好，食完清爽不膩，岩哂夏天食既前菜。小籠包即點即蒸，上枱熱辣辣，湯汁夠多，而且好香帶肉味，皮薄餡靚做得幾好。再來係蒜泥白肉，估唔到個樣轉左少少，但起初以為雞絲粉皮又來。下層放左薄切白肉，豬味突出，爽滑有彈性，拌辣醬汁，幾刺激下，辣味久久不散，反而蒜味太少。加了青瓜絲更為清新，減少辣味。擔擔麵肉碎同花生都滿多，微微辣味帶花生香，麵仍有咬口微彈，若花生味更多的話就好。上海炒年糕夠鑊氣，十分香口惹味，份量多好飽肚。年糕煙韌吸到醬油味，夾埋肉絲食更香。顏色、香味、味道都到位，做得幾好。

之前一直去開良景分店，結業後改去山景，食過置樂，今日過埋黎青衣食，不嬲員工都態度唔好，可能山景會正常少少，良景都係差，首先，個名變咗品居，我地驚去錯，行咗2個圈先入黎，套餐唔同晒，馳名豬扒麵冇得拼鍋貼，拼蘿蔔糕，黎到暖暖地，有陣微酸味，豬扒麵，麵味道幾好，豬扒都keep到，不過，覺得佢縮咗水。再黎係鍋貼，味道係好嘅，不過size得返三份二，而豆漿都可以，都係果句，縮水。你將佢個正常size打7折就係青衣分店嘅出品。我見我地個麵就黎食晒，問吓個員工，仲差鍋貼未到，佢就唔太客氣咁話，煎完會攞出黎，我都知啦，唔通未煎完就攞比我咩…有d吹脹。之前又見同一個員工去隔離枱吹水，面口唔同晒，可能人地係附近超市員工啦，熟客掛。

又係我同朋友搵新地方食野。今次去到長發商場。有三層。由上至下行左2次。鎖定三間食店。選擇左江南菜館。睇見餐牌A+B+C套餐都係62蚊係吸引。室內裝修係靚。食物平。但味道中等以下評價。沒有特色。可以再改善。

黎食個下午茶，冇人帶位就算，自己搵位坐低起，不停聽啲客話入錯單！同一張枱唔止錯一次！之後，啲亞姐完全冇心做野既，問有冇生煎窩貼又話冇，問有啲咩，夠膽死答：「你要食咩，我答你有冇！我地好多野都無」態度極為惡劣！痴線，係咪餐廳黎？跟住叫左個麵，黎到又係錯！痴線！！諗住嘆個下午茶，點知食到一肚氣！隔離枱等左半個鐘都未有得食，跟住取消單走左！我相信呢間野真係等啲未黎過既人撞入黎！真心講，唔該快啲執左佢！唔好阻住啲鋪位！

不知所謂的待應及收銀員, 態度極差, 大聲呼叫客人, 外賣的湯漏了一半出來, 只要求換袋, 還說是裝得太滿, 真是吹水, 簡直是趕客, 就算好食都不會再光顧, 同荃灣那間分店簡直是相差太遠了...

一行4人見晚上6點幾仲未等位就入左呢間餐廳。落完單見賬單上價錢有問題向侍應查詢，換來一句：「收銀話要收」，而且極無禮貌，感覺是在問你係咪比唔起錢咁。如果你同佢理論，果班鄉音阿姐會大聲過你話返你轉頭。要收錢咪要收錢，問下啫，唔洗咁既。阿姐掛住鬧交當然漏哂單啦。而且搭枱很嚴重，見隔離D 4人枱坐左3人分分鐘會搭多1人落黎，想傾下計係絕對無可能，除非你想個陌生人聽哂你講野。呢間野絕對貼錢買難受，blacklist !

_喱間上海舖已嚟過食好多次，包括下午茶及晚餐。晚餐d小菜、湯及飽點整體印象唔錯。今次集中講吓d下午茶睇過餐牌就知d下午茶幾多配搭，配搭亦曾有改動。最近我最鍾意擔擔麵配熱豆漿，另加兩隻生煎鍋貼。擔擔麵水準有d飃忽，開張初期幾好，後來又差左，最近又恢復水準，會否是廚師更替就不得而知。就以最近一次評述一吓。賣相: 好，麵面铺上肉碎及葱。用料: 我like。有花生醬而且味道幾香，麵底有花生碎，汁不稀不濃，恰到好處。辣度適中，麵亦爽口彈牙，但肉碎有d太靱。熱豆浆熱度夠，濃度及甜度都適中另加的鍋貼味道亦唔錯，但鍋貼反轉，醋碟放在鍋貼面，賣相及衛生度扣少少分。三樣加埋，祇係36蚊，算幾抵食。該店全日唔收加一，自己到收銀處俾錢，連贴士都慳番。服務就有改善空間，侍應要多一眼關七，留意d客有冇叫你地，另外落單要小心d，唔好落錯。

之前係度食過一次lunch覺得好好味， 今日突登搭車入長發回味一下。 雖然係菜館， 好坐又好味， 但係呢度無加一㗎！ 中午仲連茶錢都唔駛俾， 仲有lunch set添， 好抵食呀！lunch set非常多元化， 包你有款岩， 仲可以加小食同碗仔翅添！我地每人加左份雞絲粉皮， 粉皮細細碟， 只夠過下口癮， 青瓜絲清甜爽口， 粉皮好滑， 雞絲都幾多， 醬汁香口帶少少醋味， 但我地鐘意濃濃花生醬味無醋既口味多點。無錫排骨麵都唔錯， 排骨夠淋又入味， 麵底份量非常多， 麵質彈牙唔會太淋， 湯底就普普通通啦， 唔會令人想飲左啲湯， 哈哈。獅子頭飯好大碟， 獅子頭同菜既份量相當多。肉質幾好， 個汁都唔錯， 值得再食。食完已經好飽， 但仲有杯豆漿同碗仔翅， 豆漿唔夠濃不過不失， 至於碗仔翅非常足料， 冬菇雲耳粉絲都好多， 唔錯唔錯！兩個人食到咁飽先$120, 抵！

行完8個鐘頭山，番樓下食上海野。到達餐廳門口，好多人堆曬係門口，但店內明明有空位，等左幾分鐘，終於有店員出來帶位，原來門口的人都唔係等位既，唔食野但堆曬係人地門口真神奇😮😮入到去坐低彩餐牌，餐單同其他上海野食餐廳大同小異， 但價錢就比較平。點左小籠包、蒜蓉青瓜、擔擔面同回鍋肉炒年糕。首先來了小籠包（$28），忘記左影相，皮好厚好痴筷子，夾起唔易爛，但餡料一般，算多湯汁既。整體好一般，似超市雪藏既小籠包。之後，回鍋肉炒年糕（$60），肉超鞋超硬，味道辣辣咸咸甜甜，但年糕唔多掛汁，食落無乜味，唔推薦。接著是擔擔面（$30），有花生香但唔濃，湯好稀，面唔會爛撻撻，但亦無乜咬口。最後青瓜（$28），晚市無得+$15追加。只是青瓜撈埋蒜泥，無乜好唔好食，青瓜算新鮮，夠甜同爽，幾好。

1. 晚市一人客飯套餐明明加$15追加烤麩，點解收$33？2. 回鍋肉明明$60，點解收$62？3. 小籠包明明$28，點解收$29？4. 酸辣湯明明$24，點解收$25？5. 門外宣傳牌明明寫晚市一人客飯套餐連酸辣湯，點解分開收$25？希望管理層回覆以上問題，準備跟據商品說明條例跟進，因差價足足相差$43。

係青衣返工，最鐘意同同事黎呢間食上海野叫餸share食四個人叫左四個餸，其實我地黎黎去去都係叫個幾味，所以一坐低已經唔洗諗。佢除左跟白飯仲可以加幾蚊轉菜飯嫁，仲送野飲，好抵食！回鍋肉：因為有少少菜，每次都會叫。其實幾好食，豬肉會有少少肥，同埋有少少豆腐乾做配菜。黑醋排骨：勁入味既排骨，好送飯。我地個個都好鐘意食，酸酸地甘。口水雞：個人之愛之選，夠入味同雞肉好滑。我係試過兩次太想食，食完午餐買埋半隻雞拎返屋企晚餐加料。哈哈紅燒豆腐：第一次嘗試，炸過既豆腐入面好滑，外皮好有口感。但得幾舊豆腐收50蚊又唔太抵。總結，除左上面果d推薦，佢仲有涼瓜牛肉都好好味嫁，絕得值得一試既平價午餐。

上次響青衣城既上海菜麻麻地。今次響長發呢間試下。見到個「易拉板」既生煎包幾靚就試下。今日端午節都有餐食。叫左一個上海炒年糕，擔擔面。餐飲叫左酸辣湯。明顯好味好多。炒年糕好大碟。擔擔面既花生味好濃。個套餐仲可以加錢加小食同點心。咁我地就加左錢要煎餃（好快黎到，好明顯係預先煎左既）炆油荀（好嫩）雞絲粉皮。外加生煎包。等左幾耐！諗住係生煎既都無乜所謂。點知黎到見唔到煎燶既底，個包又濕晒水咁樣。結果個皮就無食晒喇。埋單百六蚊，三個人，抵過去飲茶。