金頤小館 (Closed)

見到尼間上海野新開，所以試下，佢餐單選擇Ok多，今次食左幾樣野，覺得麻麻地，得個平字！唯一推薦既係佢嘅生煎包，好特別，因為入面好似小籠包咁，有好豐富嘅肉汁，而且包身香，包底脆，值得一試。入面滿滿的湯⋯值得推薦⋯至於小籠包，味道不錯，皮很薄，但反而湯汁吾多，普普通通。上海粗炒⋯淡淡地咁⋯幾健康雪菜肉絲年糕百福豆腐切片加啲皮蛋碎 ⋯如果想平平地gathering OK嘅

同事推介呢間新開嘅餐廳，所以特登帶埋男朋友一齊嚟食，真係好好食！下晝兩點嚟到，唔需要等位，侍應姨姨好有禮貌咁帶我地去卡位坐！佢12點半到2點半有套餐揀，揀一個主食加一個小菜就送一杯野飲～我哋揀咗厚切上海排骨菜飯、獅子頭菜飯，燻魚同埋同事叫我一定要食嘅生煎包！佢嘅上海排骨同出面有啲唔同，係煎香左嘅厚豬扒咁，食落有啲似豬頸肉咁～燻魚味道剛剛好，又唔會太乾或太硬～雖然話小食，但都有好幾舊！生煎包真係好好味，入面仲有湯汁！一定要試試！美中不足係同獅子頭無緣，等左差不多40分鐘都末黎⋯⋯我趕住回公司食唔到⋯⋯男朋友影左見到賣相幾靚，佢話幾好食～服務員禮貌好好，咁多野食，食到好飽都只係$111！下次會再encore!題外話，仲見到Oscar落鋪!!!

約了住北角的朋友晚飯，知道是上海生煎王的新店便試一下。8點幾，商場很靜，很多小店已經關門，畢竟是住宅區吧。餐廳在地庫盡頭，客人不多。三個人點了以下食物：總結：北角區內，價錢ok（3人約$250），服務也可以的。不過住在區外的話就不會特地過去食。

先說招牌生煎包，餡有汁，但包底煎得太焦，太硬。小籠包多汁，夠分量，可以一試。其它所謂上海炒菜，用料差，味道不敢恭維。比如排骨菜飯，排骨唔新鮮，一股雪藏味。上海粗炒，太鹹，完全食唔到。另外，菜的分量很少。价錢唔算貴，但食物質素吸引唔到下次的光臨。

假日夜晚接近8點先黎食晚飯，之前無BOOK 枱都唔洗等位，而餐牌上既都幾基本既上海菜，價錢都唔算太貴，只係我地2個人食唔到太多野, 所以只叫左4樣野，而且只係轉頭去個廁所就已經差唔多上晒菜，超快手~~第一樣就係担担麵，麵黎到有少少麻油香，湯底有好輕微既少少辣，其實唔係真係辣但係有個種香味，而且花生同肉碎剛剛好，花生碎唔會太大粒，不過麵底有少少淋身，但唔影響。而個湯底係好食到想飲晒佢。之後第二樣黎既就係排骨菜飯，飯比想像中細碗，剛剛好一人份量，而菜飯入面比出面更多菜蓉同埋無咁油咁重味，排骨好入味，而且好鬆軟無骨，非常好食。呢到聽聞最出名就係小籠包同生煎包，所以一定會叫呢兩樣野試下，我叫既呢款小籠包係最基本既，一籠有4隻，每隻入面都好足肉餡，而且唔肥。包入面好多肉汁，唔似人地個D加高湯啫喱，D肉汁係多到連匙羹都裝唔住~最後就係生煎包，可能即叫即整，食到一半先黎生煎包，不過煎得非常好食，入面既肉餡好似肉餅咁既質地，肉汁多到差唔多有半碗，同小籠包一樣肉汁係鮮味既，而且個包煎到脆卜卜，又夠大個，不過就要小心唔好太心急食，如果唔係就會俾佢多到喊既肉汁燙到嘴~呢到食左4樣野共136蚊，2個人，價錢都

上海生煎包生煎包OSCAR在北角開的上海小菜館 當然要試試招牌的生煎包吧 熱辣辣上枱 底部煎的香脆 又不會太油 重點是一咬下 湯！汁！爆！出！是頗澎湃的 果然是不錯 lunch set除了生煎包 還點了個上海排骨菜飯 這個就一般 雖然排骨軟淋不乾柴 但就不是上海排骨的做法 兩樣東西連飲品 $50有找 很不錯!

去襯深水埗，就會去吃上海生煎飽皇，貪佢新鮮生煎飽皮底香脆𥚃面肉湯汁滾熱辣，冬天吃特別滋味，有上海小楊生煎包相近，上海咁遠唔係成日去到，就去深水埗吃。最近知道城市花園商場亦新開了間上海館子，今天復活假期尾，中午就來試下。餐牌是大路上海小館食物，我同相公二人點了籠小籠包、見生煎飽有2只或4只，就點了2只，磯燒鮑魚青瓜寫明2只都是$48，一於試下及加一件厚切上海排骨。生煎送來，生鮮熱辣，一小口咬落去湯汁射出來，爭點射中相公，好似個包留有湯汁，一嚐有濃濃肉汁香味，包底煎得香脆，而包皮不太厚，非常好味道。跟著吃小籠包，亦是皮薄料靚，記得飲哂d湯汁，磯燒鮑魚亦彈牙抵吃。但碟厚切上海排骨就相對不合格，像快餐店煎無豬排，味道普通，同銅鑼灣美味廚的排骨爭幾條街，人家的排骨有用薑汁醃漬過，炸得外脆內軟又 juicy。最後 encore 多2只生煎飽及一碗担担麵，麵汁濃稠適中有花生香味，花椒麻辣慢慢滲出但不致太辣，連不吃辣的相公亦將湯汁差不多飲盡。整體印象不錯，價錢亦抵吃，2人共吃 $180。