金頤小館 (Closed)

A solid contender. The in-house Bao chef makes fresh Shanghai pies, Xiaolong baos that are crispy, puffy and succulent. Other dishes provide variety but the excellent value, clean decor and baos will keep me coming back for moreWord count

哥哥生日，而一家人中只有我不時要加班，所以家人也遷就我，到近我工作地點的北角用餐。那天我真的要加班，一來到家人已經叫到一桌都是食物。爸爸總是喜歡叫勁多肉，五個人又吃雞又叫鴨。砂窩雲吞雞 $118，好多雲吞，雞湯鮮甜美味。樟茶鴨一隻配鴨仔餅六片，$188。包是軟熟的，但鴨沒有茶煙燻過的香，太乾身，若有醬會更好。灌湯小籠包四只，$35，一貫的多汁而且肉餡鮮美。生煎包四件$35+兩件$18。皮略厚，但勝在煎得外脆內軟。迷你籠仔蒸蟹粉飯，$78。吃下去第一口：「嘩，又腥又臭嘅」我不太懂欣賞這堆飯，哥哥也一面難堪地吃清光。上海排骨菜飯，$48。入味排骨，不過不失。

今晚妹夫帶我地嚟試，真係不講不知她的存在，原來在地庫……今晚5個大人加bb點了八樣嘢：兩籠小籠飽~juicy皮薄，吾錯生煎飽~多汁，好味排骨菜飯~排骨香嫩夠腍，好好食嫩雞煨麵~湯底清清但不錯醉雞~酒香雞肉嫩滑上海粗炒~味道ok但鹹咗啲雞絲冷麵~麻醬好香，好好味這裡的環境不錯，地方乾淨，食物道味幾好，碟頭不算大碟，價錢合理，下次要趁熱食試多次，原因今日好多都攤凍晒先食下次想試下醉豬手、鍋貼、糖醋小排骨及排骨麵

不想走太遠路，選了家附近的金頤小館。這家看起來是剛新裝修過，看起來十分乾淨，可能是因為八號風球，人也不太多。兩人點了一份宮保雞丁菜飯，一份上海生煎包，一份水晶肴肉和一份擔擔麵。可能因為人不多，上菜速度非常快，不到五分鐘，除了生煎包，已經全部上桌。宮保雞丁、擔擔麵說是有些辣，但其實基本沒辣味，味道也中規中矩，一般般。值得稱讚水晶肴肉和小生煎包味道十分道地，很像家鄉那邊風味。生煎包內湯汁濃厚，滿口留香。價格上來看，不貴，性價比價高，下次可以再來。

聽講北角有價錢實惠又好味既上海菜，特登過黎試下。花雕醉雞 $52居然係一細碗，都有8、9件既，味道正常。清炒河蝦 $108第一次食細細粒既蝦仁，無乜調味，有淡淡既鮮味，無雪味，幾爽口。小籠包 $35皮比較厚，肉同湯都唔算多，味道ok。上海炒年糕 $58好鍾意食年糕，份量幾多，味道甘香啱啱好，好滿意。生煎包 $18 (2個)好多肉汁好熱！要食得好小心，肉餡都唔錯，覺得抵食過小籠包。豆漿 $10唔係太甜又有豆味，唔頹。整體黎講味道中上而價錢實惠，會再黎，特別係職員對我地隻導盲犬好友善。

今日去炮台山搵朋友，之後係城市花園附近搵到間上海餐廳，見呢排想食上海菜就入去試下。不過有Ｄ難搵，行左個圈都唔見間餐廳，原來係地庫，有少少偏僻。環境都好大，可能當日係閒日，人流唔多，食得幾舒服，可以慢慢食。我地叫左個２人套餐。金牌生煎包－個包好多汁！仲好熱辣辣多到瀉曬出黎，個皮唔係太厚，仲有少少脆。好食值得推介由於我地太餓，叫多個原味小籠包。呢個充滿驚喜，外表平平無其，夾上黎竟然冇爆皮，但食落個皮唔厚，多肉，仲好多湯，肉都唔硬。好食又一推介－－－－－－－－－－－－－－－－－－－－－－－－－－－－－－到前菜，我地叫左 "四喜烤麩"糖醋小排骨"四喜烤麩 - 味道唔太甜，好入味，都幾開胃。不錯糖醋小排骨－味道都幾好，個汁撈埋飯應該幾好食。但Ｄ排骨就好硬，以為食左舊骨。酸辣湯－個人鍾意辣Ｄ，呢個就偏酸多Ｄ，但對於鍾意唔太辣既人應該幾岩口味。到主菜，糖醋魚塊。菠蘿質感唔似罐頭，幾好食。魚塊就稍為多粉左少少，有少少硬，但可以接受。賽螃蟹。蟹味馬馬，蛋炒得熟左少少，變左一粒粒咁，味道偏淡，同平時食既賽螃蟹有Ｄ唔同。唐生菜，幾爽口，份量都多。菜飯。粒粒分明，幾有口感，但菜味不夠濃，還可以。最後，我地見新

到左十一月～又係食大閘蟹的季節～友人見到呢到大閘蟹做緊特價就決定黎呢到試一下喇～早左兩日訂左檯～都要等１０分鐘～重點係入面係有位的～＝　＝本身留左４隻大閘蟹的～但店員話得番２隻，都好照殺！其實膏都唔算好多～但過下口隱～都可以～迷李籠仔蟹粉蒸飯呢個好好食～蟹粉撈飯，食到蟹既香～好食好食～佢一個唔係好大，一人一個都可以～金沙河蝦即係咸蛋黃炒蝦，平時食既黃金蝦要咬走Ｄ殼，咁同時又又食左咸蛋黃變左食果陣隻蝦已經無哂咸蛋黃係面～但呢個就唔會喇～因為佢已經無殼～佢好多咸蛋黃，炒得好香，一次食幾隻，真係不得了，要黎送飯，一流！厚切上海排骨菜飯食到排骨有少少甜甜地～而且唔會好乾，但食多幾塊覺得佢有少少似叉燒　lol蟹粉小籠包可能食左個蟹粉蒸飯的關係覺得呢個就唔太特別，普普通通喇～

又尼到星期六，同屈小姐拍拖既日子啦！😍😍食完賴生既愛心Lunch就出去行山，仲收到屈小姐遲來的禮物！多謝屈小姐，賴生真係好鍾意😘😘行完山之後，我地搭地鐵去北角開餐啦！可以有個女朋友陪你周圍去玩，真係好幸福嫁❤️！今次我地目的地係金頤小館，食佢新推出期間限定有6隻顏色既下海小籠包！有饅魚，蝦，蟹，墨魚，瀨尿蝦同原味！入左去坐低之後，其實waiter唔係幾夠既，所以好多時佢地都好忙！不過都唔難搵到人既因為屈小姐其實係一個包包迷，所以我地今次叫左：1）原味小籠包 （3.5星）- 一籠有4隻！都偏大隻既- 皮都好算中等唔太厚！餡好多，湯汁勁多！- 可惜既係⋯佢個湯汁同肉餡唔夠鮮味，個味唔太出，要靠個醋帶起個小籠包味2）下海小籠包 （3星）- 一籠有6隻，6隻唔同顏色嫁！- 白色：原味，同上- 黑色：燒汁鰻魚味+墨魚汁皮，其實得好少燒汁既味道，而饅魚係得一粒仔，簡單D講⋯到喉唔到肺- 紅色：胡椒蟹味+紅菜頭汁皮，屈小姐話食唔出有蟹味但食到有一兩絲蟹肉質感- 橙色：冬蔭功蝦+甘筍汁皮，屈小姐既comment係食唔到冬蔭功既味道，但食到蝦肉，都彈牙既- 黃色：咖哩墨魚味，呢個就好食啦！有咖哩香！連同湯

講咗好耐話想食上海生煎皇，但係唔想出旺角。後尾發現北角城市花園有一間，同一個集團，都有生煎包食，只係改咗個名。星期一下晝一點去到，店舖位置好偏僻，喺商場地庫行到最入。本來以為要等位，但係竟然冇乜人，大把位。坐低左睇吓Menu ,有午市套餐， 兩個人叫咗兩個餐，加多個新推出嘅下海小籠包。最先嚟嘅係兩杯熱豆漿，唔太甜，亦唔會太過熱。叫咗個咕嚕魚塊， 跟菜飯。咕嚕魚塊好鹹，好多汁，好油，但係睇得出佢啲魚唔係交嚟嘅。菜飯好林，唔似其他上海餐廳嗰啲， 不過食落都OK。另一個午餐係上海厚切豬扒麵。以為係炸豬扒，點知黎到原來係好似叉燒咁嘅豬扒，食落又唔錯。個麵好正常，冇咩特別。每一個午餐都要跟一款小食，我哋揀咗生煎包同埋煎餃子兩隻。生煎包好多汁，但係食落去冇旺角嗰間咁好味。煎餃子反而有驚喜，都係好多汁，皮有脆又大隻。最後黎嘅係下海小籠包。我第一隻色黑色個隻，食完都係覺得，下次叫返正常味好啲， 可能因為我本身唔鍾意食海鮮。

午巿套餐, 是在餐單的左面點一種飯/麵, 然後再以特價配上右手面的一款小食。在初度開張時, 餐單選擇較少, 所以最常點的是上海厚切排骨菜飯+ 獅子頭菜飯,  其他的不太有興趣, 所以有一段時間沒過來, 今日適逢心血來潮, 發覺套餐款多了選擇, 就點了外婆紅燒肉麵 $46。肉很淋, 雖然肥膏與瘦肉部份各佔半, 但肥膏部份都覺好食, 可惜：1) 麵的份量和一碗 $2X 的魚旦粉麵差不多,  但這碗收 $46。2) 湯偏咸, 這種咸是因為本身湯底做得咸吧,  因為肉雖是卥過, 但應該是有人客點餐時, 才將肉放入麵中, 這麼短的時間, 肉的咸味, 未至於滲於湯底中如果這麼短的時間, 肉的咸味已滲,  我會覺得廚師的功夫差了點兒。另配的小食, 蒜泥白肉, 好好食,  同樣半肥瘦的薄薄一片內, 入口爽

小籠包、生煎包爆湯松子魚肉質香滑、雲吞雞個湯重雞味..正紅燒肉味道剛好，吾會太濃味，不過肉質可以再淋d就更好！菜飯用珍珠米食材同做法都睇得出對食物出品有誠意，值得一試！誠意推介 : 小籠包同生煎包一定要試！

昨晚中秋佳節同家人去食，估唔到節日都唔貴，套餐抵食（$398/4位）有八款小菜，另外有湯及甜品。味道一點也不馬虎，服務員殷勤有禮。有些菜式不在套餐內，可以另加費，例如松子魚。

我這些鄉村居民，出到北角都不知道食什麼好。正在煩惱如何「醫肚」之際，給我看到城市中心有大量OT湧出，看似大家都放完Lunch。好奇之下就行入地庫，發現原來這裡別有洞天，金頤小館就在下電梯附近。餓得不得了，立即就入內進食。鮑魚大蝦撈麵一入到店內，我和朋友發現大部分食客都點了鮑魚大蝦撈麵，看來這是此店的招牌，那我們就二話不說都分別點了兩set鮑魚大蝦撈麵餐。叫得做餐，應該都不只有撈麵吧，當中可以要杯豆漿，不另收費。另外還可以選款小食。撈麵的麵底是上海麵，伴以麻醬作撈汁，麵身軟硬適中，上碟時微温，有點像冷麵。以椰菜絲伴麵，上面放了一個大蝦和一個鮑魚。大蝦都幾大隻，新鮮爽脆，香甜甘味，扯開蝦頭，會有蝦膏流出。鮑魚雖然細細隻，但醃製得好入味，咬開鮑魚中心是咖啡色，想必它已經醃製了一段長時間。建議食時先把麻醬汁和麵撈均衡，令每條麵條都可以沾到醬汁，食落就會更好味。隨餐跟杯豆漿，豆漿絕對無欺場，香濃豆味，溢於口舌。當你吃到一半口渴時，飲一口豆漿，既解渴又解熱。小籠包-跟餐送平時飲茶食籠小籠包都起碼廿幾三十大元，這裡叫個麵就可以有兩隻小籠包送。小籠包皮薄餡靚，一咬開，肉汁「必」出來，肉質鮮甜，湯汁香濃

老老實實，午市係呢度揀一般野，$50內已經有找，而且平均地說質素幾OK，仲想點?!排骨菜飯，要讚的是排骨，肉味、咬口、汁量都甚佳，可俾4星。小籠包，上得慢，記得一早叫。品質方面，味道係對辦，皮唔太薄，我在小店亦不會太執著。豆漿 --- 味道正常囉。裝潢簡單，重點清楚 --- 成本盡量低，食品盡量好食。我覺得態度好正確。

曾經光顧過深水埗店，記憶中生煎包真係無得彈金頣係姊妹店，梗係要試下啦三個字先！小！心！熱！因為真係好多汁湧出黎好燙口多汁呢點就不容置疑啦不過個餡就略嫌唔夠肉味😅肉餡生粉太多啦🙄厚切豬扒菜飯，有啲似叉燒嘅豬扒反而個菜飯唔錯小籠包，不過不失，肉汁豐富，但都係嗰個問題，肉餡唔夠味胡麻醬五彩冷麵凍拉麵，爽口彈牙，如果多花心機放五彩絲及胡麻醬，如用上雲腿，特調胡麻醬等等配料唔好食，浪費左個質地咁好嘅拉麵😳提外話，店員態度親切，人流唔算好多，幾好坐星期六日只有a la cart冇午餐茶餐供應㗎