Video
2-min walk from Exit B, Shek Mun MTR Station
continue reading
Telephone
25620031
Payment Methods
Above information is for reference only. Please check details with the restaurant.
餐牌明明寫著咖喱豬扒飯（大份足料），送到嚟，豬扒嘅大細一隻手掌心都冇。完全係標題黨啊👎👎👎👎👎👎👎豬扒細塊唔緊要，但都唔好話自己大份足料，食完好似冇食咁。同埋叫咗招牌潮州蠔仔湯飯，飯都冇，得個湯😵💫😵💫😵💫唯獨係西多士Ok少少 有啲失望。全單app叫，價錢唔算特別貴，總共$136.5，但豬扒飯咁細就真係唔抵叫🙏🏻🙏🏻🙏🏻🤦🏻♂️🤦🏻♂️🤦🏻♂️
continue reading
因為碩門邨入了伙，石門中午餐的地點，終於有 extension。於是，我找了一天，行遠一點點，來到碩門邨商場尋食。選擇是有的，但真的是不多。原因可能是京瑞廣場太近了，邨內居民都集中在京瑞消費。在不想食連鎖店既大前提之下，我選中了這《金飯碗餐廳》，吃了兩次午餐。這是一間好典型的街坊茶餐廳，中午有一湯一飯一飲品，夠豐富的，啱晒附近的打工仔、學生哥，及退休的街坊。當日，一坐低就給我一碗老火的青紅蘿蔔豬骨湯。湯底很甜，似是蜜棗落得多了。除此之外，這湯只是普通，少有住家湯飲的人，有這一碗，可說是好。那天來，我看中了一個洋蔥汁煙肉豬扒飯。兩片豬扒，兩片煙肉，絕對是肉感 100分。更惹味的就是那少少咸，亦有少少甜的瑩光汁，若再加入了美極醬油的鮮味，直頭可以單靠那汁就可以令人食晒成碟飯。隔了一陣子，因為要過來這邊的匯豐銀行辨事而又令到我再一次拜訪這《金飯碗餐廳》了。這一天的例湯是老黃瓜豬骨湯。同樣是甜味重的湯，不過，這次的就偏了咸，可能是老黃瓜不比青紅蘿蔔甜的關係吧。這天，就選了一個比較邪惡的午餐飯，梅菜扣肉飯。以前的我，總是覺得不肥的扣肉是不好食的。大個左，漸漸地改變了觀點，扣肉的好味道不一定需要是肥，而是豬皮處理得好不好既關係。再者，肉要夠香夠入味。是該日在《金飯碗》，可以說是乎合晒以上的品質要求，扣肉的汁更滿滿地滲入米飯之中，非常好。跟餐，就是一杯香濃香滑的熱奶茶。單是看色水已經知道是佳作。是一杯絲一般咁滑的完美絲襪奶茶。好有水準的小茶餐廳。人不多又坐得好自在。現在，當我要黎開碩門邨的銀行辦事時，一定會來這《金飯碗》午餐，不需要作他選。(除非想飲茶或食連鎖店啦。)
continue reading
今日又走咗入石門，又行咗入碩門邨度，嚟咗呢間茶仔度食嘢。同行嗰位又想食蒸魚，見到午餐餐牌有，就走咗入去食，不過唔好意思，阿姐話比你聽賣曬喇佢死死氣叫咗個常餐。常餐好大份丫，庵列又大大舊，點睇都抵食，佢話大部份味都好好，係嗰米粉個味唔係幾鍾意。我叫嘅牛肉炒意好食，牛就唔可以話好新鮮嗰種。個跟餐中湯就好有驚喜，個湯好好飲，連個湯入面嘅雞腳同蓮藕都好好食。呢度環境普通屋邨茶仔，環境唔算好乾淨，但嘢食係茶仔嚟講都高水準，連埋價錢計會再幫襯。
continue reading
今日返到屋企冇煮飯， 又見疫情到尾聲又未試過嗌戶戶送， 所以喺附近搵到間外賣店，見到金飯碗有炒嘢食，好似幾好，嗌左四個。都擔心外賣会好耐，又出奇地好快就到。差唔多20分鐘就有，我打開我外賣盒，裏面仲係好熱出曬煙。 證明廚師炒得好有鑊氣！乾炒牛河，豉椒排骨炒麵，乾炒叉燒公仔麵， xo醬海鮮炒烏冬， 熱野飲仲要係免費， 返到屋企自己家冰都得啦啲嘢食好好味！乾炒牛河一啲都唔油！啲牛肉片好淋！叉燒炒公仔麵， 公仔麵炒得好乾身 ，不過叉燒就少咗啲。xo醬海鮮炒烏冬又係唔錯！豉椒排骨炒麵，炒麵好脆！下次會再叫外賣！
continue reading