金飯館貳·零 肉餅·焗飯專門店

Open Now

Now Closed

食過幾次觀塘店，終於今次試到旺角店！午餐時間餐廳差不多滿座..今次試淨係旺角分店有嘅菜式蘭王蛋肉餅飯… 肉餅煎到好香口，而且調味足夠，所以配白飯其實一啲都唔會dry… 不過如果食晒個肉餅，得返白飯既話，基於無汁送，就真係食白飯咁😂🤣🤣🤣蘭王蛋芝士焗沙嗲牛肉飯..呢個比我預期中好食，因為之前試過普通沙嗲牛肉飯，好一般… 性價比低，今次叫焗飯相對上覺得唔錯，沙嗲牛味道濃郁，略嫌醬汁偏多少少，但整體水準唔錯叫飯本身冇餐飲，所以基本加嘢飲都要另加錢叫…叫咗杯鐵觀音奶茶，正常發揮。整體嘢食味道偏向濃，食完會勁飽！!

好耐之前已經有嚟過金飯館食個遠近馳名沙嗲牛，個人覺得已經係全港數一數二🙌🏻今次專程約埋朋友嚟試埋其他嘢食，原來都超級驚喜啊‼️其實本身係見佢社交平台最近推出左個瘋狂任食沙嗲牛麵60分鐘，想嚟挑戰吓，但可惜星期六日冇..🥲聽店員講有人食左10碗連湯飲😹-🍛失傳秘制沙嗲牛肉煎蛋麵 $48應該唔洗多介紹了，未食過快啲嚟試下！極濃沙爹果 牛肉又多 唔鞋唔韌，世一🙌🏻 配埋隻靚煎蛋 一流，價錢都合理，仲平過出面連鎖茶記😌 沙爹牛關注組常駐頭幾位!!!🍛沙嗲牛肉 雙燶邊蘭王蛋炒飯 $83孖住兩隻蘭王窿邊煎蛋，海量沙爹牛肉，完全係冇得輸！佢個炒飯底真係幾好食，粒粒分明 份量十足 真係會多到食唔晒😹🍛沙嗲牛肉滑蛋治 $48入面有好厚好大塊香蔥炒蛋，又係配埋大量沙嗲牛肉，食落啖啖肉，朋友食半份都已經開始飽😹🍛蝦頭油肉餅飯 $68入面真係有一隻隻蝦 好足料！蝦頭油嘅香味 加埋半生熟蘭王煎蛋🥵🥵 面頭仲有一大堆櫻花蝦，一啖擺落口，層次口感十足！記得記得要落埋個甜豉油&豬油，大加分！🍛蜜桃鮮茄焗豬扒飯 $78除咗好香茄汁焗豬味之外，仲有極濃芝士！一拎埋嚟就聞到，簡直10級邪邪惡😈佢個炒飯底同沙嗲牛一樣都係有質素

金飯館依間一直都係to eat list入面嘅餐廳，因為餐廳標榜使用日本蘭王蛋，上個周未終於黎到一試究竟。一共叫左4個飯，包括 蔥油肉餅飯、沙嗲牛肉蘭王蛋焗飯、焗肉醬蘭王蛋飯，及蝦頭油炒飯蔥油肉餅飯：用隻碗上菜，肉餅啖啖肉，口感豐富沙嗲牛肉蘭王蛋焗飯：牛肉有濃厚嘅花生醬味焗肉醬蘭王蛋飯：番茄肉醬風味，中規中矩蝦頭油炒飯：超級香氣，仲有好多蝦同蠔仔做配菜除咗個肉餅飯係用白飯之外，其餘兩個焗飯都係用炒飯底，而且每個份量都好大，味道都好重。真係越邪惡就越好味。餐廳另外有台式飲品可以揀嚟飲，不過就冇影相。🫵🏻店名：金飯館 2.0地址：地舖, 九龍油麻地, 38號 Kwong Wa St, Mong Kok

金飯館 - mk蔥油香煎豬扒蘭黃蛋炒飯$78今次終於有時間嚟到試呢一間大名鼎鼎嘅金飯館!!一入到去就聞到好香嘅炒飯味🤤🤤於是就揀咗豬扒炒飯嚟試吓值得讚嘅係佢嘅炒飯飯粒粒粒分明 唔會太濕亦都唔會太乾🙂‍↕️💗隔離仲配咗啲蔥油俾你撈飯 再加埋隻蘭黃蛋 簡直係超級邪惡🥲🍳而佢嘅豬扒都唔會好似其他餐廳咁乾爭爭 仲附有啲油脂香🥺🥩唯一一個缺點就係比較鹹 食到最後都頂唔順要俾$10買支水嚟解膩🙂‍↕️🙂‍↕️同埋份量真係好大份 最後食咗半份都已經好飽 建議如果係兩個唔太大食嘅女仔嚟食嘅話 可以加多份小食share 仲可以當係cheat day添!!😛🤰🏻：8.5/10

呢間炒飯最近都幾大熱🔥見到有唔同YouTuber介紹過都好驚要大排長龍食唔到好彩今次去都唔算等好耐🫢太多款式都好想試 但兩個人都只可以揀兩款價錢唔平 唔包野飲 下次先再試其他🫥🍚蔥油香煎豬扒 蘭王蛋配炒飯 呢個賣相超靚蘭王蛋真係係吸引啲 配上蔥油好香豬扒嘅賣相都好靚仔🥩飯粒炒得粒粒分明 沾滿黃色 食落有微微嘅咖喱粉香整體配合好好👍🏻唯一缺點係熱辣辣 個碟散熱好快🌀🍚蜜桃鮮茄焗豬扒飯 十分滿足嘅焗豬扒飯🥩豬扒厚度正常 上面濃濃醬汁混合芝士🧀中間有蜜桃配搭開胃清新呢間店嘅飯都起碼70幾80幾蚊價錢都唔平 仲要唔包嘢飲😔不過叫做大大碟 同埋啲配合都幾吸引🥸見到同枱對面兩位都食唔晒啲飯 有啲心痛好大嘥食唔晒記得叫一碟好喇下次都應該會幫襯試吓個蝦頭油炒飯 感覺好香🤪

餐廳因為推出了任食沙嗲牛麵而大有名氣，見好多人都稱讚佢嘅沙嗲牛麵高質好食。不過因為比較重口味，唔係人人啱。不過見餐廳另外都有好多特色食物，更選用高級日本蘭王蛋做食材，所以都專登黎試下。放工時間7點幾舖頭已經坐滿哂人。行茶餐廳設計，座位主要係卡位同圓枱，好大機會要同人搭枱。座都幾逼同埋貼，大家基本上快快手食完就走。今次試左招牌蔥油肉餅飯同埋蝦頭油炒飯，雖然兩樣都聽落好油，但食落唔會覺得油膩。蔥油肉餅飯配上橙黃色既蘭王蛋，增加食慾並提升味道，不過份量同唔算多，男仔食未必夠食。反而蝦頭油炒飯份量好多，加入左雜錦海鮮同櫻花蝦，飯炒到好乾身，粒粒分明有鑊氣。總括而言，推薦好食，不過要預環境比較逼夾。

只是炸一塊無肉味的餅今日早餐吾飽，早d搵午飯食，哩個名以前系牛頭角見過，今日咪試下囉。味道(1分)— 蓮藕莓香鹹魚($62)1分     — 接近無鹹魚味     — 肉餅表面系炸的，裡面有馬蹄，但肉系一d肉味都無，唐記$31個肉餅飯肉味都好過佢100倍飯— 蝦頭油肉餅飯($68)    — 真系幾油，但無蝦味，    — 肉餅表面系炸的，裡面有馬蹄，蝦乾等，但肉系一d肉味都無兩樣食完口舌頭都乾曬。環境(2分)— 哩個價錢，比茶茶餐廳裝修差。服務(1分)— 坐低好耐都無招呼，到問佢就比個蒙查查有又掃吾到的QR code 比客人掃碼落單，其他客人亦有同樣問題。— 幾個waitress 真系好亂。衛生(1分)— 見到一個服務員帶手套鋪地毯，之後無洗手亦無換手套就攞食物— 一個年輕人應該剛剛上班，就系大堂即場脫光衣服換工作衣服。抵食— 以咁價錢已經吾便宜，仲午餐時間系無湯無茶，梗次吾抵。

想食好耐，好彩冇失望😎 佢前一排有攪沙嗲牛肉麵任食，都幾多人試，不過我都係對佢個肉餅飯同焗豬有興趣多啲😝😝🍅🐷 蜜桃鮮茄焗豬扒飯 $78見到人地啲相個樣勁豐富📸上枱個樣都真係好靚仔，面頭啲芝士焗到有少少燶🤩夾起發現豬扒份量勁多🥹成大塊蓋滿個飯，要夾走啲豬扒先食到個飯🤣同埋足足有成碗豬扒咁多🥹😋 然後個飯仲要係炒飯底，粒粒金黃又好乾身👍🏻👍🏻唯一少少不足係希望有多少少汁🤣🤣🍚🐷 奧爾良雞軟骨肉餅 $62一見到個肉餅飯有埋隻太陽蛋，即刻要叫🥹佢隻蛋仲要係用蘭王蛋🤩 肉餅有煎香，有厚度👍🏻調味都做得好好，仲咬到有雞軟骨。豬油加豉油加蛋黃撈飯，點會唔好食🤤🥹🤩🍊🧃 柳橙綠茶 +蘆薈 $28佢啲飲品係台式飲品，一邊食飯一邊飲廢水🤣🤣🤣好fun!其實仲想試佢個蝦頭油炒飯🙂‍↕️下次再試！

OT完諗住附近食個快飯，試吓哩間好多好評嘅茶記，雖然環境細而且幾多人，但坐落又唔係迫，牆上仲有展示籃球衫，可唔老闆係籃球愛好者蝦頭油炒飯（HK$88) ，開頭覺得小貴，不過抱住試下心態，一上枱好震撼，巨量櫻花蝦蓋喺飯面，炒飯顏色金黃，睇落好有食慾，一試之下炒飯粒粒分明，炒得好乾身同有油香，但唔會漏，聞同食都感受到蝦頭油嘅味道，除左櫻花蝦，個炒飯仲有大粒蝦肉同飽滿嘅蠔仔同帶子，平時少見蠔仔炒飯，乾身炒飯配搭蠔仔濕潤口感又幾好成個炒飯好滿意，不過份量都幾大，女仔可能要share先食得晒另外叫左波霸奶茶，本身無咩期望，始終係間茶記嘛，飲落都拍得住出面啲台飲店，仲飲到有茶味添，飲唔晒可以拎走慢慢飲

📍 金飯館貳·零 肉餅·焗飯專門店 (旺角)呢間食店主打新式肉餅飯，仲有多種台式飲品，感覺新穎。6點半去到座位就已經9成滿😂😂🥨🥨🥨🥨🥨🥨🥨🥨🥨🥨🥨🥨🔗蓮藕梅香咸魚肉餅飯 HKD62蘭王蛋煎到半熟，蛋汁撈飯一流，肉餅採用偏多肥肉，個人比較喜歡瘦肉，店員還過來力推加豬油😂 （試完係香口嘅，不過真油）🔗蝦頭油炒飯 HKD83一上碟就聞到陣蝦油味🤤🤤炒飯粒粒色澤均勻，令人食欲大增。炒飯料仲有原隻蝦同帶子粒，碟面還有大量櫻花蝦，呢個價錢仲要係2個女仔嘅飯量。總結/啲食物油份充足，的確係香口惹味，不過食開清淡嘅人士（我）真係會食幾啖就覺得膩。而且每碟份量偏多，細食女仔嗌一個飯分享小食都已經夠😌 📌食唔哂打包外賣盒收$2/ 膠袋再收$1

晏就諗住食個焗飯，1240坐低1242落左單，點左個焗飯加杯野飲，野飲5分鐘後後到，隔左15分鐘後個焗飯仲未到，於是舉手問一問店員可唔可以幫我跟一跟個焗飯，其中男店員表示無問題。過左一陣仲未見到我個焗飯仲未黎，咁我再等一等，就見到遲黎既客人既局飯已經到左，咁我再舉手問一問店員，其中一個女店員同我只有大約1米多啲既距離，佢見到我舉手，但就照無視我唔理我，我再叫唔該，其中男店員再黎幫我，我話等左好耐都仲未到1242落單就黎1300都仲未到我就話cut單，之後岩岩無視我個個女店員就即刻話幫我跟，我就同個女店員講：我要cut單，岩岩你見L到我舉手你都無視我，你地越做越衰喎！最後埋單時間1301，呢間野真係越做越衰，從未試過要嬲到要寫負評，以前初初開係好好，亦都經常食，依家真係不了。亦都明白lunch時間好忙，但其實順番點餐次序黎出餐呢樣野其實係咪好難？

慕名而來食佢嘅招牌肉餅飯，可能自己冇留意，原來個肉餅並唔係蒸，而係半煎炸。坦言有點失望，因為坊間靚嘅蒸肉餅飯實在唔多，但如果喜歡煎炸食物應該會鍾意多啲。肉餅口感偏硬，以為有蝦油，原來冇嘅，其實係肉餅內有幾粒蝦肉 😅😅，咁是否着數左呢？沙嗲牛肉蘭王蛋炒飯，真係覺得有點浪費。沙嗲牛肉味道濃，加上炒底已經非常之香口。蘭王蛋係日本靚蛋，食佢正因為佢嘅靚蛋味，靚蛋加白飯，已經非常吸引。 不過現在係加咗濃味嘅沙嗲牛，真係唔知點講好😵‍💫😵‍💫濃味嘅沙嗲影響咗啲蛋味，啲靚蛋黃又溝淡咗的沙嗲味 ⋯⋯ 個炒飯有沙嗲汁已經有點濕，篤穿個蛋黃後，個飯就更加濕上加濕 🙈🙈。個人唔識欣賞，或者下次可以試吓佢其他食物，但呢兩款就一定唔會再食啦。

有其他位都死都叫人搭枱，叫左兩個炒飯 一個沙嗲牛 一個雞扒，尼得一個 另一個催左好幾次 等左40分鐘都無尼最後嬲到cancel左 。d炒飯完全唔推薦 勁咸又炒得油 一個飯加野飲埋單百幾蚊完全唔推薦無下次😅第一次食飯食到咁嬲🙏🏻

一入到去見到有樽豬油喺檯 可以任加喺飯入面🥰味道即刻昇華咗 整體不錯😆蜜桃鮮茄焗豬扒飯加燶邊蘭黃蛋 $78+$15 ✨3.8/5焗返入邊個飯係炒飯底 食落似係即刻炒嘅 粒粒分明 好有蛋香 豬扒好厚好大塊 但係係切開咗嘅 焗飯面頭嘅芝士係雙重芝士 係車打芝士加mozzarella cheese 食落口感都豐富 至於蜜桃應該gimmick only代替咗菠蘿啫 黑松露肉餅飯走蔥 $62 ✨4/5 肉餅入邊有章魚粒 翠玉瓜粒 食落去係厚實嘅肉餅 肉餅上面冚咗一層好厚嘅黑松露醬 黑松露味道濃郁 個飯本身會跟一個煎蛋+椰菜絲 蛋醬撈埋落啲飯加埋黑松露入口勁滿足 即炸魚肉燒賣六粒沙嗲汁 $20 ✨3/5炸燒賣正常普通 冇咩突出嘅位 反而沙嗲汁幾好食

網上YouTube 睇到好多拍片見咁多人話好食就排隊試下去到8點幾 門口都有十幾人排排左3個字入到去點左個蝦頭油炒飯係好食的 都足料另外點左個黑松露墨魚肉餅飯黎到食左一啖已經唔對路個肉餅好紅 口感亦不實淨 咬落去林林地好似生生地食多啖都幾肯定唔熟既豬肉黎嫁喎同侍應反映後 佢拎左入去問廚房廚房堅持話熟喎你出黎食比我睇丫跟住問另外一個戴頭箍老啲既阿姐又話熟講真 真係食唔入口喎我上網睇片人地啲肉餅唔係咁既色喎大佬好生意大哂咩