金龍冰室。 川湘菜

Open Now

Now Closed

「有親朋至遠方來, 不亦吃乎」系列之胃食貓唔止鐘意食魚話說親友來臨, 自然帶佢去食好西 ; 呢間冰室成日經過, 何止三過而不入, 今次終於有機會黎試下佢既招牌菜啦! 酸菜魚 (正常辣+小麻) : 係自己人都知胃食貓鐘意食魚, 當成盆魚一上枱, 哇, 簡直係驚艷呀! 好大盆好足料, 有圖有真相 ; 先試啖湯, 好鮮好濃, 魚片全部冇骨+超級嫩滑 (同佢menu寫既都幾一致), 配埋酸菜, 芫茜, 衝擊你既味道, 入面有少少蘿蔔同幼薯粉, 建議額外再加, 因為吸哂啲湯汁真係好! 我個人係唔夠喉咕嚕蝦球 : 胃食貓偏好酸甜, 所以見到呢類小菜都會叫, 個蝦球做得好出色, 炸到外脆+入面仍然飽滿多汁 (一啲都唔干身) 菠蘿生炒骨 : 配料同咕嚕蝦球一樣, 只是蝦球變左生炒骨 ; 但同樣咁出色, 個骨炸到少少焦脆, 配埋甜酸汁, 黎多兩個靚仔呀！唔該!

是日屋企冇煮飯，周圍行下睇下有冇啲中菜食下。行到直街經過幾間酒樓又唔係好啱，有啲鋪頭直頭冇人，唉，生意難做，見到哩間有雞煲又有酸菜魚水煮魚，又有小炒，都有啲人氣，一於入尼試試。睇過餐牌後，決定叫酸菜魚，咕嚕雞球，咕嚕蝦球，濃湯津香氣，炒土豆絲，炸饅頭及兩杯大大杯特飲。味道尼講真係算唔錯，酸菜魚都夠辣魚都夠多，不過薯粉就少啲，其他食物都幾好，都算夠鑊氣。價錢尼講都唔貴，3個人都係$600左右，有興趣食辣野嘅街坊可以試試。

經過入開，大埔見到試吓，點知有意外驚喜，食得辣，驚我同朋友，叫咗個泡椒大腸同埋麻婆鴛鴦豆腐。係一間門口冇乜特別嘅普通餐廳。但係呢兩個餸一上到枱坐令我地另眼相看。個泡椒大腸………泡椒非常之辣…..啲大腸食極都有。越食越好味越食越辣，…………..另外個麻婆鴛鴦豆腐…………..夠晒特別………一次過可以食到豬紅同埋豆腐嘅混合版………………………原本想叫埋其他辣嘢食，但係我哋得兩個人食唔到咁多，呢間嘢值得…推介

與朋友相約晚飯，由於朋友帶着狗狗，要去有室外座位的餐廳，朋友就帶我來到金龍冰室。間中有經過此店，但從來沒駐足看看它的餐牌。這次才發現這店除了供應一般茶餐廳有的菜式外，還有酸菜魚、水煮魚、烤魚等菜式。雖然夏日熱焫焫，還要坐室外，我和朋友都一致決定要吃烤魚！烤魚有三款魚可選，價錢由$158至$398，豐儉由人。我們就選了中價的那款淩波魚，$228/兩斤。由於大家都未試過這家烤魚，湯底先選小辣試一試，並追加少量配菜。烤魚的外皮煎得香脆，魚肉嫩滑，細骨不多。小辣湯底完全不辣，拜托侍應幫我們加辣一點才吃得過癮些～～酸菜、大豆芽的份量多，酸中帶辣，幾開胃。追加了寬薯粉、千頁豆腐、萵筍、午餐肉等配菜，質素正常，而朋友覺得配菜的份量稍為少了一點。飲品我選了雜果賓治，大大杯的，雜果份量OK，但不夠汽！雖然只加了少量配菜，但魚的份量充足，我們三人吃都夠飽，加上每人一杯飲品 ，埋單都不太貴。區內人想過一過口癮，尚可一試。

服務員招呼非常差 黑口黑面 已經冇乜生意晚市 也留住啲卡位訂座 唔通留返自己坐咩 講到食物 四川菜點會係甜的 非常難食 最近也靜靜雞加了價 奉勸各位不要去這一家 招呼又差 明明大把吉枱 也要你要指定坐邊一張 如果你唔坐 服務員不會睬你 一句講曬招呼差服務差 奉勸各位食友 不要給其他好評吸引 後悔莫及

原來這邊這間金龍的早餐有這麼大份，本身那塊煎雞扒份量已經夠大，而且保留肉汁，雞扒不算太乾，夠大塊，上面的皮亦都煎到香脆，早餐來說，算是品質一流。除了這個煎雞扒之外，還有茄汁豆，另外還有幾塊炸薯格，薯格份量亦都夠多夠大呀，其實一個人來吃，可以吃到相當飽肚。另外炒蛋的份量都不太少，都滑溜，早餐吃到這種炒蛋，感覺非常滿足。咖啡亦都是即磨的咖啡，細細杯，保留溫度夠熱，相當可口。所以話金龍服務的確一時一樣，上次試過推嬰兒車，你叫佢(女士)出嚟幫你落單叫極都唔郁；這次可能換了人，她見我們帶著嬰兒，即安排卡位，非常有禮

第一次外賣茶餐，唔明個餐牌裡面其中一項，請教下個待應姐姐，黑晒口面咁答我，唔緊要，我咪唔再問就直接叫左 《卡邦尼意粉，炸雞翼，熱柚子蜜 👈🏻 +$3》，返到屋企就變左肉醬意粉，熱菜蜜，唯一係炸雞翼無錯，如果唔係太過肚餓，我一定拎返去換。呢間一定唔會再有下次🤬🤬🤬，要睇待應姐姐面色 no way

每次到金龍只是食早餐， 常常看到餐牌上的川菜都想嘗試一下。🍳🍞🍜☕️嗜辣的我，今天經過就外賣了水煮牛肉飯午餐 $58 + 凍OT$3 外賣再加$1💰， 等了不久， 外賣就打包好， 餐廳外面還放了幾張椅， 讓客人可以坐著等外賣。外賣拿到家， 打開膠袋， 重重的麻香已經從膠袋裡洩漏出來。如圖所見， 用料是很足， 有芽菜、芫茜、西芹、花辣八角辣椒麻香撲鼻🐽 牛肉滑份量合理底下還有一些薯粉， 薯粉吸收了湯底的精華十分好送飯。

这个鱼太好吃了，没有办法又跑来，主要是香港吃鱼的地方太少了。所以今天提前了5点就跑来吃了。因为他们家的鱼蒸的味道可以。要不然真的不来了。那鱼太好吃了。所以很早很早很早就来了。

走出门了之后还是一肚子的火。想一下真的好不开心。吃饭的时候，别人在你的那个面前扫地拖地抹桌子。明明给那么多的钱吃个饭。还要搞得自己那么不开心。当时就很想骂，你不想做生意你就别接进来吗，你想早收工，你9:00你就说收工了不要接进来吗？你把人接进来了，你是不是应该有一点好的服务态度啊？你就在我面前我饭都没吃完就在那里搞卫生抹桌子。还碎碎念都说老板叫你的，你老板有病吧。换了谁谁也不高兴啊。你要找收工没问题啊，你都不要接人家进来啊。本来我吃的快还没所谓，我的朋友本来吃东西都不快，我的他一直要疯疯狂的吃才可以。真的吃了一肚子的火。这么赶着收工就八点不要接人，快点关门搞卫生不就好啦。凭什么收了我的钱又在我面前搞卫生啊，我是来吃灰尘的呀。让大家8点之后千万不要去。不然烦都烦死。

原來呢間金龍嘅分店，喺呢邊變咗好似食水煮魚辣野店子一般，但是在廣福道那一間，一向都是早茶餐、下午茶的。這天氣推著嬰兒車，店員又叫我內進落單，都不肯走出兩步落單。然之後取餐時，又粗鄙的說「等一等先，炒飯未到」，但我其實沒有叫炒飯之前在這間金龍的廣福道分店進食，曾經叫豬扒、雞髀、卡邦尼意粉等等，想不到這次叫吉列豬扒以及紅豆朱古力西多士，反而更飽。吉列豬扒，看似不多，其實很大塊，厚炸的，本身豬扒夠大塊，外表包上的炸粉亦都夠厚身，熱食其實相當不錯，夠厚身，豬扒不像香茅豬扒那般有點酸，反而比較鮮味，又有肉汁。朱古力紅豆西多士，雖然看似只有幾舊，但原來體積不太少，加上紅豆以及朱古力有點甜，因此吃完，好像比吃意粉更加飽肚。畢竟大熱天時或是下雨天要行出去廣福道買外賣回家都有點遠，因此在榮輝這邊開設分店，也容易吸引食客，不過似乎店員亦都要多多改善態度。

每次途經，不難發現坐滿食客，看似平平無奇的茶餐廳， 為何如此多人光顧呢🤔，所以特意和媽前來品嚐一下。點了二人餐，價錢大約236，包括有前菜選一/酸菜或麻辣魚類別選一/小菜選一，合共三款，每款都有幾種菜式選擇，另有兩個白飯及甜品（冰粉）。份量十分夠，最重要係好食。 估唔到呢個價錢會有呢個質素👍👍👍 當然唔可以同高級川菜館比較， 但我覺得佢嘅性價比係好高。酸菜魚魚身夠滑，唔算多油，酸菜味道 恰到好處，真係幾好食。前菜我選擇了麻辣蓮藕，減少少咸更理想，麻香辣夠👍。另小菜點了醬油肉碎茄子四季豆，夠鑊氣， 濃味得黎唔會死鹹👍 個甜品有少少意外驚喜，幾特別！會再來光顧，試其他餸菜，希望一直保持水準💪

今日嚟到大埔想試吓呢度嘅川菜。呢間冰室係專做川菜嘅，位置唔算偏僻，裝修類似一般茶餐廳嘅風格，但係乾淨企理。餐廳全部都係川菜，招牌菜係酸菜魚同水煮魚仲有其他烤魚選擇，因為係川菜所以大部份以辣為主，但係都可以就返口味揀唔辣或者小辣。而且都有少少平時餐廳會有嘅小菜揀。叫左個二人套餐（$238）。招牌菜試咗個水煮魚，上枱已經大大碟，非常香濃，落咗唔少嘅配料。魚肉亦都好多，咬落唔腥，肉質嫩滑又無骨，非常之開胃！而且配嘅紅薯粉好好食，以呢個價錢來講非常抵食，值得推介。另外仲叫左一個口水雞。呢個係涼食嚟嘅，調味來講係唔錯，唔會太辣或者太鹹，不過隻雞有啲仲係生生地，如果呢一樣嘢做得好啲應該會更加好食。仲有一碟餸係雜菜炒腩肉。呢一味菜一般，腩肉偏鹹，而且麻味落得重咗啲，蓋過咗其他味道。但總括嚟講個價錢係抵嘅性價比非常唔錯，招牌水魚魚好好食，以一間專做川菜嘅小店來講係用得出佢既特色。不過調味可以再控制多少少。可以再試！

位於大埔新開張金龍冰室為川湘菜成主打，以酸菜魚、口水雞等為主打菜式。餐廳菜式眾多及價錢平民化，故此一到晚市非常旺場，大家想試的記得提早到場。餐廳裝修格局類似茶餐廳小菜店，由於主開張所以環境非常新淨企理，燈光鮮明。座位大多以卡位形式，非常寬敞又可以自成一角，整體感覺環境非常舒服。🌟　砂鍋雲吞雞 $98砂鍋雲吞雞非常足料，雞湯以黃油雞淆製，湯頭鮮甜，雞油嘅香味非常濃厚。 雞湯滲透哂入去雲吞及蔬菜，要飲多幾碗先夠喉。🌟　雜果糖醋鱸魚 $138糖醋鱸魚賣相精美，炸得香脆。酸酸甜甜嘅醬汁味道恰當好處，而且鱸魚份量十足，好食又抵食。🌟　招牌酸菜魚 $138酸菜魚湯底好鮮甜，魚肉滑身入口溶化。魚肉無骨，啖啖肉食得過癮。而酸菜分量適中亦令到湯底酸道保持合適水平。另外亦可以按自己需要加配料，而今次就加配咗鴨血及豬大腸，配料吸收湯底精華，美咪之餘亦令整碟菜式份量提升。🌟　乾扁四季豆 $68四季豆炒得乾爽，不油不膩，烹調時間唔會過火，顏色保持翠綠，食落無渣。味道辣辣非常惹味，配埋大量肉碎，送飯一流。

今日放工突然好想食辣野，之前同事介紹左一間川菜，於是就決定來試下招牌菜。招牌菜酸辣魚$138今次揀左小辣，魚肉嫩滑，沒有骨，香濃的湯底搭配酸菜、八角花椒等調味，麻辣、香辣、酸辣層次多端，入口酸辣分明，非常開胃；配料及暑粉「索晒」湯底，惹味十足。重慶辣子雞$98雖然望上去有超多辣椒，但食落岩岩好味道，d雞炸到金黃外焦內嫩，仲有花生做配搭，如果飲酒既朋友就可以試下，超正d下酒餸。熗炒土豆絲$58土豆絲色澤透亮，口感酸脆，非常適合下飯，酸辣度岩岩好，對於唔係好食得辣既朋友就非常友好啦*d份量真係好大份，兩個人食三樣餸都超飽了，想食酸菜魚湯泡飯都已經食唔落了。下次再來試其他菜試。📍 金龍冰室。 川湘菜 (大埔)大埔汀角路29-35號榮暉商場地下28號舖