銅爐火鍋 (Closed)

昨晚都差不多9:15pm和兩個朋友，經過囍逸樓下，遠處望到呢條橫街門口有個坐地白色底黑色字寫(放題)招牌都幾搶眼，好似人在日本橫濱感覺，咁我們就入去試下呢間裝修得好有個人風格嘅(銅爐火鍋放題)椰子雞煲超好味(個人感覺)一般放題有嘅，佢都有，特別D嘅就係台灣火鍋配料選擇多😋，炸物勁好味😋，(大蝦)都係任食真係少見，呢次真係返本😂🤣冷靜，4，5款啤酒任飲🍻嘩!真係任飲，今晚過癮囉！🤪😇安格斯肥牛都係任食每人唔使二百紋，對比山長水遠出九龍食火鍋放題，近近哋好過啦😁真心雖然係平價嘢，講(食物質素)超值(服務)🕺👍(環境)👍(衛生)👍整體超值，百分百再來，用個心去做嘅小店，加油🎃🎄

第二次幫襯午市外賣。店內一個客人都冇，很冷清，火鍋生意午市真係好難做！比我第一次新開張時入嚟堂食是見到，擺放嘅位置係唔同左，但仍然好乾淨整齊！我走入去買左個麻川辣湯鴨血米線，加一個木耳，係我嘅favorite，湯嘅味道適中。木耳$18咁細盒就似乎少咗啲，但味道係ok嘅！午餐價格都算抵，$48一個米線，外賣盒另加錢。

今日下晝經過銅爐，以為佢只係食火鍋，原來中午都有飯或米線可以選擇，我老婆食咗個小火鍋，我就嗌咗個麻辣雞扒米線食，火鍋係一人一鍋，份量足夠一個人食，肉類同埋蔬菜都好新鮮，而我就食咗麻辣雞扒米線，好多地方只有辣味，沒有麻味，但係呢度兩樣都有，好平衡，我叫咗個大辣米線，裏面有好多紅椒識，食落非常刺激。另外一讚就係地方非常整潔乾淨，侍應很有禮貌，價錢又平性價比極高，希望下一次有機會過嚟食晚餐，侍應話晚餐的火鍋配料會有多些選擇呢☺️

去年在囍逸樓下圍板裝修，好想知是開什麼店，終於11月開張，原來係任食火鍋，我最喜歡打邊爐，好開心！所以特登帶父母一齊去試。本來一早想留言，但open rice當時未有這鋪登記😆 試過創建第一個post,但失敗左。今日見到open rice有這店，馬上留言。經過門口貼住一個手提電話號碼，就試吓WhatsApp問可否訂檯。店主好快就回覆，訂檯很快完成。好期待試新店嘅心情😊餐廳覺得環境很舒適，食物質素很好，湯底很好味！招呼又好。取食物嘅雪櫃，簡直似一個仙境，好凍，凍到出煙😂由於新張期內，不收加一，65歲以上長者還有優惠，真係好！👍🏻由於晚市食堂限住10:00關門，兩個鐘好似好趕咁，想坐耐啲都唔得！唯有下次再幫襯！

限時60分鐘自助火鍋超抵食。65蚊大家樂價錢。就可以任食3款菜品。如果食的多，大約$6蚊一碟牛、羊。還有甜品、汽水贈送另外，因為新開冇乜客，所以環境乾淨、安靜。

202112月某天，天氣轉冷，中午時段，一個人也想吃火鍋銅爐開業不久，提供晩市任食火鍋，中午一人火鍋，我已惠顧了數次，食物環境服務也值得再次光顧，先簡單寫一篇中午一人自助火鍋定食火鍋限時60分鐘，$58，可選一款湯底、三款餸、一款麵，一個飲品點了四川麻辣湯底辣味十足火鍋配料，點了魚片、羊肉片，鮮雞件+拉麵魚片新鮮無泥味，起雙飛刀工，沒有碎骨，羊肉數片，肥瘦適中，肉嫩唔太羶，雞件如圖，份量少，賣相也不好，味道也沒特別，可以不點。拉麵，煙煙韌韌，有彈性，味道不錯。配上無糖烏龍茶，健康之選。甜品是仙草，為這一人火鍋餐畫上圓滿的句號。值的一試的火鍋店。