錦尚甜 (柴灣道)

Open Now

Now Closed

新年諗住開開心心食個甜品，叫左外賣回家食，回家後發現鮮奶燉蛋白變左付竹糖水，諗住打電話去舖頭同佢講，點知又轉左去留言信箱，夾硬要食d自己唔鍾意食既甜品😡。另外個鮮什果西米露叫左西瓜汁底，個西瓜汁唔係用新鮮西瓜攪出黎果種，而係似西瓜雪條溶左變水果種。而芝麻鮮奶蛋白，openrice order可選擇凍/熱，但去到拎既時候就話你知無凍，都比左錢，焗住要你食熱，其實如果無凍，就唔好比人選擇凍。呢間真係無下次

好感動，病咗但又想食蕃薯🍠，男朋友點左呢間外賣嘅（熱）薑汁蕃薯糖水➕（熱）椰皇燉蛋白，落單前寫左不好落糖，原本唔報希望會好食同埋減醣，收到真系好驚喜！【薑汁蕃薯糖水】🍠蕃薯好粉好大舊，而且係三大舊，同埋微微的薑汁味食落肚好舒服，整體真系沒咩甜味。【椰皇燉蛋白】🥥椰皇燉蛋白都好好味！都怕呢種提前做好會唔會固定甜度，但係食落都係幾乎沒過分甜味，但又有少少椰香，而且食埋仲可以挖椰肉，好幼嫩好好食！超級推薦！可惜就係沒影到相了，點做2碗蕃薯糖水➕一份椰皇蛋白，用keeta 首單優惠，最後係84蚊

隨着而家時下已經開發左一啲比較新穎嘅甜品舖。有啲比較原始小小嘅甜品舖開始都開得比較少。好彩我屋企附近已經有一間比較新穎時尚亦都有懷舊嘅甜品舖。因為有時晚飯後，硬係都要食一啲甜品先會完滿既一天。屋企附近有一間比較多選擇而又好味道既甜品舖⋯⋯呢間既水果甜品係我每次食都會選擇嘅水果。呢個木瓜雪耳真係好大個。又甜又大個。佢嘅涼粉水果甜品都好好味。水果足夠。又甜又多。不得不提，佢嘅榴槤甜品都係非常之一流。😋

外賣叫左個心太軟，一打開已經見到燶咗個心太軟與碗與碗之間搖動著既聲音係絡絡聲我心諗：唉算啦，燶左都照食啦⋯⋯點知食落口個味道完全唔係朱古力味個味道係放咗勁耐果種‘益’味，成口嘔吐物味真係超級難食，咁大個都未食過咁難食既甜品

早左成個半鐘落單外賣自取，去到居然同你講冇，唔知留個電話號碼俾佢做咩，無接左單我都唔怪你，點解唔通知去到問佢俾個外賣自取單佢，佢仲叫你等陣，佢接埋個walk-in客先，落好單都唔理我，去整野食，等我唔係好好老脾問佢有冇得拎，仲大無私樣咁講「我知你邊張單，不過我冇椰皇燉蛋白」，真係即刻著，冇，我講單個時唔講仲叫我等陣，等到我再問先講。好唔老實law，冇又接單，之後又唔通知，到左仲要等一輪先話你知。

今日同男朋友係返屋企之前想食嘅食糖水咁我哋就叫咗個紫米露加芋圓紫米露就OK嘅 但係啲芋圓就太硬了所以冇芋圓應有嘅口感同埋味道希望呢一間餐廳可以有所改善畢竟都係街坊小店

剛才在隔離街吃完火鍋後，還覺得差少少才能為今天畫上完美的句號。沒錯，就是差一點點甜。芝麻糊：好香，不太甜，加兩粒湯丸有錦上添花之效👍🏻鮮奶燉蛋白：好滑溜，好有蛋香味，還能吃到鮮奶的奶香，而且甜度適中👍🏻流心心太軟：上枱時的賣相已經非常吸引，加上水果擺盤精緻。朱古力好香濃，重點出現流心效果，伴雲呢拿雪糕，一熱一凍的感覺，刺激味蕾，超正！再食埋幾款不同的生果，口感清新！不會膩！最緊要是價錢公道！值得再去👍🏻

今日起柴灣，見到有哩間甜品店，就又衝入去尋味了🤣🤣叫了3個甜品，85蚊，不算貴，但熱食的份量就有點少了🤣🤣🤣榴槤甘撈~很香的榴槤味，榴槤肉超正，有一大舊起中央，配合涼浸浸的芒果椰汁西米，吃出驚喜來🤩🤩所以未影相，已比人食左一大半，差點無得食🙈🙈薑汁番薯湯丸~一買返黎，已比人食左兩粒湯丸，激死🤣🤣但他們說不錯~薑汁湯水黎講，就偏淡，如果薑味重一點會更正🙈🙈皇牌糖不甩~同平時食的一樣🤣🤣但價錢十分抵食，只是14蚊，價錢黎講，行過買盒食都超值的~👍👍👍

返工返到零晨咁滯拖住疲累既身軀確實好需要為自己打打氣甜品就係最令人食完開心又醒神既食物屋企樓下就有間高質平價甜品30 幾蚊大大碗用料十足味道一流小小錢就有大大既開心同滿足真係飯後宵夜不二之選

今晚吃完晚餐後，突然好想吃糖水，於是到樓下的糖水鋪去。這間糖水鋪開至凌晨一時，所以就算半夜三更想吃些甜點，都能夠滿足欲望。店內的甜品選擇頗多，由中式傳統糖水到創意甜品都有，總有一款合心意。這幾天的天氣較炎熱，所以選擇了一碗「芒果兵兵」消暑一下，它的份量適中，以芒果冰底配上多種配料（水晶晶、椰果粒、西米露、爆爆珠），吃着口感一流。家人比較喜歡中式糖水，所以選擇了傳統的腐竹白果薏米糖水，腐竹煲得恰到好處，融入於糖水內，但略為有點甜，家人吃了半碗已覺得有些膩，如減少一些糖較合適。如半夜想吃甜點的話，這間糖水鋪亦算是一個好選擇。

食完晚飯想搵地方食糖水，一般會去天后，北角或去西灣河太安樓外賣。 最近柴灣開左間錦尚甜，專程去試一試。店面細細，人流也不算多。 還好中，西式甜品選擇都有好多，味道不錯。叫左個香草芋圓紅豆豆花，芋圓夠彈牙，豆腐花亦都好滑，但香草太稀，紅豆沙也煮得不夠火喉，還好整體味道配合得好好。而鮮什果楊枝甘露都好好食，唔會太甜，生果夠新鮮，楊枝甘露唔會酸，味道剛剛好，整體都值得推介。鋪面較細，座位坐得不太舒服，食完好走。

芒果黑白涼粉雪芭：甜味剛好，不太甜，雪芭好吃，芒果汁略嫌淡了些。心太軟：也是不太甜，賣相不錯，生果尚算新鮮。燉鮮奶蛋白：熱的，甜度適中，不會太甜，很滑。下次會試吓其他嘢。

明明叫左什果小丸子，得西瓜都叫什果另外加錢加芋圓得個幾粒，d涼粉好似鞋膠咁😡😡😡客人又五係多，等又等得耐，等成20分鐘，整碗迷你野比我，真係好激氣!去對面糖兄弟食仲好!

來到柴灣的錦尚甜，是少數柴灣的糖水店，我和朋友看中這裡燈光光猛以及價錢合理，於是到此就坐。看了看餐牌，點了個士多啤梨戀人，39元甜品來到面前。嗯，覺得還可以。士多啤梨下有著龍眼，西米，爆珠，木瓜。心想吃下去還尚算滿足的，但是事與願違。吃下去時，甜品配汁一點也沒問題，只是有微弱的士多啤梨香味的水而已。在吃下去時淡而無夢，水質也沒什麼質量，吃下去只是配料加水而已。連士多啤梨也是干干澀澀的。所以這餐甜水39元感覺不算好。

等候時間極耐(15分鐘)，已比錢無辦法，水果唔新鮮，有酸臭味，環境衞生又差，門口地下有垃圾水，多甴曱又超臭，我買外賣錢都畀曬，反而後來行入嚟堂食啲人幾枱人嘢食都到曬，以後都唔會幫襯！！！