長旺燒鵝燒味飯店

Open Now

Now Closed

呢間嘢位於旺角熟食中心上面，喺朗豪坊對面搭扶手電梯上一層就到了。上面有好多間唔同檔口，今日就揀咗呢間食燒味嘅。呢度啲餐廳全部都算係旺角入邊最平。平均四十零蚊就有一個餐。 如果平時放飯想食平啲嘅話非常之建議大家嚟呢度。呢次嗌咗個燒鵝瀨，加埋杯凍檸茶都係四十零蚊，燒鵝味係幾夠嘅，不過略嫌份量有啲少，不過都對得住個價錢。 呢度食飯環境唔算太差，衛生都OK，不斷會有職員嚟抹枱同埋收嘢。放飯時間都會見到好多人走落嚟呢度食，不過都係食完好快就走所以唔使點等位

今日lunch好肚餓於是就去左買燒味飯, 燒鵝叉燒飯 雙拼再加一個例湯, 例湯係粉葛豬骨, 不過味道就比較淡, 燒鵝質素一般 , 但叉燒就比較乾同鞋口, 不過呢個飯連例湯只係$38 , 無謂太高要求吧~

依家OPENRICE有外賣自取優惠 滿$45減$15 (優惠碼: EAT15) 不過好似每日都有限額要早啲預先撳定先用到附近嘅咁多食店入面我揀咗幫襯呢間車仔麵原因係我見到佢哋無論係粉麵嘅種類同埋餸菜方面都比一般嘅車仔麵店多好多選擇價錢又抵 用埋券係超級抵 四個餸加埋紅豆冰分湯外賣攞走都只係$30❗️暫時食咗兩次，第一次揀咗牛肚魚皮餃通菜配佢哋嗰個皇牌金xx湯小辣瀨粉，比我想像中辣，後來我發現牛腩湯係最好味嘅通菜唔知係咪唔當造好大條好老唔係太新鮮，我諗夏天先好再叫通菜。極力推介牛肚同鴨腎❗️首先講咗牛肚先，好香好好味 份量都算多 食極都好似仲有幾條 好淋 切成幼條幾好咬。鴨腎啲味道應該算係咁多種餸入邊比較濃，不過冇嗰啲内臟味 滷水味幾岀 唔會太過硬 恰到好處嚟緊打算試埋牛腩蘿蔔杯紅豆冰都幾有誠意 有顆粒感 感覺上係自己煲嘅 重點係只需要加$3 而且叫佢少冰真係有少到唔似出面啲茶餐廳雖然未叫做勁好味 不過依家出面好難搵一啲真材實料嘅紅豆冰 同埋絕對冇罐頭嗰啲咁甜 好似會糖尿病咁。服務態度方面 車仔麵嗰邊個女仔都幾Nice幾有禮貌 不過唔知佢使唔使負責沖嘢飲 因為佢搽咗藍色嘅指甲油應該都有啲人會

今天到旺角熟食市場搵食，周圍睇有邊檔好。來到長旺燒味店，望著肥肥D鵝記得之前食過都唔錯...就埋去當然是點了燒鵝脾飯叫了下庒。皮脆有煙熏味鵝肉扎實完全吾會油膩. 同埋好入味啊而且燒鵝皮夠脆皮！不過酸梅醬不夠酸偏甜，跟鵝不配。飯粒粒粒分明.整體是不錯的.....環境同衛生度都ok 衰在坐位鉄櫈注入地下不能郁動...碟飯放在枱面要污㡳個身食以熟食街檔嚟講唔算迫夾 .....價錢方面六十元都可以接受，加四元有汽水⋯⋯

最近都喺旺角工作, 所以好多機會嚟呢度食飯。今日就試下食燒味, 呢度唯一間就係「長旺」。之前幾次嚟都見到隔離嘅人喺度食佢嘅燒味, 睇落都幾靚呀。我叫咗個<燻蹄拼叉燒飯>, 跟杯熱奶茶(加$5)。 價錢方面, 睇唔明佢個餐牌, 初初以為雙拼飯 33蚊碟, 原來要35蚊, 可能係因為要燻蹄嘅關係。燻蹄唔錯; 叉燒係半肥瘦, 味道都唔錯呀, 份量再多少少就好喇。飯嘅質地亦ok。豉油ok, 撈飯一流。冇另外再要求「蔥油」, 因為驚太鹹、太油膩。熱奶茶, 係好好飲嘅。下次要試下燒肉, 睇下好唔好味。

大家喺旺角食午餐，大家認為容易還是困難，因為選擇地方實在太多，今次走上了在朗豪坊後面的市政大樓，可以從朗豪坊2樓行過去或用樓下自動電梯，今次走咗去一間叫《長旺燒鵝燒味飯店》，檔前已掛滿了不同的燒味給客人選擇，但可放心，因有平帳隔開感覺衛生這檔沒有固定位置提供客人，因這裏是一個共融的食場，當然大家不要期望像餐廳般的那麼整潔，但環境總算寛敞，更有提供冷氣，所以夏天上來看也不會擔心熱，還有環境都總算企理，比街邊的大排檔乾淨得多今次叫來了一個燻蹄@雞腎飯，再配上花生雞腳湯和一款餐飲每片都用上厚切燻蹄，表皮的脂肪不會太油膩，肉質更大的鹹甘香味，不會有鹹味另外雞腎咬落，不會感覺到是來自急凍的肉類，更帶有彈牙的感覺這個花生雞腳例湯，不像外面的味精師傅，可能就是因為他有源源不絕的配類補充，所以感受到真的是煲出來的，這樣的陪襯只需要花費$30多$40元，便可享用這滿足的午餐😋

爸媽外遊，唯有食自己，心想食個燒味飯就來買了。例湯有點淡，起碼不是太過味精。油雞老闆比了雞亦位，燒鴨有點肥。等的時候與他們有說有笑，剛放工的我本來回家獨自吃飯，難得現在有人跟我說說笑笑。

好多時，為了慳下錢，為了留個錢去旅行，夜晚出街食，都未必會下下大魚大肉。而且，我太太對食的要求向來都不太高。好多時，在她的要求之下，只有求其食。是日的求其食，我們來到了旺角朗豪坊旁的熟食中心，太太選她的，而我有我選，選中了這一間《長旺燒鵝燒味飯店》。既然有鵝食，當然要來一個叉鵝飯，其份量是好，不過叉燒的肉很結實，是一件很硬的叉燒，味道上又不覺有蜜味，不夠好食，而鵝，食落覺得味道有點點怪，也許是內臟清潔得不齊全而出現的腸羶味，而且皮已經不脆，肉雖厚，但沒有味道。飯是平，但的確是一分錢一分貨.....

本來應該在上環區開飯的, 不過因為要替老媽買點東西, 所以留在旺角吃飯. 沒來頭緒之下, 來了朗豪熟食中心. 在中心轉了又轉, 一個人想吃又吃不下農夫飽, 終於選擇了這間人客較多的燒味店試試. 點了碗叉燒燒鵝雙併飯加例湯. 賣相可以說是一般, 配點白烚椰菜, 一如所料的淡而無味. 味道方面, 燒鵝件數本身不多, 而且大部份都是剩皮的, 很鹹, 有肉的只有寥寥三兩塊, 肉質很嚡且偏韌; 叉燒是全瘦的, 肉也是偏乾的, 說不上好, 但起碼比燒鵝好一點. 至於例湯, 乃是紅蘿蔔煲豬肉, 湯很稀, 而且帶有味精, 喝後甚為口乾.這裡的燒味飯水準實在不成, 唯一的好處是可以選大分量的碟上或少分量的碗上, 這個食法除了小時侯在舊式燒味店吃過之後, 現在已甚少見到, 甚為懷舊, 也適合食量不大之人, 不用浪費食物.

大約個多星期前, 師傅約左師妹一齊睇戲, 而套戲未開不過飯要先開, 師傅就決定帶師妹去試下農夫包! 農夫包當然係為師妹而設, 皆因師妹絕對係一名包痴; 至於師傅當然唔會再食農夫包啦, 但食咩又未諗到, 唯有去列先再諗啦!入到去熟食市場, 真的十分多人, 兜左兩個圈先至叫做搵到張枱, 於是師傅就去幫師妹買個農夫包餐, 之後再去四圍行, 睇下有咩好食; 其實呢個場都有好多唔同食店, 各式其式應有盡有, 但師傅最後揀左呢間食店, 係咩野吸引到師傅呢? 師傅暫時賣個關子先, 於是乎就行埋去柯打左一碟叉燒紅腸飯!捧餐對於師傅黎講始終唔係好慣, 幸好一早有枱唔使頭鱷鱷, 否則都幾狼狽! 坐底後再等埋師妹個農夫包就開餐, 叉燒紅腸飯仲有跟一碗例湯, 於是師傅先試下碗湯, 湯都幾清甜冇味精, 真的唔錯, 加上都幾大碗; 再試埋叉燒紅腸飯, 叉燒屬於半肥瘦, 入口鬆軟, 絕不韌身, 可惜沒有蜜味, 令叉燒唔夠香甜, 可以啦; 而紅腸鬆軟, 但除左鬆軟外亦別無其他; 而伴碟嘅菜亦夠腍夠嫩, 伴碟黎講算係唔錯; 而成碟飯嘅份量唔算多, 當師傅食晒碟飯時都好似唔夠飽咁, 但再飲埋碗湯就好飽, 原來碗湯係有咁嘅

同外母食農夫包之餘,自己就食左個六寶飯,三十蚊,仲包例湯!雖然好似好平,但係食物質素只係一般...個六寶飯有义燒,切雞,油雞,紅腸,咸蛋同燒鴨,一般既原因係切雞,油雞同燒鴨都無咩肉,而且味道比較單調,份量比較少,义燒就比較多,咸蛋如果再咸d會更加好食!不過話說回頭,只係喺熟食中心食,而且只係三十蚊仲有碗青紅蘿蔔例湯,又豈可要求太高呢?

係旺角二十蚊可以搞掂一餐又唔太差,除左呢度既車仔面我諗都冇其他LA勁多送揀LOR~凍飲唔使加兩蚊又可以飲凍檸賓~車仔送好唔好食真係睇你識唔識嗌JEI,個人大力推介魚腐,魷魚同豬頸肉菜類可以唔叫因為本身都包埋~

沒來朗豪熟食中心半年左右,好些舖位不見了,而賣燒味的"長旺",仍舊其門如市.有人說過這個檔口的"四寶飯"很不錯,我說:{點好,都係碟頭飯.}如果想吃靚燒味,當然散叫,吃碟頭飯當然不會切些靚位比你,這些是人之常情.之所以有人吃罷鏞記的燒鵝飯就話燒鵝不行,聽罷笑一笑算了罷.既然說到不錯的話,就來個四寶飯,四寶都是叉燒,燒鵝,鹹蛋,與紅腸.賣相如炒雜碎,小弟不求賣相,沒有大問題,但味道不好,才是大問題.燒鵝凍冰冰,肉質又硬又鞋,叉燒的肉質如瘦肉,鹹蛋沒有一點甘香味,最好吃是現成貨的紅腸.又話過吃碟頭燒味飯,不要太高要求?但這個四寶飯,已超過了我的底線.

又一次令人失望既經歷,幫襯一次,已經有以下幾點令我不滿:1. 已經唔係多人幫襯既時段,除左我,只有另一個都係要車仔麵既客,但係我都要等左成十幾分鐘先有得攞;2. 我剔左菜生,佢竟然俾左生菜我;3. 我要清湯底,但佢個湯底竟然係肉碎加油湯底;4. 魚片十分之唔新新,有腥味,肯定等左好耐都無人要;5. 紙上有豬紅俾人揀,但永遠無貨,上次又係咁,今次又係咁,原來只係得個睇字無得食。如何再係咁,寧願幫襯魚湯王,反正只係貴$2。

上星期專情去呢間食..叫左個二 食送 飯..D叉燒好燶..又切到鬼甘大舊! 數埋得4舊!雖然平..但D材料唔駛甘呀??