開花結果 (Closed)

工作於荔枝角的友人介紹午餐時間要排隊，加上大熱天時，等到身成汗。門面睇落平平無奇，當食物一上檯立刻眼前一亮✨！皇牌經典套餐可以選擇既配搭十分多，（1）8款餡料（2）5款包（3）6款沙律（沙律仲可以揀兩款）（1）+（2）+（3）+飲品或湯=$46芒果雞肉🐔香草包+開花結果+田園沙律+士多啤梨🍓乳酸（加$6） 芒果配雞肉好開胃，香草包唔會太乾太硬，生果豐富又甜，乳酸唔會太稀，成個配搭感覺好健康，👍🏻✨

好耐無食過開花結果了。對上一次食都已經差不多成年前。最愛就係佢地嘅蕃茄湯系列。因為夠茄夠濃，超正。今日突然好想食，所以就叫左個外賣。墨魚卷蕃茄湯羅C粉我食過好幾次，都係覺得墨魚卷蕃茄湯羅C粉係最好味。一打開個蓋，三條墨魚卷，再加上大量薯仔粒，蘿蔔粒，蕃茄，感覺既健康又好味😋。我揀羅C粉嘅原因係，因該羅C粉嘅粉量比較多😁。我每一啖嘅羅C粉，一定要連同茄湯一同進食先得。咁先係最好食👍🏻咁耐無食，墨魚卷依舊好食。並不是一舊粉咁hea。內裡會咬到一步墨魚粒粒。但不知道是否外賣關係，我食嘅時候，羅C粉已浸腍晒😞。令到好食指數下跌。。。下次都係堂食吧。。。

到朋友鋪頭坐坐，當然要試下佢時常叫的食物啦我來到佢已經食完，因為我未餓。到三點鐘，到我叫了我叫左1加5。 唔好以為一份野好小！其實係超飽啊！沙津令我食到津津有味！所有配搭都好健康最後呢個叫香草包既物體，我5點幾先再食，因為好飽果然不出所料，有料之飽廿幾點抵呀！

平時唔多機會叫外賣食，不過只要一食一定會選 花開富貴 。 我自己都唔明點解，不過餐餐食完都想另一日再食多一次!!蕃茄濃湯鳥冬就係我既最愛啦! 蕃茄湯底味道超濃，微微既酸味刺激起味蕾既反應，食慾大增。鳥冬彈牙，米香亦都足，沾上蕃茄湯既鳥冬更加係令人流晒口水。 真係唔好講笑，食蕃茄湯一定係要配鳥冬⊙ω⊙今次叫左雞扒，一黎營養夠養得大啲肌肉;而且仲要夠好食呀嘛。 雞扒煎得香香，唔會燒焦了，肉質亦可以保持滑嫩多汁，絕對食得我流晒口水最後一個驚喜就係個餐湯啦，係個粟米忌廉湯，creamy到有少少太結身，但飲落去粟米味好香，味道方面尚算叫做好驚喜⊙⊙PS. CP 值相當高，係我好喜歡既餐廳@@

今日食飯時間得一個鐘，所以就同埋d同學一齊叫外賣。10:00落外賣，本身話12:15要，結果12:30先到。打去催，就覆我地話要行斜路系咁。嚟度都完全冇遲左既意識。第一次試呢間，我叫咗個$46的餐。芒果雞肉+牛角包+菠蘿粟米蛋沙律+熱飲一杯因為叫外賣嘅緣故，芒果雞肉夾咗係包入邊，變成芒果雞絲牛角包。個牛角包到時已經林曬，芒果雞絲淨系食到芒果味，完全唔知雞去咗邊。菠蘿粟米蛋沙律都幾大盒，睇落幾抵下，不過超滯，食咗唔夠三分一就食唔到，要掉十分浪費。如果真系要食，建議兩個人share.有同學叫咗水果拼盤而唔要沙律，呢個真心推薦，真系滿滿一盒唔同水果，健康就食得曬。總括而言:味道都算合格，但系有欠服務態度。精明配搭會食得更開心

開花結果每日晚上六點就會收鋪，所以除非o係呢頭返工，如果唔係都幾難先食到。呢日閒日有假放，所以就特登過黎食個早餐喇。呢到必點既沙律餐，可以o係Menu上揀一款包，再搭兩款沙律我選了煙三文魚香草包，配吞拿魚沙律+菠蘿粟米蛋沙律香草包十分香脆鬆化，一咬下去便覺鬆軟及感受到陣陣香草味，十分清新怡人。煙三文魚新鮮，配上千島醬汁口味配搭得很好至於這樣有名的沙律不單份量大，而且味道出眾。吞拿魚沙律選用大量火腿絲、吞拿魚及粟米，啖啖都是吞拿魚肉，即使會覺得有點膩，但味道取勝。旁邊的菠蘿粟米蛋沙律則口味較清淡，碎蛋香氣濃郁，菠蘿大粒多汁，確實比一般茶餐廳出色。

店名好特別, 堂食座位不多, 門外經常排晒隊叫左個外賣: 開花結果+菠蘿粟米蛋沙律+煙三文魚牛角酥+熱檸茶開花結果(新鮮生果, 鮮甜!)菠蘿粟米蛋沙律 (好鍾意食, 每次必點)牛角酥 (暖暖的, 十分香脆)

突然好想食薯仔沙律, 咁岩又響附近行街就諗起"開花結果"! 香港實在太少呢d 經濟少少又有得揀唔同款沙律既鋪頭仔。雖然openrice 好少食評, 鋪頭又細, 但次次星期六下晝兩點幾都總有人響門口等位。今次食左薯仔沙律+日式餃子茶餐。餃子應該係買出面既番黎炸, 不過不失。但係薯仔沙律真係好味, 有薯仔, 薯仔切得比較細粒, 每一啖都食到咬落軟身既薯仔, 仲有切到好幼既西芹粒同少少乾既煙肉碎。除左薯仔沙律, 呢度仲有吞拿魚沙律, 菠蘿粟米蛋沙律, 雜果沙律等, 每個茶餐都有得揀要邊種沙律。餐飲揀左台式奶茶, 埋單三十蚊左右, 一定會再黎!

老闆請食下午茶, 我和同事分別叫左菠蘿栗米旦沙律和白汁吞拿魚牛角酥, 再加2 杯鮮橙汁; 平時中午食飯時間經過, 門口一定好多人等位, 我諗應該幾好食; 首先個菠蘿栗米旦沙律, 好大份, 材料好足, 一d 都唔馬虎; 至於白汁吞拿魚牛角酥, 吞拿魚一般, 但個牛角酥好鬆化好脆, 好好食, 同埋都好大份, 唔怪得之lunch 咁多人排隊啦!!

開花結果開張了一段時間，中午想光顧，但因餐廳地方細小，只能容納十多人，因此每逢午膳時間必定會大排長龍。而小妹差不多每天下午5時左右必會點這裡下午茶，以下都小妹近日點的下午茶，薯仔沙律是必試的，加入洋蔥粒及不多又不少的沙律醬，很美味啊！但要點薯仔沙律真的要快，因為通常一到5時便會賣光的了啊！香茅雞翼也是另一推介，鹹淡適中，重要的是香茅雞翼本身就不會用上肥美的雞翼，這裡亦然，瘦小的雞翼異常入味小妹的同事會比較喜歡吞拿魚沙律，因此沒有薯仔沙律的日子，小妹也會點吞拿魚沙律，新鮮的粟米粒加上厚厚的吞拿魚醬，冷冷的當然好吃。蛋沙律則比較普通了，蛋黃醬很足夠啊，有時甚至會覺得多了一點。果汁用上了大量的冰、水，因此會很淡，還好沒有加入太多的糖，因此沒有那種不自然的甜味。