Video
Above information is for reference only. Please check details with the restaurant.
天氣轉涼想食碗暖心豆腐花，仲要係咁加紅糖同姜糖水🥰個隻，係深水埗C1出口後面，見人地企係街到食緊一碗碗野，八掛下原來係我心心念念的豆腐花！大大隻字寫住用上加拿大非基因改造黃豆，而且仲有好多款口味豆腐花、可以自行加紅糖薑糖黃糖，嗜甜人士一定要食，而且價錢都係$11一碗，仲可以雙拼芝麻糊！陳皮百合蓮子紅豆沙：百合能清心安神、潤肺止咳、益氣養陰。鮮蓮子能養心健脾、益腎澀腸。 對脾虛泄瀉、。 紅豆能清心火、補心血、養顏抗衰老，同時紅豆能强化骨骼，用上自家陳皮，仲要賣緊良心價錢$11一碗，不得了。臭草海帶綠豆沙：綠豆花煲至棉滑，具有清肺解热、治疗消化不良，有健脾理气、开胃的功效，而且臭草气味芳香，行散理氣。薏米白果豆腐花 ：甜度適中，味更綿密更滑順，薏米清熱解毒白果養顏，豆腐花香軟細滑，豆味濃郁。芝麻糊：一食就知自家磨製黑芝麻糊，吾係用粉沖！黑芝麻有良好嘅纖維、仲可以生頭髮、多食幾碗，可以有助睡眠、熱食更正！總結：一想起中式豆腐花 一定要嚟深水埗呢間阿一豆花價錢優惠 味道合宜
continue reading
突然想食豆花，見到呢間專賣豆花，唔係乜都賣的一般甜品店。於是order 左兩碗中式糖水人氣熱賣的芝麻糊豆腐花，豆腐花勁滑，又有豆味，芝麻味濃，果然冇令我失望。蓮子百合紅豆沙，勁大粒軟綿紅豆，好重陳皮味，超正
continue reading
呢排打風，天氣開始轉涼，諗起係時候落深水埗食豆腐花😬隔咗一排冇食，依然係幸福嘅味道。#見到阿一豆花最近加咗價，升幅有$1-2，仍然係抵食嘅。不得不提，原本係無三拼嘅選擇，但員工畀我自己揀三款：凍蓮子紅豆沙、凍芝麻糊、熱豆腐花，只不過收多$2咋！員工好隨和，都好flexible。#滿足咗我三個願望之後，好天氣加上好心情，食落零舍滋味😆推介豆腐花要叫熱嘅，口感嫩滑啲，又可以緩衝吓豆沙麻糊嘅凍，始終食太多生冷嘢對身體唔好。#細細一碗，豆腐花比例佔最多，紅豆沙同芝麻都唔少，有幾粒蓮子，味道濃郁，$10一碗認真抵到爛呀。#疫情前呢間店出面都企晒食豆腐花嘅人，而家冇咁迫，可以入去小小隔板嘅位置安心品嘗。
continue reading
自唔再食公和哩d無良垃圾店之後,成日經過哩間豆腐花店都會想試下,成日見到d 人街係街度食,依家咁環境更係買走拎返鋪頭食啦,反正男人一向喜歡豆腐花,就黎個薑汁凍豆腐花,多薑汁,兩匙更紅糖,賣相幾好,入口薑味先黎,唔錯,夠薑味,涼涼既豆腐花幾滑,豆味都幾香濃,加埋紅糖,食得幾舒服,一碗係$8,雖然見到佢貼左張紙雙拼係$7,咁單拼仲貴一蚊?是旦啦,反正唔鍾意溝埋芝麻糊果d 食,$8食幾碗都抵吖...男人好快成碗啪曬,我食得兩啖,早知買兩碗.
continue reading
本身抵，依加疫情做優惠，買二送一，更扺！💰本身$9一碗豆腐花，依加平均$6一碗！不過打工姐姐有時幾惡，態度其實唔算咁好。.小編經多次幫襯佢既經驗，建議食⭐️熱豆腐花。熱豆腐花比較滑，入口好順。凍豆花較實，較鞋，入口有少少微粒咁，冇咁好食。.🔸花奶豆腐花($11)⭐️分數: (7/10)小編本身就好鐘意食花奶，所以好推介呢個。熱辣辣又滑既豆腐花，加埋花奶既香味係我至愛。熱豆花最緊要係落黃糖，唔似落糖水果種死甜。.🔸黑芝麻豆腐花($11)分數: (4/10)唔好食，佢個芝麻糊味同豆花完全唔夾！.佢既堂食只係店內(4個企位)/店外(門口)既立食，疫情期間，當然買走食最好啦！
continue reading