阿一雲南酸辣米綫

Open Now

Now Closed

好多年前經常幫襯外賣既一間鋪頭，事隔多年又去尋回返個味道，今次介紹埋俾朋友一齊叫。自己都唔敢擔保係好食，因為始終都隔左好多年。 乾炒豬扒烏冬 炒得好乾身，夠鑊氣，大家都讚。  鮮雞酸辣米線 味道都係以前食開既味道但雞份量就小左啲  韭菜餃酸辣米線 韭菜餃有六粒仲要好大粒，都幾好食既，豬肉無腥臭味 麻辣手撕雞撈粉 量多但無乜味，下次要叫多汁 都叫做搵得返以前既味道 

住喺呢度附近嘅人都知道呢一間主打做外賣嘅餐廳，冬天嘅時候最出名嘅係煲仔飯😍😍😍另外出名嘅當然係小炒，而我自己就好鍾意食佢哋嘅炒粉麵❤️‍🔥朝鮮雞球炒烏冬，XO醬雞粒炒飯都非常之美味，而且非常之大份抵食

是一間類大排檔式的街坊小店。晚餐我必點的有是椒鹽雞翼豬排和茄子魚腩煲。椒鹽雞翼豬排，大件夾抵食，一次過滿足我兩個願望✌🏻炸得很好，香脆不油膩，不會一舊舊炸粉的感覺。茄子魚腩煲美味有鑊氣，嫩嫩的。

屯門探親後搵地方晚飯醫肚, 發現富健馬路邊有數間路邊檔, 係呢間人頭湧湧, 就決定响度等下位, 本來諗住要等好耐, 最後都係等左10分鐘就有位。魚腩蠔仔粥($29)好大碗，蠔仔隻隻都漲卜卜，魚腩又大大舊，味道有點偏淡，但薑絲十足，很不錯。椒鹽雞翼尖($28)，有15隻左右啦，雞翼尖醃得好入味，雞皮炸得香脆，加上有少辣既炸蒜，好惹味既一碟。雙料煲仔飯($34)即叫即做，需時10-15分鐘，臘鴨＋滑雞好好味，臘鴨咸咸香香，沒有鴨羶味，份量很足，焗佢一陣先開蓋，加上煲仔飯的豉油，有少少飯焦，香口美味。酸菜腩肉炒米線($30)，大大碟都几辣，米線淋左少少，加上酸菜味道ok，腩肉片都有6-7塊, 都算係咁。

平時好少入去屯門食嘢, 晚上九時見肚餓,又咁好見到有"米綫", 就坐下來看看有咩好食...看看歺牌, 平均$20 就有一碗頗夠份量的米綫, 再多少少錢就可以有碟飯. 但因為最愛是米綫, 所以只点了碗"餃子米綫"..三分鐘後, 熱熱的米綫到了, 賣相不錯, 食落幾夠味道, 餃子有六大粒, 配菜都不少...一路食, 見到別檯的炒飯也到了, 嘩! 好香同好大碟, 希望下次有機會再來.

呢度我食左好幾次每次都係食炒飯大鑊炒,即叫即炒~即叫即炒,雖然比較耐, 有次要等9個字真係餓死= =我覺得呢度有好多都唔錯,尤其辣果D, 如妃炒飯,辣味牛鬆炒飯我特別喜歡辣味牛鬆炒飯辣辣地,有D肉粒。有一次我叫外賣, 買到返屋企都用左成4,5個字返到去食都仍然好熱! 唔洗返熱!D 炒飯真係唔錯,好有鑊氣不過衛生方面差少少隻碟洗完裝飯上台果陣...成隻碟仲係濕!唔建議堂食,外賣用發泡膠盒或者比較好~另外佢係住門外面, 比較熱, 而且油煙同近馬路所以堂食比較唔太好仲有飲品都唔建議...因為我見到佢整O既過程,唔太乾淨, 可以考慮過隔離買野飲~