阿婆豆腐花腐乳 (Closed)

原來個日係佢開門最後一日! 咁我都叫唔知好唔好彩!!細個成日幫襯, 大個咗返來大埔見到阿婆便即刻買返碗! 原來巳做到上舖!點知食落去變晒, 無晒童年個樣豆香味! 浠晒, 得個滑字, 入口又即散! 明顯溝咗水!希望佢重新開舖後, 可以回復當年個種豆香幼滑的豆腐花啦! 唔好上舖就變質先留到客!

第1次見到間野..好似好正+成日都排長龍;;但我唔鐘意食豆腐花,,可能比出面果D盒裝既影響到掛 -,-有次同個FD入大埔,,跟住個FD知道有豆腐花就叫我帶路;;跟住去排隊買啦,,果日真係好熱-_-$6外賣,,唔想係果道曬..所以去左附近M記食;;加左黃糖,,但係都好正呢;;豆味唔算好重但食得出..我同個FD勁快就食完1碗;;因為真係好好食,,所以係阿婆營業到6月10日之前再去食過;;呢次係果度即食,,食完真係想再去買過;;希望佢遲D搵到舖頭再賣豆腐花啦..真係好正的說 *0*

成日都經過阿婆既鋪頭, 無論好天落雨都梗見到有一堆人企係度食豆腐花, 之前冇留心所以無試過 ( 我不是在附近由細住到大 ), 某日一試之下, 驚為天人! 點解?! 點解可以咁滑?! 咁大個女從未食過咁滑既豆腐花, 雖然豆味比較淡少少,但係個種一放入口就滑入喉嚨既感覺真係冇得頂!! 然後再買一樽腐乳返屋企試,不得了!!一樣咁正,腐乳味香濃幼滑,個人認為實在係仲好過廖孖記既腐乳呀! 但係阿婆而家既鋪被業主大幅加租,只營業到6月10日,現仍在物色新鋪中, 希望佢可以快d搵到附近既鋪頭就好喇! 咁我就唔駛驚以後再食唔到佢既豆腐花喇!!

今日天氣好悶熱，剛巧經過，於是要一碗凍豆腐花堂食消消暑。一如以往，阿婆豆腐花係食佢既滑，因為豆味實在唔濃。但大熱天時，食碗凍冰冰滑溜溜的豆腐花確實唔錯，而且5蚊確係抵。食時抬頭一望，原來阿婆豆腐花會係6月10號結業。各位要食請早。

一向也喜歡吃豆腐花，貪其質滑飽肚，加上甜漿糖粉，在細路時吃不少。吃完爽腩來朝聖，因之前在Openrice看了不少其食評，發現評價都不錯。和之前吃豆腐花的習慣一樣，都要吃熱的，一來會滑一點，二來可更清楚試試有否豆味。對著店舖吃，先是覺得：「非常新鮮熱辣」然後便試到其質感，果真是幾滑，但不算好滑。然後開始賞其豆味，不太濃但幾普通，是可以一試的水準，但若要專登來吃的，就不用了。相對九龍城義香，這兒失色不少。看心情再決定來不來Encore啦。

豆腐花都食過唔少,如果要問我最想食係邊間,阿婆一定係首選,有冇豆味,滑唔滑,香唔香,平唔平...haha...都唔重要.....最緊要係食完放低隻碗都仲咁開心,每次去到都實有人排隊,奇怪就係好少見到人打尖(如果有人咁做無論你想買幾多碗,跟本唔使自己出聲,舖內哥哥仔自然會好好禮貌請當事人排隊)唔似好多舖咁大細超..講返豆腐花呢,冷熱都好好味,黃糖都唔使點落,香味我ok,滑我就話夠晒滑,豆味我又感覺得到,俾錢時一句多謝,放落碗時又一句多謝,阿婆一家永遠都臉露笑容同咁又禮貌,哩種親切唔係度度搵得到.阿婆好野

我家樓下的阿婆豆腐花勁出名，星期六、日一定排長龍，所以我亦不與慕名而來的食客爭買，今日放工很早已回家，未夠六點，見仲有得賣，買了一碗凍豆花回家慢慢嘆！阿婆一家，連埋孫仔，成五、六人於店里團團轉，難得忙碌之中仍然禮貌周周，呢點係我最喜愛幫趁的原因之一。講返豆花，凍凍的，雖然雪左嘅豆腐花會較實，但亦無影響其味道，仍然香滑！食完後，透心涼

假期的第一天，本來行去吃爽腩的途中，途經這裡，見一間小小的豆腐花店外，有至少幾十人在「立食」豆腐花的，質數差極有譜，拿拿林排隊買碗來吃。要了碗熱的，果然是很幼滑，但豆味不算很香，不過比起坊間的一些豆花店，已勝一籌。5蚊一碗，也真的是便宜，難怪其門如市的。

好好食無想過凍的也會這麼滑搞到我家的兩個姪子姪女食過之後就不停話要再食(只有3歲及5歲...)仲話北河街的x和無阿婆的好食咁大家知有幾咁好食啦一定要去食!!!

係大埔的街坊, 都應該有聽過或者吃過亞婆的豆腐花. 這裡從前係寄居係別店入邊, 連招牌也沒有的. 現在搬離舊址, 係舊址過小小開了間新鋪. 終於有了自己的招牌, 但係都係相當之求其的. 當然, 對於這裡, 門面係基本上不太重要的.熱豆腐花$5: 8分, 只收$5一碗的豆腐花, 真係相當之便宜. 這碗豆花係相當之滑, 一放入口, 係馬上滑入口中的. 不過稍有不足的係欠缺豆味, 係滑得來而無乜豆香的.行開這頭, 來這裡吃碗非常經濟的豆花也係一時之選. 要留心的係: 舊鋪係另外開了另一家又係賣豆腐花的, 想吃阿婆的要小心唔好去錯, 我們就差點搞錯了.

自從搬左去新舖後(其實只係舊舖嘅斜對面)，阿婆依然勁受歡迎，依家啲人識得排隊去買豆花，唔駛好似以前咁一埋埋人，混亂！豆花仍然係滑溜，阿婆一家依然禮貌周周，堂食5蚊；外賣6蚊，仍然係抵食，如果你自備食物盒去買豆花，阿婆一家仲會醒多少少過你添！

同大頭食左陳漢記之後就去左找阿婆豆腐花搵左好耐先搵到,去到見好多人係門口企係度食叫左兩個凍豆腐花.我地都覺得好好味我好鍾意!!!!!!又滑又好食見咁多一講熱豆腐花好食早知就叫一凍一熱啦值得一提係,服務好好個哥哥見有個妹妹好似冇咩力就叫她放低係佢地張"台"度食完全唔介意會阻到佢地做生意

間中常會來吃豆花,這裡的豆花非常滑,很好吃!而且糖任落(本人吃豆花愛放多些糖),最重要是婆婆一家待客親切有禮,有一次我的朋友不足錢也賣豆花給他,說最緊要大家也有得吃麻,非常好人食物質素高且服務態度好,very good

我諗己經有一年冇幫襯了, 睇其他食評知道原本0既舖被業主收返攞左黎做, 所以老細响附近開返一間. 去到見到各位聰明0既顧客並冇被業主混水摸魚得逞, 阿婆豆腐花前面堆滿了人, 心裡面真的有點安慰...無論任何時候, 我都會選擇熱豆腐花, 因為總覺得熱的比較滑, 咁耐冇食依然係咁正呀... 仲有值得一讚0既係, 雖然生意咁好, 阿婆同哥哥仔依然禮貌勁好, 笑容滿面, 扺比生意佢地做啦

對上一次食這裡的豆腐花已是半年前,今身在大埔墟,得閒又去熱鬧一下。依舊的一大群人堆在店外,因為沒有一條明確的隊而頗混亂。半年前的炎夏想凍食卻沒有凍豆腐花而點熱豆腐花,今在寒風中自願要凍豆腐花,的確熱的夠熱得燙手燙口,凍的夠凍得令手更冰冷,加上糖水,今次下少些黃糖,豆腐花依然滑溜非常,同樣依然的豆香欠奉,只在不太甜的糖水中食到微弱的薑味,整體上味道頗淡。阿婆、店員繼續忙得透不過氣,自己半年前繼續汗如雨下,今則繼續瑟縮一團。