阿牛哥清湯腩.咖哩專門店 (Closed)

琴日夜晚十點幾先係淘大附近搵野食因為大部份舖頭都關門咁就入左呢間舖頭一入到去　係冇人理既咁算喇　坐低叫野食叫左　醉雞翼　蘿蔔雲吞河　同埋一個常餐醉雞翼 : 完全冇酒味既　又冇雞味　都唔知自己食緊咩蘿蔔雲吞河 : 雲吞用超多肥豬肉　蝦又唔新鮮　蘿蔔勁多渣　河粉又凍　簡直係劣食常餐 : 有豬扒麵　個麵勁硬　個湯又淡如水　豬扒極肥膩　仲有個炒蛋同多士...　無意見!!之後返到屋企仲要勁唔舒服唉...早知睇左openrice食評先

見到都有幾台係有面，放心入去試下 寫住牛腩專門就梗係試牛腩，點了碗牛腩米線另配咖哩汁，再要了碗崩沙腩河。好快就上台，點知一咬已感覺....唉...失望珍容，牛腩肉味淡得來而且非常有咬感，後生細仔都咬好耐......基本上老人家完全冇可能食到...另外就是湯非常的淡....但比飲清水好... 崩沙腩基本上情況只是好少少 因為純肉部份較少而已......咖哩汁似巴基斯坦咖哩但味道也不見得出色最後已經唔知打咩好，只是終於知道下次去試新野一定要上openrice睇下先好去。

當一間餐廳獲得的劣評比好評多，真的要考慮清楚才好決定要不要進去，不然你會後悔。在中午，淘大及德福一帶的餐廳很多都座無虛席，阿牛哥亦不例外，於阿牛哥門外心想：「這麼多人光顧應該不會太差吧！」於是我就進去了。我點了雲吞蘿蔔河粉　＋　凍檸茶～雲吞蘿蔔河粉　雲吞有３粒，蘿蔔有４大舊雲吞非常細粒，可以說是「一口雲吞」。雲吞應該不是自家製的，蝦亦不新鮮，蝦肉不爽口。雲吞味道非常淡蘿蔔一般，不過不失河粉好像只有隨便的烚一烚，有點凍湯底無味，好像溝了很多水～凍檸茶不過不失

今日因老公病左所以無出街食，兩個小朋友又想食粉，於是打去阿牛哥呢間嘢度叫外賣，我叫左兩碗牛坑腩河及蕃茄湯魚滑米線，等左30分鐘左右，外賣已送到，佢個賣相都ok,但一食個牛坑腩河已覺得麻麻，牛腩無咩味但尚可接受，但個湯底真係好差，所謂嘅湯底係無咩味度，好淡！跟住再試個米線，曄，簡直要立即吐出來，超唔得，但湯底係有蕃茄同鯪魚肉，個湯底比腥味，薑味蓋過哂，個魚肉仲腥到不得了！完全入唔倒口，連我女對食無所謂嘅人都話好難食，我就連一啖都食唔倒要立即吐出嚟！真係好不知所謂，成三十幾近四十歲人都未食過咁難食咁米線，真係好差！

這間一共食過4次,最初系食牛腩,但真系麻麻,之後不停出新菜色。如果清湯腩做得好何須再賣其他?在附近上班,有時真系唔知食甚麼,見佢有其他新野時都走去試下‧今次中午叫左個牛肚重慶酸辣米線,小麻小辣, 未食前已經好香,味道ok,牛肚亦唔錯,但我食開酸辣粉既下次可以叫中麻中辣但應該無下次,因為無餐+飲品之餘只系一碗麵要成$36,出面有大把好食又平既,又點會撰佢

相信當初貴網在食評一欄上，分笑臉，與喊臉兩個標記，是加強食評本身的效果。發展到十多年之後的今日，成為了大眾網民的搵食指標。好評多的餐廳，固然吸引到人前往。至於劣評多的餐廳，則趨吉避凶，除非，你有被虐狂，像我。哈哈，有時找到些一面倒劣評的食店，我倒也有興趣看看，是否衰到貼地？早年曾試過去大久保踢館，兩年多前在明將的一記破地獄，是不朽經典。。。。在淘大商場外面的"阿牛哥"，在貴網的戰績非常嚇人，五十多個食評之中，只有一個好評，劣評多達三十多個。雖然紙上戰績已經說明一切，不到黃河心不死，我就來起你個底。既然店名為阿牛哥，而且自稱牛腩最有名，便來一碗爽腩試試，例牌要伊麵，本身爽腩＄29，伊麵加＄3。當一上桌，賣相已輸，爽腩甩頭甩骨，筋膜位不爽，帶點韌，腩肉也是一樣又韌又硬，真是少點牙力也吃不到，更有一陣不知怎說的怪味。蘿蔔不甜不特止，還帶點臭，入口不爽亦有渣。湯底呢？完全沒有牛味，只有鹹味！鹹得要命，喝不下。不要對我說：(這個價錢是咁上下，你還想要求甚麼？) 的說話，三十幾銀不是錢嗎？好像這碗如斯不堪造就的爽腩，不如你比三十幾銀我，我幫你吃？餐牌的封面，寫著： (以鮮為本，用心做好每一碗。)

味道：清湯牛腩飯- 清湯: 湯還可以, 飲過唔會話味精好重.- 牛腩: 少少SO味, 都'諗'身gei, 六件都夠晒我食.- 蘿蔔: 無渣夠'諗', 隻味怪怪地, 食落無蘿蔔味 (可能煮法太獨特我唔識欣賞)- 飯: 無咩特別. 環境：似茶餐廳格局, 坐底後覺得少少迫, 但其他人行過都唔會撞到自己, okay la.服務：樓面做野幾快手, 叫佢抺枱都無累面.衛生：樓面幾企理. 抵食：$40 跟hot O tea, 呢個質素俾大排檔價錢會合理d. 可以租金太貴吧.總括來講：食物都唔差, 但真係唔特出, 到到都食得返, 唔駛專登去食.

行完ikea打算去dsc見到,就入去食個下午荼枱面極多油,勁大陸feel下午荼set 雲吞麵,凍擰荼$22友人食咖喱牛腩飯雲吞好細粒,但重ok麵,湯底一流凍擰荼幾好咖喱牛腩飯咖喱唔好食(唔岩香港人口味)牛腩唔好食衰過波仔$20叮飯

次次經過呢到好多次都覺得d牛味好似好香咁..終於今日入左去試下~咁就一行三人叫左一個咖哩牛腩飯,清湯牛坑腩河粉,重有一個咖哩牛腩牛肚飯~咁諗住食咖哩辣,想叫幾杯野飲..但凍飲跟餐竟然要+ $8! 實左唔抵!!!所以我地冇叫到...叫左左侍應拎幾杯水來...但係杯杯水都有油..見到都唔想飲......講番d野食..咖哩牛腩d牛腩唔夠林..咖哩唔似咖哩!至於個清湯牛坑腩河粉,d牛坑腩先正常番d..今次唔記得影相...但建議唔值得一試..

上兩年係這裡買過外賣咖喱回家食, 試過又ok喎, 於是今次又試下堂食啦~即時上網睇睇這裡的食評, 原來好多人都話這裡好難食.....阿姐幫我們落了單後, 我就叫她幫我們拎兩杯水, 叫了一次又一次, 都好似無人應咁....個個都好似on戇戇咁....於是我們點了咖喱牛腩米線, 桂花糕+芒果糕:咖喱牛腩米線: 咖喱好香濃, 牛腩都好淋, 都幾好味呀(70分)桂花糕+芒果糕: 桂花糕好香, 底部的椰汁好香濃~反而芒果糕就麻麻地了(70分)這裡的食物不算差, 但我覺得是這裡阿姐的問題........無反應之餘, 又唔知自己做緊乜........

九龍灣吃咖喱的選擇多，大快活、栢檔和阿牛哥，前兩者咖喱是馬拉式，阿牛哥像巴基斯坦，多種香料製成，很獨特香味。前幾次試過清湯腩、河粉、米線、咖喱四宝(小辣)。幾次都要在12點前和2點半後，才較容易有位。近排在午飯時間，也有大量空位，是否出了問題？ 仔仔又想再吃，於是又一次試食。樓面除了老板，還有六人，４個新手(應剛出來工作不久)和2個做得較長時間老手(不能說有經驗)，廚房應也是新手吧。一進门，右手面是卡座，正中是兩列4人方枱，枱與枱之間應是客人背貼背的，會有多餘空間。客人須然不多，但每枱也2-3人坐着，不明白新手和老手樓面，不停地在客人身後踫撞而過，卡座傍的通道較闊也不使用，不明是甚麼道理更甚的是，一個老手樓面在2步也到的近门口坐的客人位置，竟然行＋多步到廚房门口位置，叫新手樓面到门口幫那枱客"落單"，果然奇怪，‧難怪"阿牛哥"那天口黑面黑。阿牛哥出名清湯腩，上幾次已領教過，今次當然要少份量一点，如果再叫一份清湯腩，將會再度浪費食物，不是因為大份量，而是一般清湯腩，沒甚麼特別。而馳名米線，更是可一不可再(試) - 超淋，當然不是我食的那一次超淋，只要經過...見都見到...超淋米線。

點咗碗牛腩牛肚米線，價格$31夠食一個中餐加野飲以為牛腩專門店（佢自稱）味道好貴少少都可以接受點知.......牛腩－－－“駭霎霎”兼唔好味牛肚－－－唔知用乜處理過“淋ｐａｔｐａｔ”之餘冇晒味，唔知食緊Ｄ乜，唔會搵到難食得過佢既牛肚湯－－－淡而無味，標榜無味精，但飲完令你好口渴以上都算，你標榜自己大師傅但實際水準低你都唔想，唔怪你最離譜係個米線煮米線好簡單，我都識喇佢夠膽死煮到超淋，米線煮到幼晒～～一夾就斷幾條，明顯嚴重煮得耐過頭，連最簡單既米線都煮得咁差！！！我就知唔需要對呢間野有任何期望。。。冇水準之餘連少少ｈｅａｒｔ都冇既食店，仲要貴以後唔會再幫櫬

今日陪男友去淘大行街街~~一到步, 當然去醫一醫五臟廟~~~其實淘大好多餐廳都試過...今日就試左另一間-- 呀牛哥呢間餐廳, 食完即刻超後悔~~~晚上到openrice睇, 超多劣評=.=唉....自己點解會選擇左呢個餐廳!!!!!!!!!!!!點解佢可以煮得咁差...佢寫 "清湯腩專門店" 寫得專門店, 都應該吾差呱........我就叫左清湯腩...@@"~~清湯腩係我食過, 最難食的清湯腩, 湯底無味道......好似"羅白水" , 牛腩好"柴"~~好似煲湯豬肉咁!!!!!!!!!!超差!!!!!!!!!!!!男友就食"常餐"~~~佢跟"民華"的常餐!!!!!!!不過人地好食佢百倍!!! 一個常餐,加埋茄湯 $38~~價錢比"民華"仲要貴...........但多士是林的.......豬扒幾乎沒有肉食且吾好食.....茄湯並不是茄湯, 只是在麵上加了幾塊茄....加$4~~唉..我們超後悔選擇了這間餐廳......

阿牛哥有位常客傻婆 我是住淘大的,所以經常都會到淘大阿牛哥咖喱清湯腩專門店食晚飯,我也很歡食他們的咖喱牛腩飯,很好食,夠辣,但今晚很生氣,因為我媽媽及爸爸從上海回來,他們和我也很喜歡食咖喱牛腩,所以打算一家人跟姐姐一起到阿牛哥食晚飯,一入去坐低,就見旁邊枱一位短頭髮細細粒個嘴塗了很紅很紅的唇糕的中年老婦,45-55歲左右,不停在手指指在自言自語大聲駡人,好似在罵D侍應,我見D侍應也無理他,我媽媽見到有傻婆在,也叫走,於是我們一家人就被這個傻婆嚇走了,令到媽媽不安,我也不開心,其實我平時一個人去阿牛哥食晚飯也經常見到這個傻婆都在食晚飯坐很久,而且每次都不停在駡人,為何D老闆及經理可以容忍間食店有些有問題的傻婆食客存在,影響其他客人,應該不做這個傻婆生意啦,趕走哂D客,叫我點介紹朋友去食,做老闆的應檢討吓^.^

:huffy一入去坐下,我們便叫了二碗麵一個飯,坐了十五分鐘,還未有東西吃,:然後,我們找伙記追問一下,他才說還未落單,他左找右找,原來單在他褲袋裡.還未入機.後來再等了＋分鍾終於來了.伙記未落單,sorry都冇聲.服務態度真是要改善下.八寶麵個麵一舊嘢都未散開.叫人點食.仲好多味精咸死.蕃茄牛腩河D河粉很粗糙鞋口個湯冇蕃茄味.淡牛四寶湯飯個湯很咸冇牛腩味.味精很多.蘿蔔又苦.牛肚又淋過頭冇牙都食到好似煲左好耐.價錢120元唔算平應該可以做好一些總括來說食物和服務都要改善.如果唔改應該很快就結業.