Video
Read full review
2020-07-31
925 views
由於疾情肆虐，最近午餐都係去近啲嘅西九龍中心買嘢食算😷。經過好多次依間船河店都無幫襯，但前幾日聽同事講話幾好食，所以就試下。小店得一個阿姐主理，佢都幾友善、好人😊。另外，舖仔望落都算乾淨衞生。舖面貼滿各式各樣嘅食物圖片，花多眼亂，有圖有真相😏。價錢喺西九嚟講唔算特別平，一碗粉都起碼成四十蚊，但都可接受嘅👌。我同同事叫咗一個咖哩飯同一個船河Share食，食物即叫即整，所以都等咗15分鐘🤔。不過咁都好，真係熱辣辣煮好！泰式咖哩牛腩飯($45)，🥘咖哩汁同白飯係分開上的，咖哩汁勁大兜囉，兩碗白飯都夠點。我哋懷疑店主俾咗青咖哩我哋，因為隻色偏綠色的，但都無乜所謂，因為好好食😋。咖哩好惹味，辣味亦都幾明顯，而且金不換同香料味完全滲透咗落個汁度，正。同時，牛腩幾大粒，份量算慷慨。唯一挑剔係白飯乾身咗啲。泰式船河(扎肉)($40)，其實我之前都只係食過一次船河🍜，唔太清楚實際味道係點，但印象中好似係有啲藥材味。呢個船河未打開已經好大浸味～。船河⛵️可以揀金邊粉或者河粉，我哋要咗前者。餸料其實亦有得選擇，肥牛、牛丸、雞絲等等都有，但同事話想食扎肉喎。扎肉得四塊，不過都算大件兼厚切。另外，仲有兩片生菜。嘩
由於疾情肆虐，最近午餐都係去近啲嘅西九龍中心買嘢食算😷。經過好多次依間船河店都無幫襯，但前幾日聽同事講話幾好食，所以就試下。
小店得一個阿姐主理，佢都幾友善、好人😊。另外，舖仔望落都算乾淨衞生。
舖面貼滿各式各樣嘅食物圖片，花多眼亂，有圖有真相😏。
價錢喺西九嚟講唔算特別平，一碗粉都起碼成四十蚊，但都可接受嘅👌。
我同同事叫咗一個咖哩飯同一個船河Share食，食物即叫即整，所以都等咗15分鐘🤔。不過咁都好，真係熱辣辣煮好！
青咖哩牛腩飯
$45
33 views
0 likes
0 comments
泰式船河
$40
37 views
0 likes
0 comments
船河⛵️可以揀金邊粉或者河粉，我哋要咗前者。餸料其實亦有得選擇，肥牛、牛丸、雞絲等等都有，但同事話想食扎肉喎。扎肉得四塊，不過都算大件兼厚切。另外，仲有兩片生菜。
嘩但船河個湯唔係幾掂，我唔太啱，直頭要隔開湯先食。佢好重藥材味，甘甘苦苦，但又唔夠鹹。佢同我上次食嘅味有啲出入，呢到重口味好多🙈。怕怕 
龍眼冰
16 views
0 likes
0 comments
總括嚟講，我哋一致認為咖哩比起船河好味，咖哩牛腩絕對值得Encore，諗諗下買份返屋企做餸都好喎😉。題外話，我唔明點解美食廣場嘅攤檔外賣都要收$1囉，有得坐低食你咪又係比嗰個兜我！
Post
