Video
7-min walk from Exit A2, Tseung Kwan O MTR Station
continue reading
Telephone
68990688
23650688
Introduction
Founded in 1963, the authentic Chiu Chow restaurant is famous for its Chiu Chow Daa Laang (night-time meal). Recommended dishes include marinated goose pieces and marinated goose intestines. Another special dish is raw marinated cockles, which are made with blood cockles from Shantou and special sauces.
continue reading
Opening Hours
Today
11:00 - 23:30
Mon - Sun
11:00 - 23:30
*Last order: 23:00
Above information is for reference only. Please check details with the restaurant.
RELATED ARTICLES
突然又興起”回憶殺”，相信唔少人兒時都曾經睇過老夫子。今次去食呢間打冷，竟然有一系列老夫子裝飾係門口，腦海即浮現”耐人尋味”，哈哈哈……..店內唔難發現佢地嘅蹤影，陪住你食飯。特設老夫子菜推介菜式，每款都以佢地嘅經典四字作名，好似”耐人尋味”，”一舉兩得”，超搞鬼。咁就試吓由佢地個人推介嘅幾款菜式。鹹魚蓉蓮藕煎肉餅 ($108) 選擇梅香做菜料之一，因其肉質軟綿、味道甘香鹹鮮，容易混入肉餅與蓮藕粒煎香。有喼汁點食，煎得肉餅外脆內綿，咸魚蓉加肉餅超級好送飯，加埋蓮藕粒嘅爽脆口感，成為今餐嘅”偷飯賊”。呢碟蒜蓉炒蕃薯苗 ($88)，插上一支大蕃薯旗仔，好應題喎。蕃薯苗以蒜蓉清炒，簡簡單單已經味道唔錯。呢碟鹹魚蒸馬友 ($208)，有”生死戀”外號。將鹹魚同新鮮魚一齊清蒸，確係特別煮法。亦係選擇梅香放上馬友一齊蒸，咸鮮味滲入條馬友。馬友肉質超嫩滑，無咩細骨，夾少少梅香魚肉一齊食，驚喜味道。只有打冷先有得食，一大碗韮菜豬紅 ($70)，豬紅忽然變做大佬。韮菜係底，浸住係濃味醬汁中，問侍應拎埋碟潮州辣椒油點食，豬紅滑得黎帶點煙韌口感，點可以唔叫。仲有一系列老夫子食品可以買走，例如港式蛋卷，惹味醬料及芋泥酥。
continue reading
呢度唔單止有好味嘅潮州打冷菜，仲有老夫子嘅身影同你一齊享受美食📚。陳儀興飯店同老夫子合作，喺將軍澳分店搞咗個期間限定嘅主題餐廳，特別推出多個老夫子打卡位📸，仲有幾款老夫子推介菜式等緊你嚟試🍜。—————————————————🪷 耐人尋味 - 鹹魚蓉蓮藕煎肉餅 $108 外層煎到金黃酥脆，入面嘅肉餅又夠嫩滑，每一啖都係經典嘅廣東味。仲要插住枝老夫子竹籤，即刻覺得好有特色。
🐮 各有千秋 - 蜜椒番薯牛柳粒 $88 蜜椒番薯牛柳粒係必點之選，有鹹有甜好開胃，牛柳粒炒到啱啱好，加埋番薯同蜜椒，真係食到停唔到口。
🦆 非同凡響 - 滷水鵝肝 $178鵝肝入口即溶，滷水味又夠入味，下面仲有大量芽菜，正呀！
🍠 潮州手工芋泥 $48 手工芋泥好滑，淡淡的甜味，食完真係大滿足！
🧋 樽仔奶茶 $20 樽仔奶茶嗰種懷舊味真係冇得輸，奶茶香濃又唔過甜，解膩一流。
🧉 羅漢果茶 $20 羅漢果茶清甜潤喉，飲完真係好舒服，健康又好飲。
🍚 白飯 $12白飯煮得啱啱好，粒粒分明又唔硬，配咩餸都咁啱。
continue reading
餐廳都可以同卡通人物 cross over 咁搞笑真係有老夫子嘅推介菜式🤣🤣1) 各有千秋 蜜椒番薯牛柳粒🤎番薯粒半煎炸過 加埋啲蜜糖外脆內軟嘅感覺牛柳粒煎得幾香🍯真係同番薯粒各有千秋 有埋啲青椒紅椒 幾惹味🥰2) 勢均力敵 鹹魚蒸馬友🎣肉多骨少油豐味濃嘅馬友 蒸嘅火候啱啱好 😌😌有埋啲鹹魚就再多咗一份味道配飯食啱啱好3）耐人尋味 鹹魚蓉蓮藕煎肉餅🥩肉餅打得彈牙 有埋啲魚蓉 同埋幾爽嘅蓮藕份量都算多 總共有八塊😇😇Share 就啱啱好4）潮州蠔仔粥 嚟到潮州舖頭梗係要食返碗潮州粥 我幾鍾意粥嘅湯底 甜甜地新鮮🍚5） 最後嗌多支竹蔗茅根水 潤潤喉嚨連支嘢飲都有老夫子㗎 😙😙竹蔗茅根少少甜，有助於清熱、止咳係健康飲品
continue reading
餐廳位置唔太顯眼，但勁！多！人！食物質素應該有返咁上下～今次食完無失望👍🏻將軍澳分店期間限定👨🏻🦳推出多款老夫子菜式仲聯乘老夫子有得打卡📸 太蕃薯個樣🍠好搞笑🐦《 滷水鵝肝 💲178 》肉質幼滑甘香，入口即溶，醇香甘潤～～🐟《 鹹魚蒸駶友 💲208 》選⽤⼀⽄新鮮⾺友，魚大條肉質細膩，同梅香鹹⿂⼀起蒸煮，⿂⾁滑嫩又油潤，再加上鹹香，搭配薑絲同陳皮絲～送飯/粥一流！🐮《 蜜椒番薯牛柳粒 💲148 》平時啲蜜椒牛柳用薯仔，呢到就用蕃薯🍠炸到焦香微脆，多左口感又顯香甜，牛柳夠嫩腍，再爆到焦香，整體蜜椒鹹甜混和好惹味！🍲《 潮洲蠔仔粥💲72/碗 》好多蠔仔，而且大粒脆美～ 🍚《 粥 💲12/碗 》*有加一服務費*職員好好人，見我哋喺門口打卡，特登出嚟幫我哋揸機～
continue reading
再次回頭幫襯將軍澳超好味嘅潮州菜🤤，今次仲適逢餐廳同老夫子聯乘，老夫子作爲我童年回憶，梗係唔會錯過，要去打卡啦📸！7 點左右到餐廳門口，已經被多個老夫子人物角色及場景吸引🤩，再次見到全場滿座，座無虛席，等位期間，梗係把握時間，瘋狂打卡先啦✌🏻。等左一陣，好快就入座，餐廳環境依然保持乾淨寬敞，餐廳內同樣設有多個牆上圖案打卡位，連坐低見到餐紙都有老夫子漫畫，童年回憶返曬黎😉。今次見到有多款老夫子推介嘅菜式，我地嗌左幾款試下非同凡響 - 滷水鵝肝🦆食得潮州菜，當然唔少叫滷味啦，而今次係老夫子推介菜式入面見到有滷水鵝肝，平時係其他鋪頭較少見，一於嗌黎試下。鵝肝滷得入味，每一片都大大塊，鋪滿成碟，鵝肝處理得十分乾淨，沒有異味，口感粉線滑，入口即化，可以點上米醋。鵝肝下層鋪滿芽菜，配搭埋鵝肝一齊食，口感更多左層次😋。勢均力敵 - 鹹魚蒸馬友🐟鹹魚蒸馬友又稱「馬友生死戀」，將馬友製作而成嘅鹹魚同新鮮馬友一齊清蒸。馬友油脂豐富肉質鮮美嫩滑，清蒸已經好好味，而且無咩骨，可以啖肉😆。原來如此 - 蒜蓉炒番薯苗🍠簡簡單單蒜蓉炒番薯苗已經好好味，大大碟，份量十足，番薯苗翠綠鮮嫩，炒得香味撲鼻，而且唔會好油膩👍🏻。潮州蠔餅🦪潮州菜又點少得蠔餅呢，大大塊蠔餅金黃色，十分吸引，脆卜卜入口酥脆香口，見到一粒粒脹卜卜嘅蠔仔，配搭埋魚露，既能辟除蠔嘅腥味，又能將鮮味昇華，味道一流，讓人食唔停口🤤。總括而言，隔左一段時間再幫襯，水準繼續保持得好出色，菜式味道多元好味，絕不馬虎，好適合三五知己、一家大細一齊黎，仲要趁依家可以同老夫子打卡，千祈唔好錯過啦🤭！陳儀興飯店 (將軍澳 嘉悅分店)📍地址：將軍澳至善街9號嘉悅地下2-3號舖
continue reading